المساعد الشخصي الرقمي

مشاهدة النسخة كاملة : ايه الفرق بين هندسه قسم حاسبات و معهد حاسبات و معلومات؟؟


saba7o0o
10-01-2012, 15:28
انا طالب في كليه هندسه اسكندريه في اعدادي و نفسي ادخل قسم حاسبات
بس ناس كتير قالت لي ان انك هتتخرج يبقي زيك زي الي واحد واخد دورات كتير في كذا حاجه و ايه الي دخلك هندسه مكنت دخلت معهد حاسبات و معلومات و دول كتير و ملهمش شغل و اي واحد لو راح خد دورات هيبقي زيك هيبقي ايه الفرق بيك و بينه و الكلام الكتير دا؟؟!!!

انا عايز اعرف فعلا الكلام دا بجد ولا ناس مش بتفهم بتتكلم و خلاص و ايه فعلا الفرق بين هندسه و معهد حاسبات و معلومات ؟؟؟؟؟؟
:confused::confused::confused::confused::confused: :confused:
ENG/ Mohamed hassan
10-01-2012, 15:35
كلام فاشل بكل المقايس .... قسم هندسه الحاسب لا يمكن اختزال دراسته فى كورسات .... الدراسه مش بتكون انك تبرمج كمبيوتر و تركب لا الدراسه بتتعملك تقريبا اغلب لغات البرمجه بتخليك فعلا مهندس برمجيات يعنى ممكن انت تصمم برامج ... وكمان بيبقى عندهم كورس الكترونكس و ذكاء اصطناعى

ده فى عجاله ... متخليش حد ياثر على اختيارك او يقلل منه .... بس قولى هو امتحان اللاياضه بتاع امبارح كان سهل و لا صعب ؟ :D:D:D
saba7o0o
10-01-2012, 19:16
ههههههههههههه والله كان عايزك الامتحان دا الف شكر يا باشمهندس بس انا عارف اعرف طيب ايه الفرق بين الدراسه هندسه و مهعد حاسبات و معلومات
ENG/ Mohamed hassan
10-01-2012, 20:18
مش عارف بس اكيد مش هتساوى الهندسه بمعهد !
skyboyextreme
10-01-2012, 22:52
حتى لو مفيش فرق دراسياً , أقل واجب معاك كارنية من نقابة المهندسين بيقول أنك مهندسسسسسسسسسسسس

خبرات واداء أبقى أتشقلب بقى أنت بعد كدة مع نفسك فى أى كورسات او دورات ....

وحط مقولة عمك عادل امام فى راسك "بلد شهادات صحيح " :D
Brigadier
12-01-2012, 14:58
اهم حاجه تدرس بشكل صحيح و تهتم بفهم المعلومه وتطور نفسك بغض النظر انت درست ايه اهم حاجه المحصله.
M-Helal
12-01-2012, 16:43
شتان بين ده و ده
معظم فرص العمل في المجال ده بيشترطوا يكون بكالريوس هندسة حاسبات أو علوم حاسب
و كمان احنا درسنا تحكم و تحكم رقمي و بي ال سي و مايكروكونترولر و ديجيتال و مواد من كهربا
بس نصيحة من خريج القسم ده
حدد هدفك من دلوقتي عاوز تشتغل ايه و خد الكورسات اللي في المجال ده و احترف فيه
و متشتتش نفسك كل شوية لا أنا عاوز أبقى مبرمج لا مهندس تحكم لا مهندس شبكات
كده يعني
حدد هدفك و ربنا معاك إن شاء الله
ZaraLinks
15-01-2012, 15:30
هندسه الحاسبات في الدول العربيه يجعلك تاخذ عروسه احسن ومبروك
ibrahimfr
15-01-2012, 15:59
^^^ إلى هذا الحد ! :ah46:
Open Heart
15-01-2012, 16:18
منصحش حد يدخل معهد نظم معلومات لان المعلومات اللى عندك هتنساها بفضل المناهج العقيمة اللى هتدرسها دة غير ان مفيش غير مادتين بس هما اللى في مجال الحاسب وباقي المواد بعيدة تماما زي المحاسبة والاقتصاد و القانون و الاحصاء .............

انا شايف ان مجال الحاسب الافضل له الكورسات مش دراسة الكليات والمعاهد اللى مهما طلعت قيمتها مش هتزيد عن شهادة +N أو ICDL ، اللى هما اصلا ملهمش قيمة فى سوق العمل واللى انت اصلا ممكن تاخدهم في شهرين
mostafa4515
16-01-2012, 01:47
منصحش حد يدخل معهد نظم معلومات لان المعلومات اللى عندك هتنساها بفضل المناهج العقيمة اللى هتدرسها دة غير ان مفيش غير مادتين بس هما اللى في مجال الحاسب وباقي المواد بعيدة تماما زي المحاسبة والاقتصاد و القانون و الاحصاء .............

انا شايف ان مجال الحاسب الافضل له الكورسات مش دراسة الكليات والمعاهد اللى مهما طلعت قيمتها مش هتزيد عن شهادة +N أو ICDL ، اللى هما اصلا ملهمش قيمة فى سوق العمل واللى انت اصلا ممكن تاخدهم في شهرين

+111111111111
e_amr
16-01-2012, 03:43
بص يا اخي هندسة قسم حاسبات المفروض تتخرج وتكون مهندس هاردوير ومش معنى هاردوير زي ما اغلب الناس فاهمة انك هتفتح كيسة الكمبيوتر وتصلحها وتغير الهارد ..:D وتشيل رامة وتصلح البروسيسور
.ولكن بمعنى انك هتصمم دائرة الكترونية وتقوم ببرمجتها ودا بيسمى على سبيل المثال (ميكروكونترولر ) هتبرمج حاجة اسمها ميكروكونترولر ودا بيعتمد على دراسة مواد كتيرة فى الالكترونيات هتدرسها+ بتدرس شوية فى التحكم الالي .
دا بخصوص التخصص الدقيق لقسم هندسة حاسبات.
في القسم هتدرس لغات برمجة وداتابيز وشبكات ..الخ بس لو هتتخصص يبقى لازم تتخصص في حاجة من دول وتبدا كورسات فيها للتعمق ولمطالب العمل .علما بان البرمجة والداتابيز والنتورك بيدرسها حاسبات ومعلومات ولكن حاسبات ومعلومات بيدرس لغات البرمجة بتعمق اكتر لان ده تخصصه اكتر وهو (البرمجة ). وعلى فكرة حاسبات ومعلومات مش معهد دي كلية 4 سنين وبيكون الاهتمام في الكلية على دراسة لغات البرمجة لتصميم املواقع وقواعد البيانات وغيرها .
ملحوظة : في قسم هندسة الاتصالات بيدرسوا الالكترونيات والميكروكونترولر ايضا.ولكنهم مبيدرسوش لغات برمجة وقواعتد بيانات ..الخ
يارب اكون افدتك واي سؤال اتفضل اسال
ehab7bob
16-01-2012, 07:27
اسف لصاحب الموضوع للسؤال في موضوعة بس انا عندي استفسار انا السنة الي جاية مفروض اختار علمي او ادبي . فهل مجال الكومبيوتر لازم كلة علمي ولا ينفع معاه ادبي ؟ عشان انا بكرة فيزياء و كمياء
e_amr
16-01-2012, 15:22
اسف لصاحب الموضوع للسؤال في موضوعة بس انا عندي استفسار انا السنة الي جاية مفروض اختار علمي او ادبي . فهل مجال الكومبيوتر لازم كلة علمي ولا ينفع معاه ادبي ؟ عشان انا بكرة فيزياء و كمياء

لازم علمي رياضة
Don Khozzam
17-01-2012, 07:57
طلع الحاسبات و المعلومات من دماغك خالص لانها اصلا عباره عن دراسة تجاره و مرمى معاها ماده ولا اتنين للكومبيوتر من اتفه ما يكون .. هتطلع منها ببكالريوس تجاره يعنى لا هى مجال الكومبيوتر ولا حاجه .. اسم المعاهد دى بيضحك على الناس .. انا دخلونى فى معهد حاسبات و معلومات و ضاع من عمرى اربع سنين و مطلعتش منه بحاجه

خليك فى هندسه
e_amr
17-01-2012, 15:21
طلع الحاسبات و المعلومات من دماغك خالص لانها اصلا عباره عن دراسة تجاره و مرمى معاها ماده ولا اتنين للكومبيوتر من اتفه ما يكون .. هتطلع منها ببكالريوس تجاره يعنى لا هى مجال الكومبيوتر ولا حاجه .. اسم المعاهد دى بيضحك على الناس .. انا دخلونى فى معهد حاسبات و معلومات و ضاع من عمرى اربع سنين و مطلعتش منه بحاجه

خليك فى هندسه

يا اخي انتا غلطان والموضوع مش واضح بالنسبة لك

هندسة حاسبات غير معهد حاسبات غير كلية حاسبات ومعلومات
هندسة حاسبات قسم موجود بشعبة كهرباء كلية الهندسة..وعشان تدخل القسم لازم تدخل كلية الهندسة وتختار شعبة كهرباء ثم هندسة حاسبات
كلية حاسبات ومعلومات = كلية علمية لازم تكون علمى رياضة فى الثانوية ثم تدخل كلية حاسبات ومعلومات ثم تتخصص في عدة اقسام زي (تكنولوجيا المعلومات , علوم الحاسب ,نظم المعلومات .)
معهد حاسبات = دا معهد بيدرسك مواد تجارة وكام مداة فى اساسيات الكمبيوتر وورد وفيجوال بيزك وبعض الاساسيات زي ماححضرتك قولت .

بالنسبة للسوق الان فهو سوق كلية حاسبات ومعلومات حيث الطلب الغير عادى على مبرمجي المواقع والداتابيز وتلاحظ في طلبات الوظائف ان يكون خريج حاسبات ومعلومات او هندسة حاسبات .
ارجو ان تكون الصورة واضحة الان .
ENG/ Mohamed hassan
17-01-2012, 18:27
باشا قسم حاسب مش تبع كهربا ... ده تخصص منفصل :D
e_amr
17-01-2012, 22:44
باشا قسم حاسب مش تبع كهربا ... ده تخصص منفصل :D

شعبةكهرباء بتضم : اتصالات , حاسبات , قوى
يعني لو لو هتتخصص اتصالات اسمك كهرباء اتصالات , لو حاسبات اذا كهربا حاسبات , لو قوى اذا كهرباء قوى
وسواء اخترت اي تخصص من دول بيتكتبلك في كارنية النقابة (الشعبة =كهرباء )

للمزيد :
https://www.aun.edu.eg/faculty_engineering/arabic/elec/elec_index.php

https://ar.wikipedia.org/wiki/هندسة_كهربائية
ENG/ Mohamed hassan
18-01-2012, 01:46
انت هتلخبطا ليه يا عم ههههه انا قسم كهربا فعلا .. كهربا فى سنه تانيه بتتقسم لاتصالات و باور

قسم حاسب من بعد تنسيق اعدادى بيدخلوه على طول ملهوش علاقه بكهربا و كمان ليهم تنسيق منفصل عن كهربا
e_amr
18-01-2012, 02:52
انت هتلخبطا ليه يا عم ههههه انا قسم كهربا فعلا .. كهربا فى سنه تانيه بتتقسم لاتصالات و باور

قسم حاسب من بعد تنسيق اعدادى بيدخلوه على طول ملهوش علاقه بكهربا و كمان ليهم تنسيق منفصل عن كهربا

ممكن دا يكون نظام الجامعة الى انتا فيها ولكن دا مش صحيح في كل الجامعات المصرية الى اعرفها ..ومع ذلك برضه يعتبر شعبة كهرباء بحكم دراسة المواد الالكترونية والكهربية
تقدر تتاكد من كلامي عن طريق دخول موقع اي جامعة وانا ارفقت رابطين اظاهر انك مفتحتهمش
وكمان ان خريج هندسة حاسبات ومعايا كرنيه النقابة مكتوب فيه شعبة كهرباء واسال اي حد كدة
Don Khozzam
20-01-2012, 05:22
يا اخي انتا غلطان والموضوع مش واضح بالنسبة لك

هندسة حاسبات غير معهد حاسبات غير كلية حاسبات ومعلومات
هندسة حاسبات قسم موجود بشعبة كهرباء كلية الهندسة..وعشان تدخل القسم لازم تدخل كلية الهندسة وتختار شعبة كهرباء ثم هندسة حاسبات
كلية حاسبات ومعلومات = كلية علمية لازم تكون علمى رياضة فى الثانوية ثم تدخل كلية حاسبات ومعلومات ثم تتخصص في عدة اقسام زي (تكنولوجيا المعلومات , علوم الحاسب ,نظم المعلومات .)
معهد حاسبات = دا معهد بيدرسك مواد تجارة وكام مداة فى اساسيات الكمبيوتر وورد وفيجوال بيزك وبعض الاساسيات زي ماححضرتك قولت .

بالنسبة للسوق الان فهو سوق كلية حاسبات ومعلومات حيث الطلب الغير عادى على مبرمجي المواقع والداتابيز وتلاحظ في طلبات الوظائف ان يكون خريج حاسبات ومعلومات او هندسة حاسبات .
ارجو ان تكون الصورة واضحة الان .

طيب اعذرنى انا اول مره اسمع عن كلية حاسبات و معلومات الصراحه و انها حاجه مختلفه عن معهد الحاسبات و المعلومات اللى انا كنت فيه

متشكر على المعلومه
e_amr
21-01-2012, 01:59
لا عليك اخي واسال الله التوفيق لي ولك ولجميع المسلمين
كليات الحاسبات الان لافائدة لها بدون دورات تدريبية وتعليم مستمر فكل ما تاخذه نظريات واساسيات (هي مهمة ) ولكن لا تكفي وحدها لتؤهلك لسوق العمل.
فالسوق الان يطلب التخصص في شيء ما ثم موضوع الشهادة اخر شيء سواء معهد او كلية ..الخ
AboElsaud
25-01-2012, 23:05
إضافة صغيرة : كلية الحاسبات و المعلومات بها 4 أقسام منها علوم الحاسب Computer Science و نظم المعلومات Information System و تكنولوجيا المعلومات Information Technology و دعم القرار Decision Support
كل قسم له المواد الخاصة به + عدة مواد عامة يدرسها كل الأقسام
و يمكنك الإطلاعة علي كافة المواد من هنا
https://www.fci.cu.edu.eg/?pg=academic/coursecatalog.php&query=EXPAND