انقطاع لمبه الـ ADSL في الراوتر بشكل متكرر ؟

[microtaha]

السلام عليكم
لدي مشكلة غريبة جدا والمشكلة دي تتحل اسبواع وترجع تاني نفس المشكلة
لمبة الدي اس ال بتقطع بشكل متكرر وعملت الاتي لحل المشكلة ولكن دون جدوى !
1-غيرت السلك اللي جاي من البوكس مرتين . السلك نحاس المتر ب 1 جنية
2-غيرت الراوتر. من ريبوتك إلى تي بي لينك
3-غيرت الاسبلتر 3 مرات وسعر الواحد 15 جنية .
4-غيرت طرف الخط بتاعي في السنترال .
5-وصلت الخط اللي جاي من البوكس بالراوتر مباشرتا .
-----
ومازلت المشكلة كما هي والمشاكل كالاتي
انقطاع لمبه الدي اس ال كل ربع ساعه تقريبا على مدار اليوم واحيانا بقعد بالربع والنص ساعه فاصله نهائيا .
الانترنت مبيشتغلش في بعض المرات اللي بتنقطع فيها لمبه الدي اس ال الا لما اطفي الراوتر 10 ثواني واشغله تاني !.
فجاه ممكن يشتغل الخط بشكل ممتاز لمدة يومين وقد تصل لاسبوع ومن ثم ترجع ريما لعادتها القديمة ! .
----
البيانات الموجودة في الروتر
SNR Margin Down من 4 وحتى 9 بتزيد وتنقص على مدار اليوم

Line Attenuation Down 63.5


ما الحل؟؟؟

[black007]

كل الخطوات الى عملتها كويسه بس سبب المشكله الرئيسى هو السنترال
انت تبع سنترال ايه
لان انقطاع المبه بشكل مستمر معناه انى فيه مشكله فى السنترال فى الخط بتاعك كلم شركه النت الى انت تبعها وخليهم يحلو المشكله دى

[spawn_figo]

بص ياريس انا هقولك على الحل طالما لمبه ال ADsl بتفصل كل ربع ساعه يبقى حضرتك عندك حاجة اسمها Physical instability الحل ان حضرتك فعلا هتوصل من الخط الرئيسى من غير اسبليتر وبعد كدا هتكلم خدمة العملاء الدعم الفنى وهتقولهم على اللى بيحصل وتفهم انك موصل من الرئيسى وطبعا حضرتك هتفصل كل عدد التليفون والمشكله هتتحل ان شاء الله -علشان المشكله دى بتجيلنا كتير فى الشغل بس حضرتك تتأكد لمبه ال Adsl ولا لمبه الانترنت علشان لو لمبه الانترنت هيكون logical instability وياريت توضح نوع الروتر بتاعك علشان اقدر افيكد اكتر

[microtaha]

نوع الراوتر TP-link TD8840
--
وبخصوص خدمة العملاء والله انا تعبت معاهم كل ما اتصل بهم يقولولي لمبه الانترنت فاصله ولا الد اس ال | اقلهم الدي اس ال يقلولي تابع مع الوكيل (هي الكلمة الوحيدة دي اللي بيقولهالي )!
واتصلت بالوكيل عده مرات وكل الحلول السابقة هو اللي قلهالي ولكن دون جدوى
انا مشترك في لينك