[مصر] طلب تجميع كيسة للألعاب بحد اقصى 2000 جنيه في اسرع وقت

[karimbo]

السلام عليكم ورحمة الله وبركاته

- أقصى ميزانية محددة: 2000 جنيه - 2300 جنيه
- استخدامك للجهاز: الالعاب
- حجم الشاشة و الدقة (Resolution) التي تستخدمها: 17'' والدقة 1024*768
- القطع التي تنوي شراءها: مازربورد - بروسيسور - كارت شاشة- كيسة - رامات 2 جيجا - هارد 500
- القطع التي ستعيد استخدامها من الجهاز القديم: الشاشة - الدي في دي رايتر
- ميعاد شراء الجهاز: هذا الاسبوع
- مكان الشراء: روكسي - القاهرة
- محل سكنك: ( القاهرة )

كنت محتاج رأيكم من خلال البيانات السابق ذكرها وانا من خلال خبرتي المتواضعة جدا قدرت اتوصل لبعض القطع كده انها قد تكون مناسبة ليا بس كنت محتاج ارآكم فيها ولو في حاجة افضل بمعادلة السعر مقابل الاداء اكون شاكر جدا ليكم
وكنت محتاج اعرف الاسعار لاني مش متابع الحقيقة الاسعار من فترة

البروسيسور
واحد من الاتنين حسب الميزانية
AMD Phenom X4 955 3.2GHZ/8M
AMD PHENOM X2 560 3.3GHz/8M
طبعا انا عارف ان X4
اعلى سعرا وامكانيات بس كنت حابب اعرف سعر الاتنين دلوقت كام وينصح بأيهما قياسا بفارق السعر امام فارق الامكانيات وكمان قياسا بالميزانية اللي انا حاططها

الرامات
G.skill/Kingston 1*2GB DDR3 bus 1333MHz
كنت حابب اعرف سعرها كام دلوقت سواء جي سكيل او كينجستون او اي ماركة تانية كويسة .. وكنت حابب اعرف برضه هيفرق معايا بشكل ملحوظ لو جبت باص اعلى ولا كده كويسة؟

كارت الشاشة
محتار بين
SAPPHIRE HD 5670 1GB GDDR5
SAPPHIRE HD 6670 1GB GDDR5
اسعارهم ايه ومدى توافرهم
ولو في حاجة احسن منهم وسعرها قريب تناسب الليمت اللي انا ماشي فيه يبقى تمام اوي برضه طبقا للقياس بالاداء مقابل السعر

الكيسة
مش عارف اعتقد المناسب للتجميعة والسعر الكويس
Cooler Master Elite 310 case + 400w PSU
انا اخر حاجة اعرفها انها 335 جنيه ... فهل سعرها كده فعلا؟؟؟
وهل يمكن بامكانيات القطع اللي انا بقول عليها التغاضي عنها بكيسة عادية
ولو ينفع ايه الباورسبلاي اللي ممكن اجيبه ويكون سعره خفييييييييف
(محاولة تقليل الميزانية باقصى درجة)

الهارد
مش عارف ليه حاسس ان اسعار الهاردات زادت او ان الهاردات مش متوفرة
مش عارف احساسي صحيح ولا خاطئ
بس كنت حابب اجيب هارد 500 كفاية دلوقت ويكون مناسب سعرا واداءا
فياريت حد يرد عليا بخصوص الهارد

اخر حاجة البورده
بصراحة انا ميح جدا في اختيار البورده وسبتها للاخر عشان تفيدوني فيها من منطلق انها تكون بورده تعييييييييش معايا وقابلة للتطوير
مش عارف اعتقد الافضل تكون باربع بيوت رامات
وتكون تدعم USB3
وتكون اكيد تدعم البروسيسور AMD
6 انوية
او المقصد يعني انها تكون قابلة لبروسورات اعلى خلال على الاقل اني اطور في التلت اربع سنين الجاية
بصراحة مش عارف وسمعت عن بورده اسمها
ASRock 870 EXTREME3 R2.0 Socket AM3
سعرها كام وهتكون مناسبة لاسعار القطع اللي فوق من ناحية اني مزيدش عن الرينج اللي انا حاطه ولا ايه
افيدوني ارجوكم في اسرع وقت لاني بصدد الشراء على اقصى تقدير يوم الجمعة القادم
وشكرا لاعظم منتدى تقني في الوطن العربي
والسلام ختام

[ASSASINO]

وعليكم السلام ورحمة الله وبكاته

رجاء اخى الالتزام بهذا النموذج فى هذا القسم

نموذج الموضوع يكون كالتالى:
- يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!

- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )

ملحوظة: لا يسمح باستخدام أكثر من 3 ألوان في الموضوع، أو أن يزيد حجم الخط عن 3 .

[khaled moh]

i3-2100
725

ASRock H61M-HVS Motherboard
350

ram 4 gb kingston 1333
130

power 350 w
150 جنيه

ati 5670

500 جنيه


Samsung 22X DVD-RW DL drive (https://www.********.com/product.php?id=9088)

120

الاجمالى 1950

[karimbo]

تم التعديل يا استاذ اساسينو
وشكرا ليك يا استاذ خالد بس مش عارف ليه حاسس ان amd افضل خصوصا في موضوع البورده انها هتخدم اني ازود في الامكانيات مع الوقت عكس الانتل بسبب وجود اكتر من نوع سوكت حالي للبروسيسورات .. مش عارف انت معايا ولا لا في الموضوع ده

[ENG.Bishoo]

بص يا استاذ "karimbo" لو انت تريد معالج amd فهذا يعود لك اما اذا كنت تريد الأفضل ف intel i3 افضل وبنفس السعر تقريبا اما بالنسبه لموضوع السوكت ف i3 يعمل على مقبس 1155 و ال i7 ايضا يعمل بنفس المقبس فلاداعى للقلق من هذه الناحيه فاذا تريد ان تكمل بمعالج amd فيرجى الرد ع الموضوع

[karimbo]

طب يا استاذ بيشو حضرتك انا الميزانية بتاعتي 2300 جنيه على اقصى تقدير
حضرتك قولي تجميعة لانتل بالبروسيسور i3 وتكون مناسبة وفي نفس الوقت يكون فيها بورده كويسة تكون قابلة لانها تدعم ال i7 او لو في بروسيسور اعلى نزل من نفس السوكيت
وبرضه قولي تجميعة ل amd من خلال اللي انا قولته يكون في نفس الامكانيات والرينج اللي انا بقول عليه

[khaled_sha6er]

شكرا لالتزامك بالقوانين :)
i3 2100 710 le
ASRock H61M-HVS Motherboard 350 le
kingston 4GB (2 x 2GB) DDR3 1333 CL9 1.5v Desktop Memory 140
Western Digital WD5000AAKX 500GB SATA 6GB/s 16MB Cache 470 le
cooler master elite 335 + 400w psu 360 le
total
2035
من الصعب الحصول على كارت شاشة بتلك الميزانية لذلك ان كنت تنوى شراء كارت شاشة مستقبلا ستكون تلك التجميعة ممتازة اما اذا كنت لاتنوى شراء كارت شاشة وتريدة ضمن التجميعة اليك هذة التجميعة ولكنها ستزيد قليلا عن الميزانية المحددة
amd phenom ii x2 555 550 le
ASUS M5A78L-M LX Socket AM3+ motherboard 375 le
kingston 2g 1333 75 le
SAPPHIRE HD 6670 1GB DDR3 525 le
Western Digital WD5000AAKX 500GB SATA 6GB/s 16MB Cache 470 le
cooler master elite 335 + 400w psu 360 le
total
2335

[karimbo]

هي اسعار الهاردات اتجننت ولا انا مش واخد بالي؟؟؟؟؟؟؟؟؟؟؟؟؟؟؟؟؟؟؟؟
انا مشتري هارد 500 من سنة وكان 230!!! معقول الهاردات سعرها بتزيد مش بتقل؟؟؟؟؟؟؟؟؟؟؟؟؟؟؟؟؟؟؟؟؟
انا مش بفهم اوي في الهاردات بس هو wd5000aaks-00v1a0
ما علينا
طب نسيب موضوع الهارد على جنب شوية ونشوف اخرتها ايه في الكمبيوتر العجيب ده
على العموم انا خلاص كده اقتنعت بتجميعة i3 اوي بس بالنسبة للبورده تمام وعلى ضمانتك يا استاذ خالد؟؟
يعني حاجة هتدي تلت اربع سنين ادام؟؟؟ وهل في بورده مفيهاش كارت شاشة في نفس الرينج ده واحسن منها ولا دي تمام التمام؟؟
ودلوقت انا هجيب باور سبلاي بس واركبه على كيسة عندي موجودة وبالتالي اعتقد هوفر حوالي 200 جنيه .. على حسب ما اعرف الباور سبلاي لوحده هيعمله 160 ولا 180 حاجة زي كده؟؟ معلوماتي صحيحة ولا ايه؟؟؟
اما بخصوص كارت الشاشة فانا ناوي اظبط الليلة على التجميعة دي واجيب كارت شاشة بس حضرتك حاطط SAPPHIRE HD 6670 1GB DDR3 525 le
هو كارت SAPPHIRE HD 6670 1GB DDR5 سعره كام دلوقت؟؟؟ وكارت SAPPHIRE HD 5670 1GB DDR5 مش موجود ولا ايه ولو موجود سعره كام؟؟؟ والكارتين دول dd5 يفرقوا ايه عن اللي حضرتك قايلي عليه dd3 لاني بصراحة مش فاهم الفارق بين dd3 و dd5 ومش عارف بيفرقوا كتير ولا لا
ارجو الافادة في اسئلتي دي واسف جدا على كترتها

[khaled_sha6er]

هي اسعار الهاردات اتجننت ولا انا مش واخد بالي؟؟؟؟؟؟؟؟؟؟؟؟؟؟؟؟؟؟؟؟
انا مشتري هارد 500 من سنة وكان 230!!! معقول الهاردات سعرها بتزيد مش بتقل؟؟؟؟؟؟؟؟؟؟؟؟؟؟؟؟؟؟؟؟؟
انا مش بفهم اوي في الهاردات بس هو wd5000aaks-00v1a0
ما علينا
طب نسيب موضوع الهارد على جنب شوية ونشوف اخرتها ايه في الكمبيوتر العجيب ده
اسعار الهاردات غليت من فترة بسبب غرق مصانع ويسترن بسبب حدوث فايضانات فى تايلند ولذلك الاسعار مرتفعة الضعف وحاليا بدات فى الانخفاض تدريجيا بسبب عودة المصنع للانتاج مرة اخرى لذلك لو لديك هارد انصحك بعدم شراء اخر فى الفترة الحالية والاستفادة بثمنة فى باقى مكونات الجهاز
على العموم انا خلاص كده اقتنعت بتجميعة i3 اوي بس بالنسبة للبورده تمام وعلى ضمانتك يا استاذ خالد؟؟
يعني حاجة هتدي تلت اربع سنين ادام؟؟؟ وهل في بورده مفيهاش كارت شاشة في نفس الرينج ده واحسن منها ولا دي تمام التمام؟؟
البوردة ممتازة وشركة اسروك شركة محترمة جدا وكذلك وكيلها فى مصر بالنسبة لكرت الشاشة فهو مدمج بالبوسيسور لذلك انت المستفيد
ودلوقت انا هجيب باور سبلاي بس واركبه على كيسة عندي موجودة وبالتالي اعتقد هوفر حوالي 200 جنيه .. على حسب ما اعرف الباور سبلاي لوحده هيعمله 160 ولا 180 حاجة زي كده؟؟ معلوماتي صحيحة ولا ايه؟؟؟
اللى هيحكم الباور كام وات وسعرة هو كارت الشاشة
اما بخصوص كارت الشاشة فانا ناوي اظبط الليلة على التجميعة دي واجيب كارت شاشة بس حضرتك حاطط SAPPHIRE HD 6670 1GB DDR3 525 le
هو كارت SAPPHIRE HD 6670 1GB DDR5 سعره كام دلوقت؟؟؟ وكارت SAPPHIRE HD 5670 1GB DDR5 مش موجود ولا ايه ولو موجود سعره كام؟؟؟ والكارتين دول dd5 يفرقوا ايه عن اللي حضرتك قايلي عليه dd3 لاني بصراحة مش فاهم الفارق بين dd3 و dd5 ومش عارف بيفرقوا كتير ولا لا
اكيد طبعا ddr5 افضل وسعر النسخة ddr5 هو 600 جنيه
بالنسبة 5670 توافرة فى الاسواق قليل جدا و 6670 هو نفسة 5670 ولكن افضل قليلا
وان استطعت الزيادة وشراء Gigabyte AMD Radeon HD 6770 1GB GDDR5 بسعر 720 سيكون افضل
ارجو الافادة في اسئلتي دي واسف جدا على كترتها
تم الرد داخل الاقتياس :)

[karimbo]

متشكر جدا يا استاذ خالد على متابعتكم العظيمة
يعني دلوقت من خلال كلام حضرتك وصلنا للتجميعة دي
بدون الهارد

i3 2100 710 le
ASRock H61M-HVS Motherboard 350 le
kingston 4GB (2 x 2GB) DDR3 1333 CL9 1.5v Desktop Memory 140 le
SAPPHIRE HD 6670 1GB DDR5 600 le
وكان في باورسبلاي سمعت عنه
CM Elite 400w 180LE
مش عارف سعره كده حاليا ولا ايه
بالشكل ده يبقى الاجمالي لو سعر الباورسبلاي كده ومن غير الهارد يبقى 1980 جنيه .. تمام كده يا باشا؟؟

[ASSASINO]

انا الميزانية بتاعتي 2300 جنيه على اقصى تقدير


Intel Core™ i3-2100 3.1GHz 710 LE

ASRock H61M-HVS 350 LE

kingston 4GB (2 x 2GB) DDR3 1333 CL9 1.5v Desktop Memory 140 LE

SAPPHIRE HD 6770 1GB GDDR5 755 LE

CORSAIR CX430 V2 295 LE

T : 2270 LE

[karimbo]

طب بخصوص تجميعة AMD البورده ASRock 770DE3L سعرها كام
وايه الفرق بينها وبين
ASUS M5A78L-M LX Socket AM3+

[khaled_sha6er]

طب بخصوص تجميعة AMD البورده ASRock 770DE3L سعرها كام
وايه الفرق بينها وبين
ASUS M5A78L-M LX Socket AM3+
التجميعة الانتل افضل كثيرا لذلك انصجك بشرائها :)

[karimbo]

انا فاهم بس كان في واحد صحبي بيسأل عن الفرق بين البوردتين .. مش ليا انا خلاص قولت انتل ان شاء الله ياريت اعرف رأي حضرتك بخصوص البوردتين الايه ام دي وانهي فيهم افضل وسعر ال asrock اللي انا قولت عليها كام يا استاذ خالد وشكرا ليك مرة تانية

[khaled_sha6er]

انا فاهم بس كان في واحد صحبي بيسأل عن الفرق بين البوردتين .. مش ليا انا خلاص قولت انتل ان شاء الله ياريت اعرف رأي حضرتك بخصوص البوردتين الايه ام دي وانهي فيهم افضل وسعر ال asrock اللي انا قولت عليها كام يا استاذ خالد وشكرا ليك مرة تانية
البوردة الاسوس افضل لانها بسوكت am3+ لذلك ستكون افضل للمستقبل وكذلك بها كارت شاشة مدمج وهو hd 3000 المدمج فى الشريحة 760g اما الاسروك بسوكت am3 وليس بها كارت شاشة مدمج هذة هى الفروقات وسعرها 325 جنيه