مشكله بموبايل سامسونج جالاكسي

[besbesmany]

كنت انزل برامج على الموبايل ولا اعتقد اني نزلت برامج بها رووت لان البرنامج كان سيخبرني انه يعمل روت او يحتاج لروت (مش كده؟) اعتقد كلها
برامج عادية منها برامج مدفوعة و خلال تسطيب احد البرامج توقف الجهاز و لم يكمل
التسطيب فاغلقته و بعدها

الموبايل رفض ان يشتغل مره اخرى
الموبايل يرفض الدخول للدونلود بيج او الريكفري بيج او اي صفحة و يعمل ريستارت فقط و يقف على كلمة سامسونج
زراير الهوم مع البور او الفوليوم لا تدخل على اي شئ

هل استطيع استبداله خلال اول 14 يوم من المحل او التوكيل ام سيعتبر عيب استخدام؟
هل هذا يخرج الموبايل من الضمان ؟
هل سأدفع مصاريف اصلاح ؟

ياريت اي معلومة

[miro the king]

موبيلك ايبة الاول
وانت ممكن تنزل نسخة سوفتوير او روم ا افضل من الى عندك على ما اظن.
وطبعا تقدر تستبدلة فخلال ال14 يوم

[besbesmany]

نوعة 9003SL
عاوزه اعرف هل لما اطلب تبديله من المحل الوكيل سيرفض لانه سوء استخدام ام سيقبلو
يبدلوه خلال 14 يوم
هل سيرفض التوكيل تبديله و هل سيخرج من الضمان السنة بتاعته ام سأدفع له اصلاح ام سيكون لسه في الضمان

انا مش بعرف انزل بس لو نزلت هخرج من الضمان ولا ايه
انا مش عارفة هو باز اساسا ليه و انزل بعد كده البرامج ازاي و ما يبوزش

[omar-tdm]

ما اسم البرنامج الذي قمت بتنصيبه

[xvivax]

معرفش حضرتك اتلخبطت وانت بتكتب ولا لا
بس الاول لقدر الله و مفتحش خالص تقدر تستبدله فى ال 14 يوم
بس ملاحظه الدون لود مود بتدخل عليه عن طريق انك بتدوس على تلت زراير مع بعض power +home + volume
وخلى بالك بتضغط زى الصوت لتحت يعنى كأنك بتوطى الصوت

[besbesmany]

انا عارفه موضوع الدونلود مود بس مش بيدخل عندي خالص ولا حتى الريكفري مود

و المشكلة انا مش عارفة انه برنامج بالضبط سبب المشكلة

و ايه اللي خلى المشكلة تحصل هل عملت برنامج به رووت مثلا بس ما اعتقدش
الموبايل حصل ليه brike

و عاوزه اعرف هل ممكن استرد فلوسي بدل ما ابدل الموبايل ولا مش من حقى
المحل منتظر راي التوكيل علشان يشوف يبدله ولا لأ
بس انا مش عارفة الحالة دي التوكيل هيقول ايه
و هل استطيع استرجاع فلوسي بدل اخذ موبايل اخر لو كان ينفع يبدلهولي ولا لا؟

[xvivax]

حكايه استرداد الفلوس بصراحه مش هفتى فيها ممكن محلات تديلك الفلوس لو الموبيل ينفع يتبدل
و لو ينفع يتصلح هيقولك لا
و فى حوار تانى لو تعرفى الناس اللى فى المحل دا كويس
فى حاجة بيعملوها اسمها حمايه مستهلك خلال او 14 يوم
فى واحد قبل كدا قدامى اشترى fit و كسر سنون الشحن و سوسته كارت الميمورى بس هو كان يعرف صاحب المحل
عملو حوار كدا اسمه حمايه مستهلك و بدله الجهاز
و ان شاء الله الجهاز يتبدل و متقلقيش الجهاز كدا ممكن يكون حصله brick للسوفت بتاعه
فى حاجة اسمها jig بس المشكله انها بتجاب من بره من موقع ebay تمنها 3 دولار
كل اللى بتعمليه تقفلى الجهاز و تشيلى البطاريه خمس ثوانى و تركبيها تانى و بعدين توصليها فى اليو اس بى بتاع الجهاز
و هتلاقيه فتح علطول على الدون لود مود
و ان شاء الله خير و يتبدل الجهاز او تستردى فلوسك

[besbesmany]

الف شكر على اهتمامك بموضوعي و ان شاء الله خير
بس نفسي اعرف لو تعرف مكان او محل لتصليح موبايلات سامسونج او حد بيفهم في تصليح الموبايل لان التوكيل شكله مش هيساعد في الموضوع ده اوي اخرهم هينزلو السوفت تاني بتاعة

لكن لو عاوزه اغير الاندرويد للاحدث او اصلحه بعد كده او يكون عندهم حتى jip حد يعني يساعدني لو اي مشكلة بمبلغ اقل من الصيانة و زي ما انا عاوزه بالضبط
ياريت تقولي عليه فين الشخص ده

و الشيء التاني اجيب موبايل منين يكون سعره كويس بس مش المحلات الكبيره زي موبايل شوب و كده لان سعرهم اعلى
يعني لو محل عادي في الهرم و فيصل ياريت تقولي عليه لان الاسعار بتكون اقل من التوكيل او المحلات الكبيره في الشراء

و الف شكر لمجهودك و اهتمامك

[besbesmany]

بس انا مش فاهمه موضوع حمايه المستهلك ده ينفع في حالتي ولا ما ينفعش
و القرار هيعتمد على رأي التوكيل في المشكلة
يايقول نبدل الموبايل او سوء استخدام؟

[xvivax]

بصى انا ممكن افيدك فى اسكندريه لو فى عندكو الشناوى فى القاهرة يبقى زى الفل :D
غير كدا هبقى بفتى
- حوار ال jig دا المفروض الناس هنا توفره لاصحاب الموبيلات لانها قطعه مهمه جدا و كل موبيل ليه موديل معين فيها بس تقولى ايه اهلا بيكى فى مصر
لازم تجيبيها من بره عن طريق موقع ebay
- حوار التصليح و كدا انتى ان شاء الله اول ما تقرى كتير عن الرومات و التسطيبو الحاجات دى هتفهمى السوفت وير كويس و ان شاء الله مش هيحصل معاكى اخطاء تانى
لأن الاندرويد من اسها السوفتات فى التسطيب و تعليمها و لو عايز تصلحى سوفت لما تروحى لحد كل اللى هيعمله هينزله سيستم جديد فاحسن تقرى موضوعات بتشرح
ازاى تتعاملى مع موبيلك احسن بس لو بتخافى بقى و كدا ممكن تستنى حد من الاعضاء يكون يعرف اكتر منى اكيد فى القاهرة و يدلك على محل كويس
-بالنسبه لا قدر الله لو حصل اعطال هارد وير افضل التوكيل لو كان الموبيل فى الضمان لو خارج ضمان افضل محل فيه واحد بتاع صيانه فاهم هو بيعملايه
و برده اللى هيفيدك الاعضاء اللى من القاهرة
اتمنى اكون افدتك ولو فى اى استفسار تانى اتفضلى
-ان شاء الله لا سوء استخدام ولا حاجة و ان شاء الله يا اما تطلع مشكله سوفت بسيطه او تبدلى الموبيل

[xvivax]

يبقى تستنى رأى التوكيل وان شاء الله خير

[QbaX]

اخي العزيز حصلت معي نفس المشكلة بالضبط وبنفس الجهاز i9003 حتى انه لم يعمل ابدا حتى عند توصيله بالشاحن لم يكن يشحن حاولت بعدة طرق ولم افلح تركت الجوال لمدة ثلاث ايام وبعدها تفاجئت بانه اشتغل والحمدلله !!

[besbesmany]

اوكي ربنا يسهل ان شاء الله
بس اشوف هيحصل ايه في الموبايل
و بعدها هسأل عن اماكن الاصلاح و افهم ازاي ممكن اصلحه

[memoreturn]

حضرتك ببساااااااطة روحي للمحل وقوليلي الموبايل لوحده كده وقف ومشتغلش هيقولك ازاي قوليله كنت بقلب في الموبايل ولقيته فجاة رستر ومرضاش يفتح نهائي فياما تبدله ليا ياما يتصلح وقوليله انا دافعه فيه فلوس مش قليلة فياريت حضرتك بعد اذنك تشوفلي حل فيه

بس طبعا بهدوء واياكي تغلطي وتقولي انه انتي حاولتي تنزلي برنامج وكده لانه هيقولك اكيد عيب مستخدم وفي الحالة دي مش هيبقي في تبديل وهيبقي بس مجبر انه يصلحه لانه ده عيب سوفت وير او هاردوير وانتي لسه في الضمان طالما موبيلك متفحتش من اي حد بمعني موديتهوش لحد يفتحه وفك مسامير وحب يغير او يشوف اي حاجة في الهاردوير

[besbesmany]

الحمد لله رجعت الموبايل وا خذت فلوسي
و الان محتاره اجيبه تاني سامسونج 9003 ولا اجيب sony mt15 expera neo