جايبلكم حتة خبر عن سماعات رأس Sennheiser [الأرشيف]

مشاهدة النسخة كاملة : جايبلكم حتة خبر عن سماعات رأس Sennheiser

vitamax

25-12-2011, 23:41

بسم الله الرحمن الرحيم
فى البداية اردت شراء سماعة رأس متميزة لسماع موسيقى الTrance التى اعشقها وعندما اخذت ابحث فى اسواق التقنية المصرية لم اجد طلبى سوى سماعات رأس رديئة ورخيصة :mad: مع انه توجد سماعات رأس جيدة من شركات قليلة مثل Creative والمنتشرة كالوباء فى السوق المصرية.

وكانت الشرارة الاولى من موضوع فى هذا المنتدى عندما اراد بعض الاعضاء شراء سماعات رأس Sennheiser من موقع Amazon .

ومن موقع Sennheiser الرسمى :comp21: وجدت انه يوجد مورد لمنتجات تلك الشركة الألمانية العريقة هنا فى مصر :ah4: وهى شركة Technology K.A.R.
فتوجهت الى تلك الشركة واشتريت منهم فى البداية Sennheiser HD201 -لقد توقعت ان يرفضوا بيعها لى لانى سوف اشترى سماعة رأس واحدة فقط ولن اشترى منهم اكثر من قطعة لان بعض الشركات المصرية للاسف ترفض البيع للافراد ولكن على عكس توقعى قبلوا ان يبيعوها لى و للعلم الخدمة ممتازة فى تلك الشركة سواء استقبال او بيع او خدمة ما بعد البيع فجميع افراد تلك الشركة محترمون للغاية - واداء تلك السماعة يفوق الوصف فى الافلام والالعاب والموسيقى .
ولكن بعض العيوب التى سمعت عنها انها موجودة فى تلك السماعة اتضح انها حقيقية مثل ان ال Bass ضعيف نسبيا وحرف S ينطق بطريقة غريبة نوعا ما - صوت هسيس-
ولكن رغم تلك العيوب القليلة جدا والتى لا تنقص من قدر تلك السماعة الرائعة فالسماعة حازت على اعجابى الشديد.

وكما ذكرت سابقا ان ال Bass فى Sennheiser HD201 ضعيف نسبيا وذلك كان السبب الرئيسى فى توجهى الى شراء Sennheiser HD202

*ملحوظة : ال Bass فى Sennheiser HD201 يتحسن وتزداد قوته تدريجيا من كثرة الاستخدام - المعلومة من موقع اجنبى وهى صحيحة 100 % عن تجربة -

*اما عن ال Sennheiser HD202 فتختلف تمام الاختلاف عن سابقتها فهى تتميز بالاتى :
1- Bass قوى و رائع
2-build quality افضل واقيم من HD201
3-العزل عن الوسط الخارجى افضل بكثير من HD201 - لا تستغربوا مع ان HD201 over-the-ear -
4-الشكل اجمل بكثير
5-لم اكتشف عيوب فيها حتى الان

*والان نأتى الى فقرة الاسعار :
1- سعر 155 جنيه مصرى Sennheiser HD201
2- سعر 240 جنيه مصرى Sennheiser HD202

*ملحوظات هامة جدا جدا عند الشراء :
1-طالب بفاتورة لان تلك الشركة تضمن المنتجات التى تبيعها لمدة عام واحد فيجب ان تطالب بفاتورة حتى تستفيد من الضمان

* عنوان الشركة تجدونه فى موقعها الالكترونى https://www.teckar.net/

*العلامات المميزة للذهاب الى الشركة :
1-الشركة مقرها فى مدينة الجيزة
2-ميدان مصطفى محمود
3-بنك التعمير والاسكان
4- 20 شارع الكروم وعلى ناصية الشارع بنك التعمير والاسكان

* كل هذا التفصيل فى العنوان لاننى عانيت حتى اصل الى تلك الشركة لاننى من مدينة المنصورة ولا اعرف القاهرة والجيزة جيدا
ولا اريد احدا ان يعانى مثلما عانيت

*معلومات اضافية :
* اذا كنت من محبى الافلام والالعاب و الموسيقى التى لا تحتوى على bass فانصح بشراء Sennheiser HD201
*اما اذا كنت من محبى الموسيقى التى تحتوى على bass مثل موسيقى trance و house فانصح بشراء Sennheiser HD202
*و انا ريحت دماغى وجبت الاتنين :D وكل واحدة و ليها استخدامها يعنى الاتنين شغالين :cool:

* وأدعوكم اخوانى اعضاء المنتدى الكرام الى ترك شراء الماركات المبتذلة الموجودة فى السوق المصرية والتوجه الى Sennheiser
* جميع منتجات Sennheiser موجودة فى شركة Technology K.A.R.

* أرجو أن يحوز الموضوع على اعجابكم واى استفسار أنا فى الخدمة

hack4love

26-12-2011, 00:11

مبروك ياكبير

انا معايا Plantronics GameCom 7.1 وبصراحه الحياه معاها وردي

Mr_mohab

26-12-2011, 04:21

مبروك ياكبير

انا معايا Plantronics GameCom 7.1 وبصراحه الحياه معاها وردي
كام سعرها و بتوجع الودان ولا لاء ؟

mohamed75

26-12-2011, 13:10

لو ممكن رقم تليفون الشركه ضروري

vitamax

26-12-2011, 13:17

كل المعلومات تجدها فى موقع الشركة الالكترونى https://www.teckar.net (https://www.teckar.net/)/

vitamax

26-12-2011, 13:19

مبروك ياكبير

انا معايا Plantronics GameCom 7.1 وبصراحه الحياه معاها وردي

الله يبارك فيك :)

mohamed75

26-12-2011, 14:10

انا من المنصوره وعاوز اشتريها بس هما معندهمش شحن مفيش بديل
وبالنسيه للموديل hd202 هل الباص جامد اوي ولا معقول

@7oud

26-12-2011, 14:41

vitamax

27-12-2011, 03:47

انا من المنصوره وعاوز اشتريها بس هما معندهمش شحن مفيش بديل
وبالنسيه للموديل hd202 هل الباص جامد اوي ولا معقول

انا لما جيت اشتريها سألت الشركة على موضوع الشحن لقيتهم مترددين لانهم مش معقولة يشحنوا لى سماعة واحدة بس فريحت دماغى وروحت جبتها من عندهم.

وكدا اضمن لى عشان استلم الفاتورة بنفسى وميحصلش للسماعة حاجة فى الشحن .

HD202ال Bass بتاعها جامد لدرجة ان الاغنية لو مفيهاش Bass هتحس ان فيها Bass بس انت هتتعود عليه مع الوقت وهو بالنسبة لى حلو قوى ولو انت بتسمع اغانى فيها Bass جامد هتستمتع اكتر و عشان تستمتع باداء السماعة العالى لازم يكون عندك كارت صوت كويس .

vitamax

27-12-2011, 04:05

بدايتا الف مبروك ليك السماعة
بس انت جبيتها اذاى وهما فى الجيزة وانت فى المنصورة؟
بالشحن ولا سافرتلها مخصوص ؟
عشان انا كمان عاوز اجيب واحده
بالنسبة ل HD201 هل هى مريحة فى الارتداء لفترات طويلة ؟ وجيدة فى الالعاب ولا لا ؟

الله يبارك فيك وعقبالك اما تجيب واحدة عشان نعمل كدا نادى يضم مقتنى سماعات Sennheiser:D

*انا الشاشة بتاعتى كانت فيها مشكلة فوديتها الضمان فى القاهرة ومن القاهرة توجهت الى الجيزة لشراء السماعة يعنى المشوار دا 1x2

*واريح مواصلة عشان تروح هناك انك تاخد القطار وتنزل محطة مصر ومن هناك تاخد المترو وتنزل محطة جمال عبد الناصر ( الاسعاف )

وبعدين هتمشى شوية وتسال على موقف العربيات اللى بتروح بولاق وتركب من هناك بولاق وتقول للسواق ينزلك ميدان مصطفى محمود
وهناك هتلاقى بنك التعمير والاسكان والشركة موجودة فى الشارع اللى على ناصيته بنك التعمير والاسكان .

* HD201 مريحة بس انت اول ما تجيبها ممكن تحس انها مش مريحة اوى هى ماكنتش مريحة اوى بالنسبة لى فى البدايةلان ودانى كبيرة بس انت لو ودانك صغيرة السماعة مش هتضايقك وعموما انا خلاص اتعودت عليها وبقت مريحة جدا بالنسبة لى و مع الوقت هتتعود عليها وهى عموما مريحة جدا حتى بعد فترات الاستخدام الطويل.

وهى كويسة فى الالعاب عن HD202 وبتبقى حلوة اوى فى الافلام .

weaamx

27-12-2011, 15:28

خبر رائع صراحة و اسعار أروع ,, و كم رأيت ناس نفسها فى سنهايزر و تشترى الردئ من سوقنا لعدم توافره ,, حتى البراندات كرازور " أرى اسعارهم مبالغ فيها مقابل الأداء إذا ما تم مقارنتها بعملاق كسنهايزر

*ملحوظة : ال Bass فى Sennheiser HD201 يتحسن وتزداد قوته تدريجيا من كثرة الاستخدام - المعلومة من موقع اجنبى وهى صحيحة 100 % عن تجربة -

هذا المعلومة ليست خاصة أو حكراً على هذا السماعات ,, بل هى قاعدة فى كل الأنظمة الصوتية و تسمى Break in time ... و لها إحتياطات فى التشغيل يجب أن تطبق و يُأخذ بها أكثر فى الأنظمة الإحترافية

شكراً جداً على الموضوع ,, و هل شفت عندهم هيدفون إيه تانى و إية الأسعار ؟

vitamax

27-12-2011, 21:29

خبر رائع صراحة و اسعار أروع ,, و كم رأيت ناس نفسها فى سنهايزر و تشترى الردئ من سوقنا لعدم توافره ,, حتى البراندات كرازور " أرى اسعارهم مبالغ فيها مقابل الأداء إذا ما تم مقارنتها بعملاق كسنهايزر

هذا المعلومة ليست خاصة أو حكراً على هذا السماعات ,, بل هى قاعدة فى كل الأنظمة الصوتية و تسمى Break in time ... و لها إحتياطات فى التشغيل يجب أن تطبق و يُأخذ بها أكثر فى الأنظمة الإحترافية

شكراً جداً على الموضوع ,, و هل شفت عندهم هيدفون إيه تانى و إية الأسعار ؟

*لو سمحت ممكن حضرتك تقول ايه هى الاحتياطات دى ؟؟؟

*انا استخدم السماعات على ال PC و ال laptop يعنى انا معنديش اى نظام احترافى

* الشركة دى عندها جميع منتجات Sennheiser والحمد لله:ah4: بس انا ما سألتش غير على اسعار HD201 و HD202
لو حضرتك عاوز تجيب منتج تانى ممكن حضرتك تتصل بيهم و تسألهم او تراسلهم على الايميل

* ويا ريت حضرتك تبقى تقولنا أسعار المنتج اللى انت سألت عليه عشان يبقى عندنا علم برضه عشان يمكن الواحد يفكر يجيب نفس المنتج اللى حضرتك ناوى تشتريه
ولو ان الميزانية بقت تعبانة بعد ما جبت ال HD201 و HD202 :(

* كنت عاوز اسال حضرتك برضه ايه رايك فى كارت الصوت دا Xonar DG

لان انا باعتمد على كرت الصوت المدمج فىToshiba Satellite C660-12T

وكرت صوت ال PC مدمج وانا باستعمل مذربوردAsus P5G41C-M LX وحقيقة يعنى اداء كرت الصوت المدمج فيها مش عاجبنى واداء كرت الصوت فى ال laptop افضل منه

* فياريت حضرتك تنصحنى اعمل ايه ؟؟؟؟

mido hamdy

28-12-2011, 11:31

مبروك عليك اخى الكريم . شركة سينهايزر شركة رائدة فى مجال الصوتيات . لو سمحت متعرفش اذا كان عندهم سماعات in ear canal . أى بتدخل جوه الاذن نفسها لأستخدامها مع الموبايل ؟

mido hamdy

28-12-2011, 11:40

الف مبروك اخى على السماعات الرائعة من الماركة العالمية المعروفة بجودة منتجاتها . متعرفش اذا كان عندهم earphones للموبايل ؟

vitamax

28-12-2011, 15:07

الف مبروك اخى على السماعات الرائعة من الماركة العالمية المعروفة بجودة منتجاتها . متعرفش اذا كان عندهم earphones للموبايل ؟

* الله يبارك فيك :)

* ايوا موجود عندهم Earphones بس انا ما اعرفش الاسعار . انا ساعة اما كنت موجود عندهم سألتهم عليها قالولى انها موجودة بس انا ما سألتش على اسعارها .

* انت ممكن حضرتك تتصل بيهم وتسألهم

* الشركة دى عندها جميع منتجات Sennheiser

weaamx

02-01-2012, 06:47

*لو سمحت ممكن حضرتك تقول ايه هى الاحتياطات دى ؟؟؟

*انا استخدم السماعات على ال PC و ال laptop يعنى انا معنديش اى نظام احترافى

* الشركة دى عندها جميع منتجات Sennheiser والحمد لله:ah4: بس انا ما سألتش غير على اسعار HD201 و HD202
لو حضرتك عاوز تجيب منتج تانى ممكن حضرتك تتصل بيهم و تسألهم او تراسلهم على الايميل

* ويا ريت حضرتك تبقى تقولنا أسعار المنتج اللى انت سألت عليه عشان يبقى عندنا علم برضه عشان يمكن الواحد يفكر يجيب نفس المنتج اللى حضرتك ناوى تشتريه
ولو ان الميزانية بقت تعبانة بعد ما جبت ال HD201 و HD202 :(

* كنت عاوز اسال حضرتك برضه ايه رايك فى كارت الصوت دا Xonar DG

لان انا باعتمد على كرت الصوت المدمج فىToshiba Satellite C660-12T

وكرت صوت ال PC مدمج وانا باستعمل مذربوردAsus P5G41C-M LX وحقيقة يعنى اداء كرت الصوت المدمج فيها مش عاجبنى واداء كرت الصوت فى ال laptop افضل منه

* فياريت حضرتك تنصحنى اعمل ايه ؟؟؟؟

* الإحتياطات أو الخطوات ,, مثلاً عدم تعلية النظام فجأة و تشغيلة مده قد تصل إلى 100 ساعة على مواد صوتية نقية جداً لتمرينة و فتره البريك إن تطبق للوصول بالنطام إلى أقصى طاقتة و أداءه و للحفاظ عليه على المدى البعيد و هى كمثال كالتلين فى العربية بعد العمره أو عند الشراء و طبعاً تزداد أهميتها فى الأنظمة الغالية - ما يتخطى 1000$ -

* ال DG إختيار موفق جداً ,, ومناسب لسعر الهيدفون إلى جانب الهيدفون أمب -لو حدثت فى المستقبل طالماً غاوى هيفونز- و الفرونت بانل ...

بالتوفيق

purity

10-01-2012, 16:49

اولا جزاكم الله كل خيراً
ثانيا والاهم ياريت سرعة الرد
مخرج السماعة 202 هل هو 3.5 ولا ايه؟
لاني هجيبها من امازون مع حاجات تانية بالمرة وشوفتها محول فهل مخرجها اصغر من الطبيعي ولا قد ايه؟
ودا اللينك
https://www.amazon.com/Sennheiser-HD-202-II-Professional/dp/B003LPTAYI/ref=sr_1_1?ie=UTF8&qid=1326206949&sr=8-1

purity

10-01-2012, 21:29

ياريت الرد

mido hamdy

11-01-2012, 17:20

purity

11-01-2012, 17:25

ايوة تدعم 3.5 عن طريق ادابتور بيجى معاها . adaptor 3.5/6.3mm (¼”) stereo jack plug
بيجي معاها في العلبة ولا اشتريه انا ؟؟؟؟؟

mido hamdy

11-01-2012, 20:17

بيجي معاها في العلبة ولا اشتريه انا ؟؟؟؟؟

لأ بيجى معاها فى العلبة . طبقا للموقع الرسمى .

I-IEMA

11-01-2012, 23:24

يا جدعـــاااااان ،،
ماحدش ندهلى لـــيييـــه يا جدعااااان :D
دا حتى الراجل صاحب الموضوع ذكرنى فى كلامه ( بما انى كنت احد المشاركين فى شرارة شراء السماعة من امازون )

السماعة سعرها اغلى من امازون بـ 100 جنيه مقفولة :eek: ،، بس لإننا فى مصر فـ لو كان عندنا آمال نجيبها بسعر ارخص يبقى احنا طماعين ( و بنحارب التجار فى رزقهم :p )

انا مازلت شغال بهيدفون سونى كنت جايبه بـ 30 جنيه ايام ما كانت انبوبة البوتاجاز بـ 3 تقريبا ;)
و استخدامى ليها trance بنسبة 80% ، السماعات كااااااان فيها bass بس راح بفعل الزمن :D

هل اتوجه للـ HD202 بقلب جامد و ادفع الـ 240 بندق و انتظر الانبهار اللى متخيله ؟؟
اصل انا وجهة نظرى عن الـ trance ان علشان اسمعه صح لازم على سماعات خارجية عادية ، و عندى بالفعل creative lx520 5.1 بس لو شغلتها ربع ساعة فى الاسبوع ابقى محظوظ :( !!

vitamax

15-01-2012, 12:18

* لو انت عاوز توفر اشترى HD201

* ولو انت معندكش كرت صوت خارجى وظف فرق الفلوس فى شراء كرت صوت Asus Xonar DG

وهى هتؤدى الغرض على اكمل وجه الحقيقة هى سماعة محترمة بس انا لما جبتها الاول مكنتش حاسس بجمالها وادائها الرائع لان انا كنت بشغلها على كرت صوت

Built-inبس بعد اما اشتريت كرت صوت Asus Xonar DG نظرتى تجاه ال HD201 اتغيرت

ال Bass بقى احسن من الاول بكتييييييييييييييير وهى عموما مش بطالة فى ال Trance

* اما عن ال HD202 فهى سماعة محترمة ايضا بس ال Bass بتاعها اقوى بمراحل عن ال HD201 تحس كدا انه بيبقى عميييييييييييييق

بس تحس ان ال Bass بتاعها ساعات بيبقى اكتر من اللازم

اما Bass ال HD201 مبيبقاش بنفس العمق بس مهوش بطال

* لو انت استخداماتك متنوعة games, movies ,music, etc
توكل على الله وهات ال HD201

* اما لو انت مركز على الموسيقى وخصوصا ال House والحاجات اللى بيبقى فى معظمها Bass كتير
توكل على الله وهات HD202

* الهيدفون سواء HD201 او HD202 بتخلينى اسمع فى ال Track حاجات مابسمعهاش فى الصب 2.1 Divoom

* من الاخر ال HD201 بتاعة كله

اما HD202 للجماعة اللى بيحبوا ال Bass

* ملحوظة مهمة جدا :

فى الاول وفى الاخر لازم تجيب كارت صوت خارجى والا هتكون بترمى فلوسك فى الارض و مش هتستمتع باداء سماعات Sennheiser

وهتقول دى متفرقش حاجة عن السماعات ال Sony اللى عندك ام 30 جنيه

koki4life

23-01-2012, 10:05

لا حول ولا قوة الا بالله .......انا مصدقتش نفسي لما شفت السعر ده :eek:
وقلت لازم تشوفوا بنفسكم .......

https://cdn-static.cnet.co.uk/i/photos/49301485/1.jpg

[/URL]

https://cdn-static.cnet.co.uk/i/c/blg/cat/accessories/sennheiser_hd-800_drive-unit.jpg

https://asset0.cbsistatic.com/cnwk.1d/i/bto/20090313/sennheiser2.jpg

سعر السماعة Sennheiser HD800 ................ :ah34:

امسكوا أعصابكم علي قد ما تقدروا ........

$1499 بعد الخصم .......يعني 9000 جنيه مصري فقط لا غير

https://www.amazon.com/Sennheiser-HD800-Over-Ear-Circum-Aural-Headphone/dp/B001OTZ8DA/ref=sr_1_1?ie=UTF8&qid=1327304284&sr=8-1 (https://reviews.cnet.co.uk/headphones/sennheiser-hd-800-review-49304688/)

يذكر طبعا أن السماعات تصدر ترددات صوتية اعلي مما يمكن ان نتخيله تصل حتي 51000HZ..........والمواصفات الكاملة هنا
[URL]https://www.sennheiser.com/sennheiser/home_en.nsf/root/private_headphones_audiophile-headphones_500319

وهي بالطبع عي رأس قائمة سماعات Sennheiser التي تنتمي إلي فئة ال Audiophile.........ولكني حتي الآن غير مقتنع بالسعر بالمرة و نهائيا و للأبد ولا يمكن ومش عاجبني خالص علي الآخر ....... و عاجبي :confused:

mustafamuha

27-01-2012, 18:45

طيب معلش ممكن تقولى ايه اسعار السماعات الوير ليس عندهم وسعر hd202 هى الى حالى ولا اتغير ؟

purity

11-02-2012, 01:15

طيب معلش ممكن تقولى ايه اسعار السماعات الوير ليس عندهم وسعر hd202 هى الى حالى ولا اتغير ؟
++++

master666666

23-12-2012, 14:54

تم شراء HD 202
والهيدفون فى قمة الروعة والصوت عالى جدا ونقى (وعلى لابتوب وموبايل )
----
عنوان الشركة اتغير ل 5 شارع الكروم بدل 20

سعر ال HD 202
270 جنيه

لكن ال HD 201
240 او 230 جنيه (حاجة من الاتنين علي ما اذكر)

----
شكراً لصاحب الموضوع D:

و دي صفحة الشركة على الفيسبوك
https://www.facebook.com/sennheiseregypt

فوزى77

31-12-2012, 15:50

شكرا ياباشا

mota7128

29-01-2013, 16:45

طب لو سمحتوا يا أهل الخبره :) اخوكم مش خبير فى المواضيع خالص .. وعاوز سماعه محترمه ويكون فيها ميك محترم عشان انا اهم حاجه عندي الميك والميك ميكونش في السلك عشان انا بكره الميكات ديه وبرده ميضرش لو كانت كويسه لل Music and Games :D الميزيانيه من 250 ل 300 جنيه ...