المساعد الشخصي الرقمي

مشاهدة النسخة كاملة : استفسار لصديق , حد جرب شركات تقسيط اللاب توب ؟


johanism
07-12-2011, 17:31
السلام عليكم , انا كنت اتكلت على اللى و نازل أشتري لاب Acer 5750 G i5
بس كان في واحد صاحبي عايز يشتري لاب و مش معاه كاش الفلوس كلها و كان بيدور على مكان للتقسيط
فأنا قلت أجي اسئلكم برضه عشان انا كمان معرفش اي اماكن بتبيع بالتقسيط !
فهل تعرفوا أماكن تكون محترمه و مضمونه و بتبيع اللاب توب بالتقسيط و بدون فوائد ؟ عشان اهله متدينين و هيرفضوا طبعا موضوع الفوائد ده
و أرجوا الرد بسرعه لأن انا اصلا كان المفروض هنزل الأسبوع ده اشتري و كده هستناه !
Eng.intouch
07-12-2011, 17:54
بص مش عارف ممكن شركهة egy lab top إدخل موقع الشركه على النت وشوف وأستفسر من خدمه العملاء

وبالنسبه للزياده فى السعر والتقسيط وكدا فمش حرام لان أنت كدا بتعطل فلوسه لسلعه ممكن يبعها كاش فلازماً

يأخد فايده ومش بتبقى حرام
johanism
07-12-2011, 18:37
لو قصدك على شركة إيجيبت لاب توب فانا كلمتهم النهارده و قالولي لأ مفيش تقسيط
إحنا ممكن نمشي على موضوع الفائده ده و نبقى نفهم أهله بعدين :D
Mizo Dous
07-12-2011, 21:56
فى تقسيط وشروطوا كويسه جدا من بنك رجال الاعمال .. معلش انا اسف لانى مضطر امشى دلوقت ولما ارجع هشرح لحضرتك الخطواط والتفاصيل
johanism
08-12-2011, 02:04
طيب تمام مستني منك تفاصيل
Mizo Dous
08-12-2011, 02:48
بص يا سيدى..هتروح اقرب فرع لـ " بنك رجال الاعمال " .. تقولهم انك عاوز تشترى لاب تقسيط هيدولك عناوين وارقام شوية شريكات كتار تختار من عندهم اى لا يعجبك بأى مبلغ يعجبك .. ترجع تقولو على اسم الشركة وسعر اللاب .. هيطلب منك صورة بطاقتك + صورة بطاقت ضامن ( يفضل يكون موظف لو معندكش هيمشيهالك اى حد عادى فوق 21 سنه ) + ايصال نور لشقه او محل او كدا باسم والدك او ولدتك او حد قريبك كدا يعنى .. بعدين هيقولك تعالى بعد 3 ايام تقريبا تمضى وتستلم اللاب بتاعك بس لازم تجيب الضامن معاك


ممكن تقسط على 6 او 12 او 18 شهر .. الفايده 16% يعنى الالف جنيه تقسطها على سنه كامله تدفعلها 160 جنيه

تدفع اى مقدم يريحك .. بس احيانا بيرزل ويطلب مقدم كبير شويه لو اللاب غالى .. بس غالبا 500 جنيه بتكون كفايه



لو محتاج اى معلومات تانى او عندك اى استفسار .. انا موجود ;)
Mizo Dous
08-12-2011, 02:57
:confused::confused:للاسف اىجيبت لابتوب مش بيقسطوا :confused::confused:
johanism
08-12-2011, 03:38
تمام هبلغه و آجي اقولك
Mizo Dous
08-12-2011, 06:23
اوك يا غالى وانا تحت امرك فى اى استفسار
night1092
09-12-2011, 20:07
انا اول مرة اسمع عن " بنك رجال الاعمال " ده :o.. يا ريت تقولي فين فروعه بالضبط .. وايه وسائل الاتصال به ؟ رقم او موقع .. وشكرا
Mizo Dous
10-12-2011, 03:52
انا اول مرة اسمع عن " بنك رجال الاعمال " ده :o.. يا ريت تقولي فين فروعه بالضبط .. وايه وسائل الاتصال به ؟ رقم او موقع .. وشكرا


هو حضرتك مصرى او مقيم فى مصر ؟؟؟ علشان مكتوب فى البروفيل عندك " المغرب " ؟؟
night1092
10-12-2011, 19:45
اه أنا مصري مقيم في مصر .. مش عارف ايه حكاية المغرب دي هبقي اعدلها بقي .
Mizo Dous
11-12-2011, 08:20
اه أنا مصري مقيم في مصر .. مش عارف ايه حكاية المغرب دي هبقي اعدلها بقي .

حضرتك من القاهره ولا من فين ؟؟