حتوحشونى والله جدااااااااااااااااااااااااا

[bob king]

بسم الله الرحمن الرحيم

انا رايح الجيش يوم 18 /1 /2012 هتوحشونى جدااااااااااااااااا والله يا احسن منتدى فى الدنيا كلها وياريت تدعولى ان السنة تعدى على خير لان انتم عارفين اى اللى بيحصل فى البلد الايام دى

سلام

[bdr33733]

يا باشا ترجع بألف سلامه و إن شاء الله تعدى على خير , هما اول اسبوعين صبر وبعد كده الامور بتتعود عليها إن شاء الله وبعد التوزيع الامور بترجع طبيعيه بإذن الله
متنساش تاخد معاك كشاف صغير وراديو ترانزستور صغير (الحاجه الوحيده اللى بتعرفك اخبار الدنيا بره)
وأهم حاجه ركعتين قضاء الحاجه الليله دى بنية إن ربنا سبحانه وتعالى ييسرلك الامور
ومتقلقش , على نهاية المده فى مركز التدريب هتلاقى نفسك مرتبط بالصحبه اللى معاك إن شاء الله المهم بس متدخلش فى نقاشات حول أى حاجه ;)تجنبا للخلاف فى الرأى والشقاق مع الرفاق

بالتوفيق يا مان :)

[bob king]

يا باشا ترجع بألف سلامه و إن شاء الله تعدى على خير , هما اول اسبوعين صبر وبعد كده الامور بتتعود عليها إن شاء الله وبعد التوزيع الامور بترجع طبيعيه بإذن الله
متنساش تاخد معاك كشاف صغير وراديو ترانزستور صغير (الحاجه الوحيده اللى بتعرفك اخبار الدنيا بره)
وأهم حاجه ركعتين قضاء الحاجه الليله دى بنية إن ربنا سبحانه وتعالى ييسرلك الامور
ومتقلقش , على نهاية المده فى مركز التدريب هتلاقى نفسك مرتبط بالصحبه اللى معاك إن شاء الله المهم بس متدخلش فى نقاشات حول أى حاجه ;)تجنبا للخلاف فى الرأى والشقاق مع الرفاق

بالتوفيق يا مان :)

شكرا يامعلم على ردك وانا بالفعل كنت هعمل الحجات دى وان شاء الله تعدى خير على الجميع

[ramy]

لا ترتكب مخالفات هناك..;)
عقوبات الجيش لا ترحم..:)

[khaled_sha6er]

ترجعلنا بالف سلامه ان شاء الله :)
وربنا يصبرك :D

[Ma7moud9]

بس أمانة عليك لو نزلوك التحرير يوم 25 .... إوعى تضربني !!!

[The Apex Predator]

ترجع بالسلامة.:)

[bob king]

شكرا جزيلا لجميع الادارين والاعضاء على الردود الجميلة دى وربنة يوفقكم فى حياتك ان شاء الله وانا والله اتعلمت من الموقع دة كل حاجة حلوة والحمد لله نفعتنى فى حياتى لشخصية وشكرا جدا على تعاملكم النبيل والجميل معانا وحاجة اخير بالنسبة للمخالفات اللى فى ملفى الشخصى بسبب انى مقرتش قوانين المنتدى الكريم وانا غلطان طبعا انى الفروض كنت قرئتها من اول ما دخلت المنتدى ياريت لمى ارجع من الجيش مش عاوز القيها ههههههههه :D والسلام عليكم ورحمة الله وبركاتة

[Mostafa Gomaa]

ان شاء الله تنقضي مدتك على خير وتعود بالسلامة :)

[محمد حسن احمد]

ياباااااشا يا حبيبي انت اللي حتوحشني ياصديقي بجد والله يا جماعه متعرفوش معزتك عندي ازاي ربنا وحده اللي يعلم انت اول صديق ليا في المنتدي ده ... خلي بالك من نفسك وترجعلنا بالف سلامه ياصاحبي ... بس ليا رجاااااااء عندك اوعي مهما قالولك تضرب في المتظاهرين متعملش زي التانيين اوعي دوول خواتك واهلك وبيطالبوا بحقوقهم ... واخيرا ربنا يحفظك من كل سوء وترجع رافع راسك باذن الله ... سلام ياصاحبي ...

[bob king]

ياباااااشا يا حبيبي انت اللي حتوحشني ياصديقي بجد والله يا جماعه متعرفوش معزتك عندي ازاي ربنا وحده اللي يعلم انت اول صديق ليا في المنتدي ده ... خلي بالك من نفسك وترجعلنا بالف سلامه ياصاحبي ... بس ليا رجاااااااء عندك اوعي مهما قالولك تضرب في المتظاهرين متعملش زي التانيين اوعي دوول خواتك واهلك وبيطالبوا بحقوقهم ... واخيرا ربنا يحفظك من كل سوء وترجع رافع راسك باذن الله ... سلام ياصاحبي ...

والله انت اكثر يامعلم ربنة يخليك على ردك الجميل دة وانت اكثر من اخ يامعلم والله انت مش عارف معزتك عندى قد دى وانا بجد لو طلبو منى اضرف فى المتظاهرين انا هخلع هدومى واطير وسلام يا صحبى وهتوحشونى جدا

[elbass]

فى رعاية الله وحفظه
واحتسب هذه السنه كمجاهد فى سبيل الله واخلص له النية

[bob king]

فى رعاية الله وحفظه
واحتسب هذه السنه كمجاهد فى سبيل الله واخلص له النية

يارب وشكرا يامعلم على ردك الجميل وربنة يوفقك فى حياتك ان شاء الله

[ellassy]

نصيحه على الرغم من انى مدخلتش الجيش والتأجير بتاعى هيخلص يوم 13/1 :( ربنا يستر بعدها
متفكرش ازاى تخرج من الجيش لانك مش هتخرج قبل مدتك الا لو حصل اصابه خطير لا قدر الله
المهم فكر ازاى تقضى مدتك من غير ما تاخد مخالفات او جزاءات " مخالفات الجيش غير المنتدى يا معلم ":)
لو حصل انك وقعت فى سلاح او مكان الظروف فيه صعبه استحمل مهما كان واوعى تهرب زى ما فى ناس بتعمل
اكتر من 29 يوم غياب متتاليين بتفقد دفعه وبتتحول لمحاكمة عسكرىة ومش هتعرف تشتغل وحياتك بعد كده هتبقى متوتره بسبب شهادة الجيش

ربنا يوفقك وادعيلى اروح اخد الاعفاء يوم 13/1 علشان نازل المظاهرات يوم 25/1 :D

[bob king]

نصيحه على الرغم من انى مدخلتش الجيش والتأجير بتاعى هيخلص يوم 13/1 :( ربنا يستر بعدها
متفكرش ازاى تخرج من الجيش لانك مش هتخرج قبل مدتك الا لو حصل اصابه خطير لا قدر الله
المهم فكر ازاى تقضى مدتك من غير ما تاخد مخالفات او جزاءات " مخالفات الجيش غير المنتدى يا معلم ":)
لو حصل انك وقعت فى سلاح او مكان الظروف فيه صعبه استحمل مهما كان واوعى تهرب زى ما فى ناس بتعمل
اكتر من 29 يوم غياب متتاليين بتفقد دفعه وبتتحول لمحاكمة عسكرىة ومش هتعرف تشتغل وحياتك بعد كده هتبقى متوتره بسبب شهادة الجيش

ربنا يوفقك وادعيلى اروح اخد الاعفاء يوم 13/1 علشان نازل المظاهرات يوم 25/1 :D

شكرا يا معلم جدا على الناصئح دى وانا طبعا اتعلمت حجات كثيرة من هذة النصائح وان شاء الله اعمل بيها فى الجيش ويارب ان شاء الله تاخد اعفة نهائى

[e_amr]

بالتوفيق ان شاء الله وانا لسه مخلص جيش والجيش زي الفل دا غير المرتبات زادت وكل شهر مكافآت كل دا من بعد الثورة بعني هتتزبط ان شاء الله :D
وكل ماتسمع ان فى مظاهرات فى التحرير او ضرب اعرف انه هتجيلكم مكافآت :)

[bob king]

بالتوفيق ان شاء الله وانا لسه مخلص جيش والجيش زي الفل دا غير المرتبات زادت وكل شهر مكافآت كل دا من بعد الثورة بعني هتتزبط ان شاء الله :D
وكل ماتسمع ان فى مظاهرات فى التحرير او ضرب اعرف انه هتجيلكم مكافآت :)
شكرا يا صحبى والله طمنتنئ يارب تعدى على خير ان شاء الله وشكرا على اهتمامك يا حبى وربنة يوفقك