انا تعبت من التدوير وخايفة من الباور سبلاى !!!!

[شهرزاد2011]

تانى موضوع انزلو هنا عندكو واسفةبجد على الازعاج بس لازم تعذرونى لأن كل واحد فيكو احيانا رأيه بيختلف عن التانى

رشحتولى سافير hd 5670 1 gb gddr5

عايزة اعرف ايه الفرق بينة وبين نفس الكارت بس gddr3


تانى حاجة انا الباور سبلاى عندى لقيتو ماتريكس 1000 وات
تجارى طبعا ومش عارفة هيدينى فعلى كام ؟
انا قريت فى القسم اللى جمبكو عن الباور سبلاى وازاى لو ضعيف ممكن يتحرق فى وشى:confused:


دلوقتى عايزة اجابة على سؤالى اللى فوق ؟
وكمان الباور هيمشى وللا ايه :(

انا شاشتى سامسونج 19 lcd


ساعدونى الاهى يخليكو :ah38:

https://www.3lmny.com/cu/di-6RPN.gif

[Haythamovic]

مفيش ازعاج ولا حاجة
اولا الفرق بين النسخة اللي DDR5 و DDR3 ان الاولي افضل في الاداء من حيث سرعة نقل البيانات فخليكي في الاولي
ثانيا المشكلة في الباور صبلاي التجاري انه ممكن يبقي مكتوب عليه 500 وات وهو اخره 250 وات فعلي فده ممكن يقصر عمر القطع في الجهاز او ممكن يحرق حاجة
هو ممكن يمشي بس لو معاكي فلوس تشتري باور صبلاي ممكن تجيب باور صبلاي جاما هيك 350 وات ب 160 جنيه وهيحافظلك علي القطع

[abdalla1234]

حياكي الله اختي الكريمة واهلا وسهلا فيكي في المنتدى الفارق بين الكرتين انو الكرت ddr3 اضعف بفارق محترم من اخية الثاني ... اختي اشتريتي هالكرت ولا بعدك اذا مااشتريتي انصحك بأخر احدث وبالنسبة للبور هو تجاري لكن يفضل شراء بور من ماركة محترمة مثل sea sonic or hec or gaigbyte اذا سمحت الميزانية .. وتقبلي احترامي;)

[مان للابد]

الكرت ممكن يشتغل بباور تجاري عادي

وانا صديقي له نفس الكرت وشغال ببور تجاري زي الفل من مده

بس افضل شراء باور محترم حتي يحافظ علي الكرت وبقية قطع الجهاز من التلف

[شهرزاد2011]

Yamaha (https://arabhardware.net/forum/member.php?u=11144496) abdalla1234 (https://arabhardware.net/forum/member.php?u=11220318)

شكرا على ردكم السريع يا جماعة بصوا انا اخرى 500 جنيه بجد عشان ظروف مصر اليومين دول صعبة والواحد ملوش نفس يجيب حاجة زيادة
وبعدين انا مش هشغل العاب تقيلة اوى يعنى زى باتلفيلد دى

دى العاب زى بوند وسبايدر مان وكدة




دلوقتى .............. الباور بتاعى ينفع ddr3 ?

[شهرزاد2011]

مان للابد (https://arabhardware.net/forum/member.php?u=11122589)

https://arabhardware.net/forum/images/styles/Aesthetica/statusicon/user-online.png
شكرا للمتابعة
اجابتك ريحتنى بعض الشىء

بس اجيب الكارت الاول وبعدها اجيب الباور الجديد عشان الميزانية فى ايد زوجى:D

ومش هتعب الكارت لحد ما اجيب الباور

ال ddr5 بكام بقى ؟
وال ddr3 ما يسدش الالعاب المتوسطة ؟

[EGYGAM3R]

الافضل والاحدث

سافير HD 5670 1gb gddr5

كارت رائع جدا

ويحتاج ع الاقل باور سبلاي coolermaster 350w فعلي وليس تجاري وسعره 150 جنيه تقريبا

عشان مش تخسري الجهاز بتاعك ..

[Crag]

هنالك فرق بين DDR3 و DDR5 لكن المهم هو معالج كرت الشاشة (الفرق في سرعة الذواكر مهم لكن ليس ذلك الفرق الشاسع)

المهم ان كرت ال 5670 جيد جدا , قديم بعض الشيء لكنه يفي بالغرض و لا اظن انه هنالك خوف من قوة الباورسبلاي لانه يحتاج الى حوالي 70-80 واط فقط = انت بحاجة الى باور 250 واط فعلي

[EGYGAM3R]

كلامك صح اخ crag

ويفضل 350 وات فعلي :)

كولر ماستر ب 150 جنيه رائع جدا


بالتوفيق

[شهرزاد2011]

يا جماعة بردو محدش رد على سؤالى

انا عارفة طبعا واكيد واضح من الارقام ان 5 احسن من 3

بس سؤالى بيقول هل 3 تؤدى الغرض ؟؟؟؟؟؟؟؟؟؟؟؟؟؟؟؟؟؟

وهل الباور بتاعى هيستحمل لحد ما اجيب باور اصلى ؟؟؟؟؟؟؟؟؟؟؟؟؟؟؟؟؟؟

ياريت حد يرد عليا مباشر بالاجابة على السؤالين دول زى ما يكون فى امتحان

اه او لأ

شكرا يا جماعة معلش بتعبكو معايا

[damarel]

لو انتى عايزة اللعب تشتغل كويس وتضمنى انها مش هتهيس هاتى ddr5تمام.....
اما للباور فممكن طبعا يصبر شوية بس لازما تغيرية عشان بمرور الوقت ممكن بدل متجيبى باور جديد
هتجيبى جهاز جديد........ (بعد الشر طبعا)

[Haythamovic]

انا حاليا شغال علي 5670 DDR3 وشغال تمام مع بروسيسور بينتيوم 4 اللي من ايام قريش لو انتي لسه ما اشتريتهوش ومعكيش غير 500 جنيه يبقي اشتريه بس حاولي بعد كده تجيبي باور 350 وات ب 160 جنيه

[Haythamovic]

عموما انتي مش هتقدري تجيبي ال DDR5 علشان تمنه 600 جنيه وفيه انواع ب 620 فخليكي ف DDR3

[مان للابد]

اختي النسخة hd 5670 1 gb gddr3

تستطيعي تشغل كافة الالعاب عادي جداً مثل crysis وغيرها

بس الاخوان يفضلون لكي النسخة hd 5670 1 gb gddr5 لانها افضل وفرق السعر بسيط

[kingsetif]

السلام عليكم اخت شهرزاد اذا كان فرق السعر بسيط اشتري ATI HD 5670 GDDR 5 احسن و هذا من باب النصحية

[محمد حسن احمد]

نصيحه وفري فلوسك وهاتي ال gddr3 لان الفرق في السرعه مش كبير اوي وعلي فكره ال 5670 او 6670 صفقه فاشله بكل المقاييس لان ال 6750 ب 675 جنيه وافضل منهم بفارق كبييير ... عموما علشان مشتتش اختنا الكريمه ( هاتي الارخص ) ... وبالنسبه للباور ممكن تشغليه مؤقتا علي الباور التجاري لكن اعملي حسابك في اقرب وقت ممكن تجيبي باور اصلي ( فعلي ) لضمان عمر اطول واداء افضل لباقي قطع جهازك ومن ناحية الالعاب حيبقي الوضع كويس نظرا لصغر حجم شاشتك مانتيش محتاجه كرت جبار ... وبالتوفيق باذن الله ....

[شهرزاد2011]

نصيحه وفري فلوسك وهاتي ال gddr3 لان الفرق في السرعه مش كبير اوي وعلي فكره ال 5670 او 6670 صفقه فاشله بكل المقاييس لان ال 6750 ب 675 جنيه وافضل منهم بفارق كبييير ... عموما علشان مشتتش اختنا الكريمه ( هاتي الارخص ) ... وبالنسبه للباور ممكن تشغليه مؤقتا علي الباور التجاري لكن اعملي حسابك في اقرب وقت ممكن تجيبي باور اصلي ( فعلي ) لضمان عمر اطول واداء افضل لباقي قطع جهازك ومن ناحية الالعاب حيبقي الوضع كويس نظرا لصغر حجم شاشتك مانتيش محتاجه كرت جبار ... وبالتوفيق باذن الله ....



دلوقتى انا ان شاء الله استقريت على 6750
بس لو زودت الرامات 2 جيجا هتفرق وللا اللى عندى كفاية ؟؟

والباور اللى بيحتاجة ال 6750 كام ؟؟

وايه حكاية وصله ال pin6 دى ؟


انا عارفة زهتقكوا بس انا لسه جديدية والله فى عالم الكروت والتركيبات دى ؟؟

ارجو الرد

[محمد حسن احمد]

ياسيتي زهقينا براحتك بالنسبه ل 6750 بياخد باور خارجي عن طريق كابل 6 بن بيتوصل بالكرت وطرفين باور بيتوصلوا بمخارج الباور من الباور سبلاي وده اسمه محول بييجي مع الكرت وفيه باورات فيها كابل ال 6 بن ده بتوصليه بالكرت مباشرة ... وبالنسبه للرامات لو امكن تزودي ماشي علشان الالعاب الجديده وبالنسبه لنوعية الباور هاتي باور 400 واط للكارت ده من نوعيه كويسه ( كولر ماستر - جاما ) ودول حيبقي فيهم كابل ال 6 بن توصلي كرتك وتشغليه علي طول والافضل ساهة لما تشتري الكارت والباور تاخدي الكيسه للمحل يركبلك هوه بنفسه لحد لما تتعلمي بدل ماحجه تركبيها غلطولا حاجه ( ده رايي) ...

[شهرزاد2011]

ريحتنى والله

اراح الله قلبك :)

[LEAGUE]

كارت شاشه powercolor hd 5670 1GB GDDR5 بيشتغل على بور تجارى عادى جدا مش محتاج بور اصلى هو هيشتغل معاكى كويس جدا مع الكارت ده هو كافى ليه جدا بزاد ان البور العندك تجارى نوعو كويس

[LEAGUE]

طبعا الافضل HD 6750 هو افضل بكتير اوى من HD 5670 وافضل من HD 6670 وهو فى كابل طالع مينو كابل بور اسمو كابل 6-pin ده بيكون فى بور سبلاي الاصلى هاتيلك بور اصلى 400 واط او 450 واط يستحسن بس على الاقل لايقل عن 350 واط ويستحسن 450 واط والمهم يكون فى طالع مينو كابل بور 6-pin بتاع كارت شاشه الهو hd 6750 والافضل ليكى والاحسن ان تزودى الرامات بالطبع بس انت عندك اساسا رامات كام هو على العموم لازم الرامات تكون مش اقل من 4 جيجا علشان تكون الرامات عاليه جدا وتشتغل كويس جدا جدا فى الاداء

[شهرزاد2011]

كارت شاشه powercolor hd 5670 1GB GDDR5 بيشتغل على بور تجارى عادى جدا مش محتاج بور اصلى هو هيشتغل معاكى كويس جدا مع الكارت ده هو كافى ليه جدا بزاد ان البور العندك تجارى نوعو كويس





احسن اجابة مباشرة



يعنى دلوقتى عندى خيارين ...

1- انى اشترى 5670 ddr5 ومش هحتاج باور سبلاى جديد ..

او

2- انى اشترى 6750 ومعاه مسطرة 2 جيجا اضافى + باور 400 وات جاما


كدة صح ؟؟؟

وفى الحالتين الجهاز مش هيتأذى !

[EGYGAM3R]

انتي مصعبه الحكايه علي نفسك ليه ؟

مقولتلك الاجابه المختصره

ع الاقل الكارت وجهازك محتاج باور 150 جنيه 350 وات فعلي او 300 كافي ..
هاتي التجاري وانتي المسئوله عن حياة جهازك

انا كان عندي الكهرباء ضعيفه شوية قبل ما اجيب استبلايزر , وكان عندي باور 350 وات كولر ماستر ب 150 جنيه والجهاز حصل فيه قفله والبورده اتحرقت وكان في الضمان والحمد لله خدت واحده جديده ..

مع العلم عندي النسخه PowerColer 5670 1gb gddr5

Salam

[شهرزاد2011]

الظاهر انت اللى مكنتش متابع كويس .. عموما شكرا على ردك


الاخ
محمد حسن احمد (https://arabhardware.net/forum/member.php?u=11206988)
https://arabhardware.net/forum/images/styles/Aesthetica/statusicon/user-offline.png
LEAGUE (https://arabhardware.net/forum/member.php?u=163901)

لخصولى وفهمونى الللى كنت عايزاه بشكرهم جدا جدا

نهاية الموضوع

[ghost2]

اختى الكريمة
اللى هقوله عن تجربة
6750 من شركة سافير + باور 350 وات من شركة كولر ماستر(675+160=835ج)
اداء محترم للغاية بدون اى مشاكل وانا متاكد ان جهازك عمره ما هيكون بيستخدم 200 وات فعلى لكل قطع الجهاز مع الكارت 6750
دا فى حالة الضغط طبعا اما فى حالة الخمول فى الغالب هيبقى 100 وات
دا انا متاكد منه

اما 5670(500)ج هيشتغل ببور تجارى وفى ناس مشغلاه ببور تجارى وبقالهم سنة كمان
بس الاعضاء بينصحوكى ببور اصلى عشان يبقى فى نوع من الاطمئنان بدرجة كبيرة
اتمنى انى اكون افدتك
قبل ما انسى طبعا فرق الاداء مش محتاج كلام لل الاختيار الاول

[شهرزاد2011]

اجابة مباشرة وممتازة اشكرك بشدة

وزى ما قلت العضوين leage ومحمد حسن احمد فهمونى كويس جدا مشكورين على تعبهم

وبعد كدة انت لخصت الموضوع فى كلمتين ومخرجتش عن كلامهم
انا بشكر كل اللى تعبته معايا ورد على الموضوع
بجد انتوا منتدى رائع

تحياتى

[محمد حسن احمد]

لاشكر علي واجب ابدا ... ولماتجيبي الكارت اعمليله unboxing وقوليلنا ايه اخباره معاكي ومشغل العاب معاكي ازاي ... وانا عندي اخوه 5750 وبصراحه كرت ممتااااااز جدا ... عقبالك ...

[LEAGUE]

العفو ياشهرزاد ولو عايزه اى طلب او اى مساعده انا موجود

[Goku]

بسم الله الرحمن الرحيم
الأخوة هنا كفوا ووفوا
لكن في حلقة مفقودة


شكرا على ردكم السريع يا جماعة بصوا انا اخرى 500 جنيه بجد عشان ظروف مصر اليومين دول صعبة والواحد ملوش نفس يجيب حاجة زيادة
وبعدين انا مش هشغل العاب تقيلة اوى يعنى زى باتلفيلد دى
دى العاب زى بوند وسبايدر مان وكدة



أختي شهرزاد في البداية قلتي انك محتارة بين 5670 ddr3 أو ddr5 والباور تجاري
وبعد كدة العملية وسعت معاكي ووصلت لـ 6750 وباور 400 وكدة الميزانية عليت
لا أنكر أن هذا هو أفضل حل لكي
لكن في شئ الأخوة نسوا ذكره
وهو أهم شئ المعالج الذي لديك ما هو ؟؟
والشئ الأخير هو أن استخدام حضرتك ألعاب خفيفة ولن تحتاجي لكارت 6750 نهائيا في هذه الحالة
4650 أو 4670 سيكفي وزيادة لهذه الإستخدامات
لذلك أقترح توفير المال اذا كان في شئ لن يفيد !
إلا اذا ممكن تحبي انك تلعبي لعبة عالية علي اعدادات عاليه في أي وقت يبقي كدة اشتري 6750 وريحي نفسك علشان المستقبل.
وأوعي تنسي ذكر نوع المعالج وحجم الشاشة لديك ؟؟

[شهرزاد2011]

زى ما قلت فى البدايه كوجو انا core 2 due 2.9
والشاشة متهيألى ذكرتها بردو samsung 19

والباور قالولى تجارى بس نوعه كويس matrix 1000 w
المشكلة ان بنتى بتشبط فى الالعاب اللى بتشوف اعلاناتها على التى فى
بروح اعملها دونلود من على النت واجى اشغلها تبقى بطئية او على ال low
عشان عندى كارت بيلت ان
الفلوس موجودة والحمد لله واقدر اشترى كارت nvidia gtx
بس انا بحب اوظف الفلوس فى مكانها الصحيح مش اكتر
مصر يا جماعة مبقتش زى الاول والواحد لازم يعمل حساب الزمن
وكان طلبى كارت يشغل الالعاب دى ارخص سعر و يفى بالغرض

وكدة كدة بعد سنتين تلاتة هيتغير واعمل تحديث للجهاز كلو بجملت بقى


تانى مرة بشكر كل اللى ساعدونى بجد انتو منتدى رحب جدا
جزاكم الله خيرا