تسجيل الدخول

مشاهدة النسخة كاملة : ATI or nVIDIA


SaUrEs
24-12-2005, 18:12
السلام عليكم ورحمة الله وبركاته
يا اخوان ارجو المساعدة لاني بعد ما اشتريت جهاز جديد وقفت عند كرت الشاشة وما قدرت اختار شي وبالاخص عنا بسوريا
المشكلة اني كتير قليل لتشوف كرت شاشة محترم وانا بصراحة جهازي مواصفاتو كتير ممتازة وما بدي كرت الشاشة يكون اقل من مستوى الجهاز
ولذلك قررت اشتري كرت من الامارات عن طريق صديق الي بس المشكلة الي بدي تساعدوني فيا انو اشتري كرت شريحتو ATI or nVIDIA
مع العلم اني انا ما بشتري غير MSI ولا رح اركب كرت غيرو فهالشركة اي كروت انجح عندا وانا الميزانية تقريبا على الدولار شي250
يعني لازم يجي شي ممتاز بس انتو دلوني لاني على اساس الي رح تقولوه انا بدي اوصي لاني انا تعبت من التفكير والدخول على المنتديات والمواقع
لاشوف اي شريحة احسن من حيث الاداء مع العلم اني اول شي اشتريت كرت MSI NX 6600 LE بناء على نصيحة صاحب المحل الي ساولي الكرت خرج اخراج تلفزيوني بس ما بدي احكيلكن اديش هل الكرت تعبان وشبعان تعب والمصيبة اني سعرو على النت حوالي 92 دولار بس بسوريا سعرو حوالي 170 دولار عكلن انا رجعت الكرت مشان هيك بدي اشتري
كرت من الامارات وهون المشكلة مافي ترجيع متل سوريالاني لبين ما يجي الكرت و........الاف الكيلومترات
وهي مواصفات جهازي لاتشوفو اي شي احسن
(Motherboard : MSI K8N Neo4-F ( nVIDIA nforce4
CPU : AMD Athlon 64 3200
يعني هي اهم المواصفات الي على اساسا رح تنصحوني بكرت الشاشة فساعدوني لاني انا طفرت
hamody
24-12-2005, 18:23
شوف هذا بس لا اعلم سعره بالأمارات

https://www.newegg.com/Product/Product.asp?Item=N82E16814121192

او هذا

https://www.newegg.com/Product/Product.asp?Item=N82E16814142052
hamody
24-12-2005, 18:36
و هذا جيد ايضا

https://www.newegg.com/Product/Product.asp?Item=N82E16814125218
Om51
24-12-2005, 22:42
Geforce 6800GS 256MB
The Way to go .....

سعره في Newegg ب200$ , ربما في الامارات يوصل 240 , لكن يستاهل ..
ايضا شوف سعر 7800GT 256mb ...

واذا البورسبلاي عندك من النوع الرخيص - الضعيف ربما من الافضل شراء واحد جديد , الكثير من الانواع الجيدة متوفرة في الامارات ..
الصقر القادم
24-12-2005, 23:25
اخي العزيز انا ايضا ساطور كرت الشاشة عندي مع انو ممتاز والكرت الذي اخترته من ناحية الاداء وجودة الصورة والسعر هو MSI 6800 GS256 SLI وانا حاليا اسال عنه عند وكلاء MSI شركة المبدع
وشركة التقانات السورية في دمشق انت من اي مدينة؟؟؟؟


https://www.msi.com.tw/images/product_img/vga_img/V801_NX6800GS-VTD256E.jpg
SaUrEs
25-12-2005, 02:23
اول شي يعطيكن الف عافية
انا من حلب وبعرف المبدع لاني من عندو جبت اول الشي كرت NX6600 TD
وطلع الكرت عاطل بعدا رجعتو على اساس يعطيني غيرو بس الحبيب قلي اني ماضل
وانتو متل ما بتعرفو شو صار بالبلد مشان الدولار فالظاهر ما كان بدو يبيع لبين ما تبين الاسعار وكان هاد سعرو 8500
ورجعلي فلوسي بعدين هو نفسو باعني عن طريق محل تاني بحلب
كرت يخزي العين شو مهضوم وظلو خفيف هو NX 6600LE وياعيني على النتائج الي طلعت معي
و هل المرة مو لاني هاد اسوء من الي قبلو بس على ارتفاع الدولار اشتريتو ب 9300
ولما شفت هيك الشغلة رجعتو وما بقالي ثقة بالشراء من هون لاني اذا هاد اكبر (مستورد؟؟) MSI
وقلي ما عندي غيرو فمنين بدي اجيب اه ه ه ه ه ه ه ه ه ه ه قلت مالي غير الامارات
حتى لو شفت بسوريا اذا هاد الي سعرو على النت حوالي 4850 على السوري باعني ياه بس 9300
فاديش رح يبعني كرت 6800 ما ضل غير ارجع ابيع الكيس
أسامة
25-12-2005, 05:49
7800 gt من شركة xfx في أبوظبي بـ 1600 درهم ، الـ msi راح يكون أرخص بمئة درهم تقريبا ..
أعتقد أن الـ 6800 GT بألف درهم .. لكني لست متأكدا من السعر ..
الصقر القادم
25-12-2005, 11:49
السلام عليكم عزيزي SaUrEs بصراحة الاحوال عنا من هالشركات بتبكي وخا صة اذا كانت البضاعة صينية مو تايوانية بصراحة انا حبيت التعامل مع شركة التقانات السورية كوني اشرف على
قسم الاجهزة والقطع في مركز للكمبيوتر ومن خلال احتكاكي المباشر بالتجار .
بما نك تفكر في الشراء من الامارات هناك ناحية اخاف تكون نسيتها وهي انك ستدفع ثمن الكرت مرتين تقريبا عند وصوله بسبب الجمارك ناهيك عن موضوع الدعم الفني لا سمح الله يطلع فيه
مشكلة ...ماذا تفعل..ترجعه عالامارات وبعدين الى سوريا وترد تدفع مرة ثانية؟؟؟؟
ولله المشكلة عويصة مع هالتجار اللي عنا ...انا واقع بنفس المشكلة وخاصة ان سعر الكرت 25000
مو بسيطة بالنسبة النا ...ولا شو رايك؟؟؟؟
الصقر القادم
25-12-2005, 11:55
عزيزي SaUrEs ادخل الى موقع مجلة الرقميات الجديد وستجد كل مايسرك
www.alrakameiat.com
AM7
25-12-2005, 12:37
أخي الكريم ...

للأسف لا أعرف عن الأسعار أو أماكن الشراء ...

ولكن إذا أردت الأفضل إلى الآن من ناحية الأداء ... فكرت GeForce 7800 GT Dual هو الأفضل ...

https://www.tomshardware.com/2005/12/14/sneak_preview_of_the_nvidia_quad_gpu_setup/page6.html


AM7
GoldenLion
25-12-2005, 12:44
السلام عليكم ورحمة الله وبركاته

عليك بـ MSI nVidia Geforce NX 6800 GS
أو حرك ميزانيتك ليبهرك أداء MSI nVidia Geforce NX 7800 GTX

وبالتوفيق إن شاء الله
MFeras
25-12-2005, 14:23
الى الأخ SaUrEr أنا كمان من سورية و حبيت ساعدك
بصراحة التجار الموجودين بالشام كلهم نصابين و حراميّة و ما بهمهم غير جيبتك أنا برأيي اشتري كرت شاشة من الخارج و اذا بدك من MSI في GeForce 6800 GS و اسمه MSI NX6800GS-TD256E هذا سعره من 200 $ الى 240 $ و ميزاته قوية جداً بالنسبة لسعره و أنا أتوقع أنه يكون سعره بحدود 15000 ل.س أو أكثر قليلاً .
و ان شاء الله بتتوفق و بتجيب هدا الكرت بسعر أقل كمان .
الصقر القادم
25-12-2005, 17:23
لقد وصلتني الاسعار اليوم من شركة المبدع
6800GS\256\SLI=25000 LS
6800GT\256\SLI=27000 LS
اي زيادة 10000 ليرة عن السعر العالمي...؟؟؟؟؟؟
SaUrEs
26-12-2005, 04:18
لك والله احلا موقع واحلا شباب لك والله نسيتوني مشكلة كرت الشاشة وبالاخص الاخ صقر
لك اخوي الله بيعتلنا تجار يخرب بيتن يعني الشركة الي انتجت الكرت وتعبت واشتغلت وعملت ابحاث ودراسات وعندا المعامل الي بدنا 100سنة لنقدر نساوي متلن بس بدا تربح 50 دولار على الكرت بس جماعتنا بكل ذكاهم يخزو العين شو فتحين ما بيرضو غير الدبل لك اه ه ه ه ه ه ه ه ه ه ه ه ه ه ه ه ه ه ه ه ه ه ه ه ه ه ه ه ه
هي مشان تتحقق المقولة بتجي مع الهبل دبل
كمان شكرا على موقع الرقميات لاني فيو شي حلو بس بالنسبة لطلبي متل ما ذكرت انت الاسعار واوااااااااااااا
اما بالنسبة للكرت فانا بدي اجيبو قشق ( تهريب هس هس لا تقول لحدى ) لاني كل هل العملية مشان اوفر مو مشان اتبرشم بس والله محتار لاني المشكلة لسا ما نحلت
وهي انو انا بدي اجيب بس MSI المشكلة اني الكل بالمنتدى هون عبيمدحوا كتييييييييير من ATi
وانا متردد بالنقطة هي لاني متل ما بتعرف هي جازت العمر يعني الكل عبقولو انو ATi لا يعلى عليه بس كمان الكل عبقولو انو nVIDIA بالشرائح الجديدة 6800 اتفوقت على ATi فانت شو بتنصحني كونك على احتكاك بالمستخدمين الي بيشتروا من عندك وشكرا الك
كمان شكر لفراس والله يعينا على هل التجار اووووووووووووووووووووووووووووووف
بس اذا ممكن من الاخ اسامة سؤال كون هو من الامارات العربية الشقيقة
اخوي انا صديقي هو حكم كرة سلة مقيم بدبي بس ما بيعرف بالمحلات ولا بالكومبيوترات بس في ناس انا بعرفن نصحوني انو يروح على شارع خالد ابن الوليد بدبي لاني هل الشارع هو شارع الوكالات هنيك وحسب ما قالولي الشارع فيو حوالي 82 محل كلا مختصة بالكومبيوتر بالنسبة لكل القطع فصح هل الشي ولا في مكان تاني مشان ارسلو عليه
وشكر للــــــــــــــــــــــــــــــــــــــــــــــــ ــكـــــــــــــــــــــــــــــــــــــــــــــــ ــــــــــــــــل
SaUrEs
26-12-2005, 05:45
على فكرة صقر انا عندي نسخة ويندوز اكس بي 64 بيت مع السيريال والكراك شغالة ومافي متلا اذا بدك ياها لابعتلك هي بس المشكلة انو ولا درايفر او تعريف من التعاريف القديمة شغال على 64 بيت لاني انا نزلت الويندوز ورجعت شلتو لاني حتى المودم الكرياتف ما تعرف ولا بستطيع ادخل على النت
وموقعو لسا ما نزل تعريف للمودم على نظام 64 بيت
يعني بوشك قعدة 4-5 ايام داون لود او تحميل من النت الرعب الي عنا عشان تنزل كل تعاريف القطع بنظام 64 بيت
أسامة
26-12-2005, 06:08
أخي أنصحك بـ 7800 gt إن كنت تستطيع مد الميزانيـة

قد يكون الـ 6800 أرخص لكن لن يعمر لنفس المدة ولن يشغل الألعاب بنفس الجودة ..
إذا كنت تريد شراء ati فعليك بـ x800xl و لا تأخذ x1600
الصقر القادم
26-12-2005, 10:45
السلام عليكم اخي SaUrEs :
انصحك وبشدة بMSI 6800 GS 256 SLI وهناك ايضا شركة محترمة وهي XFX ولكن لا ادري بعد اذا موجود عند الوكيل ام لا كما تعلم بيع هذه الكروت الغالية عندنا عزيز اي قليلين هم من يشترون مثل هذه الكروت الغالية
اما بالنسبة لATI فلا انصحك الا بATI X 1800 XT 256 CROSS FIER وغير ذلك فلا ..السبب كما يلي:
هناك تقنية في الكروت وهي البكسل شادر :خاصة للظلال واظهار الواقعية للصورة ..المياه والغبار وغيرها...
في NVIDIA البكسل شادر =3.0
اما في ATI=2.0b في اجيال X800\X850 اما في اجيال X1800 XT فقد اصبحت 3.0
لاحظ الفرق 2.0b \3.0 وفي الجيل الجديد من نيفيديا=4.0 ولكن كروتها غالية
بالنسبة لموضوع ان يعمر اولا فبقناعتي ان 6800GS سيخدمك فترة طويلة نوعا ما وان احتاج الامر ركب كرت اخر مماثل في المستقبل اذا غيرت اللوحة وتحصل على اداء 7800GTX وليس GT
لانه بصراحة يا اخي الشركات لن ترتاح ولا راح تخلي حدا يرتاح لاحظ هذا التطور الرهيب كل يوم كرت جديد وكل يوم لوحة جديدة ...
6800GS اداؤه رائع وسعره مقبول مقارنة ب7800 GTX والذي يبلغ سعره في السعودية مابين
2500 ----3000 ريال اما عندنا اذا حولتها على السوري =42000 اي الاسعار نفسها تقريبا
على كل حال شوف شو بصير معك ... وعندما يصلك الكرت ردلي خبر....ولك تحياتي
GoldenLion
27-12-2005, 13:40
السلام عليكم ورحمة الله وبركاته

MSI nVidia Geforce NX7800GTX 256MB GDDR3 Dual DVI - VIVO
يصل إلى 2390 ريال سعودي
SaUrEs
27-12-2005, 21:55
كيفكن يا حلوين
بعد االتغكير وعصر الدماغ وقراءة سورة الم نشرح وصلاة ركعتين استخارة يبدو اني متجه لشراء كرت
MSI Geforce NX7800GT-VT2D256E
الكرت مواصفاتو بتاخد العقل وسعرو على النت كتير معقو ويبدو اني الاسعار كلا متجه للنزول بالاخص مع
اقتراب حلول العام الجديد فاغلب مواقع الاسعار كلا مغيرا اسعارا وعاملة تخفيض على كلشي
والله ما بعرف الكرت سعرو على النت 309 دولار يعني ممكن اني الواحد يضغط على حالو ولو كتير
بس يشتري لاني الفرق بينو وبين الشريحة الي قبلو فرق منيح بالتقنية وبالاخص VIVo الي بتعتمد على معالجة الشريحة لملفات الفيديو بعد ما كان العمل كلو يكون على حساب المعالج وكانت بس عن
Ati هل الميزة بس حاليا صارت فيو الميزة بالاضافة لخاصية Open GL الي صارت 2 بعد ما كانت 1.5
مع التفوق على Ati بالتاثيرات الخاصة بالظلال والرؤيا الي اصبحت 4.0 والي لساتا عند احسن شريحة
بكروت Ati RX1800X 3.0 يعني بصراحة حاليا هل الشريحة وهل الكرت هنن احسن شي
بالنسبة لكروت الشاشة فانشاء الله ما يكترو علينا جماعة دبي مشان تتيسر قصة الف ليلة وليلة معي
بس والله االواحد لازم يقول كلمة للموقع الحلو كتييييييييير موقع عرب هارد وير اني قبل ما اعرف الموقع كنت اقيم الكروت على شكلن بس
بعد ما عرفنا الشباب الحلوين و فادونا بخبرتن وبمعرفتن صرت ولو مبدئيا اعرف اختار احسن او بالاصح احسن بكتيير من قبل
على هل الرابط سعر الكرت والمواصفات الخاصة فيو بالاضافة للصور ...........
ادعولنا.................................. الله يستر
https://www.newegg.com/Product/Product.asp?Item=N82E16814127190
الصقر القادم
27-12-2005, 23:49
كيفك SaUrEs انشاء الله ميسرة وعقبال وصول الكرت بالسلامة وبس يوصلك خبرنا لاني مهتم جدا بهذا الموضوع .....كم يحتاج من الوقت حتى يصلك واديه ثمنه ...
اذا كان السعر 309 دولار = حوالي 17000 ل س والله بيستحق حتى ولو كان 20000.....بانتظار ردك لاني انا كمان ملتاش بتغيير الكرت ومحتار والتكنولوجيا حيرتني؟؟؟؟
SaUrEs
28-12-2005, 01:14
لك تسلم يا حلو والله اذا مشي الامر انا شايف انو كل السوريين الي شاركو بالموضوع او قراؤه رح يبدلو كروت الشاشة الي عندن
على كلن صديقي رح ينزل يسأل على الكرت يوم الجمعة بالاضافة لكرت GS الي التلي عليه لاني بيجوز السعر بدبي اغلى من هيك وانا بصراحة بعد 325 دولار انا بكون صيفت يعني 310 وبعتبر حالي كتير مهور
بس سؤال للاخ اسامة كون انت من الامارات وكرتك من نفس الجيل بس الشريحة اعلى عن سعر الكرت الي ذكرناه لاني ممكن اذا ما فيا ازعاج الك اذا عرفتلي شو سعرو يعني بتوفر علي احلام وكوابيس وشغلات كتيرة الله يبعدا عنك وعن كل الشباب وبكون حددت لرفيقي شو اسم الكرت بدل ما كل يوم ببعتلو على الايميل اسم كرت جديد مشان يضيفو لقائمة الكروت الي لازم يسأل عن سعرا
الصقر القادم
28-12-2005, 13:17
على عيني يا SaUrEs انا انتظر اخبارك اول باول على احر من الجمر........................لاتنسى...