تهنيج فى الجهاز

[xman_1020]

السلام عليكم
انا كنت اشتريت معالج قديم شويه
(مستعمل)
المعالج هو انتل 820
2.8 جيجا هرتز كاش 2 ميجا
المعالج ده خارج من جهاز اتش بى
و جبت ماذر بورد جيجا بايت جى 41 جديد
و رام 2 جيجا بتردد 1333 جديد

دلوقتى احيانا بيحصل تهنيج فى الجهاز و كنت عاوز اتاكد ان المعالج سليم او مش سليم

سالت ناس و قالولى المعالج يا شغال يا بايظ و ملهاش احتمال تالت
انتو ايه رايكم

[is master]

ازكر امكانات جهازك بالكامل لو سمحت وجرب تشيك على وصلات الهارد والساتا واتاكد انا الهارد مفيهوش باد سيكتور واتاكد من نسخه الويندوز والرامات والبروسيسور يا شغال يا مش شغال وراقب بالمرة درجه حراره المعالج

[xman_1020]

الجهاز بالنسبه للمعالج و الماذر بورد و الرامات زى ما قولت فى الموضوع فوق
الجهاز فيه هاردين و الحمد لله الهاردين تمام و متاكد منهم
الحراره بتاعت المعالج فى العادى حوالى 34 سليزيوس
و مع الضغط بتوصل ل 54 سليزيوس
بس المشكله ان الجهاز هنج معايا فى وقت مكنش فيه اى ضغط
كنت سايبه بيحمل ملف تورنت
و الموضوع اتكرر كذا مره

فكنت عاوز اتاكد اذا كان البروسيسور سليم ولا لا عشانه مش فى الضمان

و مع ذلك هغير كابلات الهاردات بردو للاطمئنان
انا بفكر انو لو مكنش العيب من المعالج ممكن يكون من الباور سبلاى ؟؟

[xman_1020]

بالنسبه لنسخه الوندوز فهى اكس بى
مسطبه من يوم الخميس اللى فات

[Baheth1]

عليكم السلام المعالج يكون عطلان اذا الجهاز يعلك لاكثر من مرة في اليوم
لكن التهنيج سببه اما الهاردسك او الرامات حاول ان تفك هارد وتنصب على واحد فقط
واذا نفس الشي فك هذا ونصب على الاخر لوحده اتوقع ستكشف الخطا

[xman_1020]

يعنى يا جماعه المعالج ممكن يبقى شغال و فى نفس الوقت ممكن يبقى فيه عطل يتسبب فى التهنيج ؟؟؟
و انا اقصد بالتهنيج التوقف الكامل و الحاجه لعمل ريستارت للجهاز عن طريق زر reset

[unexpected]

اخي الكريم ما وضع الحرارة لديك؟؟؟
من المعروف هذة المعالجات حرارتة مرتفعة

[Baheth1]

ممكن اعرف كم مرة يعلك اي يتوقف وبعد كم دقيقة عمل وهل يعلك ببرامج معينة ام لاهل يعلك وهو خامل

[xman_1020]

بالنسبه للحراره
الحراره بتاعت المعالج فى العادى حوالى 34 سليزيوس
و مع الضغط بتوصل ل 54 سليزيوس


بالنسبه لشكل التهنيج
مره يهنج ببعض البرامج
زى برامج كرت الدش و برنامج التورنت يو ترينت
و مره يهنج حزء من الوندوز زى التاسك بار اللى تحت
او الاكسبلورر
او الوندوز كله يهنج بس يفضل الماوس يلف فى الشاشه عادى
و احيانا يعلق و هو خامل تماما
مجرد ان الجهاز مفتوح و الشاشه على سطح المكتب و مش مفتوح عليه اى حاجه خالص
و احيانا الجهاز يهنج تماما بحيث ان الشاشه تثبت خالص و يبقى القرار الوحيد اللى ادامك الريستارت


يا جماعه انا عاوز اعرف هل المعالج برئ من الموضوع ده او لاء فى اسرع وقت عشان اقدر ارجعه او استبدله
و ان شاء الله انا هحاول اجيب باور سبلاى تانى اجرب عليه الجهاز بكره ان شاء الله يمكن يكون العيب منه ولا حاجه
مع ان الباور اللى فيه كان مشغل جهاز تانى زى الفل

[Baheth1]

اخي المعالج عندما يعلك يجمد جميع الجهاز حتى الماوس لا يتحرك والمعالج ما دام يفتح طبيعي
فمن البعيد ان يكون هو السبب اما الباور لا علاقة له بالموضوع ابدا ما دام الجهاز يقلع
البورد ايصا مستبعد ما دام نصب الويندوز
يبقى الهارد وهذا ما ارجحه ان لان هذه المشاكل من علامات الهاردسك
اذا تستطيع ان تجرب هاردسك طبيعي حاول ان تجرب الهاردسك كم عمره واي نوع وكم كيكة
هل كرت الشاشة خارجي

[xman_1020]

مافيش كارت شاشه خارجى
الكارت مدمج مع الماذر بورد Intel X4500
الهاردين
الاول 80 جيجا
ويسترن ديجيتال و هو اللى عليه نظام التشغيل
و عليه شويه داتا كده
و ده انا متاكد منه 100 فى الميه
هو اساسا عمره ما اتفك و مظهرش منه مشاكل ابدا
و فى حياته كلها اتقسم مرتين بس تقريبا
و الهارد التانى ماكستور
80 جيجا بردو
لسه واخده من قريب من واحد
و الحقيقه معرفش تاريخه
لكن لحد دلوقتى مظهرش منه مشاكل معايا

الهاردين بالواجهه القديمه
كابل الداتا العادى
و ليس ساتا

[Baheth1]

اخي بعد الفورمات ركبت شي بالبورد هل غيرت الرام بعد تنصيب الويندزو
عندما صطبت الويندوز هل نصبته بعد تركيب هذه القطع

[xman_1020]

هحكيلك اللى حصل بالظبط
يوم الخميس اللى فات
اشتريت ماذر بورد و رام جداد
و اشتريت المعالج المستعمل اللى اتكلمت عنه فى بدايه الموضوع
و ركبت كل حاجه تمام فى الكيسه
و سطبت الوندوز
و الصراحه مكنتش حاسس ان اداء الجهاز سلس برغم المواصفات اللى هى تعتبر عاليه بالنسبه لنظام التشغيل اكس بى
و بعدها جالى مرتين الشاشه الزرقاء و مره تهنيج تام
روحت غيرت الرام و جبت واحده تانيه و ركبتها
و لاحظت بعد تركيب الرام ان الاداء اتحسن شويه لكن لسه مش طبيعى
يعنى فى تهنيج فى بعض البرامج غير مبرر بالمره
برامج خفيفه جدا و عمرها ما هنجت معايا قبل كده حتى مع الاجهزه القديمه جدا

و امبارح هنج مرتين تماما و مكنش فى اى استجابه من الماوس و الكيبورد و اضطريت انى اعيد التشغيل
مع ان الجهاز كان كل اللى بيعمله انو بيحمل ملف تورنت مش اكتر ولا اقل
انا كنت قررت انى اعيد تسطيب الوندوز تانى و اغير كابلات الداتا
بس انا مضطر استنى لحد ما يخلص التحميل عشان اغير الوندوز
و مبدئيا الجهاز بقاله دلوقتى 5 ساعات و نص شغال فى تحميل الملف و من غير تهنيج الله اعلم يمكن حالته استقرت :D
انا مش بكتب من عليه انا بكتب من على اللاب

انا بفكر انى اركب عليه وندوز سفن هوم بريميم او هوم بيسك لانى اعتقد انو هيكون متوافق اكتر من البورد و المكونات اللى عليها
ده مجرد اعتقاد و معرفش هو صح ولا لا

انا مركب فى الجهاز كارت دش توين هان 1027 بس الكارت كويس و معتقدش ان هو السبب
ده الكارت الوحيد الى راكب على البورد

[Baheth1]

​بعد تركيب الرام الثانية هل عملت فورمات؟

[xman_1020]

كل اللى حصل حكيتهولك بالظبط
و بعد تركيب الرام التانيه معملتش فورمات
و معتقدش انه لازم لانى جربت كتير قبل كده فى اجهزه تانيه و محصلش حاجه

[Baheth1]

بالعادة عند تغيير او اضافة رام لا بد من عمل فورمات ممكن بعض الاخيان ما يحتاج في حالة عدم التعارض
في حالتك هناك شك ان الرام هي سبب البطئ والبطئ عن استمراره يؤدي الى التوقف والدليل انه عند تركيب الرامة الثانية
كان لا باس به بعد الاستعمال بدا يتباطا صح؟
طبعا لو الفورمات اذا ما حل المشكلة وان شاء الله تنحل يبقى امامك
انك تشيل الماكستور وتبقي الويستر وتفرمت الويستر بالكامل وبالغاء الاقسام
ونصب الويندزو بدون تقسيم ولا تنسى ان تحسب المدة التي سيستغرقها التنصيب اتوقع
ستحل
وحسب كلامك انك لم تجرب الهاردسكين سوية من قبل اليس كذلك

[xman_1020]

الحقيقه بالنسبه للهاردين
انا مجربتهمش بنفسى مع بعض
لكن اخوتى هم اللى جربوه
و مقالوليش ان حصل مشاكل ايام ما كانو راكبين على البورد القديم
الجهاز كان شغال معاهم فل اوى
بس اصلا كان الجهاز ضعيف جدا
كان معالج بينتيم 2.6 كاش 512
اللى ليه اسنان ده

و كان فيه رام 1 جيجا DDR 1
و كانت بورد gigabyte RZ
و كارت شاشه
Nvidia fx 5500
كان جهاز تعبان جدا جدا بمعنى الكلمه

ــــــــــــــــــــــــــــــــــــــــــــــــــ ــــــــــــ
ان شاء الله اول ما يخلص الدونلود هغير الوندوز ده
هو فاضل عليه حوالى 6 ساعات
عقبال عندك بدون لعبه 7 جيجا :D
Dirt 3
طبعا مش هتشتغل ع الجهاز ده
لكن مواصفات اللاب تفى بالغرض ان شاء الله
و مراجعته فى توقيعى لو تحب تلقى نظره

[Baheth1]

الله يهنيك في هذا اللاب وان شاء الله المكتبي ايضا يمشي حاله وننتظر تخبرنا عنه ان شاء الله اكيد راح يضبط بهذه الحلول

[xman_1020]

الله يخليك
والله تعبتك معايا
ان شاء الله لما اعمل الفورمات و اشوف النتيجه حقولك علطول
بس انت ايه رايك
اسطب وندوز 7 زى ما بفكر
يمكن يكون متوافق اكتر مع الماذر بورد
ولا اخلينى فى اكس بى و خلاص

انت عارف هاردات الداتا بطيئه مش زى الساتا
فمش عارف هينفع معاها وندوز سفن ولا انسى الخيار ده احسن :D
طبعا مش هسطب النسخه الالتيميت لانها هتحتاج جهاز اقوى من كده و مساحه اكبر و فى عندنا ازمه مساحات الايام دى :D

[Baheth1]

بالعكس ما في تعب معك خاصة انك تلطف المشاركات بمزاحك اللطيف في زمن غابت فيه البسمة نرجع للموضوع
معالجك لا اتوقع سيتحمل ويندوز 7 لكن اذا تحب تجرب نصب نسخة ستارتر الكرافيك مالتها خفيف عله تمشي معك او يكون فيها ثقل مقبول تبقى احسن من الاكس بي،، بس جهازك لابد يكون زيك مريح ومهظوم

[xman_1020]

الله يخليك
بس هو انا شوفت جهاز واحد صحبى بنفس المواصفات تقريبا و نفس المعالج
مسطب وندوز سفن و كان مقبول جدااااااااا
المعالج ده ثنائى النواه
اعتقد انو هيبقى كويس
و عموما
التجربه هى اللى هتعرفنا النتيجه
و شكرا ليك جدا

[xman_1020]

اسف على التاخير فى الرد عشان كان فى ظروف

انا سطبت وندوز للجهاز و هنج تانى
روحت مغير كابل الداتا بتاع الهارد
و هو حاليا شغال على كارت الدش بقاله 4 ساعات و نص من غير تهنيج

ان شاء الله يفضل زى الفل كده
و النتيجه النهائيه قريب ان شاء الله

[Radeon]

قد يكون المشكل من السوفتوير واٌصد تحديدا نظام التشغيل
هل نظام التشغيل لديك معدل أم نسخة خام غير معدلة؟
لأانها كانت حدثث لي نفس مشكلتك وفي الأخير طلعت المشكلة من نظام التشغيل لانه كان نسخة XP معدلة.
ولكن بعد تركيب ويندوز 7 أختفت المشكلة رغم ان النظام أقوى من مكونات الجهاز (معالج بنتيوم 4 مع 1 جيجا رام و 80 جيجا هارد دسك مع بطاقة رسومية مدمجة من VIA)

[xman_1020]

لا حضرتك النسخه سليمه جدا و مافيهاش اى تعديل نهائى و انا لا اعترف بالنسخ دى