استفسااار مهم خاص بالجهاز بتاعى سنوى فايو

[rehab mohsen]

السلام عليكم ورحمة الله وبركاتة

انا كنت عايزه استفسر اعلى درجة حرارة للجهاز ممكن توصلة وتكون مضرة للجهاز بتاعى ... الجهاز نوعة vpceh26ea
لان انا لما العب علية بتوصل درجتة ل 80 درجة لما اطول فى اللعب ..... والجهاز فى الوضع العادى درجة حرارتة من 45 ل50 فا لو سمتحو هل الجهاز فى مشكلة فى الحراره ؟؟؟ ولازم استخدم كولر ولا ده عااادى ؟؟؟؟ وشكرا مقدما :) :) :)

[tamer83]

لا دا عادى انتى الى معاكى i3 ودرجة حرارة البروسيسور على موقع انتل بتوصل ل 95 درجة وهتلاقى الجهاز بيطلع سخونية من الجنب لما بتلعبى علية علشان التهوية لكارت الشاشة وحاولى لما تيجى تلعبى متحطهوش على رجلك علشان جلدك ولا الهدوم ماصص للحرارة بالعكس بيزودو حرارتة
ولو فية اى استفسار تانى ابقى ابعتيلى رسالة وانا هجاوبك

[Michael Youssef]

الاب توب مش زي الديسك توب ، درجة الحرارة 80 دي عالية جدا.

[rehab mohsen]

حضرتك متأكد .....؟؟؟ :( طيب اتصرف ازاى لان برده قالوللى عااادى درجة الحراره دى طبيعية خصوصا لما العب العالب عاية زى هااارى بوتر وبيس 2012 ....... اية التصرف السليم ؟؟؟؟ وازاى اخلى درجة الحراره فى الوضع الغير مضر للجهاز

[tamer83]

بالنسبة للاخ مايكل مين الى قالك ان درجةو 80 دية عالية جدا انتا اشتغلت على سونى قبل كدا او مثلا على ديل او على اى لاب توب ولا هو اى كلام يا رحاب درجة 80 دية عادية جدا جدا جدا لما تشغلى العاب انا معايا ابل ماك بوك برو بيوصل ل 95 درجة لما بلعب علية فمتخافيش ومتسمعيش لاى حد

[Temsu]

السلام عليكم ورحمة الله وبركاته

عندي لاب توب Packard Bell ENote tj-75 بمعالج Core i5 430m .. بعد سنة ونصف من عمر الجهاز صار حرارة المعالج وقت اللعب لفترة طويلة تصل غالبا إلى 100 مئوية والجهاز شغال ولا كأنه شيء.

تم عملي ذلك في غفة درجة حرارته 38 درجة مئوية.

[rehab mohsen]

بالنسبة للاخ مايكل مين الى قالك ان درجةو 80 دية عالية جدا انتا اشتغلت على سونى قبل كدا او مثلا على ديل او على اى لاب توب ولا هو اى كلام يا رحاب درجة 80 دية عادية جدا جدا جدا لما تشغلى العاب انا معايا ابل ماك بوك برو بيوصل ل 95 درجة لما بلعب علية فمتخافيش ومتسمعيش لاى حد


انا بشكر حضرتك جدا على الرد والاهتمام :) وانت بجد طمنتنى ميرسى ليك اوووى :)

[tamer83]

تحت امرك يا رحاب انا كان معايا سونى I5 فحافظة لو عايزة فية اى حاجة او وجهتك اى مشكلة ابعتيلى رسالة وانا موجدود

[tamer83]

بس انتا قدامك حلين الاول ان الجهاز بقى جواة تراب كتير ومحتاج تنضيف لئما نفس القصة انك بتحطة على هدومك او على رجلك جرب انك تلعب علية مثلا وهو على زجاج شوف الحرارة هتبقى كام لو لقيتها عالية يبقى انتا محتاج صيانة للجهاز ربنا يوفقك

[Michael Youssef]

بالنسبة للاخ مايكل مين الى قالك ان درجةو 80 دية عالية جدا انتا اشتغلت على سونى قبل كدا او مثلا على ديل او على اى لاب توب ولا هو اى كلام يا رحاب درجة 80 دية عادية جدا جدا جدا لما تشغلى العاب انا معايا ابل ماك بوك برو بيوصل ل 95 درجة لما بلعب علية فمتخافيش ومتسمعيش لاى حد

الموضوع كله هيبقي خطر لو الجهاز شغال فترات طويلة ، يعني انا مثلا الديسك توب بتاعي شغال بقاله شهرين متواصل لغاية دلوقتي. لو انت ناوي تسيبي اللاب توب شغال فترة طويلة كدا درجات الحرارة دي لازم تقل.
و شكرا علي كلامك بس انا مش اي حد عموما :)