طلب شراء مازر بورد جديده

[mahmoud-nadal]

السلام عليكم ورحمه الله وبركاته
انا هشترى جهاز جديد ان شاء الله واستقريت على البروسيسور الايى فى بريدج
3450 intel i5
وهجيب رامه قطعه واحده 4 جيجا باص 1333
وكيسه thermaltake 400 watt
وفيما بعد هشترى ان شاء الله كارت شاشه 6670 1G ddr 5 saphere
لو سمحتم يا اخوانى انا دلوقتى محتار بين البوردات دى

Gigabyte Ga-H61m-s2p-B3 socket1155 350LE
ناس كتير استخدموها وشكروا فيها


ASUS P8H61-M LX Socket 1155 (https://www.********.com/product.php?id=15361) 360 LE
بيقولولى فى مول سوق العصر ان الاسوس دى افضل من الجيجا بايت وكمان توزيع المكونات على البورده افضل وافضل فى التبريد وعشان كدة اغلى 10 جنيه من الجيجا بايت ايه مدى صحه الكلام دة وياريت يكون عن تجربه شخصيه لكم


ASRock H61DE/S3 Socket 1155 Motherboard 460 LE
ASRock H61iCafe Socket 1155 Motherboard 490 LE
وللعلم اخر بورده icafe دى مش لاقيها كتير فى مول سوق العصر بروكسى وسعرها غالى جدا 490 جنيه طب ما كدة الاحسن اجيب بورده بشريحه B75 ب520 جنيه فقط

وطبعا دى البورده الوحيده بشريحه H61 اللى بتدعم يو اس بى 3 وساتا 3 وكمان فيها 4 بنك رام وسوكيت للشاشه هل دة مش هيأثر على اداء الشريحه فيما بعد لان عليها ضغط وشغل كتيير وما الفرق بينها وبين البورده الاخرى من الاس روك DE/S3
عايزبورده تقدم افضل اداء بالنسبه للسعر وللعلم هركب على البورده بروسويسر i5 3450 Ivybridge

واسف جدا جدا على الاطاله
ومنتظر ردودكم واقتراحتكم

[SemsemBanhawy]

يعني 10 جنية هيا الي هتفرق في التبريد وفي المكونات يا راجل كبر دماغك
ASRock H61iCafe Socket 1155 Motherboard 490 LE
الآفضل وسعرها 460 مش 490 والآفضل منهم الـ Gigabyte B75

[ARC.YORA]

هقولك خبر حلو انا لسه شاريهاh61 من يومين ب440 هيص 20جنيه تانى توفير اهى :)

[Keko AmaR]

gigabyte h61m s2p و asus p8h61 و ASROCK h61DE كلهم كويسين اووووى وبيدو نفس الاداء
بس icafe احسن منهم

[mahmoud-nadal]

الف الف شكرا يا جماعه وبصراحه انا كنت بفكر فيها اكتر من الاول بس لقيت الفرق فى السعر كبير على اساس 490 وساعتها فكرت انى اجيب جيجا بايت بشريحه b75 ب520 واكيد هيبقى افضلى
بس انا خايف من اسم اس روك لانى اول مره هتعامل معاها تعاملى كله كان مع جيجا بايت واسوس هل دلوقتى اسم اس روك موثوق فيه زى جيجا بايت واسوس ولا لسه شويه
والاستاذ سمسم بنهاوى هو طيب b 75 تفرق فى ايه عن الاس روك اى كافيه وهل الفرق 70 جنيه زياده فى الجيجا بايت b75 دة يستاهل انى اجيبها ولا مادام الاتنين نفس الامكانيات يو اس بى 3 وساتا 3 ونفس بنكات الرام والسوكيتات يبقى خلاص الفرق مش مهم اوى
والاخ ارك يورا احب اقولك الخبر دة اخلى خبر سمعته فى العيد :] بس ياترى اشتريتها منين بالسعر دة
وطبعا مشكور كيمو عمار :]

[Ahmed Abdelwahab]

الأسروك ماركة معروفة جدا ومن أفضل الماركات حاليا ولوحة icafe تحقق مبدأ الأداء مقابل السعر بشكل قوي جدا مثل باقي لوحات أسروك (وحسب علمي أسروك كانت تعتبر شركة فرعية من Asus)

[mahmoud-nadal]

الف شكر يا استاذ احمد كدة انت بتخلينى ارجح كافه الاس روك اكتر مادام من اسوس وفى انتظار رد و اراء باقى الاعضاء المحترمين وياريت اعرف ايه اللى يفرق بين icafe وبين البورده جيجا بايت بشريحه b75 ب 520 جنيه وايهما افضلى وهل فرق السعر يستاهل انى اجيب الجيجا بايت

[SemsemBanhawy]

لا فرق في المميزات ولن يحصل تغير في الآداء
غير ان البوردة B75 تصنيع حديث يعني بوردة حديثة من جيجا بايت
وأنا ارشحها لك وشركة ASRock شركة معروفة ومشهورة وليها منتجات صاحبة كفائة

[mahmoud-nadal]

بصراحه يا جماعه انا خلاص بنسبه كبيره استقريت على الجيجا بايت H61 ب 345 جنيه لان اول حاجه كدة كدة ادائها مش بيفرق عن B75 اللى ب 520 جنيه ولاقيت نفسى مش هستخدم الامكانيات اللى فى البورده B75 ولا اللى فى الاس روك سواء بقى sata 3 ,usb3 او 4 بنوك رام او قوه شريحه او سوكتين لكارت الشاشه وكدة كدة الاداء واحد وهستفاد بكامل قوه البروسيسور يبقى اوفر الفلوس احسن واجيب كيسه بباور قوى فيما بعد او كارت شاشه قوى او لو فى بروسيسور اغلى من 3450 حاجه بسيطه بالكتير 100 جنيه ممكن تقولولى عليه
والف الف شكر لكل من شارك فى الموضوع وجزاكم الله خير

[SemsemBanhawy]

بالتوفيق في الشراء
أبقا اخبرني أداء الجهاز والقطع

[mahmoud-nadal]

الله يخليك يا غالى وان شاء الله نازل النهاردة بالليل اشتريه واقولكم ايه الاخبار والتجميعه فى الاخر هتبقى :
processor I5 3470 3.2Mhz/6M :1175
لانى نزلت امبارح مول سوق العصر ولقيت دة فى نفس سعر I5 3450 3.1 فا قولت طبعا اجيبه حتى لو الادء مش هيفرق اوى ياترى ايه رأيكم فيه
والبورده ان شاء الله H16 سواء جيجا بايت او اسوس ياترى مين فيهم افضل لانى بلاقى فى اى تجميعه الناس بتكتب الجيجا بايت فا ياترى انهى ادائها ثابت ويستحمل اكتر والاتنين طبعا اكيد من شركات قويه
والكيسه
جنيه 375 :Thermaltake midtower 450 watt V3
والرامه 4 جيجا كنج ستون
وفيما بعد ان شاء الله هجيب كارت شاشه 6670 او 6770 ATI
وياريت لو فى حاجه فى نفس سعرهم او حل وسط بينهم تقولولى وايه المكافئ لهم فى شركه جى فورس و ياترى الباور كافى لهم والتوافق مع التجميعه كويسه ولا فى مشكله
ياريت تقولولى ايه رأيكم فى التجميعه ككل والف الف شكر على تعبكم ومتابعتكم معايا

[azzelden]

خليك فى البورده الجيجا بايت افضل او الاسوس والباور كافى لاى كارت من الكارتين دول

[mahmoud-nadal]

خليك فى البورده الجيجا بايت افضل او الاسوس والباور كافى لاى كارت من الكارتين دول
انا والله نزلت النهاردة اجمع التجميعه دى بس للاسف نزلت متأخر والمحل كان فى حاجات مش عنده زى البروسيسور فا قالى مش هعرف اجيبلك البروسيسور دة حاليا وقالى الاسعار بصراحه ارخص من اى حته شوفتها قالى البروسيسور 1150 جنيه والبورده 340 وكمان شوفتها فى محل اخر ب 335 والرامه 130 والكيسه V3 ب370 والدى فى دى سامسونج ب 110 والاسوس 24 افضل لانه 24 اكس ب 120 يعنى التجميعه كلها 2100 جنيه
بس برده لما نزلت معظم الناس قالولى كل اللى يركب البروسيسور دة على بورده بشريحه اتش 61 مش فاهم حاجه وبتاع والكلام اللى بنقولهولك دة عن تجربه والبورده دى تتركب مع i3 حلو اوى انما مش I5 هو اة يشغلها بس هتسخن منك والبروسيسور حرارته هتعلى ومش هيدى كامل ادائه وعمر البورده هيقل لانها على طوول هتبقى تحت ضغط وشغاله باكبر قوه ليها والناس دى بصراحه توهتنى بعد ماكنت خلاص استقريت على الجيجا بايت اتش 61

[Haythamovic]

بقولك اللي اتقلك ده اي كلام وديه اشتغالة اساسا مفيش حاجة اسمها ان البوردة تسخن من البروسيسور او العكس

[Haythamovic]

ياباشا الناس اللي جايبة بروسيسور i5 العادي جايبة بوردة بشريحة 61 مبيحصلش معاها الكلام ده

[mahmoud-nadal]

انا خلاص نازل كدة كدة هجيب الاتش 61 النهاردة بالليل لانى زهقت وزهقتكوا معايا بس معلش
ودة موقع اجنبى بيقول ان الافضل تركب مع البروسيسور I5 شريحه H77 ومع I3 ركب شريحه H61
recommended chipset H77 بالنسبه I5
recommended chipset H61 بالنسبه I3

https://hothardware.com/Reviews/Intel-Core-i53470-QuadCore-CPU-Review/ (https://hothardware.com/Reviews/Intel-Core-i53470-QuadCore-CPU-Review/)

واعتقد المواقع الاجنيه بتتكلم كلام علمى برده بس يمكن كاتبين كده وحضرتكم اكيد بتقولوا الكلام عن تجارب معاكم او مع حد تعرفوه واختبارات
بس انا كدة كدة هجيب H61 ان شاء الله لان الفرق بين الشريحتين كبير او شريحه B75 يصل حوالى 170 جنيه ودول اوفرهم احسن عشان ازود كارت الشاشه

[SemsemBanhawy]

الكلام غير صحيح ولو أنت متردد وعاوز تريح دماغك هات B75 والـ 150 ج مش هيفرقو مع كارت الشاشة
النقلة الي بتحصل في أداء كارت الشاشة لما بتجيب فئة بدل فئة يعني مثلا 7850 بدل 7770
مش 7770 بدل 7750

[mahmoud-nadal]

الحمد لله انا اشتريت الجهاز وبصراحه بعد ما الناس هنا نصحتنى بالاتش 61 وكنت خلاص هجيبها فكرت انى ما اجبش دى فى دى ساتا واخلى الدى فى دى الداتا اللى عندى زى ماهو واجيبله كونفرتر لتسطيب الويندوز وبفلوسه جيبت البورده B75 عشان ابقى فى المضمون وكدة كدة انا مش بحتاج الدى فى دى فا خليت الراجل يسطبلى ويندوز عنده ويعرفلى البورده وكل حاجه
وكدة التجميعه i5 3470 3.2 Mhz و وبرده B75 و ما كلمتوش فى موضوع تحديث اليايوس دة لان تقريبا فهمت ان تحديث اليايوس على الاتش 61 فقط مش B75 ولانى كدة كدة لقيت البروسيسور اشتغل الحمد لله و الرامه نسيت خالص انى اجيب رامتين 2*2 جيجا عشان الديوال شانل وعشان كدة كدة عندى 4 بنك رام فا ملوش لازمه اجيبها قطعه واحده وجيبت الكيسه Thermaltake V3

[mahmoud-nadal]

بس فى مشكله يا اخوانى دلوقتى انا بعد ما جبت الجهاز دخلت على برنامج التعرف على مواصفات الجهاز cpuz
وبصراحه لقيت حاجات غريبه شويه لقيت كل اللى موجود عن البروسيسور مختفى مش ظاهر غير الفولت والكاش كور سبيد 3.1 مع انى شوفت صور لنفس البرنامج على نفس البروسيسور ولقيت البروسيسور مكتوب تفاصيله اكتر من كدة


https://i49.tinypic.com/efnite.jpg
وصفحه الكاش للبروسيسور فى البرنامج لقيتها مظبوطه الحمد لله

ودة صفحه المازر بورد اعتقد كله تمام والبيوس الفيرجن بتاعه F3


https://i47.tinypic.com/suzxvk.png

وصفحه الرامات قاريه عندى سرعه الرامات 3.4 كدة كان احسنلى اجيب الرامات قطعتين عشان يقروا اعلى من كدة ولا كانت هتبقى هى هى ؟

اما الحاجه برده اللى مستغرب منها هو بيانات كارت الشاشه الخاص بالبروسيسور 2500 HD
برده حاسس ان فى حاجه غلط او مش قارى التعريق كويس او حاجه نتيجه اصدار البايوس لاقد الله ولا حاجه ياريت تطمنونى

https://i45.tinypic.com/vicig3.png

وبرده دى صوره ببرنامج Gpu لكارت الشاشه


https://i46.tinypic.com/20hooeq.gif_

وطبعا الحمد لله بعد ما اشتريت الجهاز احب اشكر كل الناس اللى ساعدتنى فى المنتدى وياريت تقولولى ايه رأيكم فى الصور دى لانى خايف من موضوع البايوس دة بس تقريبا برده مادام ما البروسيسور اشتغل كدة يبقى خلاص وياريت تقولولى انا كدة صح ولا لأ لما أجلت شويه الدىفيدى وجيبت بورده B75 وياريت اعرف انزل تعريفاتها منين من على النت عشان تبقى تعريفات مضمونه
والف الف شكر مره تانيه ومعلش طولت عليكم كالعادة :)

[pepsodent]

نزل اخر نسخة للبرنامج الى هى 1.61 و ارفع الصور

[pepsodent]

بالنسبة للتعريفات فيكفيك تعريفات الى موجودة على الاسطوانة الخاصة بالتعريف اما لو تعريفات ويندوز 8 فهتلاقيها على موقع البوردة


https://www.gigabyte.com/products/product-page.aspx?pid=4150#dl

[mahmoud-nadal]

https://i45.tinypic.com/2qsxfgy.jpg


https://i46.tinypic.com/30hqzp4.png

و دى الصور بعد ما حدثت البرنامج واعتقد كدة كل شئ طبيعى الحمد لله بس كنت شوفت الصوره دى واللى اعرفه ان البروسيسور بتاعى مش اخره K وملوش كسر سرعه اممال الصوره دى ازاى البروسيسور واصل للمستوى دة وكمان معامل الضرب مختلف عندى 34 اكس مع انه المفروض 16 معرفش ازاى ياريت حد يوضحلى الكلام دة
https://i47.tinypic.com/9u9p1w.jpg

وازاى اعرف ازا كان الويندوز بتاعى 32 بت ولا 64 وايه الفرق اساسا عشان لما اجى انزل ويندوز من على النت يكون 64 بت مش 32
واللى عنده برنامج دايركت اكس كويس عشان اشغل بقى الالعاب على كارت الشاشه بتاع البروسيسور 2500 واشوف ادائه ايه ياريت يقولى انزله منين او انهى نسخه من برامج دايركت اكس
واسف على الاطاله

[pepsodent]

البروسيسور هو هو بس الصورة التانية البروسيسور شغال باقصى قوته شغل برنامج prime95 وهو هيوريك

بالنسبة للويدوز فا انت لو ويندوز 7 دوس كليك يمين على computer ثم proprerties هتلاقى مكتوب system type لو قدامه 32 يبقى النسخة بتاعتك 32 ولو قدامه 64 هيبقى مكتوب 64 بالنسبة للفرق بين 32 و 64 هو ان 32 بتقى اخرها 3.5 جيجا رامات اما 64 فبتقرى لحد 164 جيجا رامات

بالنسبة للداركت اكس فنزل الاداة ديه وهى هتنزلك كل الملفات الى ناقصة

https://download.microsoft.com/download/1/7/1/1718CCC4-6315-4D8E-9543-8E28A4E18C4C/dxwebsetup.exe

[mahmoud-nadal]

الف الف شكر يا غالى على متابعتك والحمد لله الالعاب اشتغلت بس احب اعرف هل لعبه GTA IV تشتغل على الكارت المدمج للبروسيسور دة ولا لأ وياريت اعرف برامج زى بت كومت وبت تورنت اللى ممكن لو الدون لوود وقف اكمله لانى ساعات بنزل العاب من المواقع او حتى من البرامج زى دى واكتشف فى الاخر انها مش شغاله كويس او فيها مثلا ملفات ناقصه ياريت تقولى اعمل ايه يا باشا لاتى محتاج انزل كل الالعاب الجديده والقويه

ودى صور للبروسيسور بعد ما عملت تحديث للبرنامج

https://i50.tinypic.com/2diejwm.jpg

صور للرامات

https://i46.tinypic.com/30hqzp4.jpg
وشكرا مره اخرى بس معلش ياريت تقولى اعمل ايه فى موضوع الالعاب دة

[SemsemBanhawy]

الف مبروك الجهاز
بالنسبة للآلعاب فا المشكلة بتكون في الروابط حاول تحمل من مكان يكون كويس وحد حمل من اللينكات بتاعتة كتير
ولو النت عندك مش كويس حمل الآلعاب اجزاء بالدون لود العادي

[احمد دهمه]

اولا الف مبروك على الجهاز وربنا يبارك لك فيه**
بالنسبة للبروسيسور CORE I5 3450 & 3470 كارت الشاشه الخاص بالبروسيسور 2500 HD ولا HD 4000 ولافيه موديل معين 2500 وموديل اخر 4000

[mahmoud-nadal]

اولا الف مبروك على الجهاز وربنا يبارك لك فيه**
بالنسبة للبروسيسور CORE I5 3450 & 3470 كارت الشاشه الخاص بالبروسيسور 2500 HD ولا HD 4000 ولافيه موديل معين 2500 وموديل اخر 4000




لأ يا غالى كارت الشاشه اللى مع البروسيسور دة 2500 مش 4000 بس هناك موديلات معينه فقط من بروسيسورات I5 هى اللى الكارت الشاشه بتاعها 4000 لان كارت الشاشه دة موجود فى بروسيسورات I7 اساسا ونزل لبروسيسورات معينه فى I5 ومش منهم طبعا 3470

[احمد دهمه]

لأ يا غالى كارت الشاشه اللى مع البروسيسور دة 2500 مش 4000 بس هناك موديلات معينه فقط من بروسيسورات I5 هى اللى الكارت الشاشه بتاعها 4000 لان كارت الشاشه دة موجود فى بروسيسورات I7 اساسا ونزل لبروسيسورات معينه فى I5 ومش منهم طبعا 3470
طيب ماتعرفش ايه الاصدارات اللي كارت الشاشة الداخلي فيها 4000 من سلسلة core i5
ال i3 كارت الشاشة الداخلي بتاعه 2000 وال core i5 2500k HD3000
ولك الشكر

[amar_2009]

السلام عليكم ازيك استاذ محمد الف الف مبروك على الجهاز جديده بس كنت عاوز اسالك سؤال حضرتك طب بدل ما تجيب الجهاز ده كلها مش كان احسلك انك تجيب لاب توب ديل او سونى حتى كان افضلك منهم انما بصراحة انا كنت عاوز فى الاول بعمل زيك انا عندى كيسه كويسه جدا وعندى الهارد 500 جيجا تمام وعندى اتنين دى فى دى واحده ساتا واحده داتا تمام ف انا كنت عاوز اجيب مارز بورد محترم يكون امكانيات عالية عشان مش افكر فى تانى تمام انما كان واقف عليا البروسيسور غالى جدا جدا جدا وحرام بجد يعنى لو نزل فى سرعة شوية ف قولت بلاش اجيب مارز بورد ولا كلام ده فكرت اجيب لاب توب احسن وشكرا