الي ذوي الخبرة مساعده بخصوص اختيار شاشة 3D

[Ezioo]

السلام عليكم ..كل سنة وحضراتكم طيبين ورمضان كريم .
الي ذوي الخبرة والي جرب الشاشات دي قبل كدا
عندي استفسار صغير لو سمحتم
انا مقبل علي شراء شاشة جديدة
حابب انها تكون 3D لان مجرتش 3D قبل كدا ونفسي اجربه :D
و برده يكون ال2D كويس و الصورة تبقي نقية لاقصي درجة
انا محتار ما بين 3 انواع شاشات

LG 32LM5800
LG 32LM6690
Samsung S27A950D

انا مجربتش الLG قبل كدا فخايف من جودة الصورة في شاشات الLG خصوصا ان انا اعرف ان احسن شاشات في الالوان وجودة الصورة هيا Samsung
يا ريت تساعدوني في اختيار الشاشة الافضل :)
جزاكم الله كل خير
ارجو ان لا اكون قد ازعجتكم :D
و السلام عليكم ورحمة الله وبركاته

[a4_nn]

بص يا بشمهندس انا زيي زيك عمري ما جربت شاشات ال LG

لكن من مواصفات الشاشة البسيطة جدا ألي شوفتها لقيت ان مواصفات التيلفزيون دة كويسة جدا


LG 32LM6690 و أحسن من ال lg التاني

السامسونج انا شايفها شاشة كويسة جدا جدا أي نعم غالية علي الإمكانيات يعني المفروض تكون أرخص من كدة بس هنعمل إية مش بادينا


المهم الأول قولي أنت ناوي تلعب ؟؟ و لا تشوف أفلام ثري دي بس
ثاني سؤال لو هتلعب نوع كارت الشاشة ألي عندك إية و بقيت مواصفات جهازك

لما تجاوب هوضحلك سبب الأسالة دي

[a4_nn]

و ممكن تتابع الموضوع ألي عاملوا أخ فاضل جرب أنواع كتير و ممكن تسالوا عن رايوا

https://arabhardware.net/forum/showthread.php?t=281299

[Ezioo]

شكرا لرد حضرتك :) ... مواصفات جهازي
Asus GTX 670 Direct CU II
processor I7 3770k
وطبعا الاستخدام الاول للجيمز بس برده انا من هواة الافلام :D

[Ezioo]

انا شوفت الموضوع بتاع الاستاذ اشرف ..بس للاسف هو مجربش الLG او مكتبش عنه اي معلومات ...انا عاجبني الpassive 3d بتاع الLG بس زي مابقول لحضرتك كدا خايف من جودة الصورة و موضوع كابل الHDMi الي مبيشغلش اعلي من 60 هرتز

[a4_nn]

بص موضوع كابل الاتش دي ام أي انوا مش بيشغل أكتر من 60 رفرش ريت دة

قالب الدنيا في كل المنتديات الاجنبية

بس في ناس كتير بتقول أنها قدرت تخلية يجيب 120 و شغال معاة تمام جدا

و ناس تانية كتييييييييير قوووي كانت بتقول ان الشاشة بتبقي باهتة مع الأتش دي ام أي و مبقدرش احصل علي ريفرش ريت كويس

و دة ألي خلاني أجيب
Samsung S27A950D و جيبش مثلا Samsung S27A750D

مع انها أرخص لوجود مكان كابل dvi

و الله دة كل الي اعرفوا

و دور علي اليوتيوب و المنتديات الاجنبية لو ملقتش هنا معلومات كفاية

[Ezioo]

شكرا جزيلا :)
انا برده ميال للشاشة السامسونج اكتر
بما ان حضرتك تمتلك الشاشة دي
ايه رايك فيها وايه عيوبها ومميزاتها
وحضرتك تنصحني بيها واتكل علي الله واجيبها وخلاص ولا استني شوية ؟ :)

[Ezioo]

صحيح يا بشمهندس كنت عايز اسلك سؤال بخصوص الشاشة السامسونج ...انا سمعت انها reflective زيادة عن اللزوم ..وبتعكس اي حاجة ...هل المشكلة دي واجهتك و لو هيا موجوده ..هتبقي رخمة ولا ممكن ما خودش بالي منها :)

[a4_nn]

اولا أنا كنت مطر اني اشتري الشاشة دي
لان كارت الشاشة عندي ati و دي احسن شاشة تشتغل كروت ati

ثانيا انا كنت شغال علي شاشة crt قبل كدة كانت الريفرش ريت عليها كان 120 و الحمد لله أتحرقت
فا دورت علي ارخص شاشة تكون ريفرش ريت 120 و كمان ريسبونس تايم كويس 2 ملي سكند و تباين كويس


بس و مكنش فية شاشات فيها المواصفات دي غير شاشتي


عيوب الشاشة بكل وضوح
1- لازم تكوووووووووووووووون صاحي قوووووووي للديد بكسل لان الضمان مش بيغطيها
2- صعب التنقل يعني أنا كنت زمان بستلف شاشة lcd بتاعت واحد صاحبي 19 لما اكون مسافر بالجهاز انما دي مصيبة كبيرة جدا
3- الثري دي أنا لسة يادوب بادي اعرف أزبطوا
و خد بالك مفيش حاجة بتطلع برة خااااااااااااااااااااااااااااااااااااااااااااااااا اااااااالص "من الاخر"
الثري دي عبارة عن شاشة بجودة عالية جدا مما يعطيك عمق في الصورة تحس انك قاعد جواها
4- مش اول اما اللعبة تنزل هتعرف تلبعبها 3 دي يعني مثلا لحد دلوقتي مفيش بروفيل رسمي للعبة ماكس بين او لعبة بروتو تايب 2

العيب دة مش عيب شاشة خاااالص دة عيب موقع الدعم ألي بتاخر جدا في تنزيل بروفيلات 3 دي للناس و هتلاقي نفس البرنامج ألي شغالة بية كل شاشات ال 3 دي معادا الخاصة بنفيديا

https://www.tridef.com/forum/viewforum.php?f=9
لو مكانك هجيب شاشة 3 دي معاها نفيديا

[a4_nn]

أعتقد أن الشاشات دي بقي هتشتغل معاك كويس جدا جدا

https://www.nvidia.com/object/3d-vision-displays.html

حاول تجيب واحدة من دول
لأنها نازلة لنفيديا بنظارات نفيديا الأصلية طبعا و هتبقي ضامن تشغل 3 دي كويس بدون أي مشاكل

[m2018]

هو فين الاستاذ عبد الله هيجي ويقول LG غريبة لسة مردش للوقتي؟! :D

[عبدالله ضيف]

والله يا اخى m2018 كله لمصلحتكم انتم والى عاوز ياخد بيها ياخد مش عاوز براحته بس انا موريش غير الموضوع ده ليل نهار هههه مش عارف التقنية روشة وانا بفكر اشترى حاجة بيها فكل يوم بشوف جديدها بس انا هقول شئ انا بقول انكم تصبرو شوية بليز يعنى اكون كلمت استاذ اشرف لان فى مراجعة للتليفزيون ال جى 32 بوصة هو عارف مكانها وانا عاوز اشوفها عشان اشوف ايه الوضع
لاكن عموما ال جى افضل فى الثرى دى جدا ومحدش يقولى سامسونج فى الثرى دى تانى ههههه . بصراحة سامسونج حلو فى التليفزيونات العادية فقط انما حتى فى شاشات الكمبيوتر مش حلو فانا اعرف شاشات ال جى ips panel تتخطى شاشات سامسونج بمراحل من حيث جودة الصورة .
بخصوص الهرتز وكده فاا افضل تليفزيون ال جى حتى لو اشتغل 60 هرتز وتعالو نحسبه تليفزيون ال جى لو مرضيش يشتغل غير 60 هرتز فقط هيبقى لسه فى خاصية الموشن كلايرتى يعنى هيبقى كانه 120 اساسا فى التو دى ثانيا فى الثرى دى مع انه هيبقى شغال 60 هرتز بس فهيدى صورة احسن من شاشات سامسونج لان تقنية الاكتف بتقسم الهرتز للنصف ده غير ان زمن الاستجابة بيقل بسبب فرق الوقت بين رؤية العين اليمين لصورته رؤية العين اليسرى لصورتها بسبب غلق النظاررة ده غير الغمقان و كمان تقل النظارة وغلوها والصداع الى بتعمله
يعنى انا عموما بفضل ال جى فى الثرى دى مهما كان مين قصاده حتى لو شغال 60 هرتز بس لانى اساسا مش معترف بتقنية الاكتف الى تدينى نصف الهرتز وانا عندى احسن جهاز موجود على وجه الارض لان النظارة اساسا بتقفل بسرعة ثابتة مش بتتغير تديك 60 هرتز بس فى الثرى دى حتى لو انت اساسا مشغل التليفزيون على 240 هرتز اصلا
المشكلة هنا بقى ايه ان مثلا تليفزيون ال جى يعمل حاجة اسمها انبوت لاج لو مشتغلش على 120 هرتز وده هيحصل لو مفيهوش مدخل hdmi 1.4 وده صعب جدا يحصل بس فى احتمال ضئيل
ثانيا ان يكون اساسا مفيش حاجة اسمها 120 هرتز فى التليفزيونات اساسا وان تقنية الموشن كلايرتى دى بتحسن الصورة وبس وخلاص مع ال60 هرتز فاحنا بس عاوزين نتاكد من حاجتين ان التليفزيون مش هيعمل انبوت لاج وانه هيشتغل على 120 هرتز عشان نتمتع باحسن صورة فى الثرى دى والتو دى
افضل تليفزيون ال جى فى كل شئ ما عدا انه يكون بيعمل انبوت لاج واعتقد ان التليفزيون لو ممكن يشتغل على 120 هرتز وقدرنا نشغله على 120 هرتز لو حتى فى انبوت لاج هيتلغى بعد الخطوة دى
ويريت استاذ اشرف يكلمنى عشان نحسم الموضوع

[Ezioo]

أعتقد أن الشاشات دي بقي هتشتغل معاك كويس جدا جدا

https://www.nvidia.com/object/3d-vision-displays.html

حاول تجيب واحدة من دول
لأنها نازلة لنفيديا بنظارات نفيديا الأصلية طبعا و هتبقي ضامن تشغل 3 دي كويس بدون أي مشاكل
شكرا لرد حضرتك ..:)
انا سالت ناس قبل كدا بخصوص شاشات الNvidia وقالولي ابعد خالص عنها لانها بتغمق الصورة جدا وال3D فيها رديئ ودا عن كلام ناس جربت قبل كدا الNvidia :D

[a4_nn]

شكرا لرد حضرتك ..:)
انا سالت ناس قبل كدا بخصوص شاشات الNvidia وقالولي ابعد خالص عنها لانها بتغمق الصورة جدا وال3D فيها رديئ ودا عن كلام ناس جربت قبل كدا الNvidia :D


علي العموم ربنة معاك
بس كدة أنت بقي تبعد عن شاشات سامسونج و عن بتاعت نفيديا و شوف أحسن شاشة تيلفزيون علشان موضوع التغميق دة لو فارق معاك و زي ما قلتلك فوق انا خلصت ضميري و قلتلك كل ألي أعرفوا من عيوب ومميزات

[Ezioo]

علي العموم ربنة معاك
بس كدة أنت بقي تبعد عن شاشات سامسونج و عن بتاعت نفيديا و شوف أحسن شاشة تيلفزيون علشان موضوع التغميق دة لو فارق معاك و زي ما قلتلك فوق انا خلصت ضميري و قلتلك كل ألي أعرفوا من عيوب ومميزات

الله يكرمك .. انا سالت ناس وبتقول ان التغميق في السامسونج اقل بكتير من الشاشات الداعمة لNvidia ...و اظن ان التغميق لو بايخ في الشاشة كنت حضرتك ذكرته من ضمن عيوب الشاشة الي وضحتها فوق ولا ايه ؟ :D

[عبدالله ضيف]

اخى فى تقنية الاكتف التغميق لو قل هيحصل حاجة اسمها كروس تواك يعنى تشوف الصورتين بتاع اليمين والشمال فى نفس الوقت ويحصل خيالات من رأى التقنية فاشلة بمعنى الكلمة يعنى ومش عارف غبى مين الى استخدمها فى الثرى دى تصورو لو شركة سامسونج كانت شغالة فى الباسيف وكمان سونى وال جى وكمان توشيبا كان زمان عندنا دلوقتى تليفزيونات وشاشات خرافة ورخيصة جدا لان طبعا مع تنافس كل الشركت دى التقنية هتتحسن كتير انما انا متأكد انهم عاملينها مضيعة لفلوس الناس الغلابة الى زى حالاتنا هتشتغل ثرى دى يبقى اشترى جهاز خارق وكمان النظارة مش عارف بكام وكمان الشاشة مش عارف بكام ده نظارة نيفيديا بالف جنية عنى ما اشتريت ثرى دى يا سيدى شركات احتكارية دنيئة

[TECHNO0O]

اخى فى تقنية الاكتف التغميق لو قل هيحصل حاجة اسمها كروس تواك يعنى تشوف الصورتين بتاع اليمين والشمال فى نفس الوقت ويحصل خيالات من رأى التقنية فاشلة بمعنى الكلمة يعنى ومش عارف غبى مين الى استخدمها فى الثرى دى تصورو لو شركة سامسونج كانت شغالة فى الباسيف وكمان سونى وال جى وكمان توشيبا كان زمان عندنا دلوقتى تليفزيونات وشاشات خرافة ورخيصة جدا لان طبعا مع تنافس كل الشركت دى التقنية هتتحسن كتير انما انا متأكد انهم عاملينها مضيعة لفلوس الناس الغلابة الى زى حالاتنا هتشتغل ثرى دى يبقى اشترى جهاز خارق وكمان النظارة مش عارف بكام وكمان الشاشة مش عارف بكام ده نظارة نيفيديا بالف جنية عنى ما اشتريت ثرى دى يا سيدى شركات احتكارية دنيئة

الف شكر يا غالي واضح انك فهمان في الشاشات ياريت تساعدني باختيار شاشه ممتازه ولو اني قط اخرج عن الموضوع ان تكون للالعاب ومش مهم لو كانت 3d ولا المهم االبراند ال جي او ساسونج تكون بزمن استجابه سريع جدا

[عبدالله ضيف]

من الاخر تليفزيون ال جى ثرى دى افضل حاجة وبالنسبة لكل مشكلاته اتحلت والحمد لله بس كرتك لازم يكون نيفيديا
وتقدر تتطلع على اخر 5 صفحات فى موضوع استاذ اشرف all my experince about 3d