شركة ميكرسوفت رجعت تانى كارنية ميكرسوفت لحامل شهادات ميكرسوفت وكارنية $8.95

[Mr.iT]

يا شباب النهردة دخلت على الاكونت بتاعى لقيت ميكرسوفت رجعت الكارنية تانى ال لغيتة بس بفلوس بى 8 $


يا شباب صور من الاكونت بتاعى

https://img801.imageshack.us/img801/673/55223614.jpg




https://img163.imageshack.us/img163/5003/lo2v.jpg

[memo2012]

very very nice

[Michael Youssef]

انا مش عارف ان مايكروسوفت لاغيت الموضوع اصلا ، هو بفلوس من فترة كبيرة علي ما اعتقد. بس الكارت مش هيكفي كل الشهادات :D

[m_sarky]

هو الكارت بيتكتب عليه الشهادات اللى انا واخدها بس ولا مكتوب انى حاصل على شهادة مايكروسوفت فقط من غير نوع او اسم الشهادة ؟

[Michael Youssef]

في الحقيقة حاليا انت البتصمم الكارت بنفسك و ممكن ترفع صورتك كمان علي الكارت ، بيتكتب عليه الشهادات الانت عايزة بحد اقصي اعتقد 5 شهادات.

[m_sarky]

شكرا استاذ مايكل
حضرتك ماتعرفش مكان امتحن فيه فى المهندسين ؟ لان it share بعيد عليا

[Michael Youssef]

نيو رايزون في الدقي ، مكان كويس جدا :)

[m_sarky]

اشكرك استاذ مايكل
فى اى وقت اقدر اروح احجز امتحان عندهم و ادفع الـ 300 جنيه ؟

[Michael Youssef]

لا طبعا اطلبهم و شوف المواعيد بتاعت testing center و تقدر تيجي تمتحن امتي :)
ربنا معاك و موفق ان شاء الله

[M_1ST]

انا اتبعتتلى ببلاش وعليها 10 شهادات كمان :D

[eng_eldeeb]

موضوع مميز وممكن أى حد يتكرم ويذكر بعض فوائد الكارنية ولكم جزيل الشكر

[Michael Youssef]

مفيش اي فوائد خالص غير انك بتثبت انك معاك الشهادات فقط ، و دا ممكن تثبته اون لاين و لكن الكارنيه شكله حلو :D

[M_1ST]

الكارنيه ولا له اى لزمه فعلا
انتا بتقدمه بس لما تبقى فى انتر فيو للتعريف بالشهادات الى معاك مش اكتر

ملحوظه للى بيفكر يشتريه هيدفع فيه مبلغ مبالغ فيه لان سعر الكارنيه بيتكتب على الباكج من برا فبيتاخد عليه ضرايب وجمارك

[Michael Youssef]

لالا مفيش جمرك علي الكارنيه و لا حتي الشهادات

[M_1ST]

دلوقتى فيه
انا لسه مستقبل الباكج بتاعتى ودافع لها رسوم 73 جنيه
لكن الشهادات لوحدها بتيجى فى ظرف مش بتدفع عليه حاجه
لكن الكارنيه او السى ديهات او اى دعيا بيبقى الباكج عليه سعر فبتدفع عليه 20% جمارك و25% ضريبه مبيعات

[Michael Youssef]

مش كفاية بندفع الامتحانات :) ، كفاية اوي كدا.

[M_1ST]

هو غباء ميكرو سوفت انها بتحط سعر لبعض الباكج الى بتبعتها بيبقى مطبوع عليها فده لازم بيتاخد عليه ضرايب يعنى انا مستلم باكج MCT وعليه سعر من برا فده دفعت عليه ضرايب لكن اى شهادات او حاجات مجانيه من ميكرو سوفت مش عليها سعر فمش بدفع عليها حاجه يعنى الكارنيه الى سعره 10 دولار مثلا ورسوم الشحن 5 دولار كمان يبقى سعره الاجمالى 15 دول بتدفع عليهم 45% رسوم لما بتيجى تسلمهم بتلاقى سعر الكارنيه وصل لاكتر من 140 جنيه تقريبا :D

[Michael Youssef]

انت معاك MCT؟؟؟
هو مش غباء و لكن قوانين و مايكروسوفت طبعا في امريكا و لازم يتبعوا قوانينهم. انت فعلا كلامك صح ، ما دام في سعر علي الشحنة هندفع :)
انا اكتفيت شهادات الصراحة ، خلاص ملل يعني. 18 امتحان و لا حاجة كفاية.
الواحد عايز تحدي جديد بس مش عارف اعمل ايه ، كنت بفكر في Microsoft Certified Master in SQL Server بس انا حاليا مريض جدا و مش بقدر اتحرك و الشهادة دي عايزة سفر و طبعا فلوس كتير. بس هي تحدي و انا ناوي عليها باذن الله لما اقف علي رجلي تاني :D

[M_1ST]

الف سلامه عليك وربنا يكتبلك الشفاء :)
اه انا معيا MCT 2011
والموضوع متعب فعلا بس اجمل حاجه فيه التحديات الى فيه
انا ناوى اخد MCSE 2012
وهكمل فى سيسكو هاخد CCNP فى 2012

[M_1ST]

المجال بتعنا ده طالما اخترناه لازم نبقى UP TO DATE :D
انا ماشى فى الشبكات على فكره مش فى البرمجه :D

[Michael Youssef]

طبعا لازم تطوير مستمر ، انا متخصص في قواعد البيانات مع خلفية كبيرة في البرمجة و لكن طبعا عندي خلفية برده في ادارة الويندوز لازم يعني.
انا عايز MCM لازم :)

[M_1ST]

انا مش عارف بس بيتهيالى ان امتحانات ال MCM مش متاحه فى مصر
لو فيه عندك معلومه عن انها متاحه قلى عليها
لان بالنسبه للاكستشنج مثلا فيه امتحانين لاب
على ما اعتقد مفيش جهه تابعه لميكروسوفت ممكن حد يمتحن فيها اللابات فى مصر

[Michael Youssef]

لا متاحة في امريكا و بعض الدول الاوروبية فقط للاسف بس ان شاء الله اسافر اخدها من هناك في المستبقل :)
هي تستاهل اوي خصوصا في SQL Server

[M_1ST]

لو بقت متاحه فى دبى هروح اخدها من هناك

[Michael Youssef]

و الله انا لسا كنت بفكر في كدا :)

[M_1ST]

اه انا بيتهيالى انهم لازم يعملولها امتحان فى دبى
دبى من العواصم المهمه فى العالم دلوقتى
سيسكو حتى عامله فيها مقر لامتحانات اللابات بتاعتها
اعتقد ان ميكروسوفت كمان هيكون لها مقر للامتحانات دى فى دبى

[Michael Youssef]

طبعا دبي عاصمة مهمة جدا :)
طيب يبقي فاضل بس 10 الاف دولار كدا و لا حاجة لاني اعتبر جاهز للشهادة :)

[M_1ST]

هههههههههه انا نفس الكلامو ,ماعتقدش انها هتتكلف المبلغ ده كله انا لو رحت هروح امتحن وارجع على طول :D

[Michael Youssef]

في حوالي عشرين شخص في العالم معاهم MCM في SQL Server ، الامتحان ب 3000 دولار و يشترط ان يكون معاك MCITP SQL Server Developer أو MCITP SQL Server Admin و لازم تعدي شروط الخبرة و معرفش الصراحة في رسوم تانية و لا لا.
بس هتنساش انك هتعد مش اقل من عشرة ايام في دبي و السكن غالي جدا ، اعتقد هتتكلف اكتر من 10 الاف دولار.

[M_1ST]

اوف
بس تستحق المحاوله
ربنا يسهل :)