تكملة لسلسلة عمليات النصب التى تحدث بهذا المنتدى المحترم

[hoshos2020]

مع الأسف قمت بشراء هارد ويسترن ديجيتال 1 تيرابايت USB من الاخ العضو speed addict العرض كان يوم 13/11/2011 واتفقنا وكان التنفيذ امس ولاكن غلطتى انى معملتش تست على الهارد قولت بما انة فى الضمان لسة يبقى ان شاء الله تمام لكن افاجىء بعمل تست على الهارد اكتشف انة علية bad sector كتير اتصل بالعضو المحترم كذا مرة مايردش لحد ماهو زهق منى وراح قافل التليفون بتاعة فى الاخر مش عارف اصرف معاة ازاى هو طبعا عارف رقم تليفونى اللى بتصل بية علية النهاردة لانة رقمى اللى اتصلت بية عند الاتفاق وبما انة مش بيرد علية يبقى اكيد كان عارف ان الهارد علية بادات................ حسبنا الله ونعم الوكيل فى اللى بيخدع الناس ويبيع بضاعة معيوبة على انها سليمة

[madimazzika]

ارجو من السادة المشرفين علي هذا القسم سرعة حل هذه المشاكل لكثرتها والتي سوف تؤثر علي سمعة المنتدي والتعامل مع الغير ملتزمين بحزم والطرد وشكراً

[mokrabi]

ارجو من الاخوة المشرفين التعامل مع هاي القضايا وحلها امام الاعضاء ها ثاني عملية نصب تقع اليوم في هاذا المنتدى المحترم كل الحق يقع على المشتري كيف يا اخي تثق في شخص وانت لا تعرفه
وانتم ايها المشرفين اما ان تحلو مثل هاي المشاكل او تغلقوا هاذا القسم لكثرة مشاكله

[the_lion]

الظلم عاقبتة فى الدنيا قبل الاخرة

وبردة ممكن اللى اشريت منة يكون مشغول

وكمان المنتدى مالوش دخل بعمليات النصب

[TIMO1]

طالما فى الضمان وديه وان شاء الله تاخد هارد زيرو احسن من الى فيه المشكله .

[mohamedelm]

العيب فينا وليس فى المنتدى ولا القسم

مش معقول يعنى ان المشرفين هيروحوا كل عملية بيع عن طريق المنتدى

من يشترى حاجة وخاصة من الاعضاء الغير معروفين فى المنتدى يجب تجربة الحاجة مرة واثين وثلاثة قبل دفع المبلغ

الله يعوض عليك اخى الكريم ... والله يجازى من فعل بك هذا

ان شاء الله تاخذ حقك منه ... وان لم تاخذه الان ستاخذه يوم الحساب

[ey@d-i7]

المنتدى هنا عبارة عن وسيط لا أكثر و ليس جمعية حماية المستهلك :) وليس بوسعنا ضمانة أمانة كل الأعضاء ...
كما قال لك الأخوة كان حري بك أن تجربه بنفسك وتتأكد أنه شغال 100 %
و طالما أنه في الضمان راجع الوكيل وهتاخد واحد بداله إن شاء الله ...

[sacatora]

نفس الموضوع حصل معاى فروتر وسوتش وطلعوا محروقين ومردش على تلفوناتى عضو اسمه محمد ايمن وقبل الحرام على نفسه

اسم العضو اهو me_388 https://arabhardware.net/forum/images/styles/Aesthetica/statusicon/user-offline.png
ولما اكلمه من رقم تانى بقولى مش فضيلك اما افضى حسبى الله ونعم الوكيل

[mokrabi]

المنتدى هنا عبارة عن وسيط لا أكثر و ليس جمعية حماية المستهلك :) وليس بوسعنا ضمانة أمانة كل الأعضاء ......
لا يا اخي هاذا المنتدى ليس وسيط فقط انا عندما اشتري من عن طريق هاذا المنتدى اكون مطمئن لسمعت هاذا المنتدى لان هنالك مراقبين مشرفين على هاذا الاعلان ويجب عليكم التحذير من هاي الاعضاء حتى لا يتم التعامل معها في المرة القادمة

QUOTE=ey@d-i7;2066530]و طالما أنه في الضمان راجع الوكيل وهتاخد واحد بداله إن شاء الله ...[/QUOTE]
يا اخي لا اعتقد انا الضمان سوف يستبدله لان الباد سيكتور سوء استعمال

[mr.foxman 1]

يا خبر اسود على الفضايح
امتى هنبقى بني ادمين
واحد نصاب ، طماع ، عبد للجنيه
سوء سمعة كل الاعضاء
مش عاوز اقول ، كل المصريين
لا حول ولا قوة الا بالله

[hisoo]

حسبنا الله ونعم الوكيل اقل شئ ممكن المنتدى يعمله هو انشاء قائمه سوداء ووضع اسماء من يثبت غشهم فيها بحيث يستطيع اى عضو مراجعه القائمه قبل التعامل
وبعدين احنا بنثق فى المنتدى وفى اعضائه جدا وهذه حوادث فرديه قد تؤثر على سمعه المنتدى وده طبعا لايمنع من ان ياخذ المشترى احتياطاته ويقوم بعمل التجارب اللزمه على الشء المعروض للبيع .
بس ياريت المنتدى ياخذ بفكره القائمه السوداء اهى على الاقل شئ يتخذه المنتدى تجاه اعضائه وزواره المحترمين .

[msenosy]

يجب الاسراع بعمل قائمه بيضاء او شرفيه للاعضاء المشهود لهم بالامانه والنزاهه فى تعاملات البيع والشراء وقائمه اخرى تسمى القائمه السوداء باسماء وعناوين وتليفونات الاعضاء الذين يقومون بعمليات نصب ويتم تحديثها كلما توافرت لها معلومات جديده سواء عضويات او تليفونات او عناوين او حتى صور شخصيه تساعد فى الوصول اليهم واسترداد حقوق اصحابها

[Ahmed Elbrbry]

انا شايف ان اللوم كله يقع على المشترى
و برضه نتيجة الطمع
النصاب لا يضع يده فى جيبك
و برجاء من ادارة المنتدى تتبع ايميلات الاعضاء من يثبت تورطهم فى عمليات نصب
و يا جمعاة الخير من يشترى شئ لا يتعجل حتى يقوم بتجربة المنتج
الموضوع زاد الفترة الاخيرة جدا

[HD-LEGEND]

^ ^ ^

معاك حق اخي اللوم كله يقع علي المشتري

المفروض اللي بيشتري مستعمل يجرب القطعه المشتراه بكافه الاختبارات اثناء عمليه الدفع
لأن المستعمل احتمال وجود عيوب فيه اكثر من الجديد وياخد فاتوره
اللي مالوش في كده يشتري جديد ويريح دماغه

[teto_222]

انا سوف ابدى رئي فى الموضوع بعد اذن الجميع
1-انا شايف ان محدش يشترى حاجه غير لما يجربها بنفسه
2-متشتريش من الشارع بمعنى ان البائع عندو منزل رحلوا بيتوا عشان لما يكون فيه عيب تقدر تعرف مكانه فين
3- انا بعت اكر من حاجة زي صب ادفير da5000 وصب creative 7.1 ودول انتوا عرفين حجمهم طبعا الشارى طلب اني اشحنه بس انا رفضت قلتلوا تعاله جربوا عندى عشان انا معنديش ضمان عشان لما تدفع الفلوس وتاخد حجتك وتمشى انا مش مسئول عتها
لانه ممكن يجي يجربوا يحرقه مثلا حتحصل هنا مشكلة
4- لو البائع واثق فى البضاعة بتعتوا مش حيتمنع انك تجرب الحاجة مرة و 2 عندوا في بيته لانه عايز يبعها ويخلص منها عشان عايز يجدد او عايز فلوس
5-المنتدى ماهو الى منتدى مكان بيتقابل فيه البائع والمشترى مش اكثر لانه مش بياخد عموله على عمليات البيع او الشراء عشان يضمنلك حجتك او يضمن البائع
6-انا اتعرضت لاكثر من مره لمحاولات نصب زي مثلا التبديل (بيقولى انا من سوهاج او قنا مكان بعيد تبدل مثلا بموبيل والتوصيل بيكون عن طريق شركة الشحن ممكن تكون نيتوا خير بس ممكن يكون نصاب انى ابعتلو الحاجة وبعدين يبعتلى عدة صينى او كرتونه فاضية )
7-المنتدى عامل زى الكافيه لو قبلت واحد وقالك انو بيبع حاجه مثلا وانته وفقت ونصب عليك حترجع لصاحب الكفية تلومه وتقولو عايز حقى
8-جميع النصابين بتكون عضويته جديدة و ابيانات التسجيل مضروبه اكيد صاحب العقل يميز

[DareL]

السلام عليكم

بالنسبه للاخ صاحب الموضوع

عندي برنامج كويس ليك هيشلك الباد سكتور تماما كانه مش موجوده

برامج ازاله الباد سكتور لا تزيل الباد تماما

لانك لو عملت فورمات بيرجع الباد تاني

عكس البرنامج ده
https://www.mediafire.com/?j1jj77945jqw5g8
طريقه الاستخدام

سطبه و بعد كده اعمله بوت علي فلاشه و اعمل رستارت للجهاز و خش علي الفلاشه و اعمل اسكان بيها و repair

و هيتشال الباد باذن الله

انا جربت البرنامج ده قبل كده علي هارد قديم عندي 640 جيجا

و بعد ما شلت البادات عمرها مر رجعت تاني

رغم اني فرمت و قسمت الهارد اكتر من مره

[DareL]

جرب و قولي

[hoshos2020]

الى جميع الاعضاء الكرام ممن تفضلوا بالمشاركة انا لم اشرك المنتدى معى فى مشكلتى ولا أتهمت المنتدى او ادارتة فى شىئ وللمنتدى وادارتة كل الاحترام ودة كان واضح فى كلامى انما حكيت لكم القصة كما حدثت معى لتشاركونى الحلول التى ممكن ان تكون تائهة عنى والاستفادة بأرائكم او على اقل تقدير تأخذوا مما حدث عبرة.....

[hoshos2020]

شكرا لك khaled 194545 على تعاونك الجميل وهذا البرنامج نزلتة من النت اول ما جبت الهارد وهو من اظهرلى بعد ال scan ان الهارد به بادات وقام فعلا بازالتهم وبعملة سكان مرة تانية اهوة ووصل لحد 96% دلوقتى ولم يكتشف بادات والحمد لله ولكن هذة البادات يمكن ان تعود مرة اخرى فلا احد يعلم فهذة طبيعتها وهذا لا يعفى الاخ اللى اشتريت منة من تهمة خداعة لية

[DareL]

ان شاء الله لن تظهر مره اخري

انا قبل كده شلت بيه الباد عن هاردي القديم ال 640 جيجا و كانت بادات كتير

بعد كده استخدمته سنه و بعد كده بعته لصحبي من فتره طويله و اديه شغال عليه و لم يظهر عنده و لا باد حتي الان

بس بقولك بعد ما تشيل الباد الغي تقسيم الهارد و قسمه من جديد و اعمل سكان تاني

و بلغني الاخبار

[DareL]

و طبعا الاخ اياه نصاب لا جدال

و فلوسه حرام

[DareL]

يصرف 5 اضعافهم علي مرضه ان شاء الله

[DareL]

و انت فلوسك حلال ان شاء الله

عشان كده ربنا وقعك فيه عشان انصحك

[hoshos2020]

الهارد بارتيشن واحد غير مقسم وانا جايبة لخزين الداتا عندى بس انا بكلم على الاصول ومجاش على بالى ان هارد استخدام 4اشهر وفى الضمان انة يكون علية bad sector

[hoshos2020]

ربنا يجزيك خير على شعورك الطيب يا استاذ خالد

[DoCToR.TaHeR]

السلام عليكم

اولا وقبل كل شيء ,, الأخ صاحب الموضوع ,, لا تحزن ,, المال الحلال لا يضيع ابدا :) .. واهو الحمد لله ربنا رزقك بالأخ خالد عشان ينصحك النصيحه الجميله دي ,,

جزاك الله كل خير يا اخ خالد :)

ثانيا : انا ليا عندك عتاب صغير :) .. كان المفروض تجرب الهارد عند الراجل ,, لكن الحمد لله انه علي الأقل في الضمان ,, نص العمي ! :)

ثالثا : كما وضح الأخ المشرف من قبلي ,, المنتدي هنا ليس جامعيه حمايه المستهلك ولا قسم شرطه ,, ولكننا مجرد وسيط ,,

انا هقول جمله كده بس والله ما اقصد بيها صاحب الموضوع ,, هي جمله عامه ,, طبعا عارفين المقوله الشهيره ( القانون لا يحمي المغفلين ) صح :)

ولتاني مره لا اقصد بيها اي اخد من الاعضاء الافاضل :) .. تخيلوا بقه ,, لما القانون مش بيحمي الناس من النصابين ,, المنتدي هيحميهم !!

رابعا : ربنا يوفقك ان شاء الله في ازاله البادات ,, ولو في اي حاجه تانيه كويس ان معاك ضمان ,, وان شاء الله سيتم وقف هذه العضويه حالا الان :)

يغلق بعد اذن صاحب الموضوع :)

[DoCToR.TaHeR]

تم ايقاف عضويه Speed Addict .. كي تكون هذه العضويه وامثالها عبره لأي عابث او نصاب هنا في عرب هاردوير :)