أعتقد اني تعرضت للنصب وعاوز رأيكم

[mohamed91]

السلام عليكم يا شباب
أشتريت لابتوب أسوس k43u يوم 31/01/2012 ب 2450 جنية -طالع عيني فيهم عبان ما جبتهم- على أساس انه جديد وطلع مستعمل وعرفت كالتالي :
لقيت في المستندات سيف جيمز لألعاب زي نيد فور سبيد موجودة بتاريخ 21/01/2012 مع ان البائع قالي يوم 30/01/2012 انه لسه هيسطب ويندوز وهيعرف الجهاز.
وكمان لقيت في برامج متصطبه على الجهاز بتاريخ 21/01/2012 مع ان البائع قالي ان الجهاز جديد ولسه هيسطب ويندوز و قالي سيبهولي يوم عبان ما يسطب ويندوز ويعرف الجهاز لأن تعريفاته كتيره وبتاخد وقت.
و كمان قالي ان البروسيسور دوال كور ومقلش انه 1 جيجا هرتز مش 1.6 وان كل الألعاب زي شغالة تمام واشتريته على أساس كده

المشكلة دلوقتي ان البروسيسور لقيته ضعيف في الألعاب وممكن يبقى تقيل لما أشغل عليه برامج للشغل كمان سنة أو اتنين مثلا -أنا مش كييف ألعاب أو عاوز ألعب على أعلى جرافيك بس عاوزه يشغل ألعاب بحيث لما أزهق ألاقيه شغال -

فهل تفتكروا هيرضى يرجع الجهاز ولا لأ ؟ وهل أسبابي دي مقنعه ولا هيقولي مينفعش يرجع أو ممكن يخصم فلوس أو ممكن بس اني أبدله ؟؟؟؟؟؟؟؟
وأيه الاختيارات التانية من اللابات المتاحة قدامي في السعر ده ؟؟

معلش طولت عليكم بس حرام أشتري جهاز ب 2500 ويطلع أي كلام
وشكرا جزيلا يا شباب جزاكم الله خيرا

[the_lion]

اولا انت غلطان انك تركتلة الجهاز
ثانيا انت ليك حق ترجعة ادام ما طلع الجهاز مستعمل من فترة وعندك الاثبات
وخد معاك حد بيفهم فى اللاب توب عشان يعرف يناقش
وللتاكيد من انة مستعمل عندك برنامج HDTunePro (https://www.hdtune.com/files/files/hdtunepro_500_trial.exe)
هيعرفك الهارد اشتغل كام ساعة بالظبت وبتقديرك لشغلك علية هتعرف

وبخصوص جهاز للالعاب
ماعتقدش ان المبلغ دة يجبلك لابتوب بة كارت شاشة محترم تلعب بية

ممكن تزود علية حاجة بسيطة 200 او 300 وتجيب لاب كور اى 3 هيكون سرعتة كويسة وهيشغلك العاب بردة

وممكن تلاقى جهاز hp فى الرنج دة

اخيرا اتمنالك التوفيق اخى:)

[mohamed91]

طب ممكن لو سمحت تقولي على شركات محترمة أو معروفة أقدر أجيب منها أنا جبت الجهاز من شركة في مول سيتي في المهندسين
وجزاك الله خيرا يا أخي

[khaled_sha6er]

اولا انت غلطان انك تركتلة الجهاز
ثانيا انت ليك حق ترجعة ادام ما طلع الجهاز مستعمل من فترة وعندك الاثبات
وخد معاك حد بيفهم فى اللاب توب عشان يعرف يناقش
وللتاكيد من انة مستعمل عندك برنامج HDTunePro (https://www.hdtune.com/files/files/hdtunepro_500_trial.exe)
هيعرفك الهارد اشتغل كام ساعة بالظبت وبتقديرك لشغلك علية هتعرف

وبخصوص جهاز للالعاب
ماعتقدش ان المبلغ دة يجبلك لابتوب بة كارت شاشة محترم تلعب بية

ممكن تزود علية حاجة بسيطة 200 او 300 وتجيب لاب كور اى 3 هيكون سرعتة كويسة وهيشغلك العاب بردة

وممكن تلاقى جهاز hp فى الرنج دة

اخيرا اتمنالك التوفيق اخى:)
هذا هو الحل الامثل وستجد ذلك فى power on hours count فى تبويب health
وبرنامج aida64 يمكنك ان تعرف منة تاريخ تستطيب الويندوز بالضبط
واظن ان افضل لاب فى حدود ميزانيتك
https://www.********.com/product.php?id=12316
وسعرة من 2400 او 2600 حسب المكان ولكن بعد ما ترجعة قم بفتح موضوع هنا فى القسم وسيفيدك الاخوة ان شاء الله

[mado_mido232000]

على فكره انت ليك حق عند الراجل ده انا لو مكانك اخد منه الفلوس واديله الجهاز عشان انتا ما تتضمنش الجهاز التانى اللى هيدهولك كان فيه ايه هو كمان وما تتنزلش انك تاخد فلوسك وتديله الجهاز مارضيش اعمله فضيحه فى المحل (اهم حاجه يكون معاك الفاتوره وشهاده الضمان)

[Mezoxin]

كم ا اشار الاخوه من الافضل إن تقوم بإرجاعه , ويوجد ASUS K42 بمعالج Core i3 2310 و رامات 4GB وهارد 500GB بسعر 2700 ب Appliance افضله عن ال Lenovo

[el.maestro]

ان شاء ترجع فلوسك وما تسبش حقك

[ahmedelsabbagh]

-- اعتقد ممكن يكون منزل على الجهاز نسخة Ghost من عنده او من جهاز تانى ... يعنى مش شرط انه يكون مستعمل .

لو الشركة محترمة واللابوب مفيهوش مشاكل يبقى خلاص ... وبالنسبة لألعاب لأن الجهاز كارت الشاشة بتاعه مدمج مش كارت خارجى وبالتالى فهو ضعيف

[mohamed91]

شكرا يا شباب على مساعدتكم
الراجل اعتذر عن الخطأ ده و الحمد لله بدلته ب lenovo g560 بروسيسور core i3 2.4Ghz رامات 2جيجا وهارد 320 بنفس السعر 2450 جنية

[el.maestro]

تمام الحمد لله