فايروس حول الفولدرات الى فولدرات خاصة بالنظام

[m2018]

لو سمحت انا عندي هارد خارجي نقلت عليه ملفات من كمبيوتر شخص اخر واتفيرس لما فتحته برنامج الكاسبر مسح الفايروس بس المشكلة حاليا ان الفولدرات الموجودة فيه تحولت الى فولدرات تخص النظام مخفية ومحمية من الكتابة ولكن لم افقد شيئ ازاي ارجعهم فولددرات عادية مرة اخرى
شكرا

[m2018]

للرفع...........

[Ahmed.Elsayed]

أختر الملفات كلها ثم أضغط كليك يمين ثم أختر Properties ثم ألغى علامة الصح الموجودة بجانب Read Only و Hidden

[m2018]

مليش تحكم في ليهم

[Ahmed.Elsayed]

ما هو نظام التشغيل المستخدم ؟ ووضح إزاى مش قادر تتحكم فيهم ؟

[m2018]

Window 7 professional 32
يعني خيار اخفاء الملفات مطفي ممنوع من الضغط عليه واصلا الملفات بتختفي لو علمت على اخفاء ملفات النظام من خيارات المجلد

[Ahmed.Elsayed]

حضرتك المفروض الأول أنك تظهر الملفات المخفية ولو مش عارف إزاى هتلاقى الشرح هنا >>> https://www.sevenforums.com/tutorials/394-hidden-files-folders-show-hide.html

[m2018]

انا عارف ازاي الملفات بتظهر بس المشكلة اني لازم اظهر ملفات النظام المخفية مش الملفات المخفية العادية علشان تظهرلي الفولدرات بتاعتي وخيار تحويل الملف لمخفي او غير مخفي غير مسموح بيه مع الفولدرات دي
دي طريقة اظهار ملفات النظام اللي مبتظهرش لا بيها
https://i50.tinypic.com/20qelc.jpg

ودي الطريقة اللي بتظهرلي بيها خصائص الفولدرات اللي فيها المشكلة انا عارف ان مش ده الفولدر بس هو نفس الشكل
https://i47.tinypic.com/24eq0i0.jpg

[Ahmed.Elsayed]

حضرتك الفولدر اللى حضرتك عارض خصائصه فولدر نظامى خاص بال Recycle Bin ولا يمكن حذفه أو تغيير خصائصه إلا بعد تعديل الصلاحيات من التبويب Security

[m2018]

على فكرة انا كنت واضح ان ده مش فولدر من الفولدرات بس انا بوريك نفس الشكل اللي بيظهرلي وانا بقول من الاول ان الفولدرات اتحولت فولدرات نظام عايز ارجعها فولدرات عادية

[Ahmed.Elsayed]

وأنا وضحتلك إزاى ممكن تعدله!

[m2018]

خلاص واضح ان حضرتك معتقد ان احنا متخلفين ومستخدمناش كمبيوتر في حياتنا على العموم الف شكر
الرجاء اغلاق الموضوع

[أبو قصي]

خلاص واضح ان حضرتك معتقد ان احنا متخلفين ومستخدمناش كمبيوتر في حياتنا على العموم الف شكر
الرجاء اغلاق الموضوع

أرجو منك أخي العزيز التزام أدب الحديث فالأخ أحمد يسعى مشكوراً لحل مشكلتك

وأنتظر ردود باقي الأخوة.

[m2018]

وانا كدة قليت ادبي !!!!! مش عايز حاجة خلاص انا طالب الموضوع يتقفل شكرا للاخ احمد على محاولة المساعدة

[Ahmed.Elsayed]

حضرتك الكلام أخذ وعطا ولو هنقف على كل كلمة ونمسك فيها مش هنعرف نتعامل مع بعض خالص!

وللحصول على صلاحيات لتعديل المجلدات هتدخل على التبويب Security ثم Advanced ثم Change permissions ثم هتختار حسابك وتضغط على Edit ثم ضع علامة صح بجانب Full Control وأحفظ التعديل

ولو خدت بالك فأنا قايلك أنك المفروض تعدل الصلاحيات من التبويب Security فى رد سابق لكن أنت ما خدتش بالك ودخلت فى مواضيع كتيرة ملهاش دخل بالموضوع خالص على العموم شكراً لذوقك و الموضوع مغلق.