انا هخلص ccna قريب بأذن الله بس عايز نصيحة من مهندسين مايكروسوفت

[stifano]

انا عايز اخد بعد ccna كورس واحد من مايكروسوفت زى Exchange 2010 او TMG هل ممكن اخد الكورس دا بس من مايكروسوفت علشان انا عايز يكون معايا مجالين سيسكو ومايكروسوفت عشان امسك فى اى شغل فيهم وبعد كدا اكمل المشوار فى المجال الى هلاقى نفسة فية كويس ولو فى بديل للExchange 2010 or TMG انا عايز اكسب الوقت لو موش الوقت اخد mcitp حاسس ان سؤالى متلخبط لانى ماعرفش حاجة عن مايكروسوفت ارجو النصيحة لانى عايز اكون جاهز لشغل وابدء ادور فى فترة بسيطة مع انى لسة ماخلصتش ccna ولسة اسبوع بس انا حابب اعرف من دلوقتى عشان اكون عارف هعمل اية واكون مستعد ولو طريقة تفكيرى غلط ارجوا النصيحة

[mimooo_man]

نصيحة خد ال MCSE لان انا كنت زيك كده معايا CCNA Certified بس ولما سافرت وعرفت الشغل لقيت اكتر الشغل ب Microsoft لذلك اخدت MCSE ودلوقتى انا معايا الاتنين والحمد لله شغال بيهم بس بال MCSE اكتر

انت تعرف ليه ؟
لان كل الشركات المحترمة عندى هنا عندها بدل السيرفر 2 و 3 ونسبة الشركات دى 95 % ولكن مش كل الشركات عندها سيسكو ونسبتها 40 %
حتى لو قبلت فى شركة ربنا يوفقك ان شاء الله فيها Cisco Routers و Servers يعنى الاتنين فهيكون اغلب شغلك على Microsoft بنسبة 90 %

[stifano]

يعنى ماخدش mcitp واخد mcse مع العلم انا مسافر قطر بأذن الله احتمال كبير انما السعودية احتمال ضعيف خصوصا لو خدت mcitp هاخدها سيرفر بس لحد ما امسك فى شغل بأذن الله

[Ayman adel IT]

انشاء الله تبدأ في كورس MCITP Server 2008 R2
وهتاخد شهداتين
Server adimin or Enterprise admin + MCSA Microsoft Certificate Solutions Associate
اما بخصوص MCSE فهي علي Widows Server 2003 واصبح MCSE هي شهداة خبير زي CCIE ,وللي عان تاخدها لازم تاخد في الاول MCITP + Microsoft Cloud 2012
See This Link:
https://arabhardware.net/forum/showthread.php?t=288510

[mimooo_man]

شوف
انا شغال بال Microsoft اكتر بكتيييييير من ال Cisco
بنسبة 95 %

على الاقل اعرف عن ال MCSE هتنفعك كتيييييييييير
ومش متعلقة بالدوله اللى هتسافر ليها ان شاء الله

[stifano]

ربنا يجزيك خير يايشمهندس بس عايز اعرف لو انا مثلا نزلت عقد عمل فى دولة هل ممكن فى نفس الوقت ادور على شغل شبكات واشتغل الاتنين ولا لازم فيزا حرة؟

[mimooo_man]

شوف ياسيدى
الفرق بين العقد والفيزا الحرة

اولا العقد :
بيبقى صاحب الشركة متفق مع اللى بيسافر على مبلغ الراتب وعلى كل حاجه
مثال : بيقوله انا الشغل عندى ب 2000 ريال عاجبك ولا اشوف حد تانى
وهنا بتبقى محكوم شوية بالشركة ومطالب بكل الشروط

ثانيا الفيزا الحرة :
بيبقى صاحب الشركة بردة متفق مع اللى بيشتغل على مبلغ الراتب وعلى كل حاجه بس بالاتفاق
مثال : اللى بيشتغل هو اللى بيقول انا هشتغل على 3000 ريال عاجبك ولا اشوف شركة تانية
وهنا بيبقى الشغل بشروطك وانت راضى بيها

اما بالنسبة لاستفسارك عن البحث عن شغل اضافى دى بقه على حسب الشركة اللى انت فيها
بس نصيحة اخوية تعالى فيزا حرة
لانك انت اللى بتختار شغلك مش هو اللى بيختارك 90 % من اللى على عقد مش مرتاحين وبيقولوا الكلام اتغير عن مصر

[stifano]

شكرا يابشمهندس بس سؤال تأكيدى اخير لو انا اخدت admin server هتقابلنى مشكلة انى الاقى شغل ولا هو لازم enterprise هتفرق فى اية مبدئيا لانى موش عارف هكمل فى انهى مشوار بالظبط فانا عايز يكون معايا ccna+mcitp server ولما امسك شغل اشوف الطريق الى هكمل فية بأذن الله

[MIT STAFF]

شوف ياسيدى
الفرق بين العقد والفيزا الحرة

اولا العقد :
بيبقى صاحب الشركة متفق مع اللى بيسافر على مبلغ الراتب وعلى كل حاجه
مثال : بيقوله انا الشغل عندى ب 2000 ريال عاجبك ولا اشوف حد تانى
وهنا بتبقى محكوم شوية بالشركة ومطالب بكل الشروط

ثانيا الفيزا الحرة :
بيبقى صاحب الشركة بردة متفق مع اللى بيشتغل على مبلغ الراتب وعلى كل حاجه بس بالاتفاق
مثال : اللى بيشتغل هو اللى بيقول انا هشتغل على 3000 ريال عاجبك ولا اشوف شركة تانية
وهنا بيبقى الشغل بشروطك وانت راضى بيها

اما بالنسبة لاستفسارك عن البحث عن شغل اضافى دى بقه على حسب الشركة اللى انت فيها
بس نصيحة اخوية تعالى فيزا حرة
لانك انت اللى بتختار شغلك مش هو اللى بيختارك 90 % من اللى على عقد مش مرتاحين وبيقولوا الكلام اتغير عن مصر
كلام مظبوط
بس نصيحة بلاش حكاية الفيزا الحرة دى اسمع كلامي
بص لو مش هتدفع فيها حاجة الا حاجات بسيطة هقولك ماشى وروح ودور على شغل هناك وانت معاك اقامة هتبقى تمام
لكن تدفع 30 الف و 25 الف والارقام دى في فيز حرة حرام حراااام لانها مش مضمونة ابداااا
ممكن الكفيل يقولك مش هحولك او يقولك هتشتغل عندى غاصب عني ومش هدور برة على شغل ومزااجي كدا ومش هتعرف تعمل حاجة معاه
انا مجرب كل الكلام دا وبقولك الخلاصة
عايز تروح اى دولة عربية ركز على الكويت أو قطر أو الامارات غير كدا متروووحش خصوصا السعودية كللللهم نصابين بمعني كلهم ومتقوليش متعممش لااا كلهم نصابين
وجرب وجازف وممكن جدا تروح اى مكتب عمل محترم تشتري فيزا اسمها فيزا تجارية
دى ب 4000 جنيه بكون زيارة لمدة شهرين وتجدد لشهر يعني 3 شهور
وتحجز طيران رايح جاي عشان لو في اى شى يبقى ضمنت رجوعك ولو لقيت شغل تقدر تأجر موعد الرجوع فى التذكرة بعد سنة مفيش مشكلة بس اسمك ضمنت حاجة
وتعمل حسابك فى 5000 جنيه معاك فى جيبك سكن ومصاريف لحد ما تلاقى شغل
وتدور فى المدة دى على شركة محترمة لو ربنا كرمك هيعملولك حاجة اسمها تعديل وضع أو تحويل يعني من زيارة الى اقامة عادية جدا بموجب عقد
وبكدا يبقى انت مصرفتش كتير ومخسرتش كتير ومسكت العصايا من النص
واسف على التطويل فى التعليق
والسلام عليكم

[stifano]

طيب لو روحت دبى او قطر اروح اخد الخبرة هناك ولا اخد خبرة هنا الاول ولو اخدها من هنا يبقى كام سنة خصوصا انا عندى خبرة 4 سنين فى ادارة الشبكات وير 120 مشترك هل هحتاج من هنا خيرة كبير ؟

[MIT STAFF]

طيب لو روحت دبى او قطر اروح اخد الخبرة هناك ولا اخد خبرة هنا الاول ولو اخدها من هنا يبقى كام سنة خصوصا انا عندى خبرة 4 سنين فى ادارة الشبكات وير 120 مشترك هل هحتاج من هنا خيرة كبير ؟

شوف عشان تروح على اى بلد عربي اتقن الوندوز سيرفر 2003 و اتقن CCNA واتقن كمان security server دول اهم حاجة عايز تزود زود برحتك بس دول مهمين جدا جدا جدا
تقدر تتقنهم لو مخك نضيف في 6 شهور بالظبط
والمركز الكويس الى تقدر تفهم منه على ايد استاذة بجد اسمه مركز يات
ودا موقعهم
https://www.yatlearning.com
استاذة بمعنى استاذة
اما بخصوص سؤال انك تقدر تاخدهم فى دول عربية احسن ولا هنا
لا طبعا هنا احسن مليون مرة هناك مش فاهمين حاجة فى اى حاجة
هناك يا ريس الى بيفهم فى الوندوز يبقى استاذ
99 % من الشركات الكبيرة الشغالة سيسكو والكلام دا كلللللها الفنيين والمهندسين لا اما هنود او باكستنيين او مصريين
لكن هما ولا يفهموا حاجة فى اى حاجة
وربنا يوفقك ان شاء الله وزي ما قولتلك روح زيارة فى الاول ظبط امورك هناك وكل شىء وبعدين الدنيا هتبقى كويسة معاك اقامة وشركة حلوة وراتب كويس اهم شى تتعب فى الاول
لو تويت في اى وقت تروح مثلا الكويت او الامارات وعايز التفاصيل وهتصرف ايه وتعمل ايه اظبطلك ميزانية يعني قولي وانا هكتبها فى الموضوع
عشان الكل يستفاد
واى خدمة انا موجود

[MIT STAFF]

شوف بالتفصيل كدا بعد ماتعمل الى بقولك عليه وتاخد كورسات الى ذكرتها فوق في مركز يات
هتروح شركة الحاق عمالة بالخارج تقوله انا عايز فيزا تجارية للكويت ( انا بقول مثلا الكويت عشان هقولك على تفاصيلها بالظبط )
الفيزا تمنها 4000 جنيه ولو كرمك اوى يدهالك ب 3000 جنيه
تذكرة رايح جاى على ارخص طيران الى هوة طيران الجزيرة أو طيران فلاي دبي بيرحوا من مصر للكويت عادي جدا والتذكرة رايح جاى فيها ب 2000 جنيه بالكتير
وهتروح هناك تقعد في شقة مفروشة معاك فيها مصريين ودى سهلة تدبر بسهولة افتح اى موقع عقاري كويتي هتلاقي في ناس كتير مدرسين او اى مهنة عايزين ناس معاهم في الشقة هتدفع قول 50 دينار فى الشهر يعني 1000 جنيه
وقول 200 دينار فى جيب يعني 4000 جنيه يكفوك مثلا شهرين بالعافية عشان تدور على شغل انا بحسبلك بالوسط قد يقل وقد يزيد
كدا يبقى المجموع 10 بواكي مقفوولين كدا من النهاية وهكون ماسك شوية على نفسك مش هتصرف في اى هبل او فسح او خروجات متنساش انك رايح بدور على شغل
وبتطبع سيفيهات ممكن 50 نسخة وكل يوم الصبح تروح اماكن متفرقة فى الكويت زي العاصمة أو حولي أو المنقف أو صباح السالم أو الاحمدي
وترمي السي في فى كل شركة تلاقيها ادامك
وتحاول ديما لما تدخل لشئون العاملين فهمه انك عايز تتكلم بخصوص العمل والشغل افتح معاه حوار وكول دماغه وفهمه انك فرصة ومش هتتكرر تاني
أول ما تعمل امتحان في الشركات وربنا يكرمك بشركة منهم
هيعملك تعديل وضع يعني تحويل من زيارة الى اقامة ودى سهلة
اهم شىء تاخد معاك كل اصول ورقك وتاخد معاك فيش وتشبيه تعتمده من السفارة الكويتية هنا فى مصر لانه مهم جدا فى الاقامة
بعد ماتعمل العقد مع الشركة لو صاحب الشركة واصل اوى هيقولك هحولك وانت داخل الكويت من غير ماتطلع برة البلد لو مش واصل هيقولك ارجع مصر والعقد معاك اهو
واعملك اجرائاتك فى السفارة هناك وكشف طبي وبعد كدا تعالى
فى كلتا الحالتين انت ان شاء الله مش خسران حاجة
بعد كدا تبدأ تحط لنفسك ريت معين يعني متوسط راتبك هناك هيكون 300 أو 400 دينار طلع منهم 100 كل شهر سكن ومصاريفك والباقى حوله لاهلك أو حوشه براحتك
بالنسبة للكويت الشركات الى تركز عليها
الشركة الوطنية للاتصالات و شركة فيفا للاتصالات دول زي فودافون وموبينيل هنا فى مصر
وركز على شركات الشبكات كل الكلام دا سهل لو نويت هجبلك لستة كاملة بيهم وبعناونهم كمان
واى استفسار تقدر تضيفني على الماسنجر sales@doookplus.net
تحياتي لك

[stifano]

انا اقصد خبرة فى الشغل انى اشتغل هنا فى مصر الاول ولا اروح على اى دولة خليجية واخد الخبرة هناك؟

[MIT STAFF]

انا اقصد خبرة فى الشغل انى اشتغل هنا فى مصر الاول ولا اروح على اى دولة خليجية واخد الخبرة هناك؟

لا خد خبرة فى من هنا طبعا الاول وبعدين روح على هناك
هناك مش فاهمين اى حاجة فى اى حاجة