الاسماعيليه-مصر تجميعه كيسه بدون هارد وكارت شاشه 1100 الاقصى

[kapo_diaa]

السلام عليكم ورحمه الله وبركاته
- أقصى ميزانية محددة:1100 جنيه
- استخدامك للجهاز:شويه العاب على قد كارت الشاشه الداخلى للبورده الى هتقترحواها برامج فوتوشوب و vs
- القطع التي تنوي شراءها:كيسه بدون كارت شاشه و هارد
- القطع التي ستعيد استخدامها من الجهاز القديم:الهارد القديم 320 جيجا ساتا+الشاشه 17 بوصه
- ميعاد شراء الجهاز:يوم الاربعاء القادم ان شاء الله
- مكان الشراء:سوق العصر ولو فيه اماكن معينه اشترى منهاا فى السوق دا يا ريت لو حد يدلنى وجزاه الله خيرا
- محل سكنك:الاسماعيليه

[fire king]

انا اشتريت جهازي من محل اسمه genius في طريق الممر
لكن اعتقد سوق العصر احسن
على اي حال انت عايز تشغل العاب زي ايه ؟
حاول تحدد علشان تلاقي التجميعه المناسبة

[kapo_diaa]

مش عارف مثلا nfs carbon او pes 2012 يعنى العاب كويسه يعنى بورده كارت الشاه بتاعها كويس وتستحمل الشغل المتواصل علشان الجهاز مش بطفيه الا 3 او 4 ساعات فى اليوم :D:D بس الاهم من ده ال vs و الفوتوشوب ^_^

[ASSASINO]

ASRock H61M-HVS 325 LE

Intel® Pentium G620 2.60GHz 3MB Cache 370 LE

Kingston 4GB (2x2) DDR3 1333MHz CL9 140 LE

HEC (Gamma) 350w 150 LE

T : 985 LE

مع اى كيس تجارى ( ارخص كيس تجده ) بدون مزود طاقة
واذا استطعت زيادة الميزانية استبدال المعالج الذى بالتجميعة ب i3 2100 بسعر 705 جنيه واكتفى بقطعة رام بحجم 2جيجا

[Ahmedmas1]

ASRock H61M-HVS 325
Core i3 2100 3/4 705
Ram 2 G K.s drr3 70
Case with p/s كيسة عادية ب95ج
المجموع 1195
والبور التجاري هيشغلك عادي ادام مش هتركب عليه كارت خارجي

[kapo_diaa]

طب وهو فين المكان ده الى بيبيع البورده ASRock H61M-HVS ب 325 ؟؟ ب i3 الميزانيه هتضرب خالص لان انا اقصى حاجه 1100 او 1150

[Ahmedmas1]

المكان هاي اند
الدور الثاني
مول سوق العصر

حضرتك البروسيسور والبوردة والرامة
سعرهم 1100
ممكن تجيب كيسة مستعملة ببور صبلاي ب40 او 50 ج
والمجموع هيبقي 1150

[ASSASINO]

طب وهو فين المكان ده الى بيبيع البورده ASRock H61M-HVS ب 325 ؟؟ ب i3 الميزانيه هتضرب خالص لان انا اقصى حاجه 1100 او 1150

ستجد البورده متوفرة بهذا السعر لدى هاى ايند ولا انصحك بالمزود التجارى حتى بدون بطاقة رسومية وحتى وان كان المزود التجارى له القدرة على تشغيل القطع المذكورة ولكنه خطر على مكونات الجهاز ونحن لا ننصح به احد وان حدث شئ نحن غير مسئولين عن ذلك

[Ahmedmas1]

ستجد البورده متوفرة بهذا السعر لدى هاى ايند ولا انصحك بالمزود التجارى حتى بدون بطاقة رسومية وحتى وان كان المزود التجارى له القدرة على تشغيل القطع المذكورة ولكنه خطر على مكونات الجهاز ونحن لا ننصح به احد وان حدث شئ نحن غير مسئولين عن ذلك
اي نعم استاذي
هو فيه خطورة
بس ممكن يجبيه حاليا و يبقي يغيره بعدين
عشان المزانية

[kapo_diaa]

يعنى هو انا ممكن اشترى بور لوحده؟؟؟ علشان انا اساسا عندى كيسه بس البور بتاعها تعبان مكتوب عليه 450 وات وانا حاسس ان اخره 100 وات O_o ....طب هو انا عندى ريتر LG كويس بس انا كنت عايز اسطب ويندوز 7 بيقولوا ممكن من على فلاشه هو فيه فرق بين الاتنين ولا ايه ؟؟ وانهى احسن وحضراتكم تنصحونى اجيب dvd rw ولا لاء ولو هشتاريه يبقى ماركه ايه ..شكرا جزيلا

[Ahmedmas1]

بص اخي مدام انت عندك كيسة
فجيب باور سبلاي 300 وات ب120ج ماركة hec
والديفيدي لو ساتة هيركب عادي علي البوردة
وانا مش بسطب الا من الفلاشة
افضل و اسرع وتقدر تحط اي نسخة وتشيلها في اي وقت
والطريقة سهلة جدا

[ASSASINO]

يعنى هو انا ممكن اشترى بور لوحده؟؟؟ علشان انا اساسا عندى كيسه بس البور بتاعها تعبان مكتوب عليه 450 وات وانا حاسس ان اخره 100 وات O_o

الافضل تغيره واستعمل الكيسة فقط ويفضل شراء هذه التجميعة

ASRock H61M-HVS 325 LE

Intel® Core™ i3-2100 3.1GHz 705 LE

Kingston 2GB DDR3 1333MHz CL9 70 LE

HEC (Gamma) 350w 150 LE

....طب هو انا عندى ريتر LG كويس بس انا كنت عايز اسطب ويندوز 7 بيقولوا ممكن من على فلاشه هو فيه فرق بين الاتنين ولا ايه ؟؟ وانهى احسن وحضراتكم تنصحونى اجيب dvd rw ولا لاء ولو هشتاريه يبقى ماركه ايه ..شكرا جزيلا

يمكنك الاعتماد على الفلاشة فى تنصيب الويندوز ولا يوجد اى فارق عن التنصيب عن طريق dvd وضع فارق النقود فى التجميعة التى بالاعلى



تم الرد بداخل الاقتباس

[kapo_diaa]

لالالالالا انا عندى رايتر مش ديفيدى وكمان داتا ...^_^

[Ahmedmas1]

الداتا مينفعش لان البوردة مفهاش غير ساتا فقط

[kapo_diaa]

اممممممم يعنى كدا الريتر الى عندى دااا هيتلقح ^_^
طب يلا بقااااا بالمره :D :D
ربنا يسهل ان شاء الله وننزل ونشوف الحجات والى فيه الخير يقدمه ربنا
الف شكر ليكم

ASSASINO (https://arabhardware.net/forum/member.php?u=11248947)
Ahmedmas1 (https://arabhardware.net/forum/member.php?u=11268996)

[kapo_diaa]

هو انا ليه لما سألت عن ASRock H61M-HVS
قالولى ب 350 فى هاى اند ولا هو كان عرض وخلاص ^_^

وكمان بيقولوا اشترى gigabyte h61 احسن علشان ماركه وكمان احسن فى الشغل وب 425 ؟؟

[kapo_diaa]

هو فيهاستفسار كمان بعد ازنكوا هو انا سالت فى الصفحه بتاع هاى اند قالوا ان ال ASRock H61M-HVS ب350 هو كان عرض ولا ايه و كمان فى ناس قالولى اشترى gigabyte h61 احسن لانها ماركه واحسن فى الشغل فايه مدا صحه الكلام وبرده فى هاى اند قالوا ديه ب425

[ASSASINO]

هو فيهاستفسار كمان بعد ازنكوا هو انا سالت فى الصفحه بتاع هاى اند قالوا ان ال ASRock H61M-HVS ب350 هو كان عرض ولا ايه و كمان فى ناس قالولى اشترى gigabyte h61 احسن لانها ماركه واحسن فى الشغل فايه مدا صحه الكلام وبرده فى هاى اند قالوا ديه ب425


اعتمدت فى ذكر سعر البورده من هذا الموضوع
https://arabhardware.net/forum/showthread.php?t=275902
والبورده asrock جيدة ما لم تكن بحاجة لمنفذ pcix1 لتركيب كارت ( لان - ستالايت - وايرلس .. ) واذا كنت بحاجة لذلك المنفذ استبدل البورده المذكورة ف التجميعة بهذه البورده Gigabyte GA-H61M-S2P-B3 .. وان لم تكن بحاجة لذلك المنفذ فابورده asrock جيدة وكافية

[kapo_diaa]

يلا مش فارقه 350 من 325 اهم حاجه انها تكون حاجه كويسه تستحمل الف شكر حضرتك على الرد السريع وربنا ما يحرمنا منكم

[yousefemad]

Gigabyte GA-H61M-S2P-B3 Socket 1155 (https://www.********.com/product.php?id=12752) 410
Intel® Pentium G620 2.60GHz 3M 370
105 Samsung 22X DVD-RW DL drive (https://www.********.com/product.php?id=12840)
80 Patriot Signature Line 4GB (1 x 4GB) DDR3 1333 CL9 (https://www.********.com/product.php?id=12861)
150 HEC (Gamma) 350w PSU (https://www.********.com/product.php?id=4950)
المجموع 1115 جنيه