المساعد الشخصي الرقمي

مشاهدة النسخة كاملة : شاشة Asus ve247h


عبدالله ضيف
03-01-2012, 06:47
بسم الله الرحمن الرحيم

أخوانى الاعزاء نا اشتريت شاشة AUSU VE247H الشاشة ما شاء الله رائعة الوانها تحفة فنية وكل حاجة فيها جميلة بس انا فى حاجة مديقانى فيها جدا الشاشة من تحت بلاحظ فيها ميول الى اللون الازرق مش عارف ليه هل ده طبيعى وعلى فكرة الميول ده مش بيبان وانا بشوف الشاشة من اى زاوية اخرى مش بيظهر غير وانا امام الشاشة مباشرة الميول ده بيظهر فى اللون الاسود بس يعنى لما تكون الشاشة بتعرض صورة سوادء مثلا بكامل الشاشة بشوف ازرقاق فى حافة الشاشة السفلى وكمان العليا بس فى العليا بيبقى بسيط جدا

ارجوكم افيديونى هل ده عيب وله كل الشاشات كده ولا ايه
فى حال لو كان ده عيب اعمل ايه انا بقى دلوقتى الشاشة عندى بقالها اسبوع اتصرف ازاى يعنى
Hercules!
05-01-2012, 08:21
دا اسمة Color Bleeding
او نزيف لونى للشاشة

دا عيب بسيط بس معتقدش انك تقدر ترجع الشاشة بسببة يمكن اى حد غيرى يفيدك

المهم هل بتشوف الالوان مظبوطة يعنى الاسود اسود و الازرق ارزرق و لا فى مشاكل
عبدالله ضيف
05-01-2012, 15:07
انا عموما بشوف كل الالوان مظبوطة وروعة وانا بعيد عن الشاشة لاكن لما بقرب منها مسافة 50 سم ببداء فى اللون الاسود بشوف ازرقاق تحت فى الشاشة مسافة حوالى 3.0 سم فى اتجاه راسى
وهل العيب ده اقدر ارجع بيه الشاشة لو لسه شاريها ما كملتش اسبوعين
EL-MARIACHY
05-01-2012, 18:29
كده كده ليك انك ترجعها فى خلال 30 يوم من شرائك لها و لكنى اعتقد انك إشتريتها من الخارج ، فعقبال ما توديها بره هتلاقيهم دخلوها الصيانه

علشان ال30 يوم من يوم الشراء او يوم الشحن لا اتذكر بالظبط

فالحل انك توديها الضمان بره و لكنها هتأخذ وقت طويل اوى اوى

إحتمال يكون فى حلول اخرى و لكنى لا اعرفها

هل تقدر تصور النزيف ده و اقارنه بالشاشه اللى عندى ؟
عبدالله ضيف
05-01-2012, 21:51
اخى EL-MARIACHY (https://arabhardware.net/forum/member.php?u=134800)
انا شارى الشاشة من مصر من مول سوق العصر
وبقالى اسبوع ونصف شاريها
وللاسف انا مقدرش اصور النزيف ده لانى مش عندى كاميرا بس هوه موجود فى جميع جوانب او حواف الشاشة مسافة 0.3 سم فى اللون الاسود فى وضع كامل الشاشة
crypt76
06-01-2012, 00:03
هل يوجد أي أجهزة كهربائية أخرى (سماعات، أسلاك كهربائية، مشترك... إلخ) على مقربة من الشاشة؟
عبدالله ضيف
06-01-2012, 03:43
يوجد سماعتين خلف الشاشة
Hassan.Ali
06-01-2012, 03:59
^^^

ابعد اى حاجه عن الشاشه مسافه 25 او 30 سم على الاقل او شيلهم خالص وشوف الاخبار ايه ...... سماعات او ادابتور وما شابه

اذا لا قدر الله نفس المشكله شيل الشاشه وجرى على اللى اشتريت منه الشاشه ....... ده حقك انت ليه ساكت اسبوع ونصف
EL-MARIACHY
06-01-2012, 13:58
اخى EL-MARIACHY (https://arabhardware.net/forum/member.php?u=134800)
انا شارى الشاشة من مصر من مول سوق العصر
وبقالى اسبوع ونصف شاريها
وللاسف انا مقدرش اصور النزيف ده لانى مش عندى كاميرا بس هوه موجود فى جميع جوانب او حواف الشاشة مسافة 0.3 سم فى اللون الاسود فى وضع كامل الشاشة

بتتكلم جد ؟

طب جبتها منين و بكام ؟

و لو على كده الحق رجعها لهم بسرعه علشان يبدلوها او يصلحوها

و لو انى اشك جداً فى إمكانيه حدوث هذا !!
عبدالله ضيف
07-01-2012, 11:11
تشك فى انهم ممكن يعملو حاجة ليه الضمان ثلاث سنين انا مليش دعوه بيهم انا ليه ضمان ثلاث سنين وانا معملتش فيها اى حاجة غلط يبقى ترجع بالذوق بدل ماخد طريق تانى
واحتمال احوال ابدلها بشاشة ايسر ثرى دى وادفع لهم فرق
Hassan.Ali
07-01-2012, 16:55
^^^^
هوه انت لسه مرجعتهاش كل ده :ah46: اليوم اللى بيعدى على حسابك انت كل ما هتتاخر هوه بياخد ...نقطه..... وانت بتخسر ...10 ......:ah19:

متلمش الا نفسك بعد كده .... انجز واخلص..... القصص دى لازم تتعامل معاها بسرعه جداا جدا ... متبعيين معاك ... موفق ان شاء الله
عبدالله ضيف
07-01-2012, 17:10
باذن الله هرجعها بكره وانا اتصلت بيهم وقالى لو العيب موجود فعلا هيبقى فيه استبدال بنفس الشاشة او شاشة اخرى مع دفع الفرق
عبدالله ضيف
09-01-2012, 07:42
يا جماعة انا روحت بيها المحل ورتهالهم بس للاسف مش عارف ازاى العيب ظهر هناك بسيط وكانه غير موجود واضطريت اشترى كابل hdmi عشان لو العيب ده هيتظبط ورجعت هنا فى البيت لقيت برده العيب موجود بس فى بعض اوضاع الشاشة فقط
مثل scenery mode بتصل فيه لنصف سم داخل الشاشة بازرقاق
انا كده والله محتار هل العيب فى حاجة عندى ولا ايه بالظبط على العموم جارى تجريب الشاشة على جهاز اخر خارج المنزل وهشوف ايه الى بحصل
على العموم ضاحب المحل قلى ان ده حاجة اسمها خط طيفى وموجود فى كل الشاشات
Hercules!
14-01-2012, 06:57
الحقيقة اول مرة اسمع عن ان كل الشاشات بتيجى بخط طيفى ....

دا عيب فى الشاشة ثابر على رايك طالما انت فى الضمان قولة دا Color Bleeding

او نزيف لونى و عاوز ارجعها طالما فى الضمان

و بعدين ياريتك كنت جربتها فى المحل اول ما اشتريتها زى ما كلنا بنعمل عشان ميبقاش فى حجة

و المحل يعد يماطل معاك
عبدالله ضيف
14-01-2012, 23:10
انا مستنى واحد صاحبى يجيب جهازه وهجربها عليه لان الشاشة hdmi وانا معرفش غيره عنده مخرج hdmi لو عملت نفس العيب هرجعها واستبدلها بحاجة سامسونج
او حتى هستبدلها بواحدة سليمة