جهازى يتجمد والصوت يعلق أثناء تشغيله وأضطر لأعادة تشغيله (عنوان معدل)

[A.S.M.O]

السلام عليكم .. كل عام و انت بخير و عيد سعيد ... عندي مشكله في الجهاز مغلباني و مش عارف ايه السبب او ايه الحل و اقسم بالله زهقت و حاسس اني رميت فلوسي لما اشتريت جهاز جديد المهم المشكله هي انه الشاشه بتثبت علي ماهي عليه و الصوت يعلق (( مش بيرستر ولا بيدي شاشه زرقة هو فقط زي مقولت في السابق )) الموضوع ده بيحصل في اي وقت في الخمول و الضغط و اللعب و لما بتفرج علي افلام و لما بتصفح النت بتحصل في اي حاله و كمان و انا بعمل كوبي لدرجة اني مش عارف انقل حاجتي من الهارد القديم و غيرت الوندوس كذا مره و غيرت كارت الشاشه ركبت gtx 260 و غيرته و ركبت gtx 670 و اشتغلت علي الكارت المدمج في المعالج و بردو نفس المشكله و درجات الحراره طبيعيه جدا علي برنامج hw monitor انا بقيت تايه ارجو المساعده من الخبراء ارجوووووووكم انا نفسي افرح بالجهاز و اعرف العب زي الاول او اعد اكمل فيلم منغير يحصل كده

[ayoub_bob]

اخى
ضع صورة كاملة لقطع الهارد واير
من برنامج hw monitor
وايضا صورة للبرنامج
cpuz
وانتا واقف على الميمورى و SPD
احتمال يمكن فى تعارض او شيىء مع قطع الهاردواير
وانتظر رأى الاخوة الافاضل

[A.S.M.O]

دي الصور المطلوبه

1

https://www3.0zz0.com/2012/08/19/21/683704966.png (https://www.0zz0.com)

2

https://www3.0zz0.com/2012/08/19/21/205202742.png (https://www.0zz0.com)

[ayoub_bob]

أخى هل انتا كسر الرامات
لو كاسر رجع كل حاجة كما هى وشوف
طبعا انا مش خبير
بس لفت نظرى توقيت الرامات
وبالتوفيق اخى فى حل المشكلة

[A.S.M.O]

اخي الكريم انا مش كاسر سرعتها هي باصاتها 1866 و انا عامل xmp من البايوس .. معتقدش انها ليها علاقه ... و درجات الحراره كويسه علي ما اعتقد صح ؟؟

[ayoub_bob]

اخي الكريم انا مش كاسر سرعتها هي باصاتها 1866 و انا عامل xmp من البايوس .. معتقدش انها ليها علاقه
اة عشان كدة
غريبة والله اخى جهازك ماشاء الله
والمعالج رائع
بس مشكلتك غريبة
واسف لك على الخطاء

[A.S.M.O]

اة عشان كدة
غريبة والله اخى جهازك ماشاء الله
والمعالج رائع
بس مشكلتك غريبة
واسف لك على الخطاء



لا لا متتأسفش انت بتحاول تساعدني شكرا لك ... بس في سؤال هل درجات الحراره كويسه ولا ؟؟

[ayoub_bob]

لا لا متتأسفش انت بتحاول تساعدني شكرا لك ... بس في سؤال هل درجات الحراره كويسه ولا ؟؟

ماهو نوع المشتت
عشان هنا يوجد أخوة ماشاء الله عليهم
يستطيع يقول لك لو المشتت قوى ولا تعبان
بالنسبة للمعالج فى اعتقادى الحرارة كويسة
لانى سمعت عنة كثير فى ارتفاع الحرارة فى الكسر
==
وبالمرة اكتب لهم نوع الهارد
ونوع الباور
وبالتوفيق لك اخى الكريم فى حل المشكلة الرخمة هذة
لانة والله حرام طبعا لاتستمتع بالجهاز
تحياتى

[A.S.M.O]

المشتت العادي الي جاي مع المعالج و الهارد 1T.B BLACK و الباور crosair tx650m ... و يسمع من بقك ربنا نفسي افرح بيه و الله حاسس اني غلطت لما حدثت انا كان معايا q9550 و gtx 260 و كان شغال زي الفل و لما احدث يطلعلي مشكله زي دي حرام و الله

[ayoub_bob]

لاتزعل نفسك بأذن الله
يطلع مشكلة هايفة
فى أعتقادى اخى
المشتت الاصلى ضعيف على المعالج خوصا فى البلاد العربية
الحر عالى جدا
احتمال ممكن اخى يكون التجمد من الهارد
دة احتمال بس الذى سوف يفيدك اكثر
الاخوة الافاضل

[A.S.M.O]

اه منا ناوي ان شاءالله اغيره بس كده كده مش هكسر سرعته فهخلي المشتت الاصلي شهرين تلاته لحد مربنا يكرم بفلوس بس معتقدش انه له علاقه بالموضوع .. انا فعلا بعتقد انه المشكلة من الهارده برده ... و منتظر رد باقي الخبراء ارجو المساعده

[Ahmed.Elsayed]

تأكد أولاً من أن جميع توصيلات الباورسبلاى موصلة بشكل سليم وتأكد أيضاً بأن الهارد متصل بشكل سليم وتأكد أيضاً من وصلة الباور الخاصة بالباورسبلاى وتأكد بأن مروحة الباورسبلاى تعمل بشكل سليم

وبرجاء ذكر أسم الشركة المصنعة للباورسبلاى وقدرته بالوات وقم بذكر مواصفات جهازك بالكامل وإذا كنت تستخدم أى كروت داخلية أو أى أجهزة خارجية قم بذكرها

وقم برفع صورة لتبويب Health من برنامج HD Tune

[A.S.M.O]

اولا بشكرك علي متابعتك :) ... تأكدت من وصلات البور سبلاي و مروحته شغاله تمام نوعه Crosair tx650m و هو بقدرة 650 watt

مواصفات الجهاز كالاتي

cpu i7 3770k بالمشتت الاصلي

g.skill sniper 8gb 2 x 4gb 1866

Hdd w.d 1T BLACK

DVD asus

evga gtx 670 ftw

و مش مركب اي كروت خالص و مفيش اي اجهزه خارجيه

و دي الصورة المطلوبه و شكله في مشكله و الله اعلم انت ادري

https://im13.gulfup.com/2012-08-20/1345418497711.png (https://www.gulfup.com/show/X34v1n8fghiaso8)

[Jekopiano]

انا عندى نفس المشكله دى بس مع

MB : GIGABYTE GA-B75-D3H
PR : Core i3 2120
Ram : 4g Corsair
Case : Cooler master G334 + power supply 400 W
VGA : Geforce 210
ارجوك لو لقيت الحل قولى على mo7s3n@msn.com

وانا لو لفيت الحل هقولك بس ابعتلى رساله باميلك او برقم تليفونك

[A.S.M.O]

انا عندى نفس المشكله دى بس مع

MB : GIGABYTE GA-B75-D3H
PR : Core i3 2120
Ram : 4g Corsair
Case : Cooler master G334 + power supply 400 W
VGA : Geforce 210
ارجوك لو لقيت الحل قولى على mo7s3n@msn.com

وانا لو لفيت الحل هقولك بس ابعتلى رساله باميلك او برقم تليفونك

حاضر هقلك بس نلاقي الحل الاول .. بس قلي هاردك نوعه ايه

[Jekopiano]

حاضر هقلك بس نلاقي الحل الاول .. بس قلي هاردك نوعه ايه

WD 320 Blue قديم بس كان شغال عادى جداً مع الجهاز القديم عمر ما الجهاز وقف مره واحدة كدة

[hisoo]

اعتقد ان المشكله بالهارد ديسك حاول تغيره او انك تشتغل على هارد اخر وشوف كده وقولى .

[محمد سمير1]

اخي العزيز اعتقد والله اعلم انها من الرمات لان الحكاية دي حصلت معايا قبل كده وشلت رامه من الاتنين والجهاز دلوقت الحمد لله اشتغل تمام

[أبو قصي]

أخي اعمل Error Scan وأرفق النتائج.

[Ahmed.Elsayed]

التحذير الظاهر بالصورة يكون أحياناً بسبب مشكلة فى كابل نقل البيانات الخاص بالهارد فجرب أولاً تغييره وقم بالتأكد من أن جميع توصيلات جهازك سليمة وتأكد من أن المازربورد مثبتة جيداً فى الكيسة،

وقم بالدخول على التبويب Benchmark وقم برفع صورة لنتيجة الأختبار بعد الانتهاء منها،

ولقد قمت بتعديل عنوان الموضوع لأنه مخالف فبرجاء أختيار عنوان مناسب لموضوعك فى المرة القادمة،

وياريت من الأخ Jekopiano (https://arabhardware.net/forum/member.php?u=11282124) عمل موضوع خاص بمشكلته ولا يقوم بعرضها فى موضوع اَخر.

[Jekopiano]

التحذير الظاهر بالصورة يكون أحياناً بسبب مشكلة فى كابل نقل البيانات الخاص بالهارد فجرب أولاً تغييره وقم بالتأكد من أن جميع توصيلات جهازك سليمة وتأكد من أن المازربورد مثبتة جيداً فى الكيسة،

وقم بالدخول على التبويب Benchmark وقم برفع صورة لنتيجة الأختبار بعد الانتهاء منها،

ولقد قمت بتعديل عنوان الموضوع لأنه مخالف فبرجاء أختيار عنوان مناسب لموضوعك فى المرة القادمة،

وياريت من الأخ Jekopiano (https://arabhardware.net/forum/member.php?u=11282124) عمل موضوع خاص بمشكلته ولا يقوم بعرضها فى موضوع اَخر.

تم

[A.S.M.O]

دي نتيجيه ال error scan

https://www5.0zz0.com/2012/08/20/17/110420961.png (https://www.0zz0.com)

و دي نتيجة الbenchmark

https://www5.0zz0.com/2012/08/20/17/551634434.png (https://www.0zz0.com)

و بالنسبه للكبلات و الوصلات بدلتها و كله راكب تمام و المازر بورد مثبته كويس بال6 مسامير و كله تمام جوه الكيسه

[ayoub_bob]

اخى الكريم
المشكلة لسة كما هى معك
=
اية الشغلانة الذى تغيظ هذة
طيب انتا لديك 2 رام 8g صح ما تجرب كل رام لحالها
واذا لم تظهر مشكلة يبقى اكيد كدة المشكلة فى رام من ال2
او
جرب هارد اخر حتى لو كان قديم لديك
اذا ظلت المشكلة كما هى بعد كل هذة التجارب يبقى اكيد من الباور بيخرف او ممكن تكون نسيت تركيب كيبل ال 8 بن او ال6 بن

[Ahmed.Elsayed]

الهارد أدائه متذبذب بعض الشئ فجرب أعادة الأختبار فى وضع ال Safe Mode

[A.S.M.O]

الهارد أدائه متذبذب بعض الشئ فجرب أعادة الأختبار فى وضع ال Safe Mode
معلش ممكن تقلي ازاي اشغل الجهاز علي ال safe mode ?

[Ahmed.Elsayed]

أضغط f5 بشكل متكرر قبل الدخول على شاشة أقلاع الويندوز.

[A.S.M.O]

الصورة المطلوبه

https://www4.0zz0.com/2012/08/20/21/527806237.png (https://www.0zz0.com)

[ayoub_bob]

أخى الكريم
بعد كل هذة التجارب نصيحة
خذ الكيس الى الشركة الذى اشتريت منها التجميعة
وخليهم يشاهدو التجمد الذى يحصل معك
أكيد طبعا فى شيىء خطاء

[A.S.M.O]

أخى الكريم
بعد كل هذة التجارب نصيحة
خذ الكيس الى الشركة الذى اشتريت منها التجميعة
وخليهم يشاهدو التجمد الذى يحصل معك
أكيد طبعا فى شيىء خطاء


للأسف الجهاز متجمع من كذا مكان

[ayoub_bob]

للأسف الجهاز متجمع من كذا مكان
تصدق انا نفسى زعلان جدا
بس ربنا يسهل
المشكلة اخى للاسف ليس لديك امكانيات فى زيادة قطع الهارد واير
يعنى انا لدى مهندس صديق لى لو هذة المشكلة لدى كنت كلمتة وجاب لى من عندة هارد للتجارب علية او باور او حتى رامات
لانى وقعت زمان فى باور طلع عنية وكنت سوف اكسر الجهاز وكان جديد الجهاز
وفى الاخر طلع باور بيخرف رغم التحذير الذى يحصل فى التجمد انها الرامات
ربنا يسهل لك اخى الكريم فى حل المشكلة
==
ملحوظة
لو لديك اى برنامج حماية قم بحذفة
او متصفح غير الأكسبلورا احذفة ايضا
جرب
لن نخسر شيىء
===
واسف على أزعاجك