مساعده فى شراء لابتوب ضرورى جدا

[mohamed yasser4]

السلام عليكم ورحمه الله وبركاته دى اول مشاركه ليا ف المنتدى هنا :D

انا نويت أن شاء الله أشترى لاب توب جديد بعد 4 سنين مع Dell inspiron 1510 خصوصا انو قدم جدا
انا عايز لاب توب يكون بيشغل جميع الألعاب الجديده خصوصا انى جايبوا عشان كدا
الميزانيه لحد 4700 - 4800 حد أقصى يا ريت الناس تفدنى بسرعه وشكرا مسبقا :)

[bisotiger]

والله اخى انا شايف انك ممكن تزود 400 جنيه وتشترى الاصدار الجديد من ديل ذو المعالج الجيل الثالث
(dell insprion 15 R se 7520 (i7
وسعره 5200 من كمبيو داتا

[mohamed yasser4]

للاسف انا ميزانيتى اخرها فعلا 4800 وبالعافيه كمان:D فيه ناس نصحونى ب Dell N5110 بس بيتهالى كارت الفيجا G 525 مش قوى ف الألعاب وانى محتاج كارت أقوى !!

[Dr.Just]

ممكن تشوف ديل 5520 ci5 رامات 4 g ممكن تزودهم بعد كده والهارد تيرا .و تقريبا ب 4300.

[mohamed yasser4]

وكارت الفيجا بتاعوا كام !! اعلى من G 525

[Dr.Just]

هو الكارت ATI وفي نوعين 7730 وده أحسن من nvidia 525 أما الثاني أنا آسف مش فاكر رقمه...:o

[mohamed yasser4]

هوا الديل N5110 مشاكلوا كتير فعلا يعنى الواحد يبعد عنو خصوصا ان سعروا كويس بالنسبه لأمكنياتوا !!

[Khaled Khattab]

ابعد عن الديل N5110
اشتري ده Dell 5520 ده بهارد تيرا ورامات 4 وكرت شاشة 7670 من آي تي آي أقوى من النيفيديا الموجود بN5110
الموديل عامل 4300 ومفيهوش مشاكل والحمد لله

[mohamed yasser4]

بس تقريبا Dell 5520 دا i5 مش i7 !!

[Khaled Khattab]

أيوة آي فايف والآي سيفن منه عامل 5300
بس جهاز كفاءة

[tamer83]

شوف يا باشا هو خالد صح شوف الديل انسبريون الجديد انا بصراحة كنت بعترض على القديم بس فية ناس كتير شكرت فى الجديد او ممكن لينوفو او سامسونج ممكن تنزل وتشوف الموديل الى يناسب ميزانيتك واحنا نقولك تختار اية

[amor-elamor]

انا جبت ديل 5520 هارد تيرا بروسيسور جيل تالت آي سيفن كاش 6 ميجا رام 6 كارت شاشه ايه تي آي 7670 سعه جيجا
لاحظ انه بروسيسور آي سيفن كل ده بـ5250 بعد مانزلت 50 جنيه بالعافيه من كمبيو داتا
نازل عليه نظام اوبنتيو وهو بيشيله وينزلك ويندوز 7 التميت 64 بت
انصحك تستني شويه وتجيب 5520 واوعى اوعى تجيب 5110 مشاكله كتير زي ما كل الناس بتقول ومتخليش البائع يضحك عليك

[mohamed yasser4]

فيه ناس بيقولى ان الكور 7 بيسخن بسرعه وكدا كدا مش فارق عن الكور 5 فى الألعاب انا بفكر اجيب الديل 5520 بنفس المواصفات ويكون كور 5 وهينزل جامد ف السعر ساعتها

[Khaled Khattab]

فعلاً الكور آي سيفن بيسخن أكتر من الكور آي فايف ودي مش فيها جدال
وفي الألعاب الكور آي فايف حيقوم بالواجب وزريادة والكور آي سيفن مش حيفرق كتير بس فيه ألعاب تقيلة على البروسيسور وكرت الشاشة زي The Witcher 2 وماكس باين الجديدة وحتى سكايرم علشان تلعبها بما يرضي الله
لو مكنتش ميزانيتك تسمح بالكور آي سيفن فتوكل على الله واشتري الكور آي فايف
ملحوظة: الكور آي سيفن حيعطيك ضعف الأداء في الProcessing زي إنكودينج للفيديو أو فوتوشوب أو اي برامج هندسية زي الماتلاب

[mohamed yasser4]

انا بفكر اشترى الاب دا https://egyptlaptop.com/lenovo-g580-corea-i5.html

[Khaled Khattab]

اللينوفو ماركة محترمة بس أولاً كرت الشاشة مش حيسد معاك في الألعاب والخامات في حتكون حلوة قوي G Series
الأفضل تجيب Dell 5520 أو Lenovo Z570

[mohamed yasser4]

https://egyptlaptop.com/lenovo-ideapad-z570-1.html الاب دا ممتاز فعلا والكارت بتاعوا G 525 بس أتنين جيجا وممكن الواحد يرفع الرامات بتاعتوا لحد 8 ويبقى فل اوى هوا كور i 5 بيتهالى دا هيبقى كويس مع الألعاب :D

[Khaled Khattab]

لأ لأ
ده إلي أقصده
https://egyptlaptop.com/lenovo-z570-i5-4gb-500gb-nvidia-dos.html
ده أحدث بكتير من إلي ذكرته بروسيسور أعلى وكرت شاشة أعلى

[Dr.Just]

Dell Inspiron 15R N5520 أحسن ليك علشان كارت الشاشه.

[tamer83]

الاب مواصفاتة قوية بالذات ان الرامات بتعلى لحد 16 جيجا بس مشكلتة انة دوس يعنى هيجى من غير ويندوز لو دا بالنسبالك مش مشكلة اشترية
لان فية ناس بيبقى شغلها محتاج ليسينز لكل برنامج فمينفعش يتشغل على ويندوز الا اما يكون اوريجنال
ربنا يوفقك