استفسارات عن النت الوايرليس افيدوني..

[م.كاكاشى]

السلام عليكم و رحمة الله و بركاته ع احلى ناس

بصو يا جماعة انا دلوقتى موصل نت ليا و لناس عن طريق روتر -تى بى لينك- سلوك عادى
فكنت عايز اجيب وايرليس عشان الناس اللى عندها لاب طلبته و كده فدلوقتى انا مش فاهم اى حاجة فى الوايرليس
وسألت ناس قالتلى هات اكسس و اشاارته اقوه و ناس تانية قالتلى هتلك روتر احسن.. و انا اساسا مش فاهم حاجة

فكل اللى عايزه انى اوصل الوايرليس ع عمارتى و العمارة اللى جنبى يعنى بالكتير اوى عايز الوايرليس يغطى 70-100متر
ومعلش سؤال تاني هو لو اى حد عرف باسورد الوايرليس هيوصل النت عادى و لو عرف ازاى امنعه ..

بالله عليكم افيدوني..

[black007]

هو الحلين ممتازين سواء بشراء اكسس او روتر
ولكن افضل انك تجيب روتر افضل
بس بالنسبه علشان محدش يخترق الوايرلس بتاعك لمه تيجى تعمل التشفير شفر بال wpa2
هو اه مفيش حاجه مستحيل فى الاختراق بس التشفير ده يعتبر افضل انواع التشفير
وعلشان كمان لو لا قدر الله حد عرف يخترق الشبكه الوايرلس بتعتك وعايز يطلع نت انت ممكن تثبت لكل واحد اى بى وتربطه بالماك ادرس بتاع الجهاز بتاعه بحيث انه لو حد دخل باى بى والماك بتاع مش مظبوط مش هيطلع نت بس علشان تعمل الحوار ده لزم الروتر الى هتجيبه يبقه فيه الخاصيه دى
واعتقد انى معظم الروترات فيها الخاصيه دى
او تريح نفسك وتعمل ميكرو تيك وهو هيقوم بعمل الى انا شرحته ده بس من خلال السيرفر مش من الروتر

[ahmed_taha]

الافضل طبعا اكسيس بوينت مثل ايرليف 5460 فى حدود 320 جنية وومسافة مش اقل من 500 متر عن تجربة وطبعا لابد من رفع سوفت وير الى 26 دى بى سوفت امريكا الجنوبية