استشارة هامة ارجو الدخول

[mohamed eladawy]

السلام عليكم :)........ياجماعة انا احترت جداااا:ah26: ان شاء الله ناوى اشترى جهاز جديد:ah4: فى حدود 4000 / 4500 جنيه ودورت كتيييييير على النت عن الاجهزة والمواصفات لاقيت طبعا الافضل على الاطلاق توشيبا و ديل بس لاحظت ان فى ناس يامة بتقابلها مشاكل فى ديل فأرجو منكم ان تنصحونى ايهما افضل المشكلة ان فى ناس كتير بتقول توشيبا افضل وناس تانية بتقول ديل افضل:D أرجو ان اسمع ارائكم ووجهة نظركم :ah4::ah4:
معلش لو طولت عليكو بس انا مش عايز اندم عند شراء اللاب وكنت عايز اشوف رأيكم فى جهاز Toshiba Satelite L755-M1LK
https://www.********.com/product.php?id=12949
ولو فى اجهزة افضل فى حدود السعر اللى مكتوب ياريت تنصحونى بها

[TheLeader]

بص يا سيدي , انا تجربتي مع الديل كانت مؤسفه جداً , جهاز رامات 8 وكارت شاشه 1 والهارد 750 على ما افتكر , الجهاز كان جامد بصراحه مفيش كلام وبيشغل الآلعاب كويسه جداً كمان بس المشكله بئا

بس قبل ما اقول انا الشقه بتاعتي مفيش جنبها مباني , فـ الشمس ضاربه فيها على طول , فـ المهم الحراره عندي في الشقه عاليه حبتين , جبت اللاب الديل بـ 4500 اشغله لقيته تمام جداً , بشغل اللعب عليه

لقيت الجهاز بئا نار , مش قادر احط إيدي على البروسيسور وكارت الشاشه اللي مكانهم على شمال الماوس مش عارف هم الـ 2 هنا او حاجه فيهم , المهم

سألت هنا الناس قالت تجيب كولر وهتتحل المشكله , جبت الكولر , وبرضو نفس الكلام , الجهاز حرارته عاليه جداً جداً جداً ! حتى في وضع الخمول الحراره بتبقى من 60 - 65 , وده طبعاً مش طبيعي على لاب i7 المهم سألت , ناس تقولي لالا عادي وناس تقولي لآ عالي جداً وبتاع , المهم وصلت للآخر إني دورت وسألت ناس كتير على اللابات اللي مش بتسخن بدرجه الديل , وكان رد معظم الناس أجمعوا على 2

اللينوفو والآسوس , دول التبريد فيهم كويس وكده

اخدت اللاب الديل بعد معاناه 7 أيام من الآسئله وعمل المواضيع وبعد ما جبت جاز بمعنى اصح , روحت جبت اللينوفو بدل الديل , ومشكله الحراره إختفت نهائي , حتى لما الحراره بتطلع 75 و 80 في التطبيقات العاليه الجهاز مش بيسخن زي الديل خالص خالص ! مواصفات اللينوفو بئا ملحوظه ( انا لما جبت اللاب الديل ده كان علشان انا شايف الناس كلها معاها ديل وشركه عالميه ومشهوره جداً وهكذا ) وأدي النتيجه المهم ده اللينوفو خد فكره عنه ومش هتندم لو إشتريته

Lenovo IDEAPAD-Z570



I5-2450 (2.5GHZ.3M CASH ده البروسيسور

رامات 6 جيجا

هارد 500 جيجا

الشاشه 15.6

كارت الفيجا NIVIDIA 630M 2GB UP TO 6GB

وباقي الحجات موجوده مع وجود ويندوز سفن هوم بريميوم كمان , في الديل ماكنش معاه ويندوز 7

ديه تجربتي مع الـ 2

ونصيحتي ليك إنك تبعد عن الديل أو لو إنت مش من مصر يبقى مفيش مشكله , على كلام بعض الناس بتقول المستوردين في مصر بيجيبوا الحاجه التعبانه بس ما علينا خليك في الآسوس او اللينوفو وكمان لو تجيب زي اللي قولتلك عليه ده تبقى ريحت دماغك

سلامي ختامي :ah7:

[mohamed eladawy]

متشكرررررر جدا:ah7::ah7::ah7: هو الجهاز امكانياته بسم الله ما شاء الله جامدة جدا بس بالنسبة للماركة فى ناس يامة قالتلى ان لينوفو :ah8:حساس وانا استعمالى ليه هيبقى كتييير ونصحونى بالتوشيبا لانه بيستحمل وكويس

[Mubarak]

المفروض تحدد احتياجاتك من هذا الجهاز المحمول

[tamer83]

بس يا محمد الديل مشاكلة كتير جدا جدا بس مش التوشيبا والديل هما اعلى حاجتين فى السوق الابل والسونى هما اعلى ماركتين فى السوق فنبعد عن الابل علشان اسعارهم الخيالية والسونى بردة غالى حبتين بس يعتبر فى سعر التوشيبا او اعلى ب 200 جنية بس ادائة قوى جدا جدا ولا هتشوفلى اى نوع من انواع السخونية غير ان خاماتة نضيفة جدا ومع احترامى للناس بس لا وجة مقارنة بين اى موديل والسونى فا انا بنصحك عن تجربة
وربنا يوفقك

[mohamed eladawy]

المفروض تحدد احتياجاتك من هذا الجهاز المحمول
مشكور على مرورك يا استاذ مبارك وانا احتياجاتى من الجهاز فى الفوتوشوب وبرامج الجرافيكس دة الاساس وطبعا ممكن شوية لعب للتسالى ياعنى اهم حاجة الفيجا تكون كويسة ومش بيسخن جاااااامد

[mohamed eladawy]

بس يا محمد الديل مشاكلة كتير جدا جدا بس مش التوشيبا والديل هما اعلى حاجتين فى السوق الابل والسونى هما اعلى ماركتين فى السوق فنبعد عن الابل علشان اسعارهم الخيالية والسونى بردة غالى حبتين بس يعتبر فى سعر التوشيبا او اعلى ب 200 جنية بس ادائة قوى جدا جدا ولا هتشوفلى اى نوع من انواع السخونية غير ان خاماتة نضيفة جدا ومع احترامى للناس بس لا وجة مقارنة بين اى موديل والسونى فا انا بنصحك عن تجربة
وربنا يوفقك
مشكووور جدا يا تامر انا عارف طبعا ان الابل والسونى هما الافضل ولكن انا ذكرت التوشيبا والديل على اساس الميزانية اللى معايا فأنت تعلم ان الابل والسونى اسعارهم عالية فأنا قولت ابعد عنهم وخلينى فى التوشيبا خصوصا ان كل اللى جربوه من اصدقائى بيقولو عنه كلام حلو

[mohamed eladawy]

يا جماعة فى جهاز عجبنى اوى عايز رأيكم فيه وعايز اعرف هل هو موجود حاليا فى السوق ولا لأ (للعلم انا من الاسكندرية )
وهو toshiba satellite l755-s9531 ودة اللينك بتاعه https://egyptlaptop.com/-toshiba-satelite-l755-s9531.html
يا جماعة بالله عليكو لو فى حد يعرف نوع توشيبا مواصفاته كويسة وفى حدود 4000-4500 ياريت مايبخلش عليا باسمه