مشكلة في الهارد

[mido7759]

السلام عليكم
اعذروني ان كنت بكتب الموضوع في القسم الخطا
انا اول امبارح كنت بلعب battlefield3 وشوفت درجة حرارة كارت الشاشة لقيتها 72 درجة ففصلت الجهاز وسبتة نص ساعة
وشغلتة تاني مرضيش يشتغل وقبل ما يبدا الويندوز يجيبلي رسالة disk boot failure insert system disk and press enter
والهاردين نفس الموضوع اصل انا موصل هاردين عندي في الجهاز
المهم خدتهم وروحت عند واحد بتاع صيانة قاللي محتاجين بوردة والبوردة الواحدة تمنها 145 جنية وسالت في اكتر من مكان مش مكان واحد وكلهم باسعار مختلفة
واللي يقولي الميديا بايظة واللي يقوللي البوردة بس
انا دلوقتي محتار مش عارف اعمل اية وخايف البيانات اللي علي الهاردين تروح ياريت تنصحوني اعمل اية ولو في مكان معين اروحة ياريت تقولولي علية

وشكرا

[mido7759]

امكانيات الجهاز اذا احتاجتوها

mb:990fxa-d3
processor:amd fx -4100 3.6 ghz
ram:kingston hyper blue 1*4 gb bus 1600
vga:evga 520 gt 2gb
case:tiger +450w تجاري
hard :wd 2*320 gb sata

[mido7759]

طب حد يعبرني

[Ahmed.Elsayed]

أولاً جرب باورسبلاى اَخر و جرب وصلة داتا (ساتا) غير التى تستخدمها مع الهارد.

[mido7759]

جربت باور جديد وكابلات جديدة بس نفس المشكلة

[النديم]

يا أخ ميدو... (يا خبر أزرق يكون لي أخ إسمو ميدو)
"أنت نظامك أيه"؟ .... قصدي ما هو نظام التشغيل الذي تستخدمه؟
النديم

[mido7759]

windows 7 64 bit

[mido7759]

وبعدين مالة الاسم
انا اسمي احمد عبد اللة
بس كتبت ميدو عشان ميكونش فية تشابة

[mido7759]

هو مفيش حل لمشكلتي ولا اية

[Ahmed.Elsayed]

حمل هذا البرنامج >>> HD Tune (https://www.4shared.com/file/193780205/b3a2ee7d/HD_tune_401_PRO_arabhardware.html) ثم أرفع صورة للتبويب Health للتوضيح.

[mido7759]

الجهاز مبيشتغلش اساسا هو بيجيب الرسالة في ال boot

[Ahmed.Elsayed]

ممكن أن يكون الهارد بحاجة لإعادة شحن لشريحة ال Firmware وأحتمال أن يكون الشيب المحرك للماتور معطل فلا يحس الكومبيوتر بالهارد،

وإذا كان عطل ميديا ممكن أن يتعرف جهازك على الهارد إذا قمت بعمل ريستارت لجهازك أكثر من مرة وأنصحك بالذهاب إلى مول النخيلى أو مول البستان الموجود بالقرب منه والأثنان مكانهم بالتحرير.

[mido7759]

انا روحت مول البستان لواحد بتاع صيانة
شرحتلة المشكلة وفك البوردة اللي في الهارد وقاللي ان البوردة اتحرقت ومحتاج واحدة تانية
ووديتة لواحد تاني قاللي ان الميديا بايظة
انا مش عارف اية بالظبط

[Ahmed.Elsayed]

^^ الله أعلم بصراحة أنا مقدرش أحكم على الهارد إلا لما أشوفه بنفسى، لكن أنا كان عندى هارد باظ ميديا كان ساعات الجهاز يشوفه وساعات ما يشفهوش فأحتمال أنه يكون عيب ميديا لكنه أحتمال ضعيف،

فروح عند النخيلى وخليه الفيصل وشوف هيقول أيه >>> النخيلى هتلاقيه قريب من مول البستان أسئل عليه وميت واحد يدلك وأبقى قولى أيه الأخبار.

[mido7759]

اوك هروح
وشكرا علي المساعدة

[mido7759]

انا روحت النخيلي وعرضت الهارد علي اكتر من واحد كل حد يشوفة يفك البوردة ويركب واحدة غيرها
ميشتغلش الهارد ويقوللي ميديا

واللي يقوللي اعملة طفاية عشان مش هيشتغل تاني

المهم دلوقتي ان الهارد مش مشكلة يبوظ بس لو في طريقة اخد بيها البيانات من علية وانقلها علي هارد تاني ياريت حد يقوللي
انا متهيئلي طالما الاسطوانة اللي جوة سليمة يبقي في امل ولا اية

[Ahmed.Elsayed]

^^ مشاكل الميديا ساعات بتتصلح وساعات بتفشل وبتاخد وقت كبير جداً فى التصليح فمعتقدش أن فيه فنى هيضيع وقته فى حاجة مش مضمونة وعائدها المادى لا يساوى التعب عليها،

وبالنسبة للبيانات الموجودة عليه فبدام الهارد الميديا فيه تالفة فصعب أنك تقدر ترجع البيانات الموجودة عليه.

[mido7759]

هي الميديا دي حاجة في البوردة ولا حاجة جوا الهارد

[Ahmed.Elsayed]

الميديا يقصد بها أسطوانات التخزين الداخلية للهارد وأعطالها تكون أصعب من أعطال البوردة.

[mido7759]

يعني هي الاسطوانة اللي جوا الهارد
طيب متعرفش حد كويس بتاع صيانة اوديلة الهارد ومش مهم الفلوس اهم حاجة اخد البيانات اللي علية

[Ahmed.Elsayed]

^^ معرفش بصراحة لكن أنت ممكن تجرب مع نفسك على البرنامج ده >>> spinrite (https://www.4shared.com/zip/vo34zHfv/spinrite_6.html)​ وأبقى قولى أيه الأخبار. (https://www.4shared.com/zip/vo34zHfv/spinrite_6.html)

[mido7759]

طيب ممكن شرح البرنامج عشان مش فاهم منة اي حاجة

معلش هتعبك معايا

[Ahmed.Elsayed]

^^ هذا شرح للبرنامج >>> https://www.traidnt.net/vb/traidnt1785070/

[ARC.YORA]

اسف :(