احتاج مساعدة فى فهم هذا اللاب

[kokoz]

السلام عليكم اعضاء المنتددى وكل سنة وانتم طيبين


https://www.9tut.com/64-ccna-eigrp-lab-question#more-29


لو سمحت يا جماعة دة لاب الeigrp مفهوش اى مشكلة وتمام بس فى حاجة تحت اسمها modification لها علاقة بردو باللاب
بصراحة انا فهمت الexample كويس جدا بس الmodification دى مش فاهمها
ممكن حد يفهمهالى بطريقة مبسطة وجزاة الله كل خير

[kokoz]

ياجماعة ارجو الاهتمام شوية

[محمد19900]

بسم الله الرحمن الرحيم
اولا هذه النقطة تتحدث عن احد مواضيع شهادة ال CCNP-Routing فى جزئية ال EIGRP ولكنها بسيطة خالص وهى ال Passive inteface r
ما هو ال passive interface :
هو ببساطة ال interface اللى انت عايزه ال EIGRP ميبعتش ال Update messages و ال Eigrp infromations من خلاله
طب ودا فايدته ايه ؟
لو ال router واصل مثلا ب switch من خلال ال fa0/0 و واصل ب router اخر من خلال ال fa0/1 فال router مش هيستفاد حاجة لو بعت ال EIGRP information لل switch او لل end devices العادية بل بالعكس هيسبب waste لل BW لو عمل كدا .. فى الحالة دى هنقوم بعمل configure لل fa0/0 بانه يكون passive interface ولكن لا يص ان يكون ال fa0/1 فى حالة passive interface لان ال routers لازم تبعت ال EIGRP informations بينها وبين بعضها للحصول على ال best path to each destination لتكوين ال routing table

فى ال lab نفس الكلام هتلاقيه :
ان بين كل router و الاخر مينفعش يكون ال interfaces فى حالة passive و لكن طب ليه بيقلك ان ال interface اللى واصل بين ال R1 و ال ISP عادى يكون Passive?
لان اصلا بيقلك ان فى default route معموله configure لل isp و مفيش لازمة لعمل advertise لل EIGRP بل بالعكس زى ما قلت هيكون له اثار عكسية على ال performance

اجابة مختصرة ولكن ارجو ان تكون مفهومة

[kokoz]

طيب يا باش مهندس بشكر حضرتك جدا
يعنى دلوقتى لو لقيت حكاية الpassive interface دى فى الامتحان هعمل الكونفجريشن على f0/0
طيب هيقولى اية فى المثال واية الكونفجريشن اللى هعملها على الf0/0

[Gawad]

وعليكم السلام ورحمة الله وبركاته

هو هنا بيقولك ان الامتحان ممكن يتغير وتلاقي ان اللينك بين R1 and R2 مكتوب عليه passive interface command الامر ده بيمنع الeigrp انه يبعت الابديت علي الانترفيس ده وبالتالي R1 and R2 مش حيشوفوا بعض يعني محدش حيعرف الشبكات اللي عند التاني بيقولك يعني خلي بالك لو الوضع بقي كده في الامتحان شيل الكوماند ده بالامر التالي
no passive interface xxxxxx
تاني حاجة ان اللينك بين R1 وبين الisp مش لازم تكتب الامر اللي في السطر اللي فات ده علي الانترفيس بتاع R1 علشان مش لازم تبعت الابديت بتاعك للisp

وربنا يوفقك
ولا تنسني والمسلمين من صالح الدعاء

وصلي الله وسلم وبارك علي النبي وآله وصحبه وإخوانه وسلم.

[عادل شبل]

بص فى المشاكل اللى زى دى سواء فى لاب فى إمتحان أو فى الحياة العملية أول حاجه بنروح على الروترات المعنية بالمشكله ونعمل sh run ونشوف النتايج ونبدأ نشوف المشكلة فين بالضبط بس خلى بالك وأنا باعمل sh run بيكون فى ذهنى شوية إحتمالات للمشكلة _ يعنى مثلا فى مشكلة زى دى أنا باعتقد كذا حاجه_ممكن تكون المشكله مثلا في خاصية ال passive interface موجوده على احد ال interfaces ودى مهمتها انها تمنع إرسال ال updates على ال interface ده أو ممكن يكون فيه مشكلة فى ال AS number مش متظبط على كل الروترات بنفس القيمة أو ممكن تكون مشكلة authentication _ يعنى بيكون فى تخيلى كذا إحتمال للمشكلة_ هنا بعد ما اكتشفنا ان المشكلة فى ال AS number بينبهك لحاجة وهى انك لو شوفت على الروتر الواصل بال ISP خاصية ال passive interface متفعلة تحديدا على ال interface الواصل بال ISP فقط ماتوقفش الخاصية دى وتفتكر انها ممكن تسبب المشكلة لأن المفروض الروتر الواصل بال ISP ما يبعتش updates لروتراتهم ودة طالما انها شغاله على ال interface الواصل بال ISP فقط تبقى مش هى سبب المشكلة أما لوكانت متفعلة على interface واصل بروتر المفروض انه يستقبل updates لازم توقف عملها على ال interface ده لانك حتى لو ظبطت ال AS number ونسيت تتأكد من الموضوع ده ممكن تفضل المشكله
-------------------
اللى انا مش فاهمه كلمة modification _ اعتقد المفروض تكون note أو advice أو اى حاجه تعنى تنبيه

[kokoz]

بارك الله فيكم وجزاكم كل خير