my all experience about 3d technology

[ribery_france_2]

على حد علمى البسيط فى الموضوع, الثرى دى غير مدعوم كليا بكابل الhdmi 1.3 , اللى بيحصل ان الفريمز بتنزل ل 24 لو كان الريزوليوشن فول اتش دى, و ده بيؤدى ان الجيمز مش حتبقى بلايبل, حتبقى بطيئة و حتهنج, و المشكلة دى المفروض اتعالجت فى مخرج ال hdmi 1.4 , بالنسبة لموضوع الأنفيديا فهو مش مختلف كتير عن التراى ديف من حيث الجودة , لأن الأختلاف كله سوفتوير و ليس هاردوير, و الشاشة اللى حضرتك حاططها من المراجعات شاشة ممتازة ما شاء الله, و لو تقدر تزود شوية انصحك مرة تانية بالموديل الجديد LM و كلاهما بيستخدم hdmi 1.4
سكرا لحضرتك على الرد
هل الشاشه اللى أنا حاططها فيها مدخل 1.4 وهل كارتى يدعمها أم لا
بالنسبه للبرنامج أنا شوفته قبل كده معاه كراك يجدد المده التجريبيه
هل فيه فرق كبير بين ال 3dtv play والبرنامج الثانى

[khaled_rafea]

سلام عليكم, الموديل ده LG 47LW5400 و الموديلات اللى أعلى منه تدعم ال hdmi 1.4 و أنصحك للمرة الثالثة لو حتجيب من بره و كده كده حتجيب بفلوس كتير يبقى تجيب الموديل الجديد يبدأ ب 47LM و هو أفضل بكل تأكيد, , و بالنسبة للكارت ابعتلى كل مواصفاته علشان اتأكدلك و لو عندك البرنامج بتاع انفيديا بالكراك يبقى 100 100 و يا ريت تبقى ترفعهلنا لو تقدر, و مفيش فرق هو بس توافق بعض الألعاب بصورة أكبر مع أحد الدرايفرين, يعنى حتلاقى لعب بتشتغل احسن مع الأنفيديا و لعب أحسن مع التراى ديف

[khaled_rafea]

بنسبة كبيرة الفئة 4xx من انفيديا البورت بتاع Hdmi بيكون 1.3 للأسف لكن ابعتلى تفاصيل الكارت و ادورلك, و ممكن تشترى دماغك و تجيب الشاشة السامسونج او الأسوس الجديدة للكمبيوتر و الجيمز و تبقى تجيب التى فى بعدين للأفلام الثرى دى

[ribery_france_2]

الكارت هو Gigabyte gtx 470
ياريت تبص بصه كده وhttps://forums.nvidia.com/index.php?showtopic=164949
أنا سمعت أن ممكن وصله من dvi ل hdmi 1,4 اللى موجود فى الشاشه
بأنتظار ردك

[khaled_rafea]

طيب انفيديا ردت على السؤال ان الكارت بيدعم ال 1.4 , يعنى متقلقش, و لو لقيت الكابل من dual link dvi to HDMI 1.4 ممكن تستخدمه, بس الأفضل طبعا الكابل الأصلى لأنه بيخرج صوت كمان للتى فى, و اعتقد ان المخرج عندك مينى, يعنى حتحتاج كابل مينى تو نورمال اتش دى ام اى و يكون 1.4 , بس خلى بالك ان على 47 بوصة + HD resolution + 3D الكارت بتاع حضرتك العظيم حيخستع للأسف و خصوصا مع اللعب الجاحدة اللى عمالة تنزل :) ربنا يوفقك و مستنى بجد أعرف تجربتك العملية

[khaled_rafea]

Question
I own one of the GPUs listed above and the product specification states it supports HDMI 1.3. How are you able to support HDMI 1.4a on these GPUs?

Answer
The HDMI 1.3 interface on the NVIDIA GPUs can be programmed to support the mandatory HDMI 1.4a 3D formats. Also, a DVI port on the PC can be programmed to output the mandatory HDMI 1.4a 3D formats, and can connect to a 3D TV using a DVI-to-HDMI adapter
كلام جامد عن الكروت القديمة كمان

[ribery_france_2]

يعنى أيه رأيك فى الكلام هل الكلام كويس والكارت هيدعم
أن شاء الله ناوى أطير الكارت قريب أوى بعد منظبط العده دبه

[khaled_rafea]

يا باشا توكل على الله, بس ابقى عرفنى أخر قرار أخدته بخصوص الشاشة

[ribery_france_2]

أنا لسه خايف من موضوع دعم الالعاب وبأنتظار تجربه أشرف
دمتم بود

[nanonona]

يا شباب حد يعرف حاجه عن هذه الشاشة التي لا تحتاج نظارات:


LG D2500N glasses-free 3D monitor


https://www.youtube.com/watch?v=eJFnhDCiAUk

[nanonona]

بالنسبة لملاك : Samsung SA950 3D Monitor
وأنا واحد منهم أحب أبشرهم إنه نزل Driver جديد للـ Tri Def :

Samsung SyncMaster 3D Game Launcher (TriDef 3D) 1.1.6 (https://www.tridef.com/download/Samsung-SyncMaster-3D-Game-Launcher-TriDef-3D-latest.html)
بتاريخ: 2012-05-07 ويمكن تحميله من الرابط:
https://www.tridef.com/download (https://www.tridef.com/download)

يدعم هذا الإصدار الكثير من الألعاب الجديدة ومن أبرزها NFS THE RUN اللي لم أتمكن من رؤيتها 3D إلا على هذا الإصدار وكنت قد قيمت الـ 3D عليها بـ 2/10 لكن الآن أقدر أقول بكل ثقة: 6/10

ملاحظة: اللي حيقول ياعم كنا فكرين 8/10 ولا 9/10 أقول إن في وجهة نظري المتواضعة إن التقييمات العالية تعطى للألعاب اللي نازلة 3D أصلا واللي مبيكونش فيها أشباح وخيالات

[ribery_france_2]

هو الموضوع نايم كده ليه وأشرف راح فين
وحدوه

[عبدالله ضيف]

لا اله الا الله .
استاذ اشرف شكله سابنا وخلع يا رجاله هو ما جبش التى فى ولا ايه الموضوع .

[nanonona]

يا جدعان أولا كل انتخابات وانتم طيبين ثانيا مش ممكن واحد يعمل كل حاجه لوحده إحنا منتدى وكل واحد يدلي بكوبايته
واللي عايز يشتري ينزل السوق ويدور يمكن فيه جديد يعرفنا بيه..

وماحدش رد أو بحث عن مشاركتي :

يا شباب حد يعرف حاجه عن هذه الشاشة التي لا تحتاج نظارات:


LG D2500N glasses-free 3D monitor


https://www.youtube.com/watch?v=eJFnhDCiAUk (https://www.youtube.com/watch?v=eJFnhDCiAUk)

[nanonona]

أنا بالنسبة لي اشتريت خلاص وكل ما بجرب حاجه بقول عليها
ووالله كنت عايز أشتري كابل HDMI 3D.
وأجربه -لي ولكم- ولكن لقيته بـ 250 جنيه ومش حاستعمله أوي
ولو حد يعرف مكان بيبيعه بنص هذا الثمن أو أقل أنا حاشتريه وأجربه:ah40:..

ودي تجاربي الجديدة أعرضها لكم :
1- مع الأفلام :


KUNG FU PANDA 2 3D......9/10


الـ3D جميل وقوي في أي فيلم جرافيك مع ملاحظة أنه يظهر في المشاهد القريبة والمتوسطة وليس البعيدة كالجبال والسماء والفضاء.


AVATAR.......9/10

أول ما نزلت الفيلم ده -تورنت 13 جيجا- وجيت أشغله لم ألحظ أي 3D رغم إن صورة الفيلم ممتازة جدا.. لحد ما لقيت مكتوب:


(Works well with playmode side by side (prefered on right side


فغيرت:


L/R IMAGE TO: R/L IMAGE


وده من أوبشن الشاشة نفسها وكانت المفاجأة الـ3D ظهر واضح وقوي لكن كما قلت الـ3D لا يظهر في الصور البعيدة فصور مكوك الفضاء والقمر الصناعي اللي في أول الفيلم لم يظهر بها 3D لكن مشاهد الغابات والبشر والأفاتار والحيوانات 3Dتمام:ah7:

2-مع الألعاب:


CALL OF DUTY MODERN WARFARE 3.....8/10

الـ3D حلو بس علامة الدايرة أو الزائد بتاعة التنشين بتبقى ليها خيالات واضحة فممكن متعرفش تنشن خاصة لو زودت العمق لأكثر من 40% لكن Tri Def عملت الحل وهو علامة تنشين واضحة يمكن تفعيلها من البرنامج وليس اللعبة.

BATTLEFIELD 3............9/10
باتلفيلد3 :cool:كنت متأكد إن الـ
3D بتاعها حيكون حلو لأن موقع إنفيديا بيقول عليها:
EXCELLENT


ملاحظة1: سواء في الأفلام أو الألعاب المشاهد التي لا تشعر فيها بـ3Dبتلاقي الصورة نقية جدا وده جزء من الـ3D.

ملاحظة2: الإصدار الجديد من Tri Defبينصحك عند بداية تشغيل الألعاب بما يتوافق مع اللعبة لتشعر بالـ 3D فمثلا يقولك: أغلق الـ Anti-aliasing أو فعل اوبشن Power 3D من البرنامج وعامة الـ Anti-aliasing مبينفعش مع الثري دي. وطبعا الميزة دي في انفيديا متطورة جدا لكن بكرة تتحسن في Tri Defإن شاء الله.

ملاحظة3: الأغلب أن الإحساس بـالـ3D واحد في كل أنواع الـ3D فـاللي ينطبق على الـ active satter ينطبق على passive وينطبق على glasses-free ماعدا غمقان الصورة، والله أعلم.

[عبدالله ضيف]

يا استاذ نانونا حضرتك اشتريت ايه بالظبط تلفيزيون ال جى ولا ايه مش فاهم
والى عاوز اقوله ان الاكتف عيبه حاجات كتير منها الغمقان وكمان ازدواج الصورة فى بعض الاحيان والجوستينج وكمان اكتر عيب ان الهرتز بيقل للنصف فى الثرى دى وكامن الرزيلوشن بيقل مع الكونسولز بسبب كيبل الا hdmi يعنى برده مش بيدى 1080p رزيلوشن وكمان النظارات لاما مش مريحة لاما غالية بتخلف
الباسيف جماله ان الصورة اكتر سطوع وكمان النظارات رخيصة جدا ومريحة وكامن الشاشة بتبقى ips عشان كده زوايا الرؤيا بتبقى كبيرة ومفيش ازدواج صورة ولا جوستينج غير قليل جدا غير ملحوظ وكمان الهرتز مش بيقل للنصف يعنى لو عندك تلفيزيون 120 هرتز هتشوف ثرى دى 120 هرتز لو على عكس الشاتر بتشوف نصف الهرتز فقط فى الثررى دى ده غير كده بيدى صورة احسن من الشاتر مع الكونسولز لانه بيدى 1080p لحد 85 هرتز يعنى هتشوف ثرى دى 1080p وكمان 85 هرتز يعنى صورة اوضح واغنى من الشاتر مع شاشات ال جى العمق وخروج الاشياء بيكون اكبر من الشاتر بكتير بالذات فى الاشاشات الكبيرة اوى
اما النوع الجديد الى بدون نظارات فهو فاشل لان شاشاته غالية جدا وكمان لازم تبقى فى التجاه عمودى ومقابل للشاشة عشان تحس بالثرى دى يعنى هزار رسمى انما هو مفيد فى الموبيلات وكده لاكن فى شاشات الكمبيوتر ليس له اى ستين سبعين لزمة
انا من وجهة نظرى الثرى دى باسيف هو المستقبل خصوصا لو عملو شاشات الرزيلوشن بتاعها اكبر من 1080p هيبقى بجد جامد طحن يعنى والشاتر مكلفة جدا من ناحية الجهاز الى هتشغله على الشاشة لازم يكون فيه كرتين شاشة ومعالج جبار وكمان النظارات فى بعض الاحيان سعرها بيوصل من 300 الى 1200 جنية ومع ذلك تقنية عقيمة وتعطى تجربة ثرى دى قد اجزم انها ليست احسن من الباسيف ثرى دى وانا مستنى لحد الاجازة وبأذن الله هشترى شاشة باسيف وجهاز جديد للثرى دى

[nanonona]

يا استاذ نانونا حضرتك اشتريت ايه بالظبط تلفيزيون ال جى ولا ايه مش فاهم
والى عاوز اقوله ان الاكتف عيبه حاجات كتير منها الغمقان وكمان ازدواج الصورة فى بعض الاحيان والجوستينج وكمان اكتر عيب ان الهرتز بيقل للنصف فى الثرى دى وكامن الرزيلوشن بيقل مع الكونسولز بسبب كيبل الا hdmi يعنى برده مش بيدى 1080p رزيلوشن وكمان النظارات لاما مش مريحة لاما غالية بتخلف
الباسيف جماله ان الصورة اكتر سطوع وكمان النظارات رخيصة جدا ومريحة وكامن الشاشة بتبقى ips عشان كده زوايا الرؤيا بتبقى كبيرة ومفيش ازدواج صورة ولا جوستينج غير قليل جدا غير ملحوظ وكمان الهرتز مش بيقل للنصف يعنى لو عندك تلفيزيون 120 هرتز هتشوف ثرى دى 120 هرتز لو على عكس الشاتر بتشوف نصف الهرتز فقط فى الثررى دى ده غير كده بيدى صورة احسن من الشاتر مع الكونسولز لانه بيدى 1080p لحد 85 هرتز يعنى هتشوف ثرى دى 1080p وكمان 85 هرتز يعنى صورة اوضح واغنى من الشاتر مع شاشات ال جى العمق وخروج الاشياء بيكون اكبر من الشاتر بكتير بالذات فى الاشاشات الكبيرة اوى
اما النوع الجديد الى بدون نظارات فهو فاشل لان شاشاته غالية جدا وكمان لازم تبقى فى التجاه عمودى ومقابل للشاشة عشان تحس بالثرى دى يعنى هزار رسمى انما هو مفيد فى الموبيلات وكده لاكن فى شاشات الكمبيوتر ليس له اى ستين سبعين لزمة
انا من وجهة نظرى الثرى دى باسيف هو المستقبل خصوصا لو عملو شاشات الرزيلوشن بتاعها اكبر من 1080p هيبقى بجد جامد طحن يعنى والشاتر مكلفة جدا من ناحية الجهاز الى هتشغله على الشاشة لازم يكون فيه كرتين شاشة ومعالج جبار وكمان النظارات فى بعض الاحيان سعرها بيوصل من 300 الى 1200 جنية ومع ذلك تقنية عقيمة وتعطى تجربة ثرى دى قد اجزم انها ليست احسن من الباسيف ثرى دى وانا مستنى لحد الاجازة وبأذن الله هشترى شاشة باسيف وجهاز جديد للثرى دى

أنا مشارك ومتابع في الموضوع ده من زمان وأنا عندي -كما هو واضح من كذا مشاركة- الشاشة : SAMSUNG S27A950D اللي هي طبعا شاتر وأحب أقولك إن رغم إن كلامك صح لكن اللي يقرأه يحس إنه لو اشترى شاتر يبقى رمى فلوسه في الأرض لكن الحقيقة إني عمري ما حسيت بصداع ولا حسيت إن الهيرتز قليل وبالنسبة للجوستينج هل أنت متأكد عن تجربة وليس دعاية أنه بلا أي جوستينج؟! والموديل الـ27 البرايتنس بتاعه 300 فوالله ما حسيت إن غمقان الصورة جامد أو مضايقني غير في حالات قليلة جدا ، وأنا لما بشغل لعبة على 2D بتبقى طبعا 120 هيرتز كاملة لا أجد فارقا بين لو شغلتها 120 ولا 60 .. ده أنا على الـ 2D كل شوية أبص على الكونترول بانل أشوف أنا 120 ولا 60 لأن لا يوجد فارق تلاحظه العين .. طب تصور أنا والله شغلت 3D على كابل HDMI 60 HZ أيوه 60 هيرتز فقط وحسيت بالثري دي كأنه 120 هيرتز الخلاصة إن الشاتر هو الحاضر والباسيف هو المستقبل اللي الله أعلم متى سيأتي ؟! يعني اللي عايز باسيف للكمبيوتر وأكرر الكمبيوتر وليس الكونسول أو الريسيفر إما إنه يخاطر ويشتري الـ LG اللي محدش جربها ولا يعرف عيوبها أو يجيب السامسونج الشاتر أو يأجل الشراء حتى انتشار الباسيف ..

[عبدالله ضيف]

اولا لو جاب ال جى مفيهاش اى مخاطرة بال بالعكس لان معظم الناس فى المواقع الاجنبية بتشكر فى ال جى وبتقول ان العمق بتاعه اكبر وان فى حاجات بتخرج بره الشاشة فعلا وبشكل جيدا جدا
ثانى هديك مثال يوريك ان من راى ان الى جاب تلفيزيون شاتر يعتبر رمى فلوسه لو هيستخدم ثرى دى على طول وتصور معايا الموقف ده
لو اشتريت تلفيزيون ال جى ثرى دى 120 هرتزتعرف انك هتاخد تجربة ثرى دى اعمق وكمان فى خروج للجسام بره الشاشة وكامن هتبقى 120 هرتز ثرى دى يعنى انسى الجوستينج نهائى نهائى لاكن لو الشاشة 60 هرتز هتحس بيه زى التلفيزيون الشاتر بالظبط انما لو التليفزيون 120 هرتز مستحيل تحس بيه اصلا مش هيبق موجود ده غير انك ممكن تشترى تليفزيون ال جى 240 هرتز مثلا وهتشوف 240 هرتز فى الثرى دى برضه ههه يعنى لو شوفت جوستينج يبقى انت بقى الى زمن الاستجابة بتاعك قليل ومتقوليش العيب فى التليفزيون ههههههه يعنى على عكس الشاتر هتجيب تلفيزيون 120 هرتز وفى نفس الوقت مش هتشوف غير 60 هرتز فى الثرى دى وحتى لو جيبت تليفزيون شاتر 240 هرتز برده مش هتشوف غير 6 هرتز فى الثرى دى لان النظارات نفسها مش بتسمح غير بانك تشوف 60 هرتزب بس هههه معنى كده ان ال جى بتديك 120 هرتز فى ال تو دى وكمان فى الثرى دى فى نفس الوقت ده غير ان النظارات رخيصة جدا وكمان مريحة ومفيش جوستينج ولا ازدواج صورة وكمان الصورة اكثر سطوعا بس فى فقد بسيط جدا فى الرزيلوشن ومش هتحس بيه لانهم بيعملو حاجة جامدة جدا وهيه انهم بيقللو المسافات الى بين البيكسلس وبعضها فمش هتحس بيه اصلا
انا اعتقد ان الباسيف الحاضر والمستقبل لعدت اسباب اولها انك هتجيب شاشة 60 هرتز فقط وهتستمع بالثرى دى وكمان مش هتجيب كرت جامد عشان تشغل الثرى دى وكمان النظارة رخيصة يعنى انت لو عندك كرت شاشة من الفئة المتوسطة كل الى هتعمله هتشترى شاشة ال جى ب 1700 جنية معاها اكترمن نظارتين وعيش يابرنس ثرى دى اخر حاجة ان الشاشة ممكن تبقى ips panel وكمان ان انت مش محتاج كرتين شاشة عشان تشتغل ثرى دى حلو وكمان النظارات مريحة وفى المستقبل هيبقى فيه شاشات بضعف الرزيلوسن والى هتدى رزيلوشن اكبر من الفول اتش دى ال فى الشاتر ده طبعا غير انك ممكن تشتغل ثرى دى شاتر على التلفيزيونات ال جى ال بتبقى 120 هرتز لو ال جى وفرت نظارات لكده واظن ادام الشاشة 120 هرتز خلاص الموضوع ده مش صعب نهائى يتحقق وسهل جدا وبكده هيعملو نظامين ثرى دى فى شاشة واحدة :) !!!!

[عبدالله ضيف]

وعلى فكرة انا والاستاذ اشرف وصلنا اننا نشغل اى شاشة على 85 هرتز عن طريق كيبل hdmi يعنى اكتر من ستين هرتز بس على الكمبيوتر .
https://www.lg.com/ae/microsite/cinema3D-monitor/main.html

[nanonona]

والله العظيم كل الكلام ده نظري يحتمل الصواب أو الخطأ لكن عايزين حد جرب عملي
على فكرة أنا أول من نقل للمنتدى إن فيه شاشة lg باسيف للكمبيوتر وبـ 1700 وكل الاعلانات و الدعاية بتاعت lg أنا شفتها قبل ما اشتري السامسونج الشاتر وده اقتباس من مشاركتي اللي كاتبها منذ أكثر من شهر وهي رقم 111 في هذا الموضوع:




* مش عارف ليه LG مبتعملش دعاية كويسة لنفسها ! وتتوسع في منتجاتها زي SAMSUNG فمثلا الموديل الـ LG 3D D2342P ليه مفيش منه 27 ولا 25 بوصة وليه النضارة شكلها يسد النفس (بيضاء ومن خامات ضعيفة) والشاشة نفسها فيها فتحات تهويه مع إن الـ LED عامة مفيهوش فتحات تهوية وليه منتجاتهم مش موجودة في محلات كتير !!
فسبت الـ"باسيف" وجيت الـ"الأكتيف" خاصة إن SAMSUNG أحسن في الـ 2D عن الـ LG

* على فكرة الـ LG 3D D2342P سعرها حاليا 1700 جنيه للعايز يجربها ويحكلنا عنها..

أرجو أن تقرأ كل المكتوب لتعرف لما تركت الlg وأكرر يااااااااااااااااريت حد يجرب lg 3d باسيف كمبيوتر ويقولنا رأيه عن تجربة

[عبدالله ضيف]

انا بأذن الله هجربه فى الاجازة عليك خير ههههه المهم الموديل ده من الشاشات الثرى دى فيه منه 25 بوصة لاكن للاسف مش موجود فى مصر
واحتمال اشترى الاسوس لانها ips panel بس لو نزلت وتأكدت انها زى الال جى فى الثرى دى بالظبط واعتقد لو كنت لو حضرتك كنت زودت شوية فلوس كنت ممكن تشترى تليفيزيون ال جى 120 هرتز كان بالطبع هيبقى احسن من الشاشة السامسونج !!! وكنت هتشتغل ثرى دى على الاقل 85 هرتز وتو دى 85 هرتز برضه انما صعب توصل لل 120 هرتز مع كيبل hdmi العقيم !!!! اصلا حضرتك محتاج التو دى فى ايه اساسا افلام وكله بقى ثرى دى وممكن تحول الافلام العادية الالعاب مظنش ان فى لعبة تستاهل تتلعب لو مش بتدعم ثرى دى اساسا يعنى التو دى ملهوش اى ستين لزمة غير فى التصفح وكده بس فا فكك منه خلينا فى نتيجة الثرى دى بيبقى كام هرتز والعمق بتاعه وكده

[عبدالله ضيف]

وكمان الكلام مش نظرى انا متابع المواقع الاجنبية ومنهم ناس كتير مجربة النوعين وبيقولو ان تليفزيونات الال جى ملهاش حل وان سامسونج فاشلة فى الثرى دى
وفى ناس منهم دقة معاهم اوى حوار الرزيلوشن مع انها مش هتفرق مع حد ومحدش بيلاحظها اساسا ولسه متمسكين بالشاتر
بس الغالبية العظمة بتفضل ال جى وابحث انت بنفسك على مواقع الاجنبية وشف بيقولو ايه بس طبعا لازم تكون انجليزى كويس يا برنس

[midoxx99]

يا جماعه انا هشترى شاشه LG 3D D2342P فى خلال الاسبوع ده هبقى اكتب مميزاته وعيوبها الى عايز يعرف يستنى لمه اجبها

بس انا الى خلنى افضل الشاشهlg عن lg tv ان قراءت فى بعض المواقع ان tridef لايعمل علىlg tv بس انا مش متووكد

[nanonona]

يا جماعه انا هشترى شاشه LG 3D D2342P فى خلال الاسبوع ده هبقى اكتب مميزاته وعيوبها الى عايز يعرف يستنى لمه اجبها

بس انا الى خلنى افضل الشاشهlg عن lg tv ان قراءت فى بعض المواقع ان tridef لايعمل علىlg tv بس انا مش متووكد

:cdcd: والله مستني تجربتك على أحر من الجمر ..:ah30: وخد بالك الـ lg زمن الاستجابة بتاعها 5 مش 2 لكن بيقولوا متفرقش والله أعلم
وياااااااااااارب تطلع حلوة لأني فعلا مش عاجبني توحش ومغالاة:mad: سامسونج في الأسعار

[عبدالله ضيف]

هو فى سؤال هيموتنى هو الواحد لو جاب تليفزيون فيه مدخل usb يا ترى ممكن يستخدمه فى انه يوصل الكمبيوتر بالشاشة بدل من كيبل hdmi لانى سمعت انه ينفع ولو ينفع طيب الصورة هتوصل ازاى واصلا مخرج اليو اس بى ملهوش دعوه بكارت الشاشة !!!!!!!!!!

[midoxx99]

انا كنت نزلت النهرده عشان اشترى LG 3d d2342p لكن هناك بعض الاشياء خلتنى اغير اى فى الشاشه

1- للم سألت فى توكيل LGقال لى ان الشاشه مش متسجله عندهم فى السستم فى مصر واى حد ببيبعه بيكون مستوردهه من الخارج والشركه غير مسؤله عن المنتج من حيث الضمان والصيانه

2-لايوجد سوى نظاره واحده وعندمى رايتها وجتها بلاستك ضعيف قابل للكسر بسهوله فقلت اشترى كذه نظاره لكن فجأت بيقلى الراجل ملهاش نظارات فرحت سؤلت فى التوكيل قلى نفس الكلام

فانا بحاول القى حل لهذه المشكلات لوحد يعرف حل ياريت يقول لى

من مميزات الشاشه لانى قلت للراجل يجربهالى

1- مشكله الجوست تكاد تكون منعدمه لم الاحظها
2-جوده الصوره ممكن تكون قلت شويه بس لازالت كويسه
3-النظارات خفيفه وشفافه لاتغمق الصوره

ممكن نقول التقيم العام للشاشه اذى استثنانا الضمان والصيانه وعدد الظارات

9/10

انا سوف اشتريها بعد ما احاول احل هذه المشاكل

[عبدالله ضيف]

النظارات ممكن تشتريها من النت وحوار الضمان ده بصراحة الى يخوف بس اعتقد لو فلوسك حلال وانت مصمم تشتريها يبقى تشوفها هناك كويس وتتاكد ان مفيهاش حاجة وسيبها على ربنا :)

[DreAmO]

انا كنت نزلت النهرده عشان اشترى LG 3d d2342p لكن هناك بعض الاشياء خلتنى اغير اى فى الشاشه

1- للم سألت فى توكيل LGقال لى ان الشاشه مش متسجله عندهم فى السستم فى مصر واى حد ببيبعه بيكون مستوردهه من الخارج والشركه غير مسؤله عن المنتج من حيث الضمان والصيانه

2-لايوجد سوى نظاره واحده وعندمى رايتها وجتها بلاستك ضعيف قابل للكسر بسهوله فقلت اشترى كذه نظاره لكن فجأت بيقلى الراجل ملهاش نظارات فرحت سؤلت فى التوكيل قلى نفس الكلام

فانا بحاول القى حل لهذه المشكلات لوحد يعرف حل ياريت يقول لى




الظاهر انك سألت واحد مش فاهم حاجة في التوكيل او هو بحث بأسم موديل غلط ( هو التوكيل اسمه ايه ؟ )

عموما الشاشه موجودة على موقع LG المصري هنا ودة يثبت انها معتمدة في مصر

انجليزي https://www.lg.com/eg_en/it-product/monitor/LG-D2342P.jsp

عربي https://www.lg.com/eg_ar/it-product/monitor/LG-D2342P.jsp


وبعدين انت بتشتري من المحل او اي شركة وبتاخد فاتوره بالضمان


بخصوص النضارات .. اكيد اكيد بردو اللي سألته مش فاهم حاجة خالص

لأن نضارات الشاشه هي نفس نضارات جميع تلفزيونات LG .. يعني تروح تقوله عايز نضارات تلفزيون LG 3D اللي بدون بطاريه

ودي بتتباع في اي مكان بيبيع تلفزيونات LG وسعرها رخيص .. وفي منها الوان واشكال .. لو شكل النضاره مش عاجبك .. لكن كله بتمنه

مع اني مش شايف ان شكل النضاره ولونها يفرق في حاجة .. لأنك هتكون لابسها ومش شايفها اساساً .. وقاعد تتفرج في البيت مش خارج بيها


بالتوفيق

[midoxx99]

النظارات ممكن تشتريها من النت وحوار الضمان ده بصراحة الى يخوف بس اعتقد لو فلوسك حلال وانت مصمم تشتريها يبقى تشوفها هناك كويس وتتاكد ان مفيهاش حاجة وسيبها على ربنا :)

انا ان هبقى اشوف حوار النت ده وشكرا على هذه المعلومه

[midoxx99]

الظاهر انك سألت واحد مش فاهم حاجة في التوكيل او هو بحث بأسم موديل غلط ( هو التوكيل اسمه ايه ؟ )

عموما الشاشه موجودة على موقع LG المصري هنا ودة يثبت انها معتمدة في مصر

انجليزي https://www.lg.com/eg_en/it-product/monitor/LG-D2342P.jsp

عربي https://www.lg.com/eg_ar/it-product/monitor/LG-D2342P.jsp


وبعدين انت بتشتري من المحل او اي شركة وبتاخد فاتوره بالضمان


بخصوص النضارات .. اكيد اكيد بردو اللي سألته مش فاهم حاجة خالص

لأن نضارات الشاشه هي نفس نضارات جميع تلفزيونات LG .. يعني تروح تقوله عايز نضارات تلفزيون LG 3D اللي بدون بطاريه

ودي بتتباع في اي مكان بيبيع تلفزيونات LG وسعرها رخيص .. وفي منها الوان واشكال .. لو شكل النضاره مش عاجبك .. لكن كله بتمنه

مع اني مش شايف ان شكل النضاره ولونها يفرق في حاجة .. لأنك هتكون لابسها ومش شايفها اساساً .. وقاعد تتفرج في البيت مش خارج بيها


بالتوفيق

اولا شكرا على هذه المعلومات انا كده هغير راى تانى

بس انا سؤلت فى توكيل lg الى فى المعادى
عنوانه: طقاطع شارع الاسلكى مع شارع فلسسطين
وقلى ان نظارات tv هى لى موجوده عنده وسعرها 55جنيه بس مكنش عنده الشاشه نفسها وقلى انها مش موجده فى مصر
والى جيبه بتكون مستورده