الشاشة غامقة

[Nora_M]

السلام عليكم و رحمة الله
المشكله فى جهاز اختى , الشاشة غامقة جدا لدرجة انها بتشوف الإيقونات بالعافيه
انا عن نفسى مبشوفش حاجه خالص بس الجهاز شغال عادى جدا
نوع الجهاز emachine
طبعا حاولا نزود الإضاءة من الكيبورد fn
بس مفيش فايده
يا ريت المساعدة و جزاكم الله خيرا

[Ahmed.Elsayed]

ستجدى أزرار فى الشاشة لزيادة وتخفيض أضاءة و تباين الشاشة

الزر الخاص بالتباين ستجدى صورة فوقه تشبه الشمس و التباين ستجدى صورة فوقه مثل دائرة منقسمة نصفين

بعد الضغط على زر الأضاءة ستجدى زر فوق منه سهم لأعلى يمكنك عن طريقه زيادة الأضاءة و زر به سهم لأسفل يمكنك عن طريقه تقليل النسبة وقومى أيضاً بزيادة أو تقليل نسبة التباين حتى تصلى إلى أفضل وضع مريح للعين.

[أبو قصي]

ارجو ذكر موديل الجهاز بالكامل.

[Nora_M]

جزاكم الله خيرا ,
انا جربت كل ازرار التباين و الإضاءة بدون اى نفع
نوع الجهاز emachines E520

[Nora_M]

ملحوظة لما بدوس على زر التباين ( اللى على شكل لمبه نصفها مليان و نصف فاضى) بيعمل وميض ابيض و يختفى علطول

[Ahmed.Elsayed]

قومى بتحريك وصلة الشاشة ولاحظى إذا ظهر أى تحسن بالصورة.

[Nora_M]

فين وصلة الشاشة ؟ مع العلم انه لاب توب

[BAZOOKA_N2O]

ياريت توضحي الاتي :

هل اضاءة الشاشة لا تعمل تماما ام تعمل ولكنها ضعيفة
عند الضغط على مفاتيح التحكم في الاضاءة باستخدام FN هل يتحرك مؤشر الاضاءة بالزيادة

[Ahmed.Elsayed]

فين وصلة الشاشة ؟ مع العلم انه لاب توب

سورى مخدش بالى أنها شاشة لابتوب علشان توصلى لوصلة الشاشة هتحتاجى تفكى الكيبورد ولفكه ستحتاجى لفك جميع المسامير الموجودة بالأسفل أولاً ولكن إذا لم تكن عندك أى خبرة سابقة فلا أنصحك بعمل ذلك

ويوجد أحتمال اَخر أن تكون أضاءة الشاشة الخلفية قد ضعفت وتحتاج إلى تغيير.

[Nora_M]

ياريت توضحي الاتي :

هل اضاءة الشاشة لا تعمل تماما ام تعمل ولكنها ضعيفة
عند الضغط على مفاتيح التحكم في الاضاءة باستخدام FN هل يتحرك مؤشر الاضاءة بالزيادة


الخلاصة الشاشة تعمل و لكن كأنها لابسه نظارة سوده
عند الضغط على /fn الشاشة تزيد وضوح بشكل لا يذكر تحت النظارة السوده
و جزاك الله خيرا

[Nora_M]

سورى مخدش بالى أنها شاشة لابتوب علشان توصلى لوصلة الشاشة هتحتاجى تفكى الكيبورد ولفكه ستحتاجى لفك جميع المسامير الموجودة بالأسفل أولاً ولكن إذا لم تكن عندك أى خبرة سابقة فلا أنصحك بعمل ذلك

ويوجد أحتمال اَخر أن تكون أضاءة الشاشة الخلفية قد ضعفت وتحتاج إلى تغيير.
انا للأسف معنديش خبرة و مقدرش أعمل كدة
أعتقد ان هذا الأحتمال واارد جدا , واضح كده انى لازم اوديه الصيانه
جزاك الله كل خير و جعله فى ميزان حسناتك