مشاهدة النسخة كاملة : الاهتمام رجاءً بخصوص حجم الالعاب اليومين دول ؟
whiteheartwael
21-07-2012, 02:28
السلام عليكم ورحمة الله
رمضان كريم
عفواً لقد وضعت الموضوع بقسم الالعاب ورغم المشاهدات الكثيرة لم يرد أحد لذا وضعته هنا واعتزر عن هذا
مباشرة استفساري بخصوص الالعاب اللي بصراحه حجمها بقى حاجة مش طبيعية ياترى لما اسطب لعبة زي ماكس بين 3 أحتفظ بالايزو والتسطيب ولا احزف الايزو بعد التسطيب ما هو مش معقوله لعبه تشغل حوالي 60 جيجا لواحدها ما بين ايزو وتسطيب ويا عيني تسطيبها بياخد ما شاء الله ساعتين تلاته كده ويا ترى انتم بتعملوا ايه في مثل هذه الحالات ولو كنتم بتتخلصوا من الايزو فكيف تحمون اللعبه من أي فيرس عارض خصوصاً ان اللعبه محتاجة رواية علشان تتحمل تاني . ممكن اضغط ملفات الـ exe اللي في التسطيب واحزف الايزو ولو غيرت الويندوز هل الكراك سيعمل مرة اخرى من داخل التسطيب ولا لا ؟ خلى بالكم DOOM إن شاء الله هتنزل حجمها حوالي 50 جيجا استرها يا ستار
معلهشي اسلوبي رخم شوية اسف استحملوني وشكراً
ahmad pazzini
21-07-2012, 08:32
بالنسبة لى الالعاب اللى بتحتاج الى تحديث مستمر زى pes , fifa بحب احتفظ بالاصل بتاعها عشان احتمال
كبير ان اى باتش يعمل مشاكل للعبة حتى بعد مسحه .
طالما ملفات اللعبة لم يصيبها فيرس , فلا فائدة من الاحتفاظ بالملف الايزو, والكراك يعمل عادى بعد تغيير نسخة الويندوز
أنا بحتفظ بكل حاجة
عشان لو لقدر الله النسخة سقطت
Ahmed Abdelwahab
21-07-2012, 12:40
ممكن تقسم اللعبة وتضعها علي DVD أنا أي لعبة جميلة بأحفظها لأني ممكن ألعبها مرة أخري في المستقبل
Haythamovic
21-07-2012, 23:41
ممكن تقسم اللعبة وتضعها علي DVD أنا أي لعبة جميلة بأحفظها لأني ممكن ألعبها مرة أخري في المستقبل
ممكن تقولي الطريقة اللي احط بيها اللعبة علي DVD لاني بصراحة مبفهمش في الحوار ده
mohamedmasrawe
21-07-2012, 23:56
ياباشا عادي جدا بتنسخ جزء من البارتات بتاعت اللعبة على قد حجم الاسطوانة والباقي على اسطوانة تانية
وده للعب الي حجمها فوق ال 4 جيجا اما اللعب الي اقل من كده بتنحرق ملف الايزو بتاعها على الاسطوانة
mena adly
22-07-2012, 00:15
ممكن تقسم اللعبة وتضعها علي DVD أنا أي لعبة جميلة بأحفظها لأني ممكن ألعبها مرة أخري في المستقبل
عجبني رأيك جدا جدا يا اخ أحمد خصوصا اني كنت بفكر في كدة ولان مساحة الهارد عندي صغيرة 250 جيجا فقط ..
انا مش شايف مشكلة يعنى عادى اللعبة كل ما حجمها ما بيكبير كل ما الجرافيك وامكنياتها بتكبر
وعادى انا مفيش لعبة مبحتفظش بنسخة منها على ديفديهات وكل لعبة زى ما تاخد
ماكس 3 مثلا خزنتها على 7 ديفديهات
وهكذا مفيش مشكلة
انا من سنة 2010 مفيش لعبة مش موجودة معايا
اكتر من 150 اسطوانة غير اللى لسه مش نزلته :)
انت حاول تقسم اللعبة على ديفديهات وانساها بعد كدة
و دووم مفيش اى اخبار عنها لحد دلوقتى سمعتها مين قالك انها هتنزل 50 جيجا ؟؟ يا ريت المصدر
وفعلا
انا ملاحظ جدا ان قسم الالعاب عنده حالة كبيرة من الخموووووووووووووووووووووووووووول مش عارف ليييييييييييه ؟؟
Haythamovic
22-07-2012, 06:50
ياباشا عادي جدا بتنسخ جزء من البارتات بتاعت اللعبة على قد حجم الاسطوانة والباقي على اسطوانة تانية
وده للعب الي حجمها فوق ال 4 جيجا اما اللعب الي اقل من كده بتنحرق ملف الايزو بتاعها على الاسطوانة
المشكلة ان الالعاب ISO فمعرفش احطهم علي اسطوانات انا عايز الطريقة بس
المشكلة ان الالعاب ISO فمعرفش احطهم علي اسطوانات انا عايز الطريقة بس
1 بتحط ملفات اللعبة كلها فى فولدر
2 تيجي على الفولدر ده وتدوس كليك يمين وبعد كدة تختار add to archive
3 فوق هتلاقى archive name وده الاسم عادى سميه اسم اللعبة
4 تحت هتلاقى split to volumes , size والخيار ده انت بتختار من خلاله حجم البارت الواحد يساوى قد ايه وهنا هتخليه 4481 عشان ده حجم الاسطوانة الاربعة جيجا
المهم انك تخلى مساحة البارت الواحد يساوى مساحة الديفديهاية الواحدة هتلاقى من تحت عالشمال هتلاقى خيارات هتدوس وتختار ان حجم البارت يساوى 4581 تقريبا وتدوس اوك
وهو هيبدا يقسم اللعبة بقى وكل لعبة حسب ما تاخد فى لعبة هتتقسم على 2 بارتس و فى لعبة هتنزل على 3 بارتس
ولعبة زى ماكس 3 مثلا انا نزلتها فى 7 بارتس
اتمنى انك تكون فهمتنى
المشكلة ان الالعاب ISO فمعرفش احطهم علي اسطوانات انا عايز الطريقة بس
بص انا عملتلك صورة هتفهمك كل حاجة
اتفضل
https://a2.sphotos.ak.fbcdn.net/hphotos-ak-ash3/523874_4282582143940_323774743_n.jpg
ولو احتجت اى حاجة انا موجود تحت امرك :)
Haythamovic
23-07-2012, 00:31
الف شكر علي الطريقة انا هجربها
الف شكر علي الطريقة انا هجربها
تمام و شرفنى هنا
انا عملت موضوع مفصل افضل من الصورة دى
https://arabhardware.net/forum/showthread.php?t=311105&p=2292658#post2292658
Haythamovic
23-07-2012, 05:18
انتا برنس والله احييييييك :ah4:
whiteheartwael
23-07-2012, 06:40
مليار شكر واحترام على اهتمامكم ومشاركتكم الفعالة بارك الله فيكم
Powered by vBulletin® Version 4.2.5 Copyright © 2024 vBulletin Solutions, Inc. All rights reserved, TranZ by Almuhajir