الهاردات رخصت ولا ايه ؟؟؟؟؟؟؟!!!!!!!!!!

[علاء عصام]

السلام عليكم ورحمه الله وبركاته

النهارده على موقع ********
سعر الهارد 500 ازرق عامل 470 فى ماكس و هاى اند فهل ستنزل أكتر قريبا ولا أشترى دلوقتى لانى محتاجه ضرورى
ويا ريت من اصحاب الخبره يقلولى هارد 160 داتا ويسترن عامل كام دلوقتى لحسن يضحك عليا :D وشكراااااااا

[EGYGAM3R]

هيا كدا رخص ! :(

[amoor.ahmed]

هي رخصت كتير عن الأول بس أنا سألت في ماكسيمم قالولي
لسة هترخص تاني بس مش عارفين اذا كانت ممكن ترجع زي الأول ولا لأ

[علاء عصام]

هيا كدا رخص ! :(
يا باشا احمد ربنا احنا كنا فين وبقينا فين دا بالنسبه للسعر الاولانى غالى طبعا بس احسن من لما كلوا غالى

[santos2]

طيب الهادر ال 3 تيرا دلوقتى بكام وهل اداءه كويس ولا الداتا اللى عليه ممكن يحصلها حاجة لانى ناوى اشتريه باذن الله لو سعره رخص شوية

[amoor.ahmed]

Western Digital (WD) Caviar Green WD30EZRX 3TB 64MB Cache SATA 6.0Gb/s HDD
(https://arabhardware.net/forum/product.php?id=10808)ب 1200 جنيه واداءه كويس طبعا لو هتستخدمه في التخزين فقط و سعره ممتاز علي فكرة بالنسبة للاسعار حاليا و ممكن يرخص أكتر لو استنيت شوية

[islammm]

الأخ amoor.ahmed (https://arabhardware.net/forum/member.php?u=11218987)
الهارد ال3 تيرا ممكن ألاقيه فين في مدينة نصر، إذا كنت تعرف قوللي إذا سمحت.
شكراً

تعديل المشاركة: أنا بعد البحث لقيت إن الهارد إللى إنت بتتكلم عنه هو هارد داخلي، وأنا كنت بأسأل عن هارد إكسترنال، هل فيه معلومات عنه؟

[amoor.ahmed]

بص أنا تجربتي مع الهاردات الاكسترنال كلها فشلت يعني أنا جربت السامسونج والويسترن ديجيتال و كنت حاطط عليهم ايزوهات لكن للاسف حاجات كتير باظت و بيقعد يقولي Cannot read from source of the disk ما علينا صعب أوي 3 تيرا اكسترنال يعني فيه 2 تيرا ده:
Western Digital My Book Essential 2TB External HDD
ب 1000 جنيه بس مش عملي و ممكن ماتلاقيهوش كمان
و فيه ال 1 تيرا ده Western Digital My Passport Essential SE 1TB external HDD USB3
(https://arabhardware.net/forum/product.php?id=11237)ب850 جنيه

[islammm]

شكراً يا أخ أحمد على المعلومة، أنا الحقيقة عندي واحد إكسترنال 500 جيجا وشغال معايا بقاله 3 سنين عمره ما عمل مشكلة، الفكرة إني بأحب إنهم يكونوا إكسترنال إنهم ميبقوش تقال على الجهاز وياخد وقت كل ما أفتحه
بس أشكرك على النصيحة، سلام
أعتذر لصاحب الموضوع على السؤال الجانبي

[MiZoSpaDe]

هى ايه الحكاية ؟!

الهارد الـ 2 تيرا الجرين كنت جايبه بحوال 560 جنيه .. دلوقتي مكتوب على ******** 950 و 1000 كمان ؟!

حد يفهمني يا شباب لان بقالي كتير مش متابع :(

[amoor.ahmed]

الحكاية ان مصنع ويسترن ديجيتال في تايلاند غرق و طبعا التجار الشرفاء حول العالم انتهزوا الفرصة و قاموا رافعين الأسعار بطريقة خيالية لدرجة ان ال 1 تير عدي ال 1000 جنيه
بس حاليا نزلت كتير عن الأول ولسة هتنزل تاني ان شاء الله :)

[santos2]

طيب الهارد ال 3 تيرا كان بكام قبل غلو الأسعار عشان اعرف احدد امته سعره يبقى معقول

[EGY-F0X]

اللى انا فاكره عن ال 3 تيرا كان بيتهيألى على 970