هي ايه طبيعة عمل مهندس الشبكات؟

[DEARTITo]

انا مهندس اتصالات و السؤال ده بيدور دايما فى دماغي .. انا لسة على اول الطريق خلصت CCNA وهبدأ فى الــ CCNP قريب ان شاء الله ..
وانا الحمد لله بحب المجال ومرتاحله بس نفسى اعرف مستقبلي هيكون شكله ايه ؟ :rolleyes:
يعنى مثلا لو اتكلمنا عن اللى بياخد كورسات الموبايل زى الـ GSM بييبقى حاطط لنفسه خط سير محدد فى شركة زى فودافون او اريكسون او موبي سيرف على سبيل المثال ..
مهندس الشبكات بقى اللى بيسلك مسار الــ CCNA وما بعدها ايه الشركات اللى ممكن يبقى ليه مستقبل فيها ؟ هل اى شركة بتبقى محتاجة لمهندس اتصالات لادارة الشبكات الداخلية الخاصة بيها او لربط الفروع مثلاً ؟
وهل فى شركات كمان تخصصها اصلاً هو المجال ده بالتحديد وبتصمم وتركب الشبكات لشركات او لمصانع تانية ..
وانا بسحب فلوس من مكنة الــ ATM بلاقي راوتر سيسكو محطوط جوة الكابينة ودايما بسأل هو اللى ركب الراوتر ده وبرمجه ايه الشركة اللى جيه منها ؟ مهندس شغال فى البنك مثلاً والا فى شركات معروفة هو ده شغلها ..
نورونى الله يكرمكم علشان الجزئية دي فعلا تايهة عني .. وعرفوني كمان ايه هى الشركات المتخصصة فى المجال ده ..
وجزاكم الله كل خير

[takime]

بتبقي حاجه تقديريه لمدير قسم الاي تي في اي شركه انه يدعم الشركه بكل الخبرات في كل تخصصات الاي تي بحيث ان تبقي كل حاجه تحت ايده ويعمل كل كبيره وصغيره في الشركه مثلا يبقي في كل شركه مهندس فويس اي بي و نت وورك وسيرفر و و و ......
او انه يعتمد ع الاوت سورسينج بمعنا انه يستعين بشركات متخصصه ده شغلها وفي حاجات معينه زي الكاميرات والاي بي فون واحيانا تصميم الشبكات من الالف للياء وفي الحاله دي الميزه بتكون تعدد البدائل وتقدم الحلول المبتكره ... علي عكس لو الاي تي في الشركه كامل مكمل .......

hope it help

[DEARTITo]

متشكر جداً .. ياريت لو تقوللى ايه هى الشركات الموجودة فى مصر اللى ده تخصصها ..

[ahab]

متشكر جداً .. ياريت لو تقوللى ايه هى الشركات الموجودة فى مصر اللى ده تخصصها ..

ادخل على هذا الرابط
https://tools.cisco.com/WWChannels/LOCATR/openBasicSearch.do

واختر الدولة واعمل بحث
وستجد الشركات المتخصصة في مجال سيسكو وعددها كبير في مصر

باختصار مهندس سيسكو إما أن يعمل في هذه الشركات وبالتالي هو يقوم ببناء الشبكة ( وهذا أفضل لأنه يتعلم تقنيات جديدة باستمرار )
أو يعمل كمدير للشبكة بعد تركيبها

[DEARTITo]

جزاك الله كل خير

[mohammedsn]

عمل مهندس النتورك مختلف حسب المكان اللي بيكون فيه
فاحيانا يكون في service provider أو ISP أو operator في هذه الاحوال هو علي طول أمامه نتورك ضخمة شغال عليها انا palnning بيدرس المشاريع الجديدة وبيحاول يجد لها حل من خلال النتورك أو operation بيحاول الحفاظ على النتورك من غير ما الدنيا تقع

أو يكون في شركة عادية يحاول ربط فروعها ببعض و توصيلها ب ISP للحصول على الانترنت
من الاخر الان لم تصبح اي شركة تستطيع ان تستغني عن مهندس النتورك

[DEARTITo]

شكراً .. شىء يشرفني جداً ان حضرتك ترد على سؤالي .. بالاضافة طبعا لباقى الاخوة المحترمين :)

[نعمةمحمود]

ربنا يكرمك