ضرورى جداً هل بوردة الهارد التيرا جرين تشتغل على هارد 640 ؟؟

[Aboud_Mokh]

السلام عليكم ورحمة الله

عاوز اعرف عل بوردة الهارد التيرا الجرين تشتغل على هارد 640 جرين برضه ولا مينفعش
وايه اللى بيفرق بالظبط لو لقيتهم نفس الشكل والتصميم وكل حاجة
يعنى اتأكد ازاى اذا كانت تنفع ولا لأ ؟

لأن انا عندى هارد 640 عليه داتا مهمة جداً وعاوز انقلها وحاسس ان فى مشكلة فى البوردة
الهارد بيتقرى عادى على البوردة برة ولما دخلت على الهيرنز بوت برنامج hd sentials جاب لى ان الـ performance 100% لكن الـ health 49%
لكن لما بيجى يدخل على الويندوز بياخد وقت كتير جداً تحميل ولما بوصله على الويندوز وهو شغال بيتقرى بس بيجيب لى الهارد فاضى مش متقسم بارتيشنات ولما بشغله ببرنامج partiton find and mount بيجيب لى اول بارتيشن والسكان بيقعد برضه فترة طويلة جدا بيحاول وبسمع صوت خفيف كده فى الهارد كأنه بيحاول يوصل للداتا ومش عارف بس مش صوت الابرة صوت تانى كده بيتكرر على طول وطبعاً بيفضل شغال على طول ومبيجيبش أى نتيجة

تفتكروا ايه المشكلة واحلها ازاى لأنى محتاج الداتا بأى شكل وبأى ثمن

وهل حد يعرف مثلا لو انا فشلت فى كل حاجة هل فى شركات فى مصر بتجيب الداتا من الهاردات دى والاقيها فين الشركات دى ؟ لو فى اى رقم ليهم او عنوان حد يقولى

[soliman]

طبعا مينفعش حتى لو كان البوردتين نفس الرقم
ليه ماينفعش
لان البوردة تحتوى على الفيرم وير الخاص بالهارد وطبعا الهاردين مختلفين فى المساحة والموديل وتاريخ التصنيع واشياء اخرى
اكيد فى شركات بترجع الداتا
ملحوظة:لاتقم بتجربة البورده حتى لاتتلف الميديا

[Aboud_Mokh]

طيب فين الشركات اللى بترجع الداتا دى ؟ الاقيها فين ؟
حد يعرف اسم اى شركة او رقم ليها او عنوان اروح لهم ؟

[Ahmed.Elsayed]

حمل هذا البرنامج >>> HD Tune (https://www.4shared.com/file/193780205/b3a2ee7d/HD_tune_401_PRO_arabhardware.html) ثم أدخل على التبويب Benchmark ثم أضغط على start وقم برفع صورة لنتيجة الفحص، وأدخل بعد ذلك على التبويب Health وأرفع صورة للتوضيح.

[Aboud_Mokh]

الـ health كانت 49% قستها ببرنامج Hard disk sential من اسطوانة الهيرنز بوت
هشوف موضوع الـ Benchmark ده

بس انا تقريباً عرفت المشكلة تقريبا الابرة محشورة او حاجة وبتعمل صوت كده متواصل خفيف جداً تقريباً محشورة او حاجة فى مكان ومش عارفة تخرج منه .. وانا بجد مش عارف اعمل ايه ومستعد ادفع اى فلوس عشان الداتا دى ترجع

[Aboud_Mokh]

دى الصور بالبرنامج ده

https://i.imgur.com/PkaNp.png


بعد شوية طلع الايرور ده

https://i.imgur.com/KGvwH.png

https://i.imgur.com/gGM58.png

[Ahmed.Elsayed]

سجل الصوت عن طريق الموبايل وأرفعه لتوضيح الصوت الذى يصدره الهارد.

[Aboud_Mokh]

ده الصوت .. وهو صوت ضعيف جداً مش هتسمعه الا لما تلزق ودانك جنب الهارد

https://www.mediafire.com/?4zzoccjhuz4olqs

[Aboud_Mokh]

مع العلم انه بيتقرى عادى على البايوس برة وجوة الويندوز كمان بس احيانا بيعلق فى دخول بعض الويندوزات وبيقرا المساحة كلها على انها مش متقسمة كأنه لسه جديد ولما بستخدم اى برنامج ريكفر عليه بيظهر لى اول بارتيشن حوالى 15 جيجا وبيحاول انه يعمله ريكفر الى ما لا نهاية .. يعنى انا جربته 18 ساعة بدون توقف وفضل زى ما هو

[Ahmed.Elsayed]

الصوت اللى حضرتك رفعته بيبين وجود مشكلة ميكانيكية بالهارد ولو شغلته كتير على الوضع ده هيزيد مشاكله أكتر مش هتقل فجرب عمل ZeroFill للهارد والشرح موجود هنا >>> https://arabhardware.net/forum/showthread.php?t=248726

وجرب بعده هذا البرنامج كتجربة أخيرة فى حالة فشل البرنامج السابق >>> Spitrite 6.0 (https://www.4shared.com/zip/vo34zHfv/spinrite_6.html)

[Aboud_Mokh]

ما انا كنت اقدر اعمل كده من الاول واخلص

انا الاهم عندى الداااااااتااااااااا

مش مهم الهارد خالص ان شاء الله يولع بعد كده المهم الداتاااااا

انا مش عاوز اقسمه ولا اعمل اى حاجة عشان الداتا متضيعش بس

[Ahmed.Elsayed]

أهدى شوية إحنا مش فى خناقه :rolleyes:

مفيش حل غير أنك تروح لواحد خبير فى صيانة الهاردات يرجعلك الداتا عن طريق جهاز PC3000 روح التحرير وأسئل الأول فى النخيلى وبعدين روح على مول البستان هتلاقى فيه محلات تصليح كتيرة أسئل فى كذا محل لغاية لما تلاقى حد معاه الجهاز يعرف يرجعلك الداتا اللى كانت على الهارد،

ولكن قبل ما تروح هناك فيه حل حلو جربته مع واحد قبل كدة ونفع معاه ورجع كل البيانات الموجودة على الهارد لكن مش مضمون بنسبة 100%

الحل أنك تقسم الهارد وتعمل Quick Format للتقسيمات وبعدين ترجعها عن طريق برنامج Easeus data restore (https://www.7ozn.com/do.php?filename=13151621041.exe) عن طريق عمل Complete Recovery

أو فيه حل أحسن منه أنك تحمل برضه نفس البرنامج وتختار Partition Recovery بدون عمل فورمات سريع وهو هيبحث عن التقسيمات المفقودة وهيحاول يرجعلك الملفات الموجودة عليها،

وشرح البرنامج موجود هنا >>> https://www.absba.org/showthread.php?t=1055556

وميزة البرنامج أن سريع وفعال فى أسترجاع البيانات.

[Aboud_Mokh]

ما هو الفكرة هل فى ولو احتمالية صغيرة انى لما اقسم الهارد من جديد الداتا مترضاش ترجع خالص

انا جربت برنامج ريكفرى للبرتيشنات وبيقعد يحمل الى ما لا نهاية ومبيجيبش حاجة

فهو ممكن يكون العيب فى التقسيمة فيها مشكلة ولو اتقسم من جديد يشتغل كويس .. بس السؤال بقى المهم هل لو قسمت الهارد من جديد بالطريقة اللى بتقول عليها دى هلاقى الداتا ولا ممكن تطير ؟؟؟؟

واسف على مشاركتى السابقة بس انا فعلاً يائس ومحتاج الداتا بأى شكل

[Ahmed.Elsayed]

فيه أحتماية أنك ما تقدرش ترجع كل البيانات اللى كانت موجودة على الهارد لو قسمته من جديد وعملتله Quick Format.

[Aboud_Mokh]

شكراً لك جداً .. انا لو فشلت تماما هعمل القصة دى

بس سؤال اخير بقى .. برنامج Spitrite 6.0 (https://www.4shared.com/zip/vo34zHfv/spinrite_6.html) (https://www.4shared.com/zip/vo34zHfv/spinrite_6.html) ده بيعمل ايه بالظبط

[Ahmed.Elsayed]

برنامج Spinrite بيصلح البادسيكتور وبيرجع البيانات من الهاردات المعطوبة حتى لو فيها أعطال ميكانيكية وده رابط لتحميل البرنامج >>> https://www.4shared.com/zip/vo34zHfv/spinrite_6.html

وده فيديو عن البرنامج >>> https://www.almashhed.com/go.php?url=http%3A%2F%2Fmedia.grc.com%2Fsr6_with_l eo.zip

[Aboud_Mokh]

شكراً لك جداً

لكن للأسف البرنامج فشل معايا وهنج الجهاز لما شغلته

عموما انا وديت الهارد للسخاوى وان شاء الله هيتصلح والداتا هترجع باذن الرحمن

شكراً لك أخى terbo (https://arabhardware.net/forum/member.php?u=11233940) واسف على ازعاجك

[Ahmed.Elsayed]

ولا يهمك لكن نبهوا أن الهارد عليه بيانات مهمة علشان يرجع البيانات اللى عليه بدل ما يضيعلك الميديا وتبقى معملتش حاجة.