استفسار عن فكره مشروع تخرج

[darkzero]

انا طالب في كومبيوتر ساينس ف مودرن اكادمي في سنه 3
نفسي اعمل مشروع تخرجي يكون ف الcloud computing
عايز اعمل cloud OS يكون توزيعه لينكس بسيطه زي jolioOS & joliocloud
انا عارف انها فكره قد تكون صعبه بس انا حابب اعملها ممكن حضرتك يقولي ايه الكورسات المطلوبه مني انا و فريقي بالنسبالي انا الي حكونsystem adminstration & networking؟
بالنسبه ل الفريق حيكون مكون من 9
حيكون في 1 جلرافكس ل لpresentation
2 programmers
about 3 Database
2networking and system admin
انا حابب يكون مشروعي زي google OS
او jolicloud
بمعني توزيعه لينكس علي سيرفر و لوكون ل كل مستخدم زي terminal او واجهه و ليه مساحه تخزينيه يقدر يستخدمها
و يقدر ينزل التوزيعه دي علي جهازه او يستخدمها من علي النت كده
ممكن حد يساعدني؟؟؟؟؟؟؟؟

[Michael Youssef]

هو الموضوع صعب عليكم خصوصا لو مفيش خبرة و بصراحة التعليم هنا في مصر مش تمام و دي المشكلة. أتمني حد تاني يساعدك بس نصيحة اعمل مشروع اسهل علشان تعمله صح و تاخد خبرة انت و اصدقائك و بعد التخرج كمل المشوار.

[A Beautiful Mind]

هو الموضوع صعب عليكم خصوصا لو مفيش خبرة و بصراحة التعليم هنا في مصر مش تمام و دي المشكلة. أتمني حد تاني يساعدك بس نصيحة اعمل مشروع اسهل علشان تعمله صح و تاخد خبرة انت و اصدقائك و بعد التخرج كمل المشوار.

انا مع راى الاخ العزيز بشمهندس مايكل فى كل اللى بيقوله
بس لو انتم فعلا عندكم الدافع والقدرة انكم تكملو المشروع ده فربنا يوفقكم ان شاء الله والشىء الوحيد اللى اقدر اساعدكم بيه انى ادعيلكم وادلكم على اللى يقدر يساعدكم فى الموضوع ده ان شاء الله
اللى اعرفه انه مفيش مستحيل زى ما دائماً ينصحنى صديقى العزيز مايكل واتعلمت منه ان ما فيش مستحيل :)
بالتوفيق ان شاء الله

[Michael Youssef]

طبعا يا باشمهندس جمال مفيش مستحيل بس زي مقولتلك لازم يكون في خطة لتنفيذ الموضوع. يعني مثلا انا حاليا معرفش اي حاجة عن اللينكس مش هقول بكرة هبقي Linux Admin لا طبعا :) مستحيل

[A Beautiful Mind]

طبعا يا باشمهندس جمال مفيش مستحيل بس زي مقولتلك لازم يكون في خطة لتنفيذ الموضوع. يعني مثلا انا حاليا معرفش اي حاجة عن اللينكس مش هقول بكرة هبقي Linux Admin لا طبعا :) مستحيل

اكيد طبعاً يا باشمهندس مايكل انت صح لان اللينكس فعلا محتاج مجهود كبيير جدا
لكن اللى فهمته من رد الاخ انه ما زال امامه سنه يقدر على الاقل لو فعلاً هيقوم بتقسيم المجموعه الخاصه به وكل مجموعه منهم يهتمو بشىء ولو عندهم الدافع زى ما علمتنى دايماً هيقدو يقطعو شوط كبيير فى المشروع

وان كنت ما زالت معك ان فعلا المشروع ده هيبقى فيه جزء كبيير من الصعوبه

اتمنى لهم التوفيق باذن الله

وشاكر ليك جدا تواجدك الدائم وسرعه ردودك على المواضيع

[Michael Youssef]

شكرا يا باشمهندس جمال بس انا انصحه بمشروع اسهل شوية علشان يعرفوا يكملوا و طبعا كله علي حسب خبرتهم.

[A Beautiful Mind]

شكرا يا باشمهندس جمال بس انا انصحه بمشروع اسهل شوية علشان يعرفوا يكملوا و طبعا كله علي حسب خبرتهم.

اعلم تمام يا باشمهندس مايكل ان حضرتك تريد تقديم المساعده والتسهيل عليهم
طيب فى اقتراح
لو انت عند حضرتك مشروع يكون بسيط وسهل ويكون له فائده ممكن تتفضل بطرحه عليهم ولهم مطلق الحريه فى انهم يكملو فى مشروعهم او النظر فى مشروع اخر

شوفت دبستك صح :D
معلش يا هندسه سامحنا :D

[Michael Youssef]

:)
يعني انا اقترح موقع متكامل و حاجة الناس محتاجها ، يعني مثلا ممكن يعملوا مشروع موقع يبيع حاجات اون لاين ، بس يبقي متكامل من حيث التصميم و الشكل و ال functionality

[A Beautiful Mind]

:)
يعني انا اقترح موقع متكامل و حاجة الناس محتاجها ، يعني مثلا ممكن يعملوا مشروع موقع يبيع حاجات اون لاين ، بس يبقي متكامل من حيث التصميم و الشكل و ال functionality

تسلم تفكيرك يا هندسه
فعلاً مشروع زى ده انا شايف انه ممتاز جدا ولو اتعمله دراسه صح وتصميم صح وخطة مظبوطه هيبقى متاز جدا
وخصوصا اننا فى بلادنا العربيه ينقصنا مشروع مثل هذا
زى امازون مثلن
بجد مشروع رائع جدا
طيب ولا دبستك ولا حاجه ما المشروع جاهز اهو :D

[darkzero]

اشكركم جميعا علي كلامك الي يشرفني و يذيدني ثقه اني اتكلم معاكم :)
و اشكر الاستاث مايكل و اوعد حضرتك اني حفكر ف المشروع ده بس هو للاسسف قرار جماعه و هم مختارين الموضوع ده علي هدف انو موضوع جديد و نحاول اننا نثبت نفسينا ك طلاب
معلش حتاقل عليكم و تقوللولي ايه المطلوب مني :)
بالنسبالي انا RHSCA من شركه ماستر لينكس + تعليم ذاتي و ان شاء الله اطور اكتر
انا عايز اعملها ك خدمه cloud
انا قريت كتير عن الcloud بس عايز اعرف حطبق ازاي و سمعت عن Vmware cloud فهل ده اقدر استفيد بيه ؟؟؟
انا عارف ان الاختيار صعب بس ان شاء الله احاول :)
انا بعمل المشروع ده ف الاساس علشان اتعلم مش علشان انجح او اخد شهاده
معلش تقلت عليكم بس هل ممكن اتناقش في فكره العمل مع شخص يقدر يفيدني؟؟؟

[A Beautiful Mind]

اذا اردت التحدث عن اللينكس فقلى انت محتاج ايه بالظبط وانا باذن الله اقدر افيدك فى الموضوع ده
اما اذا اردت التحدث عن ال Vmware cloud فلى صديق يستطيع ان يفيدك فى هذا الموضوع باذن الله
واحنا هنا كل اللى نقدر نقدمه اننا نساعد بعض على قدر المستطاع كما تفضل صديقى العزيز بشمهندس مايكل وذكر سالفاً

[darkzero]

اشكرك جداا
بالنسبه ل لينكس عايز تقدر تقول توزيعه صغيره و سهله جدا ياعني نقول ليها شكل التابلت مثلا او اي شئ بسيط لانها الي حتظهر ل اليوزر
بالنسبه ل الvmware حابب اعرف استخدمه ازاي ك cloud
و اشكركم جميعا :)

[A Beautiful Mind]

بالنسبه للتوزيعات فما اكثرها
وان كانت اجملها من وجهة نظرى Ubuntu و Linux Mint
بالنسبه لل vmware سأقوم بمراسله الاخ العزيز dr_timoon

[دكتور فايروس]

:)
يعني انا اقترح موقع متكامل و حاجة الناس محتاجها ، يعني مثلا ممكن يعملوا مشروع موقع يبيع حاجات اون لاين ، بس يبقي متكامل من حيث التصميم و الشكل و ال functionality

اقتراح رائع وجميل وإمكانياته غير مُعقدة ، وقد يكون مشروع تجاري ناجح إذا ما تم طرحه في المولات الكبيرة.
مشروع تخرجي أيضاً كان عبارة عن موقع للتسوق الإلكتروني ، وكان مطلوب مني أن أعمل جدوى للمشروع
جهزت إستبيان و ذهبت للمولات الكبيرة وقابلت المُستهلك مُباشرة وتم التعرف على الإحتياجيات والمُتطلبات
وبعد تنقيح الإستبيان و الفرز و التصنيف تبين أن ما نسبته 70% يُفضلون التسوق الإلكتروني على التسوق التقليدي
حتى أن كان هناك تفاوض مع أحد المولات بخصوص هذا المشروع .
بالتوفيق إن شاء الله.

[Michael Youssef]

في الواقع التجارة الالكترونية بدأت في الانتشار و التوغل في مصر مع كثرة عدد مستخدي الانترنت في مصر طبعا ، و كل يوم يوجد الاف يتعلمون استخدام الانترنت. الان في مصر يمكنك شراء منتجات كثيرة جدا اون لاين ، و اذا كانت لديك فكرة يمكن تطبيقها فيسكون لديك مشروع ناجح و غير مكلف ان شاء الله.

[e_amr]

بص ياا خي
في مهندس بيشرح اونلاين على النت مجانا كورس vmware ESXi vsphere 5 والمهندس ده بيشتغل فى امريكا
الكورس بيتشرح على مدونة المهندس احمد نظمي
https://www.facebook.com/pages/Ahmed-Nazmy-clipearthcom/104661396307695
ممكن تتابع الكورس وتراسل الانستركتور ممكن يفيدك
وبالتوفيق ان شء الله