مصر - استفسار فى تجميعه كيسه للالعاب

[ahmed.mido]

السلام عليكم انا عندى جهاز و عاوز ابيعه و اجيب واحد حديث للالعاب و امكانيات الجهاز القديم كالتالى

Processor Intel Pentium 4 3.20GHz + ram Kingston 2048 DDR3 + board G41M-Combo + كيسه تجاريه

كنت عاوز اعرف سعر بيع الجهاز هيكون كام عشان اعرف اتكلم مع صاحب المحل
بالنسبه للجهاز الل هشتريه


- أقصى ميزانية محددة: 1500 بالاضافه لسعر بيع الجهاز القديم
- استخدامك للجهاز: الالعاب
- حجم الشاشة و الدقة (Resolution) التي تستخدمها: Samsung Syncmaster B1930N 1360 x 768
- القطع التي تنوي شراءها: بورده + بروسيسور + كارت شاشه + كيسه جيده التهويه
- القطع التي ستعيد استخدامها من الجهاز القديم:الهارد
- ميعاد شراء الجهاز: عند تحديد القطع
- مكان الشراء: سوق العصر ا السخاوى
- محل سكنك: القاهره

[Red Fire]

اهلا بك اخى الكريم .... وشكرا على التزامك بالقوانين

مش عندى فكره عن اسعار القطع اللى انت عارضها للبيع ... بس لو تقدر توصل بالميزانية لحدود الـ 2250 جنيه
اليك هذا الاقتراح
Intel® Core™ i3-2120 3.30GHz Processor ... 705 LE
ASRock H61M-DGS Socket 1155 Motherboard ... 290 LE
Kingston 2GB DDR3 1333MHz CL9 ... 75 LE
SAPPHIRE HD 7770 GHz Edition OC 1GB GDDR5 ... 830 LE
Cooler Master Elite 371 case + 400w PSU ... 350 LE
Total ... 2250 LE

وبلاش تبيع الرامة خليها ... وزود عليها القطعة اللى ذكرتها ليك فى التجميعة
وبالنسبة لسؤال عن سعر القطع ممكن تسأل عنها فى المنتدى دا
https://arabhardware.net/forum/forumdisplay.php?f=46


القطع كلها متوافرة فى سوق العصر
فى محلات Maximum Hardware ولمعلومات اكتر اضغط هنا (https://www.********.com/store.php?storeid=157)
او محلات High End ولمعلومات اكتر اضغط هنا (https://www.********.com/store.php?storeid=160)

[ahmed.mido]

اولا شكرا على ردك
ثانيا بالنسبه للبروسيسور هلAMD FX-4100 3.6GHz Quad Core 12MB اقوى من i3 لانه كاش 12 اما i3 كاش 3 بس و فرق السعر مش كبير بينهم
و بالنسه للتجميعه دى هل تقدر تشغل الالعاب على اعلى اعدادات زى pes12& nfs shift
معلش طولت عليك بس سوال اخير هو انا لو خدت الكيسه بتاعتى هيلا بيلا وطلعت على Maximum Hardware او High End ناديهم الكيسه و اخد اللى عاوز و ياخدو الفرق و لا ابيعها بره قبل ما اروح
اه نسيت اديك لينك البروسيسور
https://www.********.com/product.php?id=12390

[Red Fire]

عفوا اخى الكريم
بالنسبة لسؤالك عن المعالج .. الكاش مش هوا المعيار اللى بيتحكم بيه على اداء المعالج .... فالاهم هنا هوا المعمارية
المعالج الـ I3 اقوى من الـ FX 4100 فى الالعاب
والـ FX 4100 ممكن يتفوق على الـ I3 فى بعض التطبيقات اللى بتستغل الاربع الانوية زى برامج الجرافيك مثلا
والفكرة هنا ان المعالج I3 يأتى بنواتين حقيقتين ونواتين وهميتن
فى حين ان الـ FX 4100 بيجى باربع انوية حقيقية
وقوة المعالج FX 4100 مش بتظهرغير بعد كسر السرعة ... ودا على عكس الـ I3
لكن فى المجمل الـ I3 هوا الافضل فى الاداء وكمان فى المستقبل عشان التحديث

والتجميعة قادرة انها تشغل كل الالعاب تقريبا باعلى الاعدادات على الشاشة بتاعتك وهتديك اداء ممتاز جدا

واخيرا بالنسبة لنقطة بيع الكيسة ... فاعتقد ان Maximum Hardware مش بيشتروا مستعمل
فممكن انك تعرضها فى المنتدى اللى قلت لك عليه ... او تسئل عليهم فى مول البستان وهناك اعتقد فيه محلات بتشترى مستعمل

[ahmed.mido]

الف شكر يا باشا على التوضيح و اسف على التاخير عشان كان عندى امتحانات و لسه مخلص النهاره و باذن الله هجيب التجميعه دى على اول الشهر الجاى