ماهو افضل هاتف يعمل بنظام اندرويد

[mohan3d]

السلام عليكم ورحمة الله وبركاتة

انا عايز اشترى هاتف جديد
والميزانية مفتوحة
وعايز اعرف اية المميز فية عن غيرة
واية العيوب وهكذا
و اخيرا
شكرا

[KTaTaElAhlawy]

Samsung Galaxy S3

مش محتاج اتكلم عن مميزاتة! اكتب بس في جوجل وحتقعد الالاف المواضيع والصور والفيديوهات عنة

[mohan3d]

بس انا شايف مقارنات كتير بينة وبين الوان اكس وبصراحة احترت بنهم

[DoCToR.TaHeR]

أري أن الجالاكسي S3 هو الأفضل بين الجميع حتي الأن .

[KTaTaElAhlawy]

دي مشكلة بيقع فيها اي حد حيشتري
وان اكس ولا ساموسنج
عموماً بعيداً عن مبيعات الجهازين التي تظهر بيع 10 مليون وحدة من S3 في خلال شهر مقابل مبيعات مخزية لـ HTC
الا ان اتش تي سي وان اكس جهاز جبار
لكن عيبة القاتل هو البطارية .. فالبطارية سيئة جداً ومش حترضي طموحك
علي العكس في اس 3 الكل يمدح البطارية
ايضاً السبب التاني في تصوير الفيديو جهاز ONE X بيسجل بـ 24 فريم في الثانية اما اس 3 بـ 30 فريم والصور في التصوير او الفيديو في اس 3 اوضح وافتح من وان اكس ( شوف برضة سيمبل للاتنين )
واخيراً شاهدت بعض مشاكل " لاج " في التنقل احياناً بين الصفحات " لا تحدث كثيراً " واذا فتحت تطبيق مصغر " ويجديت " وبة عدد من الاخبار قد تجد ثقل علي عكس اس 3
الاس 3 مشكلة مشابة تحدث ايضاً في بعض الاحيان وهو لما ترجع للقائمة الرئيسة قد تجد الايقونات تظهر تباعاً " لا تتكرر كثيراً " وذلك بسبب الرام وامتلاءة " اعتقد سيحل في تحديث جيلي بين في هذا الشهر "
اما اللي عجبني في وان اكس هو جودة التصميم والخامة بالاضافة لواجة السينس 4.0 ودعمة للبيتس اوديو ( طبعاً بالنسبة لي مش حشتري سماعة بيتس بنص سعر الموبايل تقريباً .. وكمان مش حسنخدمها :D ) يعني مش ميزة بالنسبة ليا
دة تقريباً الاختلاف اللي موجود في جهاز HTC ومش موجود في ساموسنج
اما مميزات S3 فكثيرة جداً منها Smart Stay وهي ان الجهاز بيفضل منور طول ما انت باصص لية وبصراحة ممتعة جداً لما تحس ان الجهاز بيتفاعل معاك
خدمة S Voice اللي هي شبية بـ Siri في ايفون
الزوم عن طريق مسك الجهاز بأصبعك والتقريب والابعاد ... الخ مميزات كثير حتلاقيها بنفسك

عموماً في حجات كثير ممكن اتكلم عليها لكن لازم تشوف بنفسك وتقرر
اتفرج علي فيديوهات كثير .. عربي واجنبي لحد ماتوصل لقرارك
للعلم وانا نازل اشتري كنت ناوي علي وان اكس .. ولما وصلت للمحل غيرت راي وجبت اس 3 والحمد لله كان اختيار موفق

موفق انت كمان في اختيارك ان شاء لله

[mohan3d]

دي مشكلة بيقع فيها اي حد حيشتري
وان اكس ولا ساموسنج
عموماً بعيداً عن مبيعات الجهازين التي تظهر بيع 10 مليون وحدة من S3 في خلال شهر مقابل مبيعات مخزية لـ HTC
الا ان اتش تي سي وان اكس جهاز جبار
لكن عيبة القاتل هو البطارية .. فالبطارية سيئة جداً ومش حترضي طموحك
علي العكس في اس 3 الكل يمدح البطارية
ايضاً السبب التاني في تصوير الفيديو جهاز ONE X بيسجل بـ 24 فريم في الثانية اما اس 3 بـ 30 فريم والصور في التصوير او الفيديو في اس 3 اوضح وافتح من وان اكس ( شوف برضة سيمبل للاتنين )
واخيراً شاهدت بعض مشاكل " لاج " في التنقل احياناً بين الصفحات " لا تحدث كثيراً " واذا فتحت تطبيق مصغر " ويجديت " وبة عدد من الاخبار قد تجد ثقل علي عكس اس 3
الاس 3 مشكلة مشابة تحدث ايضاً في بعض الاحيان وهو لما ترجع للقائمة الرئيسة قد تجد الايقونات تظهر تباعاً " لا تتكرر كثيراً " وذلك بسبب الرام وامتلاءة " اعتقد سيحل في تحديث جيلي بين في هذا الشهر "
اما اللي عجبني في وان اكس هو جودة التصميم والخامة بالاضافة لواجة السينس 4.0 ودعمة للبيتس اوديو ( طبعاً بالنسبة لي مش حشتري سماعة بيتس بنص سعر الموبايل تقريباً .. وكمان مش حسنخدمها :D ) يعني مش ميزة بالنسبة ليا
دة تقريباً الاختلاف اللي موجود في جهاز HTC ومش موجود في ساموسنج
اما مميزات S3 فكثيرة جداً منها Smart Stay وهي ان الجهاز بيفضل منور طول ما انت باصص لية وبصراحة ممتعة جداً لما تحس ان الجهاز بيتفاعل معاك
خدمة S Voice اللي هي شبية بـ Siri في ايفون
الزوم عن طريق مسك الجهاز بأصبعك والتقريب والابعاد ... الخ مميزات كثير حتلاقيها بنفسك

عموماً في حجات كثير ممكن اتكلم عليها لكن لازم تشوف بنفسك وتقرر
اتفرج علي فيديوهات كثير .. عربي واجنبي لحد ماتوصل لقرارك
للعلم وانا نازل اشتري كنت ناوي علي وان اكس .. ولما وصلت للمحل غيرت راي وجبت اس 3 والحمد لله كان اختيار موفق

موفق انت كمان في اختيارك ان شاء لله

انا كتير مبسوط بردك لاكن عندى بعض الملاحظات
اولا عن موضوع الصورة فى جلاكسى افتح لا الشاشة فى الوان اكس لونها داكن شوية وجودتها فى الوضوح اقوى
ثانيا بخصوص البطارية فهى مش ضعيفة جدا

واخيرا انا نويت اشترى الوان اكس بس لوتعرف مكان محترم ومضمون وسعرة كويس تدلنى

[KTaTaElAhlawy]

انا اقصد الصور في التصوير اي الكاميرا نفسها هي التي تخرج الصور والفيديو افتح في اس 3
اما شاشة الوان اكس فهي تحتوي علي سطوح اقوي من أس 3
وهذا لا يعني ان شاشة اس 3 سيئة .. فانا مثلاً اقلل السطوح للنصف تقريباً والوان الشاشة تنطق ما شاء الله!

البطارية بجد ضعيفة علي جهاز زي الوان اكس .. لو كانت البطارية اقوي لكان هو الجهاز الافضل
لكن صدقني البطارية لن ترضي طموحك باي شكل من الاشكال
عموماً لو مش هامك النقطة دي ممكن تتخلي عنها ..

ومبروك مقدماً

بخصوص الاسعار سعر الوان اكس في مصر اغلي من اس 3 بالرغم من ان السعر العالمي للاس 3 اغلي من الوان اكس
وسعرة بدون ضمان 3600 جنية
اما بالضمان فسعرة يتراوح ما بين 4250 الي 4650 ومن وجهة نظري الافضل شراءة من jovitronix لانة توكيل HTC في مصر

[mohan3d]

طيب بالنسبة للتوكيل دة فين و لو تعرف سعرة كام هناك

[mohan3d]

وفى استفسار صغير
هو بيدعم البيتس اوديو ودة كويس
بس لازم علشان استمتع بالخاصية دى اشترى سماعة بيتس اوديو ولا السماعة الى مع الجهاز تدعم البيتس اوديو

[KTaTaElAhlawy]

اخر مرة شوفتة في التوكيل كان 4444 جنية
عندنا في اسكندرية محل كبير في سموحة ومكتوب علية HTC في يافطة كبيرة
وفي صورة HTC ONE X كبيرة فوق المحل .. هو دة التوكيل
في 6 اكتوبر .. مول العرب تقريباً
والجيزة دة العنوان
17,El-mathaf el-zeraey& dr.shahin street., Infront of Ezz El-arab, below 6th october bridge, El-Agouza, Egypt.
ومدينة نصر دة العنوان
12,Omar ibn el-khattab st., infront of City Stars mall, Nasr City,Cairo, Egypt.

بالنسبة للسماعات .. فهو بيجي بسماعة عادية مش بيتس
ولو عاوز السماعات بتشتريها لوحدها .. وسعرها غالي :ah46:

[Hoka123]

اشتري Motorola Defy
هو ضد المياه و الأتربه و الخدوش و هذا مما يجعله احسن واحد في مجموعة غير ان الرام 1 جيجا و البروسيسور 1 جيجا و الكاميرا 5 ميجا على ما اعتقد
و هو في زهني احسن من مجموعة سامسونج كلها ..

[KTaTaElAhlawy]

اشتري Motorola Defy
هو ضد المياه و الأتربه و الخدوش و هذا مما يجعله احسن واحد في مجموعة غير ان الرام 1 جيجا و البروسيسور 1 جيجا و الكاميرا 5 ميجا على ما اعتقد
و هو في زهني احسن من مجموعة سامسونج كلها ..

يا باشا الهاتف دة قديم وامكانيتة عادية بالنسبة لجهاز زي ساموسنج S3 او HTC ONE X

[Hoka123]

يا باشا الهاتف دة قديم وامكانيتة عادية بالنسبة لجهاز زي ساموسنج S3 او HTC ONE X
انا متأسف جداً الرامات 512 ميجا .. مش 1 جيجا اسف لعدم قرأتي جيداً
هو فعلاً s3 و one x موبيلات احسن من الموتورلا لكن سعرها مبالغ فيه و هم مش ضد المياه او الخدوش او الأتربه للأسف :(
بعدين بص على الأستهلاك المصري 100%
لما يكون عندك حاجه ضد المياه و كفائتها ممتازه و التاتش سريع و محدش بيشتكي منه و سعره قصاد امكانية..
و هتستقر مع الموبيل مده طويله
و انا بتكلم على Motorola Defy Plus مش ال mini اسف لعدم التوضيح
و هنا لينك بالمواصفات:
هنا (https://appliance-eg.com/ProductDetails.aspx?ID=1456) للموتورولا

[KTaTaElAhlawy]

سعر الوان اكس مبالغ فية في مصر اتفق معك!
لكن سعر الاس 3 تقريباً نفس السعر العالمي من غير ضمان
والضمان بيزيد شوية 4200 جنية دلوقتي

بس الجهاز دة اقل كثير من اللي الاخ mohan3d طلبة!
الرام 512 فقط
والذاكرة الداخلية 2 جيجا فقط
الكاميرا 5 ميجا فقط وتصوير الفيديو عادي
ولا يوجد كاميرا امامية
وكمان يعمل علي اندويد 2.3 علي ماعتقد ولا اعرف هل تم ترقيتة الي الايس كريم ساندوش ام لا

اما بخصوص اس 3 مثلاً فلو حبينا نقارن " ولا يوجد وجة للمقارنة "
الرام 1 جيجا
والكاميرا 8 ميجا بيكسل وفلاش والفيديو بدقة 1920×1080 بسرعة 30 اطار بالثانية وعلي 720P بسرعة 60 اطار في الثانية
والكاميرا الامامية 1.9 ميجا بيسكل والفيديو للمكالمات 720P HD
والذاكرة الداخلية 16 جيجا مع امكانية الرفع لـ 64
ويعمل علي اندوريد 4.0.4.4 .. وينتظر تحديث الجيلي بين 4.1 خلال ايام قليلة
دة بالاضافة لدقة الشاشة وحجمها في لانها صغيرة في الموتوريلا 3.7 انش اما الاس 3 4.8 انش وهي جيدة لمشاهدة الافلام والتصفح براحة تامة
دة غير كثير من الحجات الكثيرة جداً

وموضوع المياة دة جيد .. لكن انا مش شايف انها ميزة للدرجة اللي تخلية يجيبة ويتخلي عن شئ افضل لان انا ححافظ علي جهازي كويس
يعني اكيد مش حروح بية في البحراو اقف امسكة وانا بستحمي

هو طلب افضل شئ واحنا بنصحة بالافضل
لو يحب حاجة اقتصادية كان قال يبقي هو يختار
وشكراً للتوضيح يا باشا :)

[Hoka123]

اشكرك على هذا الرد , لك تقييم :)
لو اراد فعلاً موبيل غالي انا مع ال HTC One X & Samsung G S3 & Sony Xpiera Acro S

[mohan3d]

انا فعلا اشتريت امبارح جلاكس اس 3 فعلا هاتف روعة
وشكرا للجميع على الرد

[KTaTaElAhlawy]

الف مبروك الجهاز واي استفسار انا موجود

Sent from my GT-I9300 using Tapatalk 2