ما هو ال SSHD ؟

[a 2012]

السلام عليكم ورحمة الله وبركاته
انا لقيت على ******** هارد لا بينله SSD ولا HDD فكنت عاوز اعرف ايه ال SSHD ده وايه مميزاته وعيوبه وده لينك للهارد
https://www.********.com/product.php?id=14015
وشكرا لاحلى اعضاء فى احلى منتدى

[a 2012]

55 مشاهدة ولا رد واحد؟؟؟
طب حد يقولى معرفش حتى :D

[BAZOOKA_N2O]

معرفش :D


الهارد اللي انت باعت اللينك بتاعه ده هارد هجين ( SSD + HDD ) مضروبين في الخلاط وطلع منه الميكس ده

ومميزاته مساحة تخزين كبيرة 750GB واسرع 3 مرات من الهارد العادي
وتحميل النظام بشكل يوازي ال SSD في سرعة اقلاع الجهاز


من الاخر سرعة تقارب SSD ومساحة تخزين HDD

اخيرا واهم نقطة : معرفش :p

[a 2012]

هههههههههههههههههههههه :D
شكرا يا باشا ع الافادة بس انا كنت عاوز اعرق اذا كان حد جربه او يعرف عيوبه ومميزاته وواضح ان الميزة الاساسية اللى فيه انه اسرع بكتير من الهاردات العادية

[BAZOOKA_N2O]

بجد المرة دي انا فعلا معرفش
ونفسي اعرف عشان الهارد ده لسة نازل جديد ومفيش مراجعات كفاية عنه

لكن انا لاحظت ان في الهارادات العادية السيجيت بنص تمن الويسترن تقريبا والناس بتقول عشان اقل في الجودة وفيه مشاكل
انما بالنسبة للهارد ده تحديدا مفيش اي تعليق عليه لا كويس ولا وحش
اعتقد ان الناس خايفة تجيبه

[tarekforall]

هذا القرص ممتاز من ناحية الأداء ويعتبر من أسرع الأقراص الميكانيكية الموجودة، ولكن يعيبه سعره المرتفع.
هذه الأقراص تحتوي على ذاكرة فلاش مثل الموجودة بأقراص SSD ولكن بمساحة صغيرة ( 4 أو 8 جيجابايت) يتستخدمها القرص كذاكرة مؤقتة لتسريع الأداء مع البرامج التي تستخدمها بشكل مستمر.

[a 2012]

بجد المرة دي انا فعلا معرفش
ونفسي اعرف عشان الهارد ده لسة نازل جديد ومفيش مراجعات كفاية عنه

لكن انا لاحظت ان في الهارادات العادية السيجيت بنص تمن الويسترن تقريبا والناس بتقول عشان اقل في الجودة وفيه مشاكل
انما بالنسبة للهارد ده تحديدا مفيش اي تعليق عليه لا كويس ولا وحش
اعتقد ان الناس خايفة تجيبه
بالظبط كده انا مسمعتش عنه خالص غير فى المنتديات الاجنبية فقط وواحد صاحبى شافه على امازون وبعديها بكام يوم نزل مصر
لكن اداؤه انا شايف انه حلو اوى ولكن برده غالي لانى فى نفس رنج السعر ممكن الواحد يجيب SSD وعلى الاقل ممكن نقدر نحط عليه لعبة او حاجة كمان :D
تحياتى لحضرتك

[a 2012]

هذا القرص ممتاز من ناحية الأداء ويعتبر من أسرع الأقراص الميكانيكية الموجودة، ولكن يعيبه سعره المرتفع.
هذه الأقراص تحتوي على ذاكرة فلاش مثل الموجودة بأقراص SSD ولكن بمساحة صغيرة ( 4 أو 8 جيجابايت) يتستخدمها القرص كذاكرة مؤقتة لتسريع الأداء مع البرامج التي تستخدمها بشكل مستمر.
كده الصورة اتضحت اكثر وفعلا سعره مرتفع على انه 750 GB ولكن برده محدش هنا جربه واعتقد ان الناس ممكن تميل الى الSSD (فى حالة تجديد الجهاز) انما لو حد لسه عاوز يجيب هارد HDD فده احسن ليه على اساس ان سعر الهاردات دلوقتى مبالغ فيها شوية عن الاول
تحياتى لخضرتك