العضو Saravano حرامي ونصاب أحذر الناس من التعامل معاه وأرجو أن يتم ايقاف عضويته

[Keko2005]

العضو Saravano حرامي ونصاب أحذر الناس من التعامل معاه نصب عليا في 2500 جنيه بمعنب أصح سرقهم
كان الاتفاق أني أبدل كاميرا تمنها 2500 جنيه ب iphone 4 وطبعا من خلال شركة شحن ولكن ما حدث أنه استغل أن بوليصة الشحن مكتوب فيها طرد مقابل طرد وقام باستلام الكاميرا وأرسل لي موبايل تمنه لا يتعدي 500 جنيه المهم أنه قبليها قعد يتكلم معايا وخد وهات وتقريبا بقينا اصحاب ويحسسك أنه أخوك ومجرد ما عمل عملته طبعا الموبايل مقفول (أكيد رمى الشريحة) ومسحني من ال friends أسلوب قذر وخسيس ومكنتش متوقعه بصراحة مش عارف ازاي ناس تقبل على نفسها الحرام ازاي
دي صور تثبت صحة كلامي ال فيها ال الاتفاق ال كان بينا ولو عاوزين حوار الياهو كمان معنديش مشاكل

https://img29.imageshack.us/img29/7232/34358819.png

https://img208.imageshack.us/img208/5290/44976449.png

[ahmed-hn]

الله المستعان

[hany_keko]

انا مش عارف يا اخى الناس دى بتقبل الحرام ازاى لا حول ولا قوة الا بالله دة شخص مريض لا يخاف الله وان شاء الله هيصرفهم على مرضو وربنا مبيسبش حق حد عاجلا او اجلا وانت اخى الكريم المفروض تاخد بالك ان العضو دة عضوية جديدة يعنى مش معروف على المنتدى وان شاء الله هيعوضك خير عنهم بس انت صلى الفجر وادعى ربنا يعوضك ويينتقم من الحرامى النصاب الى مبيتقيش ربنا وربنا يهدى الجميع

[SweetLorko]

ربنا يعوض عليك ...

[alpadr_as]

ادعى ربنا بقلب صافى انه يجبلك حقك وقول حسبى الله ونعمه الوكيل
وهتشوف ربنا هيعملك فى ايه .. حسبى الله ونعمه الوكيل فى كل من يأخذ شىء
بغير حق وكل سارق ونصاب .. الله ام ارنا فيهم أشد عذابك يا عظيم يا جبار

[kamelali5050]

كان فى تحذير من كام يوم على نفس الموضوع ده وانا كنت مقدم رد بيأكد كلام العضو لان نفس الشخص الى نصب عليك ده حاول النصب على وتأكد لكلامى هو من اسيوط وانا بأكد للاداره ان صاحب الموضوع صادق فى كلامه لكن انا مكانش عندى دليل على كلامى لانى كنت حريص فى التعامل مع النصاب ده واظن دلوقتى كلامى مغ كلام هذا العضو اكبر دليل

[Khalid Adel]

لا حول ولا قوة الا بالله :ah8:

[A Beautiful Mind]

معلش اخى العزيز وربنا يعوضك خير
وحسبنا الله ونعم الوكيل

واأوكد على كلام الاخ hany_keko على ضرورة الحذر من العضويات الجديده حتى تتأكد من أمانته
وباذن الله يتم إيقاف هذه العضويه

[jacope]

فعلا العضو ده باين عليه نصاب لانو عمل معايا الحوار بس علشان انا شكيت في انو نصاب من يومها لان كل شوية يقولي عندي كارت ايه ومش عارف ايه ولما لاقي اني مغلس عليه في حوار الاسعار والحاجات اللي معاه نفض علشان وده كانت رسالة ليه وانو كان عاوز يشتري مني هارد ويبدله بكارت شاشة وانا لسه باعت ليه رسالة ممكن يحس علي دمه مع اني مظنش بس اهو
https://img684.imageshack.us/img684/3104/wseqweqwcapture.jpg (https://imageshack.us/photo/my-images/684/wseqweqwcapture.jpg/) Uploaded with ImageShack.us (https://imageshack.us)

[bodey200]

حسبنا الله ونعم الوكيل

[evilmohaa]

استغر الله العظيم ... اين ال*****ه ده ان شاء الله يجيلو مرض خبيث ويصرفهم على الدكاتره واكتر كمان بأذن الله . لا تحزن اخى فان حسابه عن الله لقريب

[m_farouk_1984]

اعمل ليه بلاغ فى القسم لانك عارف عنوانه واسمه على الاقل اقرفه فى عيشته
لان قانونا مفيش حاجه تدينه لان التعامل تم بناء الثقه
ربنا ينتقم منه وكل نصاب زيه

[Keko2005]

أنتوا عارفين يا جماعة الموبايل ال هوا بعتهولي ده أنا مش هستلمه لأنه طالما هو حرامي يبقى أكيد الموبايل ده سرقه من حد وأنا مش عاوز أتحمل وزره هسيبه في المكتب وعوضنا على الله ويا رب يجيله مرض مزمن يفضل يعاني منه طول حياته ويفضل حاسس بالنقص ويحصلوا مصيبه في أهله تعرفوا ان الله حق أنا عاوزكوا تهروه رسايل من دي عشان يفوق لنفسه لأن السرقة ليست شطارة على الاطلاق :ah19: أنا ال زعلين عليه بصراحة الكاميرا وليس الفلوس ده أنا بعتهالوا كمان بشهادة الضمان ومكنش في بالي خالص أنو ممكن يطلع نصاب ده قالي أنوا في كلية هندسة :ah26:

[amrkadry]

لا حول و لا قوة الا بالله . الشخص ده نصب عليا في بيع لسيرال ل bf3 : https://arabhardware.net/forum/showthread.php?t=304333

اخد مني كود كروت الشحن و قفل !

مش هقول غير حسبي الله و نعم الوكيل فية !

[shreef sabry]

المدعو Saravano (https://arabhardware.net/forum/member.php?u=11276640) داخل المنتدي حاليا برجاء من الاداره تعقب الايبي الخاص بالجهاز

[Mr.rooteg]

الذين يشاهدون الموضوع الآن: 3 (3 من الأعضاء و 0 زائر)
Mr.rooteg (https://arabhardware.net/forum/member.php?u=11146682),
Saravano (https://arabhardware.net/forum/member.php?u=11276640),

SweetLorko (https://arabhardware.net/forum/member.php?u=11260614)




سبحان الله طيب ننتظر منك انك ترد علي الردود السابقة

[code_zad]

لا حولا والا قوة الا بالله العلى العظيم
ربنا يهدى
يا اخى saravano الصحة اغلى من اى مال والا جاه
يعنى انت لو تعبت وجالك مرض فلوس الدنيا دى متسواش
الصحه اللى هتحتاجها وانت فى شدة المرض
راجع ربنا كده وفكر وانت كده سرقت الراجل اللى أمن وباعتلك الحاجه زى ما اتفقتو
ممكن ربنا يوقعك فى عائق يخليك دماغك مدووشه بيها ككارثة مرض ابتلاء غضب من ربنا
وترجع وتقول يارتنى انا سرقت الشخص ده وده جزاتى فأنا ارجو من الله انا ترجع عن ماذا فعلت
وتفكر علشان لو مبسوط وانت سارق كده تأكد بنسبة 100% ان كارثه جيالك من الله
وده فى دنيتك او اخرتك ويوم لا ينفع فيه الندم
فياريت تراجع نفسك وتبعت حاجه الراجل تانى وهتبقى عملت الثواب
وربنا يهدى

ولو

[mmels]

الله يعوض عليك اخي

اتمني من الجميع الحرص بعد كده

يا جماعه ما انا حذرت من الموضوع ده قبل كده والمشرفين هنا حذفوا الموضوع اللي كان عامله الاخ اشرف المصري

كان عايز يبدل معي في بورده ومع الاخ اشرف كان عايز يبدل معاه في لابتوب ولكن الحمد لله ربنا ستر





العضو Saravano (https://arabhardware.net/forum/member.php?u=11276640)عايز يبدل معي في بورده تبعه وربنا يسهل ان شاء الله






لم يتم البدل لرفض العضو Saravano (https://arabhardware.net/forum/member.php?u=11276640) مقابلتي في القاهره لانه مشوار عليه وعنده امتحانات بالجامعه واصراره علي شحن بوردتي والفارق المادي ( الفلوس )له أولا https://arabhardware.net/forum/images/smilies/confused.gif

[alaa_hassan]

حسبي الله ونعم الوكيل
في
كل نصاب وحرامي
اللهم اضرب الظالمين بالظالمين واخرجنا منهم سالمين

[tamer83]

حسبى والله ونعم الوكيل باذن الله ربنا يذيقة بكل جنية هم فى الدنيا وعذاب فى الاخرة ونار جهنم لا يخرج منها ابدا وانت يا اخى مظلوم فادعى فان دعوة المظلوم مجابة
حسبى الله ونعم الوكيل على كل من استهان بنظرة الله الية وغدر بالناس ايما كانت ديانتة او جنسيتة

[verooo]

لا حولا والا قوة الا بالله فعلن
العضو ده فعلن حيوان واسف في اللفظ يا جماعه
ده كلمني عشان يبدل هاردو ب هارد انا كنت عارضو كله جيم تيرا ونص
واليكم ماتم على الخاص
-----------------------------------------------------
Saravano
تبدل بهارد 2 تيرا بلاك بدون فرق؟؟؟؟ لانى محتاج الالعاب دى
--------------------------------------------
انا
مفيش مشكله اخي
ممكن البدل
بس
ممكن معلومات عن هاردك
سرعه مواصفات ضمان؟
وهل في بادات او ما شابه
وكم فترة الأستخدام
وتقبل تحياتي:)
وحضرتك من السعوديه؟
-------------------------------------
Saravano انا اصلا سعودى بس عايش بمصر وحالة الهارد زيرو للتخزين فقط والسرعة 64 ميجا كاش بس ده طبعا بلاك والضمان سارع مش فاكر فيه كام بالظبط بس انا شاريه من شهر 3 يعنى من شهرين
ومفهوش اى بادات وفترة الاستخدام مرتين تلاتة تخزين فقط ومركون
------------------------------------------
انا
اهلن وسهلا بحضرتك
طيب بص حضرتك تشرفني في حلوان عندي في البيت نجرب الهاردات لو في نصيب
ونعمل الواجب معاك :)

-----------------------------------


Saravano
والله كلك زوق وكرم بس المشكلة انى فى محافظة اسيوط واعتقد انها بعيدة عن حلوان لانى سألت صديق ليا قالى فى حدود 7 سعات
لو فى طريقة تانى ممكن نتمم بيها انا تحت امرك وعموما عندى هاردوير كتير لو عندك حاجات للبدل ممكن نتبادل
-------------------------------------
انا
شكرا ليك:)
عندك ايه هاردوير تاني
وبص ممكن تدي الهارد لي حد في القاهره تعرفه وانا اروح اخده واديلو الهارد بتاعي
وبلاش موضوع الشحن ده لنه في كذا حوار مش هينفع اشحن
------------------------------------
Saravano
عندى كارت شاشة وبوردة وبروسيسور ورامات
بس ممكن تقولى ايه مشكلة الشحن عشان اعرف لانى بتعامل بيه كتير وعاوز اعرف الضرر .........وكمان المشكلة انى معرفش حد فى القاهرة ابعتلو الهارد
---------------------------------
انا
ليا واحد اعرفه اتنصب عليه جاله الهارد بايظ وكان السبب الشحن:(
انا بكره الموضوع ده لأن الشركات في مصر مش بتنقل وتتاكد من البضاعه بلطريقه الصحيحه
انا اسف والله بجد مش مستعد اجازف والاقي الهارد بتاعي او بتاعك بايظ بسبب سوء النقل (بجبهلو بطريقه حلوه يعني)
--------------------------------------
Saravano لو على الهارد انا عارف هأمنو ازاى كويس لان اكيد الشركة ملهاش دخل بتأمين الطرد ولكن ممكن توضح اتنصب عليك ازاى للوقاية؟؟(ههه للوقايه يا وقح)
-------------------------------------
انا
شرحتلو الموضوع باختصار
وانا والله شكيت فيه اصلن
المهم هوا بقى يرد يقول ايه؟؟؟؟
-------------------------------------------
Saravano والله الحمد لله لحد دلوقتى محصلش حاجة من هذا القبيل ولكن ربنا يرحمنا من كل واحد يقبل على نفسو الحرام ويجازيهم ودعوة المظلوم مستجابة......ادعى عليه وحقك راجع بأذن الله
-----------------------------------------------
غير كل ده
بصو بيرد هنا على موضوع واحد نصب على واحد وبينصحه
https://arabhardware.net/forum/showthread.php?t=296477&page=2
---------------------------
وبكده انتها الموضوع
والحمدلله مانصبش عليا
انا بعرض الي حصل ده عشان تحرصو يا جماعا
اضمن حقك الأول وبلاش مجازفه
وانتو شايفين البر والتقوى طالع منو ازاي
معندوش ضمير والله انا مش عارف ازاي ده كده
ربنا يعوض على الي اتنصب عليهم من الحيوان ده
واسف على الأطاله
واسف لو في كلمه خرجت عن النص
غصب عني
وشكرا لأعضاء المنتدى الكرام

[محمديتش]

ربنا يعوض عليك يا اخي انا سبقتك واتنصب عليه بس في 600 جنيه بس :ah26:

بلاش حد يتعامل مع حد ميعرفوش الا لما تكون معرفه شخصيه

[HD-LEGEND]

بصراحه التبادل مع اي عضو المفروض لا يتم بالشحن واسف المفروض تشحن فقط لو هتجيب حاجه جديده من شركه زي هاي اند مثلا
اما البدل مع عضو ومش شرط عضويه جديده فغلط كبير .... وحصلت من حرامي برده كان معدي الف مشاركه وكان عضو برونزي وسرق كارت 6870 من احد الاعضاء في المنتدي
ربنا يعوض عليك اخي وينتقم من الحرامي النصاب ....

[Ahmed Elbrbry]

انصح كل واحد بيبيع او بيبدل او بيشترى انه يتحلى بالهدوء و الصبر
و لا يعطى الامان لاحد
و دائما يركز على طريقة التواصل هى المقابلة فقط اذا كان فى ضمان
و لو مفيش ضمان تتم التجربة عند الطرفين علشان يعرفو اماكن بعض
و يبتعد عن فكرة الشحن نهائى

[Goku]

لا اله الا الله.
المهم أخي صاحب الموضوع
اللي حصل حصل
ومحدش بيتعلم في الدنيا ببلاش
قول الحمد لله وممكن يكون ربنا شال عنك بلوه كبيرة بالظلم ده.
لذلك قول الحمد لله علي كل حال
ومتدعيش علي الظالم بمرض أو أذية لأنك لن تستفاد من هذا
بل
قل حسبنا الله ونعم الوكيل
وربنا بقي مسؤل يأخذلك حقك بالطريقة المناسبه التي يراها الله عز وجل
ومتنساش أهم حاجة
أن اللي بيظلم نفسه بالذنوب ده مشكلته بسيطة وربنا يسامحه لو تاب
أما اللي بظلم انسان أخر
ربنا مش هيسيبه غير لما المظلوم ياخذ حقه أو يرضي ويسامح الظالم
وان لم يكن في الدنيا فستأخذه يوم القيامة وهذا أفضل

لذلك أهم حاجة دلوقي مادام الحكايه دي خلاص حصلت
حط في دماغك أن مفيش حاجه في الدنيا تستاهل زعلك :)
بالتوفيق أخي الكريم :)

[أشرف المصري]

أنا عملت موضوع لتحذير الاعضاء من مبادلة اجهزتهم مع اشخاص لا يعرفونهم وذكرت في الموضوع مثل ما حدث معك لاحذر الاعضاء لكن ادارة المنتدى بدلا من ان يثبتوا الموضوع فترة ليحذر الاعضاء قاموا بحذف الموضوع

[أشرف المصري]

ده حوار مع نفس النصاب
النصاب Saravano

انا من اسيوط لو اتفقنا هتم ازاى؟ وكام مساحة الموبايل والمتعلقات اللى معاه ايه؟

أنا
الشاشة اربعة بوصة والمتعلقات الكارتونة بكل المتعلقات اللى فيها الاصلية من شاحن وسماعة وايضا معه جراب والشاشة عليها اسكرين بروتيكتور شوف حضرتك لو فيه امكانية ترسله مع احد اقاربك

النصاب Saravano
والله مليش حد فى القاهرة ولا اسكندرية بس انا لما بتعامل مع اعضاء المنتدى بنلجأ للشحن عشان نقصر المسافات شوف لو ينفع معاك نتعامل بالشحن انا جاهز فى اى وقت اظن اني كلمت حضرتك قبل كده

أنا
ماشي بس ياريت تشحن جهازك وتقولي اروح امتى استلمه واسلمهم جهازي بمتعلقاته بالفرق في السعر

النصاب Saravano
اكيد لو حضرتك كنت كلمتنى كنت هتعرف انى مقدرش ابعت الاول شان جاهزى متبرشم ولكن جاهز حضرتك مستعمل :)

أنا
اذا لن نستطيع اتمام المبادلة
واضح ان حضرتك تعرف الشركة بتاعة الشحن واتعاملت معهم فتقدر تخليهم يكشفوا على جهازي ويستخدموه ويكلموك قبل ما نبادل
اما انا فلم اتعامل معهم قبل ذلك وايضا لم اتعامل مع حضرتك

النصاب Saravano
يعنى حضرتك اقول للمندوب اقرا الكاتالوج وطبق؟؟ ولا حضرتك تقولو اتأكدلى ان الجهاز متبرشم فقط وكدة تبقى اتأكدت؟

أنا
لا قولوا يروح معي لاي محل موبايلات ونخليهم يكشفوا عليه او لو هو بيعرف في الاجهزة التاتش يستخدمه ويجربه ويفحصه كويس اما موضوع علبه متبرشمة فالله اعلم بما في داخلها ايضا

النصاب الساذج Saravano
يا باشا مفيش مندوب هيعمل ده كلو لانو مش صاحبى ولا قريبى لكن معتقدش ان الشركة هتطلع علبه متبرشمة فيها فلاشة 8 جيجا مثلا لان دى برشمة الشركة

أنا
مردتيش عليه بعدها

[MOUSSA_G4MER]

اي حد بيبعت موبايل يا كيكو عن طريق شركه شحن زي ميدل ايست لازم يسيب صورة بطاقته عند الشركه ف انت اتصل بالشركه وقولهم كان جايلي طرد والملحقات غير المتفق عليها وخ منهم بياناته ورقم بطاقته وروح اعمل محضر لزيز ويا سلام لو عندك حد يسندك هتجيبه من قفاه لحد عندك

[MOUSSA_G4MER]

كان فيه واحد بردو كلمني من اسيوط نمرته موبينيل باين و كان عايز يدخل ايبود بتاعي في هارد ssd 128 جيجا استغربت قولتله ابعت يا برنس الاول علشان الشركه مبتقبلش ارسال اي حاجه فيها مالتي ميديا وانا هستلم وهسلم مقفول علشان يبقى اجبرتهم انهم يستلمو قالي لا اشحن الاول قولتله كل سنه وانت طيب واشوف وشك بخير

[shaker_alz]

لا حول ولا قوة الا بالله