( مصر ) افضل تجميعة جهاز كامل ب 4000

[stara304]

بسم الله الرحمن الرحيم

- أقصى ميزانية محددة: 4000
- استخدامك للجهاز: ألعاب كمبيوتر - العاب بلاى ستيشن واكس بوكس بالمحاكى
- حجم الشاشة و الدقة (Resolution) التي تستخدمها: لا يوجد ارغب فى شراء شاشة 23 بوصة نحيفة يعنى LED لانى تعودت على ال 19 وارغب فى التجديد
- القطع التي تنوي شراءها: جهاز كامل مع الشاشة
- القطع التي ستعيد استخدامها من الجهاز القديم: لا شيء
- ميعاد شراء الجهاز: بعد أسبوع
- مكان الشراء: القاهرة
- محل سكنك: القاهرة

[Mahmoud Essam]

شكرا على إلتزمك بقوانين المنتدى و إليك هذه التجميعة :
Intel® Core™ i5-2500 3.3GHz : 1140 LE
ASRock H61M-DGS Socket 1155 : 290 LE
Kingston ValueRAM 4GB DDR3 1333MHz : 135 LE
WD Caviar BLUE WD5000AAKX 500GB SATA 6GB/s 16MB Cache : 375 LE
SAPPHIRE AMD Radeon HD 6870 1GB GDDR5 : 1150 LE
Samsung SyncMaster S20B300B 20 inch LED LCD monitor : 670 LE
CORSAIR CX430 V2 80 PLUS PSU : 295 LE
TOTAL : 4055 LE
هذه التجميعة بها شاشة 20 بوصة لان الشاشة 23 بوصة دقتها 1920x1080 و هذه دقة عالية و اقل كرت معاها لكى يعمل بكفائة هو HD 7850 بسعر 1480 ج و كرت HD 6870 سيعمل معاها بكفائه بس الميزانية هتزيد عن 4055 ج يعنى لو الميزانية مش هتزيد عن 4000ج و وضعت شاشة 23 بوصة بسعر 945 ج هيبقى كرت الشاشة HD 7770 و ادائه هيبقى ضعيف مع شاشة 23 بوصة .

[stara304]

تجميعة ممتازة
ولكنى ليا استفسارات
هل التجميعة دى تقدر تشغل العاب البلاى ستيشن 3 بالمحاكى ام لا
وهل البروسيسور ال 2500 افضل من 3450
وليه اجيب باور لما ممكن اجيب كيسة بباور زى
Thermaltake Commander MS-I Mid Tower Desktop Case + 450W PSU
وهل الكارت ال 6870 من الكروت العالية ام من المتوسطة
وهل التجميعة كدا متوازنة ولا الافضل ان البروسيسور يكون ارخص وكارت الشاشة يكون اغلى
وليه مقدرش اشترى شاشة 23 هل سيحدث تقطيع فى الالعاب
وبالنسبة للكارت ال 7850 هل اقدر اشتريه يوسد كسر زيرو
معلش الاستفسارت كتير بس دا جهاز العمر لانى مش بجدد الا كل فين وفين

[Mahmoud Essam]

بص هوه حوار المحاكى دة مش قياس لان المفروض الجهاز دة بيشغل اقوى لعبة كمبيوتر لكن المحاكى ممكن تلاقى تقطيع دة مش من الجهاز لكن من المحاكى نفسه بيبقى عيب فى البرنامج نفسه يعنى مثلا محاكى PS2 كان اول لما نزل بيبطئ على اقوى الاجهزة لكن لما نزل منه اصدارات احدث بقى بيشتغل من غير تقطيع على نفس الاجهزة لانه بيبقى ناقص و به عيوب . و بروسيسور 3450 افضل من 2500 بس مش بفارق كبير و التجميعة محططش فيها بروسيسورi5 3450 لان محتاج على الاقل بوردة GA-H61-S2P-B3 و هذه البوردة بسعر 350 ج يعنى لو عايز تشترى i5 3450 يبقى اشترى معاه هذه البوردة . بالنسبة للكيسة برضوا محططهاش عشان الميزاينة و كمان الباور اللى فى التجميعة اقوى من اللى فى هذه الكيسة . كرت HD 6870 من كروت الفئة العليا . نعم التجميعة متوازنة لانك لو خفضت المعالج و عليت الكرت هيحدث عنق زجاجة فلو عايز تعدل فى التجميعة يبقى تشترى كرت شاشة اعلى لكن تقلل البروسيسور مينفعش . هوه شاشة 23 مش هيحدث بينها و بين كرت HD 6870 تقطيع حاليا لكن فى المستقبل هيحدث لان اقل كرت ليعمل بكفائة فى المستقبل مع شاشة 23 هو HD 7850 بسعر 1480 . بصراحة انا معرفش فى المستعمل و كسر الزيرو لانى مشترتش مستعمل قبل كدة .

[sherif_ahmed]

تجميعة الأخ محمود ممتازه
بس الأفضل تجيب باور 500 واط ذي ده مثلاً

Cooler Master Extreme 2 525W PSU ..... 325 LE
وعلي فكرة كارت الــ 6870 من الكروت الممتازه وأعلي كارت في فئة الــ 6xxx