GTX 660 Ti أفضل من GTX 560 Ti Twin Frozr II 2GB ؟

[Just Hesham]

السلام عليكم ورحمة الله وبركاته

يوم 15 اغسطس انا اشتريت الـ GTX 560 Ti Twin Frozr II 2GB/OC سعره 1600 جنيه
يوم 16 اغسطس " النهاردة " نزل كارت الـ GTX 660 Ti بس لسة منزلش مصر

الحمدلله لسة عندى امكانية انى استبدل الكارت او ارجعه فى خلال 14 يوم ..
السؤال بقى , انا شايف ان الفرق بين الـ 560 والـ 660 كبير فى الاداء وخصوصا فى الجزئية بتاعتى " الكودا كورز " 384 كور مقابل 1344 !!
لكن موضوع الـ ROPs والـ memory interface فى الـ 660 اقل من ال 560 , بس من خلال الـ reviews ع النت ظاهر ان 660 اقوى من 560
لكن انا حبيت استفسر فى النقطة دى لأنى مش خبير فيها اوى , هل هيفرق 256 بت GTX 560 عـن 192 بت فى GTX 660 ؟
وااخر سؤال معلشى , دلوقتى الكارت نزل على امازون وفى كل حتة .. بياخد وقت اد ايه على ما يوصل لمصر ؟

*ملحوظة : انا مش معترض ع الكارت بتاعى الحمدلله , بس انا حاسه مش مستقر .. درجة الحرارة بتوصل لـ 70 + مش واخد الاداء اللى يشغل كل حاجة ع الالترا .. مع العلم ان شاشتى 18.5
+ 1344 كور بالنسبة لى هيفرق جداااااااااا .. رغم انى جربت الـ 384 كور وكانوا كويسين الحمدلله

[unexpected]

وعليكم السلام
اخي بأختصار بطاقة GTX 660 TI استطاع التفوق على بطاقة GTX 580 فما بالك مع بطاقة GTX 560 TI
لكن انصحك بالتغير في حالة انك ستحضر شاشة اكبر من حجم شاشتك الحالي لانك لو حتبقى على الشاشة دي البطاقة GTX 560 TI اكثر من كافية وستخدمك مدة اطول
وبخصوص الحرارة لديك ارى انها طبيعية مع الجو الحارق دة

[ahmed2255]

وعليكم السلام
اخي بأختصار بطاقة GTX 660 TI استطاع التفوق على بطاقة GTX 580 فما بالك مع بطاقة GTX 560 TI
لكن انصحك بالتغير في حالة انك ستحضر شاشة اكبر من حجم شاشتك الحالي لانك لو حتبقى على الشاشة دي البطاقة GTX 560 TI اكثر من كافية وستخدمك مدة اطول
وبخصوص الحرارة لديك ارى انها طبيعية مع الجو الحارق دة
انا معك في كلامك بخصوص تفوق gtx 660 tiولكن بعد قرأتي لهذا المقال اختلفت رؤيتي قليلا ل 660 https://www.tomshardware.com/reviews/geforce-gtx-660-ti-benchmark-review,3279.html

[محمد حسن احمد]

لو استطعت التبديل لل 660 يبقي شيء ممتااااااز لانه فعلا يتفوق بفارق كبير عن نظيره في العائله السابقه وعموما شاشتك موش كبيره بس لو حابب تغير توكل علي الله وموضوع 256 بت ولا 128 ولا 149 معدتش تفرق دلوقتي المعماريه مهمه جدا وقوة المعالج الرسومي نفسه ..

[Ahmed Abdelwahab]

الكرت بالطبع أقوي وهو يعتبر وسيط بين 7870 وال 7950 لكن للعلم فقط عدد أنوية الكودا هنا تختلف عن التي في ال560 بالاضافة أنت لا تحتاج لكرت كهذا مع شاشتك
وفي النهاية الكرت سيأخذ مدة حتي يصل مصر وأيضا السعر سيكون فوق ال2200 جنيه تقريبا حسب الأسعار الحالية في مصر

[Just Hesham]

تمام , اولا شكرا جدا على مساعدتكم :)
بس فيه حاجتين صغيرين كدة هقولهم , الاول كنت حاسس ان الكارت مش مدينى كل طاقته او انه مش بيشغل العاب ع الهااى بس اكتشفت انى مكنتش فاتح الكورز .. يعنى كنت شغال على AMD Phenom II 555 .. لكن فاتحتهم حسيت بفرق كبير جداا الحمدلله ,,
ثانيا عندى ملحوظة صغير , الفرق بين الـ 660 والـ 670 فرق الميمورى إنترفيس .. وانا الاول اما كنت ناوى اجيب الـ 670 قالولى هيبقى عندى مشكلة عنق الزجاجة , فللأسف كدة مش هينفعلى الـ 660 .. فـ الحمدلله انا رضيت بالـ 560 وهو بقى تمام و GTA IV عملة فى حدود 60/70 فريم ..

[Ahmed Abdelwahab]

تمام , اولا شكرا جدا على مساعدتكم :)
بس فيه حاجتين صغيرين كدة هقولهم , الاول كنت حاسس ان الكارت مش مدينى كل طاقته او انه مش بيشغل العاب ع الهااى بس اكتشفت انى مكنتش فاتح الكورز .. يعنى كنت شغال على AMD Phenom II 555 .. لكن فاتحتهم حسيت بفرق كبير جداا الحمدلله ,,
ثانيا عندى ملحوظة صغير , الفرق بين الـ 660 والـ 670 فرق الميمورى إنترفيس .. وانا الاول اما كنت ناوى اجيب الـ 670 قالولى هيبقى عندى مشكلة عنق الزجاجة , فللأسف كدة مش هينفعلى الـ 660 .. فـ الحمدلله انا رضيت بالـ 560 وهو بقى تمام و GTA IV عملة فى حدود 60/70 فريم ..
الميموري انترفيرنس لن يفرق في الأداء أما بالاضافة لسبب نقص الأداء عندك فهو بسبب وجود عنق الزجاجة

[unexpected]

الميموري انترفيرنس لن يفرق في الأداء أما بالاضافة لسبب نقص الأداء عندك فهو بسبب وجود عنق الزجاجة
+
حاول كسر سرعة المعالج اكثر من ترددة الاصلي ان كنت تعمل على الترددات الاصلية