my all experience about 3d technology

[عبدالله ضيف]

الف مبرروك اخى على الشاشة :)

[fanannas]

ياترى حضرتك موصل الشاشه على مخرج ايه؟؟؟
وشغال على كام هرتز؟؟؟
والف الف مبرزك الشاشه عجبانى جدا وناوى اجيبها

[BlackMask]

لحد الان مفيش مشاكل , بصراحة مش عارف حكاية النظاره الاضافية دى ممكن تسأل وانت بتشتريها

[BlackMask]

ياترى حضرتك موصل الشاشه على مخرج ايه؟؟؟
وشغال على كام هرتز؟؟؟
والف الف مبرزك الشاشه عجبانى جدا وناوى اجيبها
موصلها ديسبلاى بورت وشغاله 120 هرتز

[BlackMask]

شباب لو حد يقدر يفيدنى فى موضوع الترجمة انا قدرت احل مشكلة الترجمة فى وضع Side By Side بس top-Bottom هى دى المشكلة انا جربت اسيب الترجمة زى ماهى كانت واضحة بس بردو حسيت بأهتزاز فى الترجمة . حد يعرف برنامج كويس لتشغيل الترجمة ؟

[Ma7moud9]

شباب لو حد يقدر يفيدنى فى موضوع الترجمة انا قدرت احل مشكلة الترجمة فى وضع Side By Side بس top-Bottom هى دى المشكلة انا جربت اسيب الترجمة زى ماهى كانت واضحة بس بردو حسيت بأهتزاز فى الترجمة . حد يعرف برنامج كويس لتشغيل الترجمة ؟
معرفش بصراحة برامج معينة ... دا غير اني لسا مجربتش ال 3D .... بس اعتقد ان ال The KM Player ll ممكن يحل المشكلة دي لأنه بيsupport ال 3D !!
و الله أعلم يعني

[Sangi]

السلام عليكم ورحمة الله وبركاته
كنت طرحت موضوع من فتره بخصوص شاشة LG 3D
وده لينك الموضوع
https://arabhardware.net/forum/showthread.php?t=322526
بس اتضح ان الشاشه بتعمل انبوت لاج مع كروت AMD ..
طيب هو مفيش حل للمشكله دى؟ ولا عشان اشترى شاشه 3D لزم اغير الكارت ل انفيديا ,, صعب جدا اغير الكارت الميزانيه متسمحش وكمان الكارت لسه شريه من سنه ياريت الى عنده حل للمشكله يفيدنا
وشكرا

[fanannas]

موصلها ديسبلاى بورت وشغاله 120 هرتز



ايه ده هو كارتك فى ديسبلاى بورت؟؟؟
طب معلش هو ينفع يوصل عليها رسيفر اتش دى عادى ولا ايه؟؟؟

[fanannas]

هو انا لو جبت جهاز بس لسه مجبتش كارت شاشه خارجى
ينفع اشغل افلام ثرى دى على الشاشه 750D

[BlackMask]

لا مش هتعرف تشغل الشاشة حتى عادى لان الكارت المدمج لا يوجد به اى مخرج غير DVI

[عبدالله ضيف]

اعتقد ممكن ينفع بس على رزيلوشن اقل مثلا 720 بس المفروض يكون الكرت مش ضعيف لدرجة الموت يعنى

[hnokane]

يا شباب انا عندى الشاشة sumsung 950D زى بتاعتك يا اخى عبد الله وعندى كرت 6970 2g وديسبل بورت وبالها تقريبا داخل على سنة اهوة وهى عندى وبصراحة من اول مجبتها لحد دلوقى ملعبتش عيها ل3d لانها سيئة جداااا فى الجيمز لاكن الافلام جميلة جداا بس لللاسف المشكلة ممكن تتحل لاكن ادفع بقا يا معلم علشان اجيب كرت تانى وكمان hdmi1.4 ودا مش لاقية اصلان بس انا مستعد يا اخ عبد الله ان احنا نتقابل واوريك الشاشة عندى وممكن لو عاوز تجرب الكرت بتاعى عندك لانو اقوى من عندك وكمان لو عندك كابل الاصلى بتاع كرتك وهكذاا لانى كرتى جيبو مستعمل مش جديد ونحل مشاكلنا مع بعض اى رايك

[عبدالله ضيف]

هو ده الى بتكلم فيه ان التقنية مكلفة ومش هتعرف تلعب العاب غير لما تدفع لحد ما تجيب اخرك ههههههه
انا من رأى اخى كل الى عليك تعمله تبيعها مستعمل وبعدين تشترى شاشة تانية سواء كانت الاسوس او ال جى
وبصراحة يريت تجيبب الاسوس الباسيف ips panel بس هل عندك مدخل hdmi 1.4a اعتقد انه موجود فى كرتك كرتك حديث يعتبر وصعب يكون مش موجود فيه
وصل الشاشة الاسوس عليه بكيبل hdmi1.4a وهتشوف الشاشة هتبقى عاملة ازاى افلام والعاب وكله
بس بصراحة محدش جربها بس اعتقد 80 % لو شغلناها بكيبل hdmi1.4a وكمان جيبنا برنامج حلو للثرى دى زى ترايديف هتبقى شاشة ملهاش حل يعنى
وممكن تشترى الشاشة الال جى ب 1700 جنيه ومعاها اكتر من نظارة وهتشتغل معاك فلة افلام والعاب
بخصوص موضوع التجريب ده اتفضل ايميلى يريت تكلمنى لانى مفهمتش حضرتك عاوزنا نعمل ايه بالظبط
abdalla_ronldinho2010cap@yahoo.com

[eng.haytham]

موضوع رائع حقا

[عبدالله ضيف]

فعلا اخى هيثم بس للأسف فى كلام وسط السطور مش بتشوفه ناس كتير عاوزين نعمل موضوع فيه ملخص لكل الى عرفناه عن التقنية وكمان ليست بالمراجعات الى اتعملت عشان يبقى مرجع كبير للتقنية عموما

[fanannas]

لا مش هتعرف تشغل الشاشة حتى عادى لان الكارت المدمج لا يوجد به اى مخرج غير DVI



معلش سؤال
انا جبت شاشة زى بتاعتك s23a750D
وموصلها مؤقتا على كابل hdmi على 60 هرتز بس طبعا بس هجيب كارت الشهر الجاى ان شاء الله
المهم انا جربت افلام ثرى دى
الصوره كانت كويسه وحاسس بعمق بسيط
فهل لما اجيب الكارت واوصلها ديسبلاى بورت وتشتغل 120 هرتز الثرى دى هيفرق عن كده
انا جربت عليها افلام مساحة الفيلم من 5 ل 13 جيجا

[fanannas]

انطباعى الاخير عن الشاشة S27A750 الافلام حملت فيلم افاتار مساحتة 10 فقط وبدأت مشهاده ولم اكن متصور هذا الجمال فى تقنية 3d الاشياء تطاير حولك وبتحس انك عايش الفيلم معهم , الحمد لله كنت متردد انى اجيبها واندم بس الحمد لله الشاشة تحفة , بالنسبة للصداع انا شاهدت الفيلم 3 ساعات الا ربع لم اشعر بأى صداع شعرت ببعض الارهاق فى العين فقط ودا شىء طبيعى فى اى شاشة اول ما شلت النظاره اغلقت عينى 10 ثوانى والحمد لله تمام , اشكركم شباب على مساعدتى فى شراء هذه الشاشة



انا عندى نفس الشاشه دى لسه شاريها
هو انت بتفتح الفيلم ويكون SBS وبعدين تشغل الخيار ده من الشاشه ولا بتعمل حاجه تانيه؟؟؟

[BlackMask]

ايوة بتفتح الفيلم بيكون SBS وبعدين تختار خيار Side By Side من الشاشة نفسها وبعد كدا تلبس النظاره وتضغط على زر البور بتاعها وهتشتغل , بالنسبة لحوار الاتش دى انا مجربتوش علشان كدا مقدرش افيدك بس افضلك اكيد طبعاً DP علشان هيكون 120 هرتز

[fanannas]

ايوة بتفتح الفيلم بيكون SBS وبعدين تختار خيار Side By Side من الشاشة نفسها وبعد كدا تلبس النظاره وتضغط على زر البور بتاعها وهتشتغل , بالنسبة لحوار الاتش دى انا مجربتوش علشان كدا مقدرش افيدك بس افضلك اكيد طبعاً DP علشان هيكون 120 هرتز


طب دلوقتى الفيديو اللى انت حاطه اللى فيه الراجل ماسك سكينه
بشغله على كل الاوضاع ومش شغال ثرى دى خالص
انت مشغله على وضع ايه؟؟؟

[BlackMask]

اذاى الفيديو اول ما بتشغلة بيكون SBS حملة على الوضع دا وشغلة SBS من الشاشة هيشتغل

[SHIKO BARCELONA]

انا سعيد انك قولت الموضوع ده

[Ashraf Ehah Saa]

اخوانى الاعزاء .... حدث لى نقاش بينى و بين افراد (للاسف من عائلتى ) ولن ادخلكم فى التفاصيل ... وسئالى كالتالى :

اثبات قاطع و صريح من القرءان الكريم فقط بان :

هل تم تحريف الانجيل ( كله ) .................................... اكتفى فقط من القرءان الكريم

ولا هل تم تحريف اجزاء او بعض الانجيل ........................ اكتفى فقط من القرءان الكريم

ولو تم تحريف اجزاء من الانجيل ..... فهل هاذا معناه ان الاجزاء الغير محرفة قد نعتبرها ( كلمة الله )


ولا ...... يجب ان نطبق مقولة ( ما تم بنائه على باطل فهو باطل )

[khaled_rafea]

انا مش فاهم قصدك بالظبط يا أشرف, بس انت عاوز تاخد ايه من الانجيل, بالنسبة للمسلمين القرآن لغى ما قبله, يعنى نكتفى بالقرآن و السنة المشرفة, ارجو توضيح السؤال

[McLaren]

اخوانى الاعزاء .... حدث لى نقاش بينى و بين افراد (للاسف من عائلتى ) ولن ادخلكم فى التفاصيل ... وسئالى كالتالى :

اثبات قاطع و صريح من القرءان الكريم فقط بان :

هل تم تحريف الانجيل ( كله ) .................................... اكتفى فقط من القرءان الكريم

ولا هل تم تحريف اجزاء او بعض الانجيل ........................ اكتفى فقط من القرءان الكريم

ولو تم تحريف اجزاء من الانجيل ..... فهل هاذا معناه ان الاجزاء الغير محرفة قد نعتبرها ( كلمة الله )


ولا ...... يجب ان نطبق مقولة ( ما تم بنائه على باطل فهو باطل )


كان فيه حديث سمعته من شيخ وعلى حسب ما أتذكّر هحكى:
أن النبي صلى الله عليه وسلّم شاف أحد أو مجموعة من الصحابة كانوا ماسكين ألواح من التوراة

فغضب ونهاهم عن ذلك وقال في ما معناه أن الله قد أنزل عليكم
كتاب أبلغ وأصح وأكمل ف ليه نسيبوا ونروح للفيه تحريف

من الاخر وبمصطلحات الكمبيوتر
لو عندك كرت شاشة GTX 690
وشغّال كويس
ليه تستخدم Nvidia 5400 gs
؟!
:)
ملحوظة: يستفاد من دراسة الأنجيل والتوراة
إبراز الأخطاء الموجودة فيه ومحاججة أهل الكتاب كما كان يفعل النبي صلى الله عليه وسلّم

شاهد هذه الفتاه:

https://www.youtube.com/watch?v=2w0n_ZF9S8g&feature=player_detailpage

وشاهد هذا القس (أسلم) يحكى الصورة من البداية:


https://www.youtube.com/watch?v=5J-9dn3_hpY&feature=player_detailpage

[عبدالله ضيف]

سنفع كده يا استاذ اشرف انا زحلان هههه :D
فين يا برنس المراجعات الى وعدتنا بيها للشاشة الجديدة الناس منتظرة تعرف ايه الموضوع بالظبط
يريت تنزل فيديوها او حت تقول بالكلام كيف وضع الشاشة مع الكمبيوتر من ناحية الهرتز ومن ناحية الثرى دى وكمان سهولة استخدامها كشاشة كمبيوتر فى التصفح وخلافه

[fanannas]

ايوة بتفتح الفيلم بيكون SBS وبعدين تختار خيار Side By Side من الشاشة نفسها وبعد كدا تلبس النظاره وتضغط على زر البور بتاعها وهتشتغل , بالنسبة لحوار الاتش دى انا مجربتوش علشان كدا مقدرش افيدك بس افضلك اكيد طبعاً DP علشان هيكون 120 هرتز

هو انت اما بتسطب برنامج Tridef بيتعرف على الشاشه اتوماتيك؟؟؟
اصلى اما بسطبه مش بيتعرف على الشاشه
ولا يمكن عشان انا موصلها hdmi
وكارت الشاشه انتل 2400

سؤال كمان انا عاوز اجيب كارت شاشه فى حدود 1500 الى 2000ج انا مايل اكتر لنيفيديا عشان ال AA ومشاكل التعريف الخاصه ب AMD
فياريت حد ينصحنى بكارت
انا جهازى لسه مجمعه من اسبوعين
CPU : I5 3470
M.B : GB B75
RAM : 8G
POWER SUPPLY : ANTEC 550W
MONITOR : SAMSUNG S23A750D

[fanannas]

رورى جدا نازل اشترى كارت شاشه حالاالميزانيه : 1500 : 2100
- استخدامك للجهاز: العاب
عاوز كارت شاشه للشاشه SAMSUNG S23A750D 3D
ومحتار بين gtx 660ti , 7950
ودى امكانيات جهازى لسه جايبه من اسبوعين
CPU : I5 3470
M.B : GB B75
RAM : 8G
POWER SUPPLY : ANTEC 550W
MONITOR : SAMSUNG S23A750D
انا سمعت ناس بتقول لازم مع الشاشه دى كارت AMD وناس بتقول عادى ينفع NVIDIA
ارجو الافاده

[khaled_rafea]

7950 يا شقيق و اسمع كلامى :)

[كوكو5000]

اخى لك كل الشكر والتقدير على موضوعك القيم ولاكن بدى سؤال ماذا تعرف عن Samsung UA40EH5300 40 Smart TV LED وهل تدعم 3d والاسعار لانى ان شاء الله عايز اشترى على اخر الشهر ولك احترامى وتقديرى

[LOVEFORLOVE93]

لو ممكن تقيمك للشاشة
LG 2342P وماهي عيوبها وهل تعاني من مشاكل