حل ان شاء الله بسيط لجميع عمليات النصب ووجع القلب

[محمد خليفه 1]

السلام عليكم ورحمه الله وبركاته
يا اخوانا انا ملاحظ ان عمليات النصب وبيع الحاجات البايظه كترت
وانا عندى حل بسيط انا عندى مكتب كمبيوتر فى شارع شبرا جنب محطه متروا سانت تريزا
وانا على اتم استعداد ان البايع والشارى يشرفنى فى المكتب ويجرب حاجته بدون مقابل
المقابل الوحيد هو الدعاء فقط لا غير
واللى عايز يشرفنى يتصل بيا قبلها
واهلا وسهلا بكل الناس
ملحوظه بسيطه انت هتجرب بنفسك وانا ليس ليا دخل من قريب او من بعيد باى مسئوليه

[A_hg]

جزاك الله كل خير يا اخى حل معقول وعلى الاقل يكون هناك شاهد على البيع والشراء لمن يريد الجديه او يخاف من شئ اعانك الله على التيسير للمسلمين وانا عن نفسى اشكرك لتطوعك لحل هذه المشكله التى طالما توجد مع وجود البيع والشراء امر لا يمكن التحكم فيه الا بالضمير

[باسم مدحت]

بارك الله فيك يا أخي وجعله في ميزان حسناتك

[MATR1X]

السلام عليكم ورحمه الله وبركاته
يا اخوانا انا ملاحظ ان عمليات النصب وبيع الحاجات البايظه كترت
وانا عندى حل بسيط انا عندى مكتب كمبيوتر فى شارع شبرا جنب محطه متروا سانت تريزا
وانا على اتم استعداد ان البايع والشارى يشرفنى فى المكتب ويجرب حاجته بدون مقابل
المقابل الوحيد هو الدعاء فقط لا غير
واللى عايز يشرفنى يتصل بيا قبلها
واهلا وسهلا بكل الناس
ملحوظه بسيطه انت هتجرب بنفسك وانا ليس ليا دخل من قريب او من بعيد باى مسئوليه


والله الخطوه دي ممتازه جداا يا استاذ محمد وانا راي ان اي حد عنده محل يعمل نفس الفكره بتاعة حضرتك
بحيث يكون في كل منطقه محل وبالتالي يسهل الوصول اليها
واهو بردو يبقى موجود حد عنده خبره في عملية البيع عشان يشيك على المنتج


تقبل تحياتي

[MustafaSalah]

انا والله مع احترامى ليك ياستاذ محمد انا شايف ان المفروض المنتدى هوة الى يشرف على الموضوع ده عن طريق فنح مكتب مثلا ويكون ليه اجر ولو بسيط علشان نضمن الحاجة الى بتتباع وبعدين علشان ممكن يكون فيه شحن على الاقل لو فى حق لاى حد من الطرفين يلاقى الى يجبهوله وشكرا

[yassin_wael]

ربنا يباركلك يا استاذ محمد

[gamedragon64]

حل ممتاز ولكن المشكلة أن المكان ده مش قريب لكل حد
وعندي فكرة تانية وهي أن نعمل قائمة اسماء الTrusted Sellers
يعني البائعين الموثوقين بهم علشان نتفادي المهزل اللي بتحصل, خصوصا اليومين دول

[star_poison]

الله يجزيك خير والله حل رائع

[msenosy]

ماشاء الله عرض لا يصدر الا من انسان محترم يعرف ربنا
ربنا يباركلك يا استاذ محمد

[sharkawy_75]

بارك الله فيك
يا استاذ محمد
الله يجزيك خير
حل ممتاز

[mohamed_masry]

في حل جميل
المنتدي يختار بعض أصحاب مكاتب الكمبيوتر المشتركين في المنتدي في مناطق متفرقة ويكونو محل ثقة ويتولو موضوع البيع والشراء
في مقابل الحصول علي نقط وعلي عضوية ذهبية مثلاً

[adelmof40]

حل ممتاز ولكن المشكلة أن المكان ده مش قريب لكل حد
وعندي فكرة تانية وهي أن نعمل قائمة اسماء الTrusted Sellers
يعني البائعين الموثوقين بهم علشان نتفادي المهزل اللي بتحصل, خصوصا اليومين دول



الفكرة اكتر من رائعه وهذا الاقتراح رائع وان يكون له قسم مثبت داخل ( عروض بيع الاجهزة ومتعلقاتها المقدمة من الاعضاء )
وان يوضع استيكرز علي المحل يقوم بتصميمه اعضاء قسم التصميم يحمل اسم عرب هاردوير

[yossefzied]

فكرة جميلة جدا .... وبرضو فكرة القايمة البيضا كويسة وأروجو تنفيذها ..... إنما القايمة السودة غالبا مش هتكون مهمة لأن النصاب هيعمل 100 أكونت جديد !!

[م.كاكاشى]

والله فكرة جميلة جدا و ياريت كل اللى عنده محلات يعمل زيك يا محمد..:ah7:
و اهو بالمرة يكسب دعاية ع الماشي..

[adelmof40]

فكرة جميلة جدا .... وبرضو فكرة القايمة البيضا كويسة وأروجو تنفيذها ..... إنما القايمة السودة غالبا مش هتكون مهمة لأن النصاب هيعمل 100 أكونت جديد !!





الادارة يمكنها ايقاف الاعضاء اصحاب العضويات المتعددة

[DoCToR.TaHeR]

جزاك الله كل خير يا أخ محمد وجعله في ميزان حسناتك :)

[المتمرد11]

السلام عليكم ورحمه الله
الفكره حلوه وانا كنت بفكره فيها من فتره ويمكن تطورهابامكانيه الشحن والاختبارللاعضاء بالاقاليم بمقابل بس الاجمل من الفكره صاحب الفكره.

[محمد خليفه 1]

انا بشكر كل الاخوه على الكلام الطيب الجميل ده والدعاء جزاهم الله كل خير يبقى كده نحول الموضوع لعملى ازاى نطلب من الاداره انها تثبت الموضوع بس بشكل تانى ازاى انه كل صاحب محل عايز يشارك فى (حمله لا للنصب) يكتب بياتنه ومواعيد عمله وازاى العضو يتصل بيه وربنا يوفق ويبارك للاخوه

[TaHeR.NaBiL]

فكره رائعه انا شايف من وجهة نظرى حلين لهذه المشاكل
1 - يوجد الكثير من الاعضاء ذات السمعه الطيبه فى المنتدى اتمنى ان البيع يكون عن طريقهم وياخدوا الضمانات اللازمه من البائع وذلك كضمان للمشترى على ان يكون هناك نسبه 2.5 % من ثمن السلعه للوسيط فى الموضوع .
فاهايكون المطلوب وقتها ان بعض الاعضاء الى هاتكون وسيطه انها تطلب من مدير القسم بترشح نفسها لدور الوسيط ويقوم المشرف باختيار بعضهم فيمن يراه مناسبا وابلاغ باقى الاعضاء باسماء الوسطاء
2- عمل مبايعه كتابيه تكون بياناتها ( اسم السلعه - مدة استخدامها - الضمان والفاتوره الخاصه بها - العيوب الموجوده بها فى حالة وجود عيوب - اسم البائع وصورة البطاقه - وضع شرط جزائى فى حالة وجد عيب لم يتم ذكره ترفق صوره من البطاقه الشخصيه للبائع ) .
مع تحديد فترة الضمان فى حالة ان السلعه ضمانها منتهى ويفضل ان تكون شهر حيث يحق للمشترى خلال هذا الشهر بارجاع السلعه فى حالة وجود اى عيب او خلل بها

[هشام الخياط]

فكرة حلوة جدا يا محمد
و ربنا يكرمك .
و المفروض الموضوع يتثبت
تحياتى

[rame016969]

استاذ محمد من اشرف الناس في المنتدي فكرة ممتازة احييك عليها

[midh91]

فكرة جميلة جداااااااااا فعلا وبارك الله فيك ( وانا جارك في شبرا :) )
للعلم فقط انا شخصيا نتيجة كثرة المشاكل في مواضيع البيع والشراء لا اتعامل الا مع شخص واحد فقط ابيع له اجزاء جهازي القديمة واشتري دائما قطع جديدة ( بدون ذكر اسم هذا الشخص حتي لا يكون اعلان )
اتمني فعلا التوصل لوسيلة اكثر ضمانا لتيسير عمليات البيع والشراء علي المنتدي

[khaled_sha6er]

شكرا ليك وجعلة الله لك فى ميزان حسناتك
انصح اى حد قبل مايشترى يبعت رسالة للمشرف يتاكد منه من البائع وسلوكة حتى لاتتكرر تلك العملية + طيعا المبايعة ويكون فيها صورة البطاقة دى اهم حاجة ولو مرداش يديهالك يبقى مخبى حاجة ومتشتريش منة