شراء جزء من الجهاز لشراء الباقي من بلد اخري اللي اسكن فيها

[mtya2003]

السلام عليكم انا كنت عايز احكي موضوع قبل ما املاء الاستمارة ..انا عايش في قطر ,,عايز اجمع جهاز للالعاب فقط ..وهنا لا يوجد كروت شاشة قوية .. لازم فكرت اجيب مكونات من مصر واشحنها لقطر ... بس الوزن يكون في حدود 2 كيلو ملحوظة مهمة اقوي كيسة هنا هي جيجا بيت فيها بور 450 وت لذا اريد شراء جهاز في حدود 450 وت

- أقصى ميزانية محددة: 450 وت !!
- استخدامك للجهاز: للالعاب فقط
- حجم الشاشة و الدقة (Resolution) التي تستخدمها: هاتكون 32 بوصة علي الاقل Full HD
- القطع التي تنوي شراءها: من مصر (كارت شاشة - بروسيسور - مازر بورد ) من قطر ( باقي المكونات )
- القطع التي ستعيد استخدامها من الجهاز القديم: لا يوجد
- ميعاد شراء الجهاز:اليوم
- مكان الشراء:القاهرة
- محل سكنك: قطر

[AMDINTEL]

أنا أيضا مثلك تمام مقيم في قطر و بحثت هناك على القطع فلم أجد ما يرضيني فالسوق هناك تعبان من ناحية الهارد وير والاسعار مبالغ فيها والهنود مسيطرين على سوق الكمبيوتر !
نصيحة لا تجيب باقي القطع من هناك بل جيب كل شيء من هنا وريح راسك !
حتتعب علشان تلاقي باور محترم هناك وبسعر جيد وكذلك بالنسبة للكيسة والرامات طبعا الرامات العالية مش العادية لذلك أنصحك تكمل الجهاز و تشتري الباور والكيسة والرامات أيضا من هنا اما الماوس والكيبورد مش مشكلة حتلاقيهم هناك :D.
بس يا ريت تحدد الميزانية علشان نرشحلك القطع المناسبة . فلم أفهم ما هي أقصى ميزانية محددة 450 وات :) إذا كنت تقصد الباور فأنا شغال هناك على باور 700 عادي خالص من دون مشاكل فلماذا ال 450 وات بالتحديد ؟

[I-IEMA]

انتوا بتتكلموا على دولة قطر اللى فى المجرة عندنا ولا دى قطر تانية :p ؟

قطر من اغنى 3 دول عربية ، و من اعلى 15 دولة فى مستوى المعيشة للفرد

امال الناس بتصرف فلوسها فى ايه بقى طالما مفيش منتجات :D

[Red Fire]

اهلا بك اخى الكريم .... وشكرا على التزامك بالقوانين

اليك هذا الاقتراح
Intel® Core™ i5-2400 3.1GHz Processor ... 1130 LE
ASRock H61iCafe Socket 1155 Motherboard ... 460 LE
SAPPHIRE HD 7770 GHz Edition OC 1GB GDDR5 + 8GB USB Flash ... 840 LE
Total ... 2430 LE

اعتقد ان دى افضل تجميعة مناسبة للباور الخاص بك .... ولكن للاسف الكارت المذكور لن يعطيك اداء مثالى مع حجم شاشتك
لذلك يفضل انك تشترى الباور من مصر ويكون باور (500 watt) على الاقل
وفى الحالة دى ممكن تشترى الباور و الكارت دول
SAPPHIRE HD 7850 OC 2GB GDDR5 + 8GB USB Flash ... 1475 LE
HEC (Gamma) 500w PSU ... 320 LE


القطع كلها متوافرة فى سوق العصر
فى محلات Maximum Hardware ولمعلومات اكتر اضغط هنا (https://www.********.com/store.php?storeid=157)
او محلات High End ولمعلومات اكتر اضغط هنا (https://www.********.com/store.php?storeid=160)

[AMDINTEL]

انتوا بتتكلموا على دولة قطر اللى فى المجرة عندنا ولا دى قطر تانية :p ؟

قطر من اغنى 3 دول عربية ، و من اعلى 15 دولة فى مستوى المعيشة للفرد

امال الناس بتصرف فلوسها فى ايه بقى طالما مفيش منتجات :D
ببساطة بيشتروا بالفيزا والماستر كارد عن طريق النت كل اللي نفسهم فيه بما فيها قطع الكمبيوتر العالية والشحن شغال 24 ساعة فمفيش مشكلة لكن هي المشكلة الوحيدة الحقيقية في المنتجات تتركز في موضوع الهاردوير بتاع الكمبيوتر السوق هناك لسة محتاج تطوير في هذا المجال أما باقي المجالات كل شيء متوفر وعال العال ومريح واخر حلاوة:D...فعندك مثلا كروت الشاشة العالية والمتوسطة أسعارها مبالغ فيها كثيرا ونادرة ولا تتوافر الا في بعض المحلات القليلة للغاية و البركة في إخوانا الهنود مع كامل الإحترام هم المسيطرين على هذه السوق وبيجيبوا الحاجة الرخيصة فقط ولو جابوا حاجة عالية بيجيبوها متأخرين وبيضاعفوا ثمنها مثل كروت الشاشة مثلا ! لدرجة أن معالجات AMD هناك الهنود لا يعترفوا بها ونادرة وشحيحة منذ سنوات كله أنتل من أيام البانتيوم 3 !!!
السوق هناك متعطش لقطع الكمبيوتر الحديثة والعالية والجيوب ملئ لذا كنت بفكر أعمل مشروع وافتح محل كمبيوتر وأجيب الحاجة العالية الي مش موجودة هناك وبأسعار معقولة :)

[khaled-nasr]

Intel® Core™ i5-2400 3.1GHz Processor ... 1130 LE
ASRock H61iCafe Socket 1155 Motherboard ... 460 LE
SAPPHIRE HD 7850 OC 2GB GDDR5 + 8GB USB Flash ... 1475 LE

لكن متي قمت بشراء المزود اخي الكريم و يمكنك شراء القطع من امازون و شحنها اليك

[mtya2003]

السلام عليكم شكرا علي ردودكم ...اولا مشكلتي اني هاشتري كيسة من هنا وده البور سبلاي بتاعها 450 وت يعني انا خصبا عني هاكون الجهاز علي القدرة ده مش اقدر اجيب من مصر بور علشان الشحن انا مسموح ليا 2 كجم بس ....اعمل ايه ؟؟؟ اقوللي علي حل علشان انا مجنن من غير جهاز ديسك توب ..انا معايا لاب بس مش نفس المتعة الجهاز اعمل ايه

[AMDINTEL]

السلام عليكم شكرا علي ردودكم ...اولا مشكلتي اني هاشتري كيسة من هنا وده البور سبلاي بتاعها 450 وت يعني انا خصبا عني هاكون الجهاز علي القدرة ده مش اقدر اجيب من مصر بور علشان الشحن انا مسموح ليا 2 كجم بس ....اعمل ايه ؟؟؟ اقوللي علي حل علشان انا مجنن من غير جهاز ديسك توب ..انا معايا لاب بس مش نفس المتعة الجهاز اعمل ايه
طيب اللي اعرفوا ان المسافر على اي شركة طيران بيبقى معاه وزن 40 كيلو او اكتر يا ريت توضح هذه النقطة لأن 2 كيلو قليل جدا يمكن تقصد الشحن المنفصل اللي بفلوس...لكن انا إشتريت جهازي كامل من مصر وفككت الكيسة وكل حاجة وحطيتها في الحقيبة حقيبة السفر العادية وحطيتها في الوزن عادي جدا وكل المكونات ووصلت دون أضرار او كسور !