أنا مش عارف إضحك علية فى اللاب دة ولا لا ؟ شوفوا الصورة

[RIKA]

السلام عليكم
إشتريت الجهاز دة إنهاردة
لينوفو G570
رامات 4 جيجا وهارد 500 والمفروض إن كارت الشاشة HD6730 ATI واحد جيجا وعلى الأساس دة إشتريت الجهاز رغم إن كان فية نفس الموديل بأسعار أقل لكن كارت الشاشة كان أنتل

ودلوقتى بعد مانزلت الويندوز والتعريفات دخلت على الرن أشوف معلومات الجهاز
ولقيت فى معلومات كارت الشاشة اسم الكارت انتل لكن المعمارية ATI فهل انا اضحك علية ولا فعلا كدة كارت الشاشة ATI واحد جيجا ؟
ياريت حد يفيدنى بسرعة عشان لو كارت الشاشة انتل ارجعلة تانى
ودى الصورة

13493

وياريت لو حد يعرفنى إزاى ادمج برتيشن D للC لان حجم السى صغير جدا
وشكرا

[ahmedelsabbagh]

هو ممكن يكون فيه كارتين الانتل بالاضافةللكارت ال ATI

ونزل برنامج GPUZ لتوضيح كارت الشاشة
...

ممكن تعمل ريفيو صغير للجهاز ورأيك فيه و سعره ..

[RIKA]

سئلت واحد قالى الكارتين شغالين مع بعض مش عارف بقى ومافهمتش بقية كلامة
وأول ما أروح هاشوف على البرنامج وانزل صورة برضو
إن شاء الله هاعمل ريفيو بس انا حاليا نفسى مسدودة عاوز أتاكد بس من حوار الكارت دة
والجهاز عامل 3000 وعلية خصم 100

[GHOSTEID0]

اعمل كلك يمين على سطح المكتب و هتلاقى graphics proprites و هتشوف كارت الشاشة

او ادخل device manger و اعمل dispaly و هتلاقى عند كارتين
كرات انتل
و التانى كارت ati و هيكون مكتوب رقمه

[MPIXAPP]

نزل GPU-Z سيوضح كل شىء , لا تقلق لا يوجد مشكله , لا تعتمد على Dxdiag فى بيانات الكآرت.

[RIKA]

الحمد لله أنا بشكركم جداً ياجماعة لقيت إن فية كارتين بس الكارت رقمة ati 6370 مش 6730
وعلى برنامج GPU-Z برضو كارتين الحمد لله
ياترى الكارت دة حلو بقى ولا إية النظام

[MPIXAPP]

1 - كان المفروض تسأل عن الكآرت قبل ما تشتري مش بعد ما تشتري.
2 - لن اكذب عليك الكآرت ضعيف وقادر على تشغيل الالعاب على جودة ضعيفة.

بالتوفيق :)

[RIKA]

يعنى الكارت ال6730 كان أقوى ولا الإتنين تعبانين
وهل لو كنت جبت اللاب إللى كان الكارت بتاعة إنتل كن احسن او مكنتش هاتفرق كتير فى الاداء أصل كان الفرق بينهم 250 جنية

وانا كل إللى هاعملة على اللاب فوتوشوب cs5 ومش بلعب غير البيس بس

[MPIXAPP]

لا الـ6730 اقوى بمرآآآآآحل طبعاً لكن مش موجود فى مصر.
لا ده احسن من كآرت انتل.
طالما كل الي هتحتاجه فوتوشوب وPro Evolution Soccer يبقى كده تمآم مفيش مشآكل.

:)

[RIKA]

طب تمام انا بشكرك جدا على رد وإهتمامك