القاهره - للبيع كارت شاشه sapphire 6870 استعمال شهرين فقط بكل مشتملاته كالجديد

[midosoft88]

القاهره - للبيع كارت شاشه sapphire 6870 استعمال شهرين فقط بكل مشتملاته كالجديد و انا شاريه بدون فاتوره

سعر البيع 950 جنيه

الموضوع اللى فات المشرف تعسف فى حذفه بدون ابداء اى سبب و ارجو احترام الاعضاء اكثر من ذلك و انا مش عارف موضوع انه مسروق او مش مسروق انا اشتريته من واحد فى منتدى تانى و لو مسروق دى مش مشكلتى دى مشكلة صاحب الكارت الاصلى مع اللى سرقه منه

اللى عايز يشتريه اهلا و سهلاو انا تحت امره و اللى مش عايز يوفر على نفسه تعبه و وقته

[adelmof40]

أسباب البيع ايه ؟؟000000000000000000 لم تذكر
وبعدين المشرف يؤدي تعليمات منتدي
ومن حقه اذا كان يعلم انه مسروق يمنع بيعه
حتي لا تقع مشكلة بينك وبين المشتري داخل المنتدي
وبعدين هل ترضي لنفسك شراء اشياء مسروقه ؟؟؟

[midosoft88]

شكرا تنبيهك ليا . سبب البيع محتاج فلوس و لو فيه مشكله فى الكارت يا ريت صاحبه الاصلى يروح يعمل محضر فى القسم و يتابعه فى النيابه ( مع انى اشك ان الداخليه فاضيه للكلام ده و حايقولوا القانون لا يحمى المغفلين ) على العموم لو كان انضحك عليا و اتبعلى كارت مسروق قولولى انا ذنبى ايه لانه استحاله كمان انى ارجعه لصاحبه الاصلى و تضيع عليا فلوسى .

شوفولى حل مقنع و عملى بس بلاش الردود اللى مش حاتفيد

[tatoox]

ياريت نحترم اعضاء المنتدي ومنسرقش الناس بدون دليل (البنه علي من ادعي):ah24::ah24:

[EGYGAM3R]

يعني انت بتقول الكارت انت شاريه ؟

والي شاريه منه مسروق ؟

انت كنت تعرف كدا ؟

يبقا انت شاركت في السرقه :)

+ فين ضمان الكارت؟

[Lionel Messi]

شكرا تنبيهك ليا . سبب البيع محتاج فلوس و لو فيه مشكله فى الكارت يا ريت صاحبه الاصلى يروح يعمل محضر فى القسم و يتابعه فى النيابه ( مع انى اشك ان الداخليه فاضيه للكلام ده و حايقولوا القانون لا يحمى المغفلين ) على العموم لو كان انضحك عليا و اتبعلى كارت مسروق قولولى انا ذنبى ايه لانه استحاله كمان انى ارجعه لصاحبه الاصلى و تضيع عليا فلوسى .

شوفولى حل مقنع و عملى بس بلاش الردود اللى مش حاتفيد

هل فاتورة الكارت ضاعت منك ؟ الكارت دا انتاج ديسمبر 2010 وضمانه 3 سنين - مستحيل يكون ضمانه منتهى
لماذا لم تأخذ الفاتورة من صاحب الكارت الأولانى ؟ لإن الاعضاء هنا كلهم عرفوا انه مسروووووق وحتى لو هتبيعه بـ 100 جنيه ماحدش هيقبل على نفسه حاجة بالحرام لإن هنا كل الأعضاء شرفاء باستثناء حالات نادرة
انا عارف انك مالكش أى ذنب على الاطلاق - بس نصيحه تتصرف مع صاحب الكارت الأولانى أو تحاول تعرف المحل اللى تم شراء الكارت منه وتعمل بدل فاقد للفاتورة

[midosoft88]

يعني انت بتقول الكارت انت شاريه ؟

والي شاريه منه مسروق ؟

انت كنت تعرف كدا ؟

يبقا انت شاركت في السرقه :)

+ فين ضمان الكارت؟


عيب الكلام اللى انت قولته ده يعنى ايه انا شاركت فى السرق

انا بقول بوضوح ان انا اشتريت الكارت من واحد فى منتدى تانى و قالى ان الفاتوره مش موجوده و للامانه قالى انه بيبيع الكارت لصالح واحد يعرفه و ما اعرفش موضوع الكارت المسروق ده الا من خلال الموضوع اللى قبل ده .

يا ريت بلاش ردود مستفزه و خارجه عن الاحترام و الادب

من الاخر يا ريت صاحب الكارت الاصلى يدخل يقول رأيه لان باقى الاعضاء مع احترامى ليهم مالهومش صله بالموضوع و يمكن صاحب الكارت الاصلى حل الموضوع بتاعه

[DoCToR.TaHeR]

السلام عليكم

قام المشرف بحذف الموضوع في المره السابقه ,, لوجود نسبه كبيره من الشك ان الكارت مسروق ,, هذا اولا :)

نحن نعلم انك لست من سرقت الكارت ,, وليس لك ذنب ان الكارت بيع لك وهو مسروق ,, لكن عرب هاردوير لا يريد تحمل اي نتائج ايا كانت لعملية بيع هذا الكارت ,,

حتي وان كان هناك اي احتمالية انه ليس الكارت المسروق بعينه ,, وانت لا يرضيك كعضو جديد هنا في عرب هاردوير ,, ان يخدش اسم المنتدي بسبب عملية بيع ! :)

اذا كنت تريد بيع كارتك ,, اسواق المستعمل كثيره ,, او احد من اصدقائك ,, او تفضل بعرضه في اي منتدي اخر :)

وعليه يغلق الموضوع ,, خالص الأحترام والتقدير لصاحب الموضوع :)