سؤال هام عن بطارية اللاب توب !

[ahmed601]

سؤال هام عن موضوع بطارية اللاب توب !
اجد بعض الناس عند استخدام اللاب توب بالكهرباء فقط يقومون بفصل البطارية من الجهاز !
سالة مره واحد ما السبب فى عمل ذلك قال لى علشان احافظ على بطارية الجهاز علشان ميفضلش يشحن على طول ؟
و سالة مهندس الكترونات قالى اى لاب توب اصلا فية دائرة الكترونية بمجرد ما تكون البطارية 100 % بيقوم بفصل الشحن عن البطاارية اتوماتيك !
و قلتلة طيب فيها اى خطورة على الجهاز لو فصلة البطارية ووصلتة بالشاحن فقط ؟
قالى ان اللاب توب غير مصمم للاستخدام فى الكهرباء مباشرة بدون البطارية بسبب لو الكهرباء فصلة على الجهاز من الممكن ان يتلف الهرد ديسك او يتلف قطع الجهاز لانه غير مصمم مثل جهاز ال PC العادى !
فما رايكم فى هذا الكلام ؟

[Dr.Just]

السلام عليكم.......بالنسبة لموضوع فصل البطاربة للحفاظ عليها في اللاب الحديث لم يعد له أهمية فعلا أما بالنسبة لباقي الكلام لفقد سمعته في أكثر من موقع على أساس أن البطارية تعمل كخط دفاع ثاني بعد الشاحن من إرتفاع التيار الكهربائي أو انقطاعه.

[tamer83]

بص يا احمد انا مهندس اتصالات والى قلهولك المهندس صاحبك دا لا ساس لية من الصحة اولا لو الاب البطارية منفصلة فمبيكنش جواة دايرة الفصل الى هو قالك عليها الدايرة الى بتبقى جواة حاجة شبيها بمستشعر ان البطارية اتملت فبيديلك انديكيشن انها كدا اتشحنت
ثانيا الشاحن بيطلع تيار ثابت مش متردد يعنى هو بياخد ال 220 فولت من الكهرباء ويديك 12 فولت وتيار حوالى 4500 ميلى امبير بقوت تشغيل 50 وات وطبعا بتختلف من لاب للاب بس دا المتوسط فالكهرباء عليت الكهرباء وطيت انتا مش قصتك الى ممكن يحصل ان الشاحن الى يبوز ومش هيعدى اى فولت للاب
بس مش هنختلف ان الكهرباء لو فصلت ان حاجة تتحرق وهل السبب فصل الكهرباء مثلا كام مرة النور قطع والتلفزيون شغال او الدش او الكمبيوتر والنور جية هل الجهاز باظ لا هو الى ممكن يحصل ان برنامج التشغيل وليكن الويندوز مسجلش الى انتا كنت بتعملة فبيعمل زى عملية خلل وتحس ان الجهاز فية حاجة غلط

الاهم بقا علشان تحافظ على البطارية بس يا باشا فية كذا نوع بطاريات فية اليثيوم ودا اعلى نوع بيحافظ على الشحن وهتلاقية عمتا الى منتشر وفية نيكل كاديوم وفية نيكل ميتالهايد
و اليثيوم ينقسم فى الاب لنوعين من البطاريات
بطاريات 6 cell وبطاريات 9 cell طبعا ال 9 هيا الاعلى من حيث فترة التشغيل والعمر الافتراضى وهتلاقيها فى الابل والسونى والفئات العالية من كل نوع زى
dell xps ,,,hp envy وهكذا
تحافظ ازاى بقا على البطارية انك تشحنها مرة كل اسبوعين بس متملهاش على الاخر تخليها لحد 80% بعد كدا اشتغل على الشاحن وبعد اسبوعين من شحنها تركبها فى الاب وتشتغل على البطارية ولما تفضى تشيلها وتريحها ساعتين بالظبط بعد كدا تشحنها لحد 80% وهكذا كدا هتعيش معاك اكبر وقت ممكن لية بقا انتا هتعمل كدا علشان تحافظ على الخلايا الداخلية نشطة
ربنا يوفقك ويباركلك فية

[ahmed601]

السلام عليكم.......بالنسبة لموضوع فصل البطاربة للحفاظ عليها في اللاب الحديث لم يعد له أهمية فعلا أما بالنسبة لباقي الكلام لفقد سمعته في أكثر من موقع على أساس أن البطارية تعمل كخط دفاع ثاني بعد الشاحن من إرتفاع التيار الكهربائي أو انقطاعه.

شكرا لك اخى و تقبل تحاتى

[ahmed601]

بص يا احمد انا مهندس اتصالات والى قلهولك المهندس صاحبك دا لا ساس لية من الصحة اولا لو الاب البطارية منفصلة فمبيكنش جواة دايرة الفصل الى هو قالك عليها الدايرة الى بتبقى جواة حاجة شبيها بمستشعر ان البطارية اتملت فبيديلك انديكيشن انها كدا اتشحنت
ثانيا الشاحن بيطلع تيار ثابت مش متردد يعنى هو بياخد ال 220 فولت من الكهرباء ويديك 12 فولت وتيار حوالى 4500 ميلى امبير بقوت تشغيل 50 وات وطبعا بتختلف من لاب للاب بس دا المتوسط فالكهرباء عليت الكهرباء وطيت انتا مش قصتك الى ممكن يحصل ان الشاحن الى يبوز ومش هيعدى اى فولت للاب
بس مش هنختلف ان الكهرباء لو فصلت ان حاجة تتحرق وهل السبب فصل الكهرباء مثلا كام مرة النور قطع والتلفزيون شغال او الدش او الكمبيوتر والنور جية هل الجهاز باظ لا هو الى ممكن يحصل ان برنامج التشغيل وليكن الويندوز مسجلش الى انتا كنت بتعملة فبيعمل زى عملية خلل وتحس ان الجهاز فية حاجة غلط

الاهم بقا علشان تحافظ على البطارية بس يا باشا فية كذا نوع بطاريات فية اليثيوم ودا اعلى نوع بيحافظ على الشحن وهتلاقية عمتا الى منتشر وفية نيكل كاديوم وفية نيكل ميتالهايد
و اليثيوم ينقسم فى الاب لنوعين من البطاريات
بطاريات 6 cell وبطاريات 9 cell طبعا ال 9 هيا الاعلى من حيث فترة التشغيل والعمر الافتراضى وهتلاقيها فى الابل والسونى والفئات العالية من كل نوع زى
dell xps ,,,hp envy وهكذا
تحافظ ازاى بقا على البطارية انك تشحنها مرة كل اسبوعين بس متملهاش على الاخر تخليها لحد 80% بعد كدا اشتغل على الشاحن وبعد اسبوعين من شحنها تركبها فى الاب وتشتغل على البطارية ولما تفضى تشيلها وتريحها ساعتين بالظبط بعد كدا تشحنها لحد 80% وهكذا كدا هتعيش معاك اكبر وقت ممكن لية بقا انتا هتعمل كدا علشان تحافظ على الخلايا الداخلية نشطة
ربنا يوفقك ويباركلك فية
شكرا لك اخى و تقبل تحياتى
بس انا عندى الكهرباء فى البيت غير مستقرة بتفصل و تيجى بسرعة و سعات بترعش خصوصا فى الصيف و جايب جهاز UPS للبى سى لانه باظ منى هردين قبل كده
هل لو شغلة اللاب توب من غير بطارية ميحصلش حاجة ؟

[tamer83]

لا كدا نختلف ان الكهرباء عندك مش ثابتة مش موضوع ان النور يقطع فالكهرباء تيجى عالية فجأة او واطية فجأة لا كدا يا باشا انا منصحكش انك تشغلة على الشاحن لان الشاحن هيبوز منك بسرعة جدا واحتمال الاب كمان
فشغل الاب على جهاز يطلع فولت ثابت 220 هو هيبقى متردد بردة بس لا هيعلى ولا هيقل لان كدا خطر جدا

[ahmed601]

لا كدا نختلف ان الكهرباء عندك مش ثابتة مش موضوع ان النور يقطع فالكهرباء تيجى عالية فجأة او واطية فجأة لا كدا يا باشا انا منصحكش انك تشغلة على الشاحن لان الشاحن هيبوز منك بسرعة جدا واحتمال الاب كمان
فشغل الاب على جهاز يطلع فولت ثابت 220 هو هيبقى متردد بردة بس لا هيعلى ولا هيقل لان كدا خطر جدا

طيب السؤال هنا
لو شغلة الاب توب بالشاحن فى الكهرباء و البطارية هل ده يحافظ على الاب توب ضد الرعشة فى الكهرباء ؟
ولا اشغلة على جهاز UPS علما انى عندى جهاز UPS ؟

[Dr.Just]

طيب السؤال هنا
لو شغلة الاب توب بالشاحن فى الكهرباء و البطارية هل ده يحافظ على الاب توب ضد الرعشة فى الكهرباء ؟
ولا اشغلة على جهاز UPS علما انى عندى جهاز UPS ؟
هذا يعتمد على نوعية الUPS فيه نوع لإمداد الطاقة فقط وفيه نوع لإمداد الطاقة و تثبيت التيار وفي موضوع عنهم في قسم كماليات الحاسب بيشرح أنواعهم.

[tamer83]

بص يا احمد انتا هتبقى محتاج انك تشترى من باب اللوق فى نص البلد ups واحد بيطلع تيار ثابت وفولت 220 متردد علشان الكهرباء ترعش تعلى توطى انتا تبقى فى الامان