تجربتي مع Cooler Master Hyper 212 EVO

[aymanshow]

السلام عليكم ورحمة الله وبركاته

بعد طول انتظار ومعاناه مع الحرارة مع او بدون فتح الانوية
وفقني الله واشتريت المشتت دة

وطبعا الفرق قبل وبعد واضح معايا جدا
قبل المشتت الحرارة في الخمول بدون فتح انوية كانت 41 ~ 43 ودرجة حرارة الكور 33~35
زي الصورة
في الخمول بدون فتح انوية وعلى السرعة الطبيعية
https://img99.imageshack.us/img99/3086/noidel.png

وفي الضغط دون فتح انوية وبالسرعة الطبيعية بتصل ل 61 في 3 دقايق ضغط فقط وبقفل البرايم لانها ستزيد عن ذلك

https://img14.imageshack.us/img14/8103/stress3minz.png


وطبعا ما جاء لينتقم :D
الموضوع اختلف تماما

مع المشتت في وضع الخمول بدون فتح انوية تكون درجة الحرارة 32~34
واسف ماخدتش سكرين شوت لوضع الخمول عشان اتسرعت وفتحت الانوية هوا وخارب الدنيا هنا :D

بس اخدت سكرين شوت اثناء الضغط لمدة 17 دقيقة
https://img193.imageshack.us/img193/6664/strees17minz.png

وكل دة على الفولت الطبيعي اوتو ومكتوب في البايوس القيمة على الاوتو 1.350 لكن في البرنامج ماقراش اكتر من 1.3

المهم طبعا كان عندي مشكلة الوان الايقونات البايظة وكراش الفاير فوكس اثناء فتح الانوية
قررت افتح الانوية وعليت الفولت ل 1.4
وعملت اكتر من اختبار ثبات بالبرايم اقلهم 20 دقيقة واكبرهم 38 دقيقة والحمد لله مفيش ايرورز ومشكلة الفاير فوكس اتحلت لكن بقيت مشكلة الالوان فكنت بغير في ال NB voltage وبعمل اختبار اخر وكلهم الحمد لله بدون اخطاء والفايرفوكس ثابت بعد مارجعت ال NB voltage على 1.2 وال Vcore على 1.4 وعملت كذا اختبار بالبرايم على كدة وتمام

ودرجات الحرارة مع فتح الانوية في الخمول من 38 ~ 41
وفي الضغط لم تزيد عن 54~55


وبقيت مشكلة الوان الايقونات

ضربت في دماغي اعمل اوفر كلولك ل 3.6 على نفس ال Vcore اللي هو 1.4
ودة دلوقتي بختبر ثباته وعلى فكرة مع الوضع دة اتحسن موضوع الوان الايقونات شوية وبرضو الفاير فوكس ثابت الحمد لله

و دلوقتي اثناء الضغط لمدة نص ساعة على انوية مفتوحة و 3.6 الحرارة وصلت 58 وبعدين نزلت ل 53 وشكلها ناوية تنزل كمان :D


بس مش حستغنى عنكم وعن نصايحكم في كسر السرعة
ورايكم في اداء المشتت هل هو مرضي ام اقل من المرضي

وشكرا مقدما

[MaM3bS]

اولا :
الف مليون مبروووووووووووك على المشتت
تانيا :
جيبته منين وبكام وبتبقى الملحقات اللى معاه ايه بالظبط واهم حاجه البراكيت بتتركب ازاى هل بكلبس ولا مسامير لان ده شىء مهم جدا

[MrTom]

ألف مليون مبروك يا صديقى و تتهنى بية و تم أعطائك تقيم بمناسبة المشتت الجديد :)

و بالنسبة لاداء المشتت فهو مرضى من وجهة نظرى بالنسبة لدرجة حرارة الجو المرتفعة :D

[whiteheartwael]

حد واخد باله إنه في جميع الصور لا يوجد إلا نواتين مفتوحتين فقط ؟ على فكرة ساعات يتم فتح الانوية نظرياً فقط ( بالسبت أب ) والدليل أنه لايوجد بالصورة الاخيرة غير كورين ودرجة حرارتهم ظاهرة كمان . اليس هذا غريب ؟ اذا كان الكورين المفتوحين لا يظهرون معك في مثل تلك البرامج وتظل حرارة سطح كل كور تظهر مستقلة انصحك بغلقهم واكتفي بالكسر لان فتحهم يؤثر سلبياً على الالوان لديك ولا يفيدك عملياً . وأسف إن كنت أنا مخطيء ويا ريت الخبراء يفيدونا ؟

[MrTom]

حد واخد باله إنه في جميع الصور لا يوجد إلا نواتين مفتوحتين فقط ؟ على فكرة ساعات يتم فتح الانوية نظرياً فقط ( بالسبت أب ) والدليل أنه لايوجد بالصورة الاخيرة غير كورين ودرجة حرارتهم ظاهرة كمان . اليس هذا غريب ؟ اذا كان الكورين المفتوحين لا يظهرون معك في مثل تلك البرامج وتظل حرارة سطح كل كور تظهر مستقلة انصحك بغلقهم واكتفي بالكسر لان فتحهم يؤثر سلبياً على الالوان لديك ولا يفيدك عملياً . وأسف إن كنت أنا مخطيء ويا ريت الخبراء يفيدونا ؟



أنا لاحظت ذلك ولكنى أعتقدت أنه لم يضف صور فتح الانوية

[aymanshow]

اولا :
الف مليون مبروووووووووووك على المشتت
تانيا :
جيبته منين وبكام وبتبقى الملحقات اللى معاه ايه بالظبط واهم حاجه البراكيت بتتركب ازاى هل بكلبس ولا مسامير لان ده شىء مهم جدا

الله يبارك فيك يا جمييييييييييل وعقبال عندك كدة :D
جيبته يا سيدي من هاي اند High End القاهرة وشحنهالي على اسكندرية السعر عنده 225 طبعا بالشحن قفل 250
على فكرة شركة الطويل فاسكندرية فسموحة عندها وممكن تبيع بالقطعة عادي وب 200 جنيه بس لانهم هم المستوردين بس كان حصل تاتش كدة خلاني اضطر اشحن من القاهرة
والبراكيت بتركب ازاي فصعب الشرح صراحة بس هو سهل عمليا افتح مراجعة المشتت هايبر بلاس هنا في المنتدى واتفرج شوية عاليو تيوب وبعدين اتعامل حتلاقيها سهلة
ومفيش حاجة اسمها كليبس دة بمسامير عبااااااااااسي دة طلع دوشمة يا عم الحج :D

العدة كلها اهي
https://cache.megatechnews.com/wp-content/uploads/2011/09/CM_Hyper_212_EVO_04-500x374.jpg

[aymanshow]

ألف مليون مبروك يا صديقى و تتهنى بية و تم أعطائك تقيم بمناسبة المشتت الجديد :)

و بالنسبة لاداء المشتت فهو مرضى من وجهة نظرى بالنسبة لدرجة حرارة الجو المرتفعة :D

الله يا بارك فيك يا فادي يارب دانا جيبته بطلوع الرووووووووح بس الحمد لله المهم انه جيه :D
وفعلا انا قولت كدة لو حتحسبها قبل وبعد مفيش مقارنة طبعا دة غير الجو اللي احنا فيه ;)

[aymanshow]

حد واخد باله إنه في جميع الصور لا يوجد إلا نواتين مفتوحتين فقط ؟ على فكرة ساعات يتم فتح الانوية نظرياً فقط ( بالسبت أب ) والدليل أنه لايوجد بالصورة الاخيرة غير كورين ودرجة حرارتهم ظاهرة كمان . اليس هذا غريب ؟ اذا كان الكورين المفتوحين لا يظهرون معك في مثل تلك البرامج وتظل حرارة سطح كل كور تظهر مستقلة انصحك بغلقهم واكتفي بالكسر لان فتحهم يؤثر سلبياً على الالوان لديك ولا يفيدك عملياً . وأسف إن كنت أنا مخطيء ويا ريت الخبراء يفيدونا ؟



بظبط زي ما فادي قال انا فعلا محطيتش ولا صورة بعد فتح الانوية او الكسر
وكل الصور دي قبل فتح الانوية وبدون كسر وكابت قبليها اي الوضع اللي اخدتها فيه

للاسف مامكنش في وقت اعمل باقي الصور بعد فتح الانوية او الكسر بس ان شاء الله ححوطها قريب

[whiteheartwael]

حد واخد باله إنه في جميع الصور لا يوجد إلا نواتين مفتوحتين فقط ؟ على فكرة ساعات يتم فتح الانوية نظرياً فقط ( بالسبت أب ) والدليل أنه لايوجد بالصورة الاخيرة غير كورين ودرجة حرارتهم ظاهرة كمان . اليس هذا غريب ؟ اذا كان الكورين المفتوحين لا يظهرون معك في مثل تلك البرامج وتظل حرارة سطح كل كور تظهر مستقلة انصحك بغلقهم واكتفي بالكسر لان فتحهم يؤثر سلبياً على الالوان لديك ولا يفيدك عملياً . وأسف إن كنت أنا مخطيء ويا ريت الخبراء يفيدونا ؟


رمضان كريم وكل عام وانتم بخير
أسف يا صديقي بالينط العريض أعزرني فالكلام اللي فوق الصور جعلني اتوقع انك تضع صور داله على ما تذكر أكرر أسفي للجميع والمهم المصلحة ومبروك عليك مليار مبروك.

[aymanshow]

اه صح فادي امبارح في اخر اختبار وصلت الحرارة 52 بس ارتفتعت تاني 57 وبعدين لما قفلت باب الكيس وصلت الحرارة 60~61
في الوقت دة كانت مدة الاختبار 45 دقيقة بثبات الحمد لله

[whiteheartwael]

الحرارة كده فل الفل ربنا يبارك له فيه

[aymanshow]

رمضان كريم وكل عام وانتم بخير
أسف يا صديقي بالينط العريض أعزرني فالكلام اللي فوق الصور جعلني اتوقع انك تضع صور داله على ما تذكر أكرر أسفي للجميع والمهم المصلحة ومبروك عليك مليار مبروك.



ولا اسف ولا حاجة يا كبير ولا يهمك هو فعلا اللي يقرا الموضوع من اول وهلة يحس ان في حاجة ناقصة او في حاجة غلط
لكن زي ما بقولك مكانش في وقت ساعتها خالص حتى موقع ايمدج شاك كان بيهيس ومش عايز يرفع صور :D
وانا اليومين دول مش على جهازي عشان اكمل مراقبة للحرارة

والله يبارك فيك يا ريس :)

[aymanshow]

بس شباب موضوع الوان الايقونات دة مستمر بس هو اقل من الاول بعد الكسر هو لسة في خيار ماجربتوش خالص اصراحة اني انزل نسخة ويندوز غير اللي بنزلها على طول هل في حاجة تانية ممكن اعملها

المشكلة كانت زي ما في الموضوع دة
https://arabhardware.net/forum/showthread.php?t=307628

[aymanshow]

ايه يا شباب محتاج المشورة فموضوع الايقونات دة :)

[MrTom]

ايه يا شباب محتاج المشورة فموضوع الايقونات دة :)

جرب نسخة و يندوز مختلفة :)

[aymanshow]

شباب انا اسف على التاخير بس ظروف قهرية كنت بعيد عن البيت والكمبيوتر لفترة :)

المهم دلوقتي حصل كراش تاني في الفاير فوكس على وضع ( 3.6GHZ (200MHZ*18 مفتوح الانوية وبفولت 1.4
وسطبت كذا نسخة ويندوز على نفس الوضع مشكلة الالوان موجودة وكراش الفاير فوكس على فترات
جربت فولت 1.4125 نفس النظام
ودلوقتي على فولت 1.425 وجاري الضغط
بضور على افضل ثبات انا الى حد كبير متأكد ان الانوية اللي اتفتحت سليمة لان مهما طالت مدة الضغت مواجهتش مشاكل الا فمرة واحدة لما كنت رفعت ال NB Voltage الى 1.25 وبعدها رجعته ل 1.2 وكله تمام بلا اي مشاكل
وحرفع صور بعد فترة من الضغط كمان شوية وصور الوحش الصغير كمان قبل التركيب كنت نسيت ارفعها :)

[aymanshow]

حصل شاشة سودا اخيرا :D مرتين مرة على فولت 1.425 والتانية على 1.4375 وجربت اقفل نواه فيهم مرة ومرة الكراش بتاع الفايرفوكس اصبح اسوء ولما بلاقي كدة مابكملش بزوود الفولت سنة واجرب كله كراش كراش كراش ومابكملش اعمل ضغط في اي حل على فكرة انا كاسر ل 4000 دلوقتي وبختبر :D

[aymanshow]

البروسيسور في الوضع الطبيعي بدون فتح الانوية
كسر الى 4GHZ برفع معامل الضرب من 16.5 الى 20
فولت
1.4125

settings
spread spectrum : disabled
q'n'q : disabled
c1e : disabled
CPU Thermal Throttle : disabled
CPU Load-Line Calibration : disabled

على فكرة نفس الاعدادات دي كنت مستخدمها مع فتح الانوية و الكسر لكن واضح كدة ان فتح الانوية حيفشل

https://img849.imageshack.us/img849/918/x2400014125.png

MEMORY Tab CPU-Z

https://img215.imageshack.us/img215/7130/memq.png


SPD Tap CPU-Z

https://img18.imageshack.us/img18/4676/spdz.png

الكسر لمدة حتى الان ساعة و 25 دقيقة الحرارة في الضغط لم تتعدى 44 للانوية و 47 لسطح المعالج ( بس فاتح جامب الكيس )

تفتكروا محتاج اركب مروحة تانية للمشتت ولا كدة حلو؟

[SemsemBanhawy]

كدة حلو ع المعالج
أضغط لمدة ساعة وتابع درجة الحرارة
وأعمل اختبار للفولت نسيت أسم البرنامج :(((( لآختبار استقرار الفولت

[aymanshow]

كدة حلو ع المعالج
أضغط لمدة ساعة وتابع درجة الحرارة
وأعمل اختبار للفولت نسيت أسم البرنامج :(((( لآختبار استقرار الفولت

شكرا على ردك واهتمامك اخي مالم القاه من الكثير :)

المهم انا عملت كذا اختبار ضغط منهم ماهو معروض في الصور السابقة

ودة اخر اختبار مدته حتى الان 01:45 = ساعتين الا ربع او اكثر بقليل والحرارة كما ترى 46 للانوية 51 لسطح المعالج
وفولت المعالج في العدادات 1.4125 لكن في البرنامج ثابت على 1.4 اثناء الضغط والحمد لله بثبات تام :)

https://img845.imageshack.us/img845/3060/x2400014125180minz.png

[aymanshow]

ايه يا شباب مفيش اي اقتراح في الفولت او الاعدادات للثبات مع فتح الانوية ؟

[mahmoud20070]

المشتت حلو معاك ؟؟؟؟ اصلى ناوى باذن الله اشترى زيه بس النسخه العاديه plus فهو حلو عشان انا كما الحراره عندى بتوصل 67 فى دقيقه بالضبط

[aymanshow]

المشتت حلو معاك ؟؟؟؟ اصلى ناوى باذن الله اشترى زيه بس النسخه العاديه plus فهو حلو عشان انا كما الحراره عندى بتوصل 67 فى دقيقه بالضبط

الحمد لله هو ممتاز وتوكل على الله واشتريه بس مش حتلاقي النسخة ال Plus
ومبروك مقدما :)

[mahmoud20070]

الله يبارك فيك والحمد لله اشتريت اخو اللى معاك وفعلا ما شاء الله ممتاز

[MrTom]

الله يبارك فيك والحمد لله اشتريت اخو اللى معاك وفعلا ما شاء الله ممتاز



ألف مبروك يا صديقى و يتربى فى كيستك :D :D :D

[mahmoud20070]

ألف مبروك يا صديقى و يتربى فى كيستك :D :D :D



الله يكرمك اصلك يا ريس

[MrTom]

الله يكرمك اصلك يا ريس


و بمناسبة المشتت الجديد تم أعطائك تقيم :D

[mahmoud20070]

و بمناسبة المشتت الجديد تم أعطائك تقيم :D



الله يكرمك يا ريس و يوفقك والمشتت عندى بيشكرك على تقييمك :)

[isl_amd]

المشتت عندي من ٥ شهور جميل جدا رغم إنه قرفني أول مرة علشان أعرف أركبه :)

[mahmoud20070]

المشتت عندي من ٥ شهور جميل جدا رغم إنه قرفني أول مرة علشان أعرف أركبه :)

والله وانا كمان كذا ساعه عشان اركب المسامير النهائية