المساعد الشخصي الرقمي

مشاهدة النسخة كاملة : محتاجه اجابه فى اسرع وقت بالله عليكم



l0lY
17-05-2012, 12:53
انا بحدث الكمبيوتر بتاعى واخويا قالى ان البروسيسور ماركة amd احسن من ماركة intel واغلى عنه بكتير
وروحت عند محل جمعلى الحاجات دى
البورده bio star 880 tseries سعرها 500
البروسيسور cpu AMD FX 4100 سعره 750 والبروسيسور فى امكانيه انى اخليه يشتريلى النوع ده 9500 4x وسعره 600 وحاجه قولولى انهى فيهم احسن يا بنات بالله عليكم
الرامات ram 4 king سعرها 150


قولولى رأيكو انهم ماركه احسن amd ولا intel وكمان قولولى رأيكم فى الحاجات اللى جمعناها وفى اسعارها

انا محروق دمى اوىىىىىى لانى بعد ما روحت هناك واشتريت والحاجات اتفتحت عشان تتركب معرفوش يركبوها لان الناس بتوع التركيب كانو مشيو وقالولى سيبى كل حاجه وهيركبوه بكره ودفعت 500 جنيه تحت الحساب ولما روحت البيت لقيت كل الناس على النت عماله تشكر فى انتل اللى هى ارخص ويقولو ان amd بيسخن بسرعه وممكن يبوظ من الحر اتجننت وكمان قولولى انهى نوع بروسيسور احسن ضرورى اوى لانه قالى ممكن نغير البروسيسور لو مش ماشى مع البورده وناس قالولى ان الاكس فور اعلى من التانى اللى ب 750

وكمان قولولى رأيكو فى الاسعار لان المفروض اللى بيبيعلى ده زميلى ومجاملنى بالله عليكم ردو عليا بسرعه لحسن انا خلاص المفروض هلبس وهنزل عشان اوديله الهارد عشان نسيت اوديه امبارح عشان يبدأو تركيب وعشان لو هيغير البروسيسور يلحق ينزل مصر يشتريه
ولو غيرت رأيى وعاوزه اجيب انتل ممكن ح يجمعلى جهاز انتل امكانياته فوق المتوسطه عشان مش عاوزه احدثه تانى قريب

thehunter361
17-05-2012, 17:49
السلام عليكم ورحمة الله وبركاتة .
اولا AMD ليس افضل من Intel وانتل ليست افضل من AMD الفكرة ما هو المعالج المقارن بية . المعالج ال FX 4100 سعرة فى القاهرة 720 جنية والرام المقصودة سعرها مش 150 سعرها 130 بردو فى القاهرة اما المذر بورد اللى انتى كاتبها انا معرفش سعرها بس هى فى الحدود صح .
اما المعالج التانى دة انا معرفوش ولا عمرى سمعت عنة ممكن حضرتك توضحى اسمة كامل .
احنا مش بنات معظم المنتدى ذكور .الله يبارك ليكى يا رب .
AMD حرارتة اعلى قليل من معالجات انتل فى نفس الفئة انا من رائى ان حضرتك تقولى ميزنيتك واستخدامك اية وناوية تشترى اية واية اللى هتعيدى استخدامة واحنا باذن الله هنفيدك .
بالنسة لتجميعة انتل .
Intel Core i3 705 LE
ASUS P8H61-M LX Socket 1155 370 LE
Kingston 4GB DDR3 1333 CL9 1.5V 130 LE
تظن دى افضل من بتاعتك حضرتك .
واستنى باقى رد الاعضاء

LamboFreak4ever
17-05-2012, 22:49
لو المقارنه بين الـ FX 4100 والـ X4 955 فى الحاله ده الـ X4 955 احسن من الـ FX 4100
اما بالنسبه لانتل, زى ما قال الاستاذ thehunter361 الـ i3 2100 احسن من الاتنين الـ AMD

محمد 2012
17-05-2012, 23:47
السلام عليكم ورحمة الله وبركاتة
انا شاء الله جهاز حضرتك اللى انت جبتية دة كويس وشغال زى الفل ومش وحش
بس بالنسبة للفرق بين شرك amd وشركة intel طبعا انتا افضل يعنى انت تروحى تقولية انا عايزة برسيسور انت كور اى 3
والمازر بورد دى والرام دى
ASUS P8H61-M LX Socket 1155 370 LE
Kingston 4GB DDR3 1333 CL9 1.5V 130 LE

peter magdy mon
18-05-2012, 13:45
على انا رأى تجميعة AMD احسن
اولا لانها اداء مقابل سعر
ثانيا i3 2100 دة 2 كور لا يدعم كسر السرعة اصلا
لكن FX 4100 دة 4 كور عير امكانية كسر السرعة لسرعات كبيرة
ثالثا كارت الشاشة المدمج فى AMD اقوى بكثر جدا عن انتل و عن تجربة
انا اشتريت i3 2100 لصديق و ماذر بورد ASUS H61 و مكنش قادر يشغل PES 2011
لكن AMD بيشغلها و بقوة و بعض الالعاب التقيلة لما تقلل اممكانيتها بتشتغل و عن تجربة شخصية قبل ما اجيب الكارت الخارجى
اعتمد على الله يا صاحب الموضوع بس هات بوردة ASUS لانها احسن ماركة بتمشى مع AMD و كل دة عن تجربة
ربنا يوفقك

khaled-nasr
18-05-2012, 15:04
ماذا يفيد الكارت المدمج اذا تواجد كارت خارجي و الكسر اذا كان المعالج اصلا فاشل و كي تستطيع الكسر ستضيف علي الميزانية حوالي 400جنيه(لوحة غالية+مشتت+باور اعلي)فبالتالي الاتجاه يذهب الي معالج I5 2400 افضل بكثير

thehunter361
19-05-2012, 00:49
انا اشتريت i3 2100 لصديق و ماذر بورد ASUS H61 و مكنش قادر يشغل PES 2011

انتا بتهزر صح ؟
انا عندى اى ثرى ومشغل بيس 12

Ahmed Abdelwahab
19-05-2012, 02:28
تجميعة AMD المذكورة جيدة ولا قلق هذا اذا كان الاستخدام عادي أقصد العاب وتصفح وما الي ذلك وتعدد الأنوية مفيد هنا ونفس الحال بالنسبة للPhenomII X4 955
أما اذا كان الاستخدام للبرامج فالانتل أفضل في هذه الحالة وأي تجميعة من التجميعات المذكورة جيدة
أما بالنسبة للحرارة فهناك اختلاف بين AMD وانتل وهو أن لكل منهما معمارية مختلفة تتحمل درجات حرارة مختلفة عن الأخري

unexpected
19-05-2012, 09:02
اعتقد ان الموضوع ليس في المكان الصحيح:)