[مصر] تجميع جهاز ب 1200 جنيه للالعاب (عنوان معدل)

[mo7ameed]

السلام عليكم انا عضو جديد بالمنتدى وعجبنى جدا فكنت عايز اجيب بورده وبروسيسور وكارت شاشه بس فى حدود 1200 جنيه وعايز يكون مخصص لاالعاب عايزو يكون جديد او مستعمل فكنت عايز اعرف ايه انواع الى اجيبها

- أقصى ميزانية محددة:1200
- استخدامك للجهاز:الالعاب وخاصه بيس 2012 و2011
- حجم الشاشة و الدقة (Resolution) التي تستخدمها:عندى شاشه 19 بوصه NEC
- القطع التي تنوي شراءها:بورده وبروسيسور وكارت شاشه
- القطع التي ستعيد استخدامها من الجهاز القديم: كيسه ماتريكس وشاشه 19 بوصه NEC
- ميعاد شراء الجهاز: خلال شهرين ان شاء الله
- مكان الشراء: مول البستان او سفنكس
- محل سكنك: الجيزة
انا محتاج الجهاز لاالعاب وخاصه لبيس 2012 والاصدارات الى جايه مع العلم 2013 هتنزل فى سبتمبر

[ASSASINO]

مرحباً بك اخونا الكريم فى المنتدى وشكراً لالتزامك بقوانين القسم :)

ASRock H61M-HVS 350 LE

Intel® Core™ i3-2100 3.1GHz 695 LE

HEC (Gamma) 350w 150 LE

T : 1045 LE
هل لديك رامات ؟ واذا تملك رامات هل هى DDR3 ؟
اعتمد على المالج الرسومى المدمج واجل شراء البطاقة الرسومية لحين توفير ميزانية لها

[khaled_sha6er]

تجميعه الاخ ابانوب ممتازة :) والكرت المدمج سيؤدى الغرض
ولكن ميعاد الشراء بعيدا نسبيا لذلك قم برفع الموضوع قبل الشراء باسبوعين مثلا

[mo7ameed]

لا انا هشترى رامات بارضو وعايزها Drr3 مع انى معرفش ايه الفرق بينها وبين ال DDr2 بس فى حاجه حضرتك كاتبلى HEC (Gamma) 350w 150 LE وده مش كارت شاشه ولا كارت الشاشه مدمج مع البورده ولو مدمج كام هو جيجا ولا ايه وفى ال pixel Shader 3.0 ولا لا ولو وحش انا ممكن اجيب كارت شاشه ATI REadoon 5570Hd بيقولو حلو هل ينفع يشتغل على البورده الى حضرتك كاتبهالى

[tunisa2009]

good luck

[ASSASINO]

البورده المذكورة بالتجميعة لا تدعم ذواكر ddr2 اشترى هذه الرامات .. Kingston 4GB (2x2) DDR3 1333MHz بسعر 140 جنيه واذا كانت الميزانية غير سامحة فاكتفى بقطة رام واحدة بحجم 2 جيجا Kingston 2GB DDR3 1333MHz بسعر 70 جنيه ... انت لا تلعب سوى العاب pes فقط ؟


بس فى حاجه حضرتك كاتبلى HEC (Gamma) 350w 150 LE وده مش كارت شاشه ولا كارت الشاشه مدمج مع البورده ولو مدمج كام هو جيجا ولا ايه وفى

HEC (Gamma) 350w مزود طاقة ( باور صبلاى ) المعالج الرسومى مدمج بالبروسيسور وهو HD2000

[mo7ameed]

لا اقدر اجيب 4 جيجا رامات وانا بلعب بيس وجاتا اى فى وهل كارت الشاشه HD 2000 حلو ولا اجيب ATI READOON 5570 HD

[ASSASINO]

اشترى SAPPHIRE AMD Radeon HD 6670 1GB DDR5 بسعر 520 جنيه افضل لك ...
ميعاد شرائك للجهاز بعيد لذلك الافضل ان تقوم برفع موضوعك قبل الشراء باسبوع او اسبوعين لان السوق قد يتغير بشكل كبير قطعاً واسعاراً

[mo7ameed]

اوك شكرا جداا لسرعه اجابتك ومعلشى اخر حاجه هو البورده الى حرضتك قولتلى عليها 350 جنيه دى احسن ولا جيجا بايت G41 وهل البورده الى حضرتك قولتلى عليها بتدعم ال DDr5 وتقبل كارت شاشه فيه Pixel Shader 3.0 لان بيس عايزة الخاصيه دى

[ASSASINO]

اوك شكرا جداا لسرعه اجابتك

العفو اخى الكريم

ومعلشى اخر حاجه هو البورده الى حرضتك قولتلى عليها 350 جنيه دى احسن ولا جيجا بايت G41

البورده المذكورة تاتى بشريحة H61 وهى مخصصة لمعالجات انتل ساندى بيردج التى تاتى لسوكيت 1155 ... اما بورده G41 تاتى بسوكيت 775 وهى مخصصة لمعالجات الجيل القديم من انتل
والبورده المذكورة سعرها اليوم 325 جنيه فقط

وهل البورده الى حضرتك قولتلى عليها بتدعم ال DDr5 وتقبل كارت شاشه فيه Pixel Shader 3.0 لان بيس عايزة الخاصيه دى

بالتاكيد تقبل اى بطاقة رسومية ... للتصحيح فقط DDR5 هى الذواكر التى توجد بالبطاقة الرسومية (كارت الشاشة)



تم الرد بداخل الاقتباس

[mo7ameed]

شكراا جداا البورده والبروسيسور الى حضرتك قولتلى عليه فى الاول خالص هيشغله بيس 2012 مع كارت الشاشه

[ASSASINO]

نعم بالتاكيد