مشكلة في الجهاز

[Haythamovic]

السلام عليكم انا دلوقتي عندي مشكلة بتحصل كل شوية الجهاز بلاقيه مرة واحدة مش عايز يقوم ويديني بييب وانا عارف ان معناها ان في رامة بايظة بس انا متأكد ان الرامات شغالة تمام ومفيهاش مشاكل انا مش عارف هل في سبب تاني للمشكلة ديه انا تقريبا بقعد افك واركب في الرامات علشان الجهاز يشتغل وفي الاخر بتضطر اشتغل برامة واحدة واول مالجهاز يشتغل بروح قافله ومركب الرامة التانية والجهاز يرجع يشتغل عادي جدا مش عارف في ايه انا عندي اجساس انها مشكلة من البايوس ياريت يا جماعة تفيدوني لان الجهاز ده بيعذبني كل شوية :mad:

[unexpected]

وعليكم السلام
Yamaha كم عدد الاصوات الذي يصدرها جهازك؟؟؟

[MISS.NOUR]

ممكن يكون العيب من ال bois او ممكن يكون فى مشكله كبيرة فى المازربورد ومحتاجه صيانه

[Haythamovic]

بيعمل بييب 3 مرات

[Haythamovic]

ممكن يكون العيب من ال bois او ممكن يكون فى مشكله كبيرة فى المازربورد ومحتاجه صيانه
يارب ميكونش هو ده السبب :o

[Haythamovic]

هو مفيش برنامج ممكن يكتشف سبب المشاكل ديه؟؟

[unexpected]

بيعمل بييب 3 مرات
على الاغلب المشكلة من الرامات حاول تغير اماكن الرامات وحاول ايضا تنظيف الشقوق

[Haythamovic]

على الاغلب المشكلة من الرامات حاول تغير اماكن الرامات وحاول ايضا تنظيف الشقوق
مانا بعمل كده وبردو المشكلة بتحصل

[Ahmed Abdelwahab]

مانا بعمل كده وبردو المشكلة بتحصل
مع فك رامة والعمل بأخري هل تختفي المشكلة؟

[Haythamovic]

ساعات اه وساعات لا يعني مثلا الرامة الاساسية راكبة وجبت اركب التانية الاقي الجهاز بيعمل بييب 3 مرات وسالعات لو مركب الرامة اللي شغال بيها دلوقتي بلاقي نفس البيب بردو مش عارف اعمل ايه بصراحة حاجة تحرق الدم انا ابتدت اشك في البوردة هي سبب المشكلة لان الجهاز بيبقي شغال كويس وانا مركب الرامتين وساعات لما اقفل الجهاز واشغله تاني الجهاز ميرداش يقوم :ah8:

[Haythamovic]

انتوا فين يا جماعة

[mohamedmasrawe]

اتاكد ان السنون بتاعت الرامات مش مكسورة المشكلة كانت عند واحد صاحبي واتضح ان الرامات فيها سنون فيها اتكسرت اتاكد لو لاقيتهم تمام
حاول تنظف المدخل الرامات بفرشه غير مستعمله

[Haythamovic]

شكرا علي الرد اخ محمد انا هجرب انضف السوكيت وحوار سنون مكسورة ده بتحصل نادرا

[mohamedmasrawe]

والله ياخي اصل الحكاية ديه كانت مع صاحبي بنفس الكلام الجهاز عنده كان بيعمل صوت تقريبا نفس الصوت ووداه للضمان وقالوله ان السنون مكسورة و كانت الرامتين مش رامة واحده

[Haythamovic]

الحمد لله المشكلة اتحلت نظفت السوكتين بتوع الرامتين اشتغلوا دلوقتي تمام

[unexpected]

الحمد لله المشكلة اتحلت نظفت السوكتين بتوع الرامتين اشتغلوا دلوقتي تمام
اخبرتك من البداية لكنك لم تسمع الكلام:D

[Haythamovic]

اعمل ايه بقي بس حوار رخم اوي بتاع التراب ده تحس اللوحة عندها حساسية من التراب عقبال ما اخلص من الجهاز قريب يا رب :D