استفسار بخصوص الـ CEH وياريت المهندس عادل شبل يدخل شوي :D

[HAZEM321]

السلام عليكم ورحمة الله وبركاته

كيفكم يا جماعة باركولي خلصت الثانوية
وصار وقت حدد مستقبلي

امممم انا بحب مجالات الحماية والهاكر وهيك
وحبيت اتعلم الـ CEH

المهم استفساري
شو اسم التخصصات الي اجباري اتعلمها
مابدي اسم الشهادة انا محتاج اسم التخصصات بالترتيب مشان اتعلمهم بالجامعه :mad:
يعني انا شو الطريق الي امشي عليه مشان اوصل للـ CEH

اخوكم حازم من سوريا :D

[عادل شبل]

وعليكم السلام ورحمة الله وبركاته
أولا عشان تدخل المجال ده لازم يكون عندك خبره بمجال ال IT والشبكات تحديدا يعنى على الاقل تكون دارس CCNA + Linux essentials +microsoft servers ومش شرط ميكروسوفت المهم تكون عارف يعنى ايه DNS او DHCP او غيرها من السرفرات المهم دى القاعده اللى تدخل بيها المجال ده_ وبعد كده انت هتحدد المسار اللى هتمشى فيه يا اما:
1-الحمايه
يبقى حضرتك هتدرس بعد كده CCNA Security ثم CCNP Security ثم CISSP
2-الهاك
وهنا هتدرس شهادات متخصصه فى الاختراق وتفاصيله مثل CEH ثم ECSA أو GPEN وغيرها من الشهادات فى هذا التخصص
لكن يبقى السؤال يا ترى ندرس شهادات الحمايه ولا شهادات الاختراق؟
قبل المناقشه لازم نعرف ان شهادات الحمايه قد تتعرض للحديث عن الهاك والاختراق لكن بدون خوض فى التفاصيل او طريقة تنفيذ الاختراق _ يعنى لو هيتكلم عن ال DoS attack هيقولك ان ده هجوم بيحاول يوقع السيستم وخلاص كده لكن بيركز على طرق الحمايه منه وتفاصيل تنفيذها
كذلك فى الجانب الاخر شهادات الهاك لا تتحدث عن الوسائل الدفاعيه الا فى احيان قليله جدا زى ما يتكلم عن snort وغيره لكن تركيزه اكتر على الهجمات وطرق تنفيذها لكن مش بيعرفك ازاى تظبط firewall او IDS او الكلام ده هو فقط بيقولك لو عاوز تحمى نفسك من الهجوم ده استخدم HIPS او NIPS
وهنا تأتى الاجابه على السؤال انه علينا ان نبدأ بشهادات الحمايه لسبب واحد وهو ان مفيش شركه محتاجه هاكر مش قادر يحميها لكن قادر يخرب بس
تفتكر انا لو صاحب شركه هاعمل ايه بقدراتك الاختراقيه وانت مش عارف تعمل اعدادات للفايروول او تراقب السيستم او غيره من المهام المفروضه عليك كمهندس أمن المعلومات الا اذا كنت طبعا شغال فى مكان وانت متخصص فقط فى ال pen testing
ولكن طبعا انا عارف انك عاوز تتعرف على الهاكنج كهوايه قبل ما تكون للشغل او غير الشغل وعشان كده بقول انه افضل مسار فى دراسة هذا المجال هو الخلط بطريقه معينه كالاتى
بعد دراستك للدوره التمهيديه اللى هى CCNA + Linux essentials هتدرس الاتى
CCNA Security
ثم
CEH
ثم
CCNP Security
ثم
CISSP
ولو عاوز تكمل يبقى تعود للتعمق فى شهادات الهاك وتكمل فيها زى ECSA/LPT وغيرها لحد ما توصل لشهادة الماستر لو لسه فيك جهد
بس حاول تخلى دراستك فى نطاق شهادات ونطاق دراسه عشان تفهم انت بتعمل ايه و ايه اللى بتنفذه وكفايانا كلمة من الشرق على كلمه من الغرب _ كل الموجود فى منتديات الاختراق والهاك موجود اكتر منه الف مره فى الكتب _ بس فين اللى يدرس؟
وكمان مش عاوزك تتعشم فى شهادة CEH وتكبرها اكبر من اللازم دى مجرد بوابة دخول للمجال زى بالظبط CCNA وبرده ما تتهاونش فيها لأنها مش سهله وفى نفس الوقت مش صعبه _ يعنى بلاش تحسسنى انها أملك ولا تتهاون بيها زى ما بشوف وبسمع انه ناس بتشرحها فى أسبوع ولا اقل كمان ومش عارف ازاى بيعمل كده انا شخصيا الطالب بيطلع عينى وبنقعد ندرس فيها اكتر من شهرين
عموما خلص بس الكورس التمهيدى الأول وبعد كده ربنا ييسر

[HAZEM321]

اخي شكرا لك ع الرد الرائع جدا يابش مهندس <3 + اسف ع التأخير :)

بس عندي كم استفسار انا مقيم بالسعودية وكم شهر مسافر ماليزيا

اول سنه رح تكون انجليزي
بعدها ادخل تخصص CCNA
بعدها Linux essentials
بعدها CCNA Security
بعدها CEH
بعدها CCNP Security
بعدها CISSP

===========
لو سمحت عندي كم استفسار بس :$
ترتيب التخصصات هاذي مزبوطة كده يعني حصير زيك كده بشمهندس كبير ؟ :D
هو كل تخصص كم سنه ممكن ياخد مني ؟
هل تعرف جامعات في ماليزيا توجد فيها التخصصات التالية ؟؟
هل ممكن بعد ما اخلص هاد كلو القي شغل كويس ولا رح اقعد بالبيت (بالسعوديه ) ؟؟


اسف تعبتك معي :ah42:

[عادل شبل]

كلهم يخلصوا فى سنه واحده أو سنه ونصف بالكتير لو درست بجد

ومن ناحية الشغل المجال ده مطلوب جدا وبالذات فى السعوديه وعموما الارزاق على الله واحنا بنعمل اللى علينا

[HAZEM321]

طيب مهندس عادل اممم ازعجتك بس استفسار اخير

ممكن تفيديني في اسم جامعه تدرس هذه التخصصات في ماليزيا ؟؟

[sincere]

الجامعه الحكوميه الاولي في ماليزيا https://www.um.edu.my/
الجامعه الاسلاميه https://www.iium.edu.my (https://www.iium.edu.my/)
جامعه خاصه https://www.ucti.edu.my (https://www.ucti.edu.my/)
وممكن تدور علي النت حتلاقي كتير :)

[Ali-Tooq]

الجامعه الحكوميه الاولي في ماليزيا https://www.um.edu.my/
الجامعه الاسلاميه https://www.iium.edu.my (https://www.iium.edu.my/)
جامعه خاصه https://www.ucti.edu.my (https://www.ucti.edu.my/)
وممكن تدور علي النت حتلاقي كتير :)



الجامعه الموضحه باللون الأحمر هي جامعه خاصه .. كانت جيده .. ولكنها الأن سيئه جداً .. ليس لديهم كادر تعليمي ...
يمكنك البحث عن جامعه اسمها UPM او جامعة التكنلوجيا .. الأفضل في مجال الحاسب الألي .
اما الجامعات الخااصه .. فأنصحك بجامعة Monash .